Медони ё не?

2023-05-06 05:48:55 Агар сад сол ҳам ҷӯӣ, маро дигар намеёбӣ,
Шабу рӯзон худо гӯӣ, маро дигар намеёбӣ.

Ба роҳи ман чу пойандози махмал ҳар саҳаргоҳе
Ба сони сабза ҳам рӯӣ, маро дигар намеёбӣ.

Ман он якроҳу якрӯ будаму бо роҳи худ рафтам,
Ту, ки садроҳу садрӯӣ, маро дигар намеёбӣ.

Сабукроӣ, сабукпоӣ, муҳаббатро намешоӣ,
На ҳам аҳли такопӯӣ, маро дигар намеёбӣ.

Саропо чашм ҳам бошӣ, маро дигар намебинӣ,
Агар сеҳриву ҷодуӣ, маро дигар намеёбӣ.

Ҳама доғе, ки дар оинаи дил дорам аз ишқат,
Агар бо ашк ҳам шӯӣ, маро дигар намеёбӣ.

Ба худ ҷӯшида мехушкам мисоли чашмаи куҳсор,
Агар дарёи Омуӣ, маро дигар намеёбӣ.

Биҳиштизода ҳам бошӣ, биҳиштатро биҳиштам ман,
Агар аз чархи минуӣ, маро дигар намеёбӣ.

Устод Лоиқ Шералӣ

https://t.me/Xirad Ochish/sharhlash

2023-05-06 05:48:03 То кай бувед аз ҳама дур, эй бародарон,
Гӯрӣ кунед то дари гӯр, эй бародарон!

Шохи ҷавонии шумо нашкаста, оваред
Баргу навои шодию сур, эй бародарон!

Аз ҷангуҷӯшу зӯрии ноҷоятон чӣ суд,
Чун нестед аз худо зӯр, эй бародарон!

Захма ба захми синаи хунин чӣ мезанед,
Созед торҳои дил ҷӯр, эй бародарон!

Бо чанд ҳарфи нарм зи аъмоқи ҷону дил
Гармо диҳед бар тани ур, эй бародарон!

Бо ормони равшану ояндабини хеш
Бино кунед ҳар дили кӯр, эй бародарон!

Он санги дил ба шишаи ин дил чӣ мезанед?
Иншо кунед маъбади нур, эй бародарон!

Узр оваред аз сари мардонагӣ яке
Озурдаед гар дили мӯр, эй бародарон!

Як шӯрабахт то шавад хушбахт, бигзаред
Аз ин ғиреву ғулғули шӯр, эй бародарон!

Лоиқ Шералӣ Ochish/sharhlash

2023-05-06 05:46:58 ТУ МОНАНДИ ЗАМИН ТАНҲОӢ, МОДАР

Ту монанди замин танҳоӣ, модар,
Ту монанди замин яктоӣ, модар.

Заминро ҳар қадар чун моли меросӣ
Миёни ҳам басо тақсим карданд.
Заминро қитъа-қитъа ҳар қадар фарзандгони ту
Барои ҳамдигар тақдим карданд,
Вале як рӯз донистанд
Замин қисмат нахоҳад шуд.

Замину осмон,
Хуршеду маҳ
Мисли дили ту
Мисли меҳри ту
Миёни кӯдакон қисмат нахоҳад шуд.

Ҳама хуршеду маҳ доранд,
Ҳама бо худ замину осмон доранд,
Вале аслан маҳу хуршед,
Вале аслан замину осмон
Монанди ту яктою танҳоянд.

Чунон ки ҳар касеро зодгоҳе ҳаст
Раҳе, сарманзиле меодгоҳе ҳаст,
Вале баҳри ҳама модар – Ватан яктост,
Ту ҳам аз баҳри мо мисли Ватан яктоӣ, эй модар.

Ту яктоиву дар ҳар ҷо,
Ту танҳоиву ту бо мо.
Туӣ обастани шодӣ,
Туӣ обастани ғамҳо.
Туӣ обастани имрӯз,
Туӣ обастани фардо.

Замину осмон,
Хуршеду маҳ,
Модар – Ватан
Аз он азизастанд,
Ки беҳамтову яктоянд.

Ҳар он чӣ беш аз якто бувад,
Чандон муқаддас нест.

Ту монанди замин танҳоӣ, модар!
Ту монанди замин яктоӣ, модар!

Лоиқ ШЕРАЛӢ

https://t.me/Xirad Ochish/sharhlash

2023-05-01 05:40:49 Ochish/sharhlash

2023-05-01 05:40:49 Ochish/sharhlash

2023-05-01 05:40:14 МАКУН ҒАЙБАТ АГАР АҚЛАТ ТАМОМ АСТ,
КИ ГУФТОРИ ТУ ДАР ҒАЙБАТ ҲАРОМ АСТ.
АГАР АЙБИ ТУ ГАРДАД БАР ТУ ЗОҲИР,
БА АЙБИ КАС КУҶО ПАРДОЗӢ ОХИР.

______

ЗАБОН ОМАД АЗ БАҲРИ ШУКРУ СИПОС,
БА ҒАЙБАТ НАГАРДОНАШ ҲАҚ ШИНОС.
ГУЗАРГОҲИ ҚУРЪОНУ ПАНД АСТ ГӮШ,
БА БӮҲРОНУ БОТИЛ ШУНИДАН МАКӮШ.

ШАЙХ МУСЛИҲИДДИНИ САЪДИИ ШЕРОЗӢ.

            ┄┅অঠই✯❀✯ইঠঅ┅┄

http://T.ME/BO_ZABONI_TOJIKI_MEOMUZEM Ochish/sharhlash

2023-05-01 05:40:00 Он рӯз, ки ҳафтсола будӣ,
Чун гул ба чаман ҳавола будӣ.
Ва акнун, ки ба чордаҳ расидӣ,
Чун сарв ба авҷ сар кашидӣ.

Ғофил манишин на вақти бозист,
Вақти ҳунар асту сарфарозист.
Дониш талабу бузургӣ омӯз,
То беҳ нигарад рӯзат аз рӯз.

Чун шер ба худ сипаҳшикан бош,
Фарзанди хисоли хештан бош.
Мекӯш ба ҳар варақ, ки хонӣ,
То маънии он тамом донӣ.

Низомии Ганҷавӣ.

            ┄┅অঠই✯❀✯ইঠঅ┅┄

http://T.ME/BO_ZABONI_TOJIKI_MEOMUZEM Ochish/sharhlash

2023-05-01 05:39:39 #МОДАР...

          ┄┅অঠই✯❀✯ইঠঅ┅┄

https://t.me/BO_ZABONI_TOJIKI_MEOMUZEM Ochish/sharhlash

2023-05-01 05:38:26 ЭҲТИРОМИ ПАДАРУ МОДАР ВА КАЛОНСОЛОН

Падару модарро иззат кардан, онҳоро бузургу калон донистан, аз гуфтаи онҳо набаромадан, суханашонро рад накардан, ҳамеша дар ҳама кор ризои онҳоро ҷустан ба ҳар кас лозим аст.
Падару модар дар тарбияти мо бисёр машаққатҳо кашиданд ва ба хуни ҷигар парвариш намуда калон карданд. Ба синни ҳафтсолагӣ ба мактаб фиристоданд.
Алъон мо дар мактаб мехонем, ҳеҷ ғам надорем. Хӯроку пӯшоки моро онҳо тайёр мекунанд.
Акнун моёнро лозим аст, ки қадри падару модарро донем, онҳоро бисёр иззат кунем, бе иҷозати онҳо коре накунем. Агар ба коре иҷозат надиҳанд. «Ҷавоб диҳед» гуфта зӯр назанем, зеро ки кори нағзу бадро... онҳо медонанд. Ба ҳар коре, ки онҳо ҷавоб надиҳанд, албатта зарарнок аст.

Садриддин Айнӣ.

https://t.me/BO_ZABONI_TOJIKI_MEOMUZEM Ochish/sharhlash

2023-05-01 05:38:16 ҲИКОЯИ МОДАР ВА ФАРЗАНД

Писаре чанд вақт буд, ки аз Модараш дур буд. Модар ҳар рӯз ба писараш занг мезад ва мегуфт писарам зуд биё пеши ман, ки ман хеле туро ёд кардаам. Писар ҳар рӯз Модарашро фанд мекард ва мегуфт: Модар пагоҳ меоям, пагоҳ меоям. Ҳар рӯз ин гапро мегуфт, вале намеомад!!!

Модар хеле мунтазир монд, то ин ки аз ғаму ғуссаи писараш ба ҷогаи хоб афтод. Боз ҳам ба писараш мегуфт, вале писар бо ҳамон фанду фиребаш пагоҳ_пагоҳ мегуфт ва намеомад!!!

То ҷое, ки Модар гуфт: писарам агар пагоҳ биёӣ маро мебинӣ, вале агар наёӣ маро дар қиёмат мебинӣ. Пагоҳ шуд писар наёмад. Модар як бор чашмашро боз кард ва ба духтараш гуфт: духтарам! Ман як орзу дорам мехоҳам, ки ту орзуи маро бароварда кунӣ, чун ман дигар вақт надорам. Модар гуфт: ман аз ту мехоҳам, ки вақте, ки бародарат омад аз тарафи ман ӯро дар оғӯш бигир ва бигӯ ин орзӯи Модарам буд.

Вақте Модар ин гапро гуфт чашмонашро пӯшид ва дигар боз накард!!!

Модар ва Падар фариштаҳое ҳастанд, ки вақте рафтанд, баъд мо ба қадри онҳо мерасем!!!

Ва хуш ба ҳоли онҳое, ки пеш аз рафтани Модар ва Падарашон ба қадри ин фариштаҳо мерасанд!!!

https://t.me/BO_ZABONI_TOJIKI_MEOMUZEM Ochish/sharhlash