Оналар Канали

2024-04-02 04:01:32 Ассалому алайкум Азизлар!!!

Рамазоннинг 23-куни муборак бўлсин!

Роббимнинг марҳамати ила берилган яна бир янги тонг янги кун барчамизга муборак хайрли бўлсин!
Илохим хар бирингизнинг кўнглингиз
ХОТИРЖАМЛИКни,
Юзингиз ТАБАССУМни,
Хонадонингиз БАРАКАни,
Ҳамёнингиз ДАРОМАДни,
Қалбингиз ИЙМОНни,
Танингиз САЛОМАТЛИКни,
Юрагингиз МЕХРни,
жигарингиз ОҚИБАТни ЙЎҚОТМАСИН!

Кунингиз мазмунли ва файзли ўтсин!

https://telegram.me/+TvtkEzLNY9xZb6Jw Ochish/sharhlash

2024-04-01 19:30:28 Бир янги уйланган йигит тақдиридан қувониб, мақтанибди:
- Амаки, келинингиз шундай назокатли, фаросатлики, сиз билмайсиз.
Амакиси жиянига насиҳат қилиб ўтирмай, оқшомда уйимга меҳмон бўлиб кел деб тайинлабди.
Жияни келгач, амаки хотинига тарвуз олиб келишни буюрибди. Хотин олиб келибди.
Амаки тарвузни кўриб: «Буниси яхши эмас, бошқасини олиб кел», дебди. Хотин итоат билан иккинчисини олиб келибди. Шу тарзда эрнинг хоҳишига қараб ўн марта бошқа тарвузга қатнабди. Аммо лом-мим демабди. Жияннинг таклифи билан эртасига амаки меҳмонга борибди.
Жиян ҳам хотинига тарвуз келтиришни буюрибди.
Биринчи тарвузни кўриб: «Бу яхши чиқмайди, бошқасини олиб кел», дебди.
Жувон итоат билан иккинчи тарвузни олиб
келибди. Жиян бундан мамнун бўлиб, амакисига «кўрдингизми!» дегандай кулиб қарабдида, «бу ҳам бўлмайди, бошқасини олиб кел», дебди. Учинчи тарвузни ҳам бўлмайдига
чиқариб қайтармоқчи бўлганида жувон:
- Нима, бир арава тарвуз тушириб қўйганмисиз, ҳали унисини, ҳали бунисини олиб кел,
деяверасиз. Бор-йўғи учта тарвуз бор уйда, ёқмаса турингда, яхшисини ўзингиз танлаб
олинг. Мен танлашни билмайман!-деб норозилигин баён қилибди.
Шунда амаки жиянига деган экан:
- Кўрдингми, болагинам, сен кўпам мақтанавермагин. Менинг уйимда бир донагина тарвуз бор эди. Хотиним яхши феълли, фаросатли бўлгани учун менга эътироз билдирмай ўша битта тарвузни ўн марта олиб келди. Лекин бирон марта итоатсизлик билан гап қайтармади,
лабини ҳам бурмади.

Сўфи Оллоҳёр ҳазратлар дейдиларки:

Сирин фош айламас, гар ғамда бўлсун,
Агар танг бўлса, айтур: «Бўлса – бўлсун».

Дейилмоқчиким: яхши хотин ўзи аламда бўлса ҳам, эрнинг сирин асло фош айламас. Агар
рўзғори тангликда қолганини биров айтса, эслатса ҳам «бўлса бўлар, эртага Худо бериб
қолар», деб ўзга сўз айтмас.

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-01 14:00:23 Она оғримасин

Бу дунё аслида азалдан бир кам
Ишлари битмайди битмайди ҳеч ҳам
Майли мен чидайман нима бўлса ҳам
Лек она кўнглига ғашлик тўлмасин
Она оғримасин касал бўлмасин!!!

Сен оғринсанг сендан ортиқроқ куйган
Ўттизга кирсанг ҳам эркалаб, суйган
Хатто озор берсанг шўхликка йўйган
Она кўнглига ҳеч ғашлик тўлмасин
Она оғримасин касал бўлмасин!!!

Ҳар қандай дардга ҳам қилолган тоқат
Асли сен билмаган дардлари қат-қат
Сенсиз томоғидан ўтмаган овқат
Она кўнглига ҳеч ғашлик тўлмасин
Она оғримасин касал бўлмасин!!!

Дунёда фақат у болам деб ўтар
Ранжитсанг индамай ичига ютар
Тўртта нонингнимас меҳрингни кутар
Она кўнглига ҳеч ғашлик тўлмасин
Она оғримасин касал бўлмасин!!!

Қуёшдек таратиб турар дунёни
Бир қўлда тебрата олар дунёни
Қилса чин дилидан қилар дуони
Она кўнглига ҳеч ғашлик тўлмасин
Она оғримасин касал бўлмасин!!!

Дилкашдир сен учун овворагина
Куюнсанг кўз ёши фавворагина
Дунёда энг ғариб бечорагина
Она кўнглига ҳеч ғашлик тўлмасин
Она оғримасин касал бўлмасин!!!

Сочга оқ тушмасин тағин сен сабаб
Кўзлари толмасин асло йўл қараб
Борида корига тургинда яраб
Она кўнглига ҳеч ғашлик тўлмасин
Она оғримасин касал бўлмасин!!!

Азизлар ичра энг азизи ўша
Унинг қучоғидир энг азиз гўша
Пойига жонингни гул қилиб тўша
Она кўнглига ҳеч ғашлик тўлмасин
Она оғримасин касал бўлмасин!!!

Эй фарзанд, вақтида дуосини ол
Дардинг айтавермай ундан сўра хол
Сўзлари Донодир бироз қулоқ сол
Оналар кўнглига соғинч тўлмасин
Ҳабар ол кўзлари йўлда бўлмасин!!!

Сени гулдек асраб ўзи сўлмасин
Бахтингга соғ бўлсин бевақт ўлмасин!!!

Доно Азимова

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-01 07:36:37 Қуйидаги олти тўсиқни босиб ўтмасдан солиҳлик даражасига эришиб бўлмайди:

1. Тўқчиликдан кейин келадиган йўқчиликка сабр қилиш.

2. Иззат-икромдан кейин синов учун юбориладиган хорликка чидаш.

3. Роҳат-фароғат эшигини ёпиб, меҳнат қилиш, интилишда яшаш.

4. Кам ухлаб кўп ибодат қилиш.

5. Мол-дунё тўплаш ҳавасига берилмаслик.

6. Охиратда афсус чекмаслик учун тирикликда кўп савоб қилиш.

Иброҳим ибн Адҳам

Румий ҳазратлари айтгандек:
"Ҳар бир зулматнинг ортида нур, ҳар бир сабрнинг ортида хурсандчилик бордир"

Нима бўлганда ҳам умид қилишдай буюк хислатимиз бор экан, ҳаёт давом этади...

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-04-01 04:01:36 Ассаламу Алайкум ва роҳматуллоҳи ва барокатуҳ!!!

Рамазоннинг 22-куни муборак бўлсин, қадрдон!

Биласизки, кечиримли қалб хотиржам яшайди.

Албатта доим «Алҳамдулиллаҳ» дейдиган руҳни табассум тарк этмайди.

Ҳар лаҳзада «Астағфируллоҳ» дейдиган тил дунё ва ундаги бор нарсаларнинг қулфини очади.

Эй Аллоҳим! Албатта биз:
-мукаммал имонни,
-қўрқувчи қалбни,
-содиқ ишончни,
-тўғри динни,
-барча балоларга офиятни
-насибига сабр-қаноатни ва
-инсонларга беҳожат бўлишни
Сендан сўраймиз. 

Ҳайрли тонг, Азизлар!
Бугунги кунимиз савобли амалларга тўла бўлсин!

https://telegram.me/+TvtkEzLNY9xZb6Jw Ochish/sharhlash

2024-03-31 19:30:19 ЖАННАТ ТЎЛОВИ

Иброҳим Адҳам ҳазратлари ҳаммомга бордилар. Лекин пуллари бўлмагани учун, қанча ялинсалар ҳам, ичкарига қўйишмади. Бўйинлари эгик ҳолда ортга қайтаётган Иброҳим Адҳам шундай ҳайқириб йиғладиларки, бир зумда атрофларига одамлар тўпланди. Бири олиб, бири қўйиб ҳазратни юпата кетишди:
– Бунчалик қайғу чекишингизга ҳожат йўқ, сиз учун ҳаммомга, мана, биз пул тўлаймиз!
Шунда Иброҳим Адҳам йиғилганларга:
– Сизлар мени ҳаммомга киритишмагани учун йиғлаяпти деб ўйлаяпсизми? – дедилар. – Йўқ, асло бундай эмас. Бу дунёда-ку пулинг йўқ деб ҳаммомга киритишмаяпти. Бироқ охиратда яхши амалларинг йўқ, дея жаннатга қўймасалар, ҳолим нима кечади? Шуни ўйлаб йиғлаяпман.

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-31 14:37:00 Қачон

Омонат дунёда юрибмиз суюниб,
Давралар гуллатиб, қах-қахлар отиб.
Зое кетган вақтга кунлар улашиб,
Яшаяпмиз кеча, эртадан ўтиб.

Қачон бошимиз саждага тегиб,
Жойнамоз устида кўзни ёшладик.
Бехисоб рисқига шукрлар айтиб,
Роббимиз зикрида қорин ошладик.

Қачон қалбимиз буткул топшириб,
Рухимиз яйратиб узоқ дардлашдик.
Йўлдан оздирган шайтон лайинга,
Сўнгги бор уриш очиб қасдлашдик.

Қачон хой ҳавас ҳиссидан кечиб,
Сийлаи раҳим қўлини очдик.
Савобни тилдамас амалда қўллаб.
Дунёга яхшилик уруғин сочдик.

Юсупова Зулфия

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-31 11:01:25 Йигирма йил онаси тайёрлаган овқатни еди. Бирор марта ёрдам бермади онасига. Уйланиши билан хотинчасига ёрдам бериб: "Хотинга ёрдам бериш суннат", дейди. Нима, онага ёрдам бериш бидъатми?!

https://telegram.me/+TvtkEzLNY9xZb6Jw Ochish/sharhlash

2024-03-31 07:00:08 ​​​​Keракли бўлиш бахтини биласизми?

- Саломатлигингиздан хавотир олувчи инсонга кераксиз ...
- Kунингизни қандай ўтгани билан қизиқувчи одамга кераксиз ...
- Mуаммоларингизни ўз муаммосидек қабул қилувчи инсонга кераксиз ...
- Ва дардингизни ўз дардидек ҳис қилувчига ҳам ...
Фақат ота - онамиз, туғишганларга эмас, асли кўпчиликка керакмиз ...
- Kимдандир манфатсиз муносабат кўрдингизми ?
- Берган меҳри эвазига ҳеч нарса сўрамайдиганиз борми?
- Aйбдор бўлмасада узр сўрашдан қайтмайдиганингизчи? Борми?..
- Kaйфиятингиз тушиб кетганда бесабаб зардангизни ҳам, кўтарадингиз борми?
- Ишларингиз юришмай қолса, " Хаммаси яхши бўлади "... дегувчингизчи?
- Сиз билан гаплашганда кўнглингизни аёвчи, сўзларини сарасини сизга илинувчингиз борми?
- Қувончингиз учун, сиз учун вақтини, умуман борини аямайдиган инсонингизчи?

Aтрофингизда шундай бири бўлса, уни қадрланг !
Сиз унга кераксиз !
У сабаб бахтлисиз!

Керакли бўлиш - Бахт !
Қадрингни билганнинг қадрдони бўл ...

Барча, онасини яхши кўрадиганлар учун канал

@Onalar_kanali

https://telegram.me/+TvtkEzLNY9xZb6Jw Ochish/sharhlash

2024-03-31 04:00:14 Бу курраи заминда бир марта яшайсан.
Шундай экан, хатога йўл қўйсанг узр сўра, шод бўлсанг мамнуният изҳор қил, одамларга гўзал хулқ билан муомалада бўл.
Ким гўзал хулқи билан зийнатланса, унинг хушбўй иси тупроқ остида ҳам уфуриб туради.

АССАЛОМУ АЛАЙКУМ!

Янги тонгга хуш келибсиз!!!
Кунингиз шодликка, қувончга бой ўтсин!!!
Бугун хаётингиздаги энг қувончли кун бўлсин!!!

https://telegram.me/+TvtkEzLNY9xZb6Jw Ochish/sharhlash