Yamakasi

2021-08-18 12:43:36 Мана бу мен яшаб турган Жанубий Кореядаги Чунгжуда шаҳри. Бу ҳудудлар уйимиздан 500 метр радиусда жойлашган. Иккита яшил ҳудудда барча спорт турлари учун майдончалар бор.

Югуриш майдонида ёш-у қари эрта тонгда ва кечга югуришади. Ёшлар тушдан сўнг ўзлари ёқтирган спорт тури билан шуғулланади. Энг кичкина ёшдагилар учун ҳам майдончалар мавжуд.

Анави кичик думалоқлар эса мактаблар. Уларнинг ҳам майдонлари очиқ бўлади ва хоҳлаганча ўйнаш ёки спорт билан шуғулланиш мумкин.

Агар "дом" ҳисобида айтадиган бўлсак, шу икки майдонга 20тадан 40тача дом кеца керак, аммо бу жойлар халқ учун шунинг учун бузилмайди.

Кейин дарахтларнинг кўплиги ҳам сизни ҳурсанд қилади.

Биз ёшларни спортга қизиқтирмоқчи бўлсак, ва узоқ умр кўришни хоҳласак мана шундай майдончалар сонини кескин кўпайтиришимиз зарур.

Кейин бу жойлар соат 12гача чироқлар билан ёритилади. Демак ёшларда дискотека, компютер клубларидан ташқари спорт билан шуғулланиш учун имконият бор.

Обуна бўлинг: @Erkin_Hasan Ochish/sharhlash

2021-04-13 13:12:01 ​​Shu soniyada hayolimning bir chekkasida paydo bo’lib, uydan noma'lum tomonga chiqqan, oq sochlari ko’p bo’lgan men bilan hozirgi boradigan manzili ishi bo’lgan men bir tanada, bir hayolda uchrashadi va bitta siymoga birlashadi. Fikr-hayollar bir nuqtada, hozirda jamlanadi. Sekin-asta ko’ksimda qisqa muddatli og’riq paydo bo’la boshlaydi. Noma'lum qo’rquv soyasi zaif ko’ngil ustidan soya tashlay boshlaydi. Qo’rquvning manbasi noma'lumlik - Lavkraftning Ktulxusi kabi butun borlig’imni qamrab ola boshlaydi. Atrofda dementorlar kezib yurgandek tanamga qo’shilib qalbim ham muzlay boshlaydi. Go’yo barcha xursandchilik va shodlikni dementorlar so’rib olayotgandek. Ularning so’nggi o’lim bo’sasi yaqinlashayotgandek tuyg’u paydo bo’ladi . . .

Jin ursin! Hayol bilan bo’lib, yo’lga qarashni unutibman. Tirikman. Kamida tanam tirik.

Fokusimni qo’shiqqa yo’naltiraman.

"Твой каждый день
Несет суровый урок,
Но все впрок -
Ты все смог . . ."

Kelajakdagi men chiqqan uyda shirin va beozor uxlayotgan bolakay nega paydo bo’lib qoldi? Ehtimol u ham o’zim. O’tmishim. Baxtliroq davrim – bolaligim. Har narsada mazmun ko’radigan, Rojdestvoning vintaj tabriknomalaridagi shamlarga tikilishdan eng ko’p zavq oladigan davrim. Lekin bolakay o’tmishda uyquda. Men esa uxlay olmayman. Balki uydan chiqishdan oldin peshonasidan o’pib qo’yish o’rniga birato’la o’ldirib chiqishim kerakmidi degan o’y kesib o’tadi. Yaxshisi uquda qolsin. Boshqa uyg’onmasin. Ulg’ayishimga, o’yinqaroqlik qilib, halal bermasin . . . Kurash bolalar uchun emas.

O’zligini hech qaysi zamondan topa olmagan, o’zimdan boshqa bilmaydigan va ehtimol, shuning uchun borligi isbotlanmagan “MEN” shu tarzda kulrang osmon va sokin yomg’ir ostida hayolga cho’mib boraman. “BIZ” – bolakay, men va oq sochli men – bu men.
Quyosh bugun chiqmasa kerak.

Soat 6:50. O’n daqiqalik abstrakt hayotim, hayollarim ummonidan olingan parcha siniqlar shu alfozda nuqsonli butunga aylanadi. Moddiy olamga qaytib, kurashni davom ettirish kerak.

Hozircha tamom. Ochish/sharhlash

2021-04-13 12:58:32 ​​Hayollar. Yana hayollar. Faqat onagina hech qanday sabablarsiz, shartlarsiz, farzandini shunchaki mavjud bo’lgani uchun seva oladi. Balki sevgining matematik aniqlikda namoyon bo’lishi shu ko’rinishdadir. Balki . . .

Fondagi qo’shiq e'tiborsiz qolib ketibdi ekan.

"Свои мечты
Все позабыли давно.
Смотри - только ты
Идешь всем назло . . ."

Okeanga cho'kkan tosh kabi o’yga cho'kaman.

Kurash, yonib-kuyib kurashish. Kurash tushunchasini negadir qabul qilgim kelmaydi. Ojizligimdan emas. Odamlar tinchgina, bir-biri bilan poyga o'ynamasdan, uyg’unlikda yashay oladi deb ishonganim uchun. Afsuski, bunga to'siqlar juda ko'p. Yana afsuski, to'siqlarning kattagina qismini o’zimiz yaratganmiz va atrofimizga, qalin, titan devorga aylantirib, o’rab olganmiz. To'siqlardan o'tish uchun kurashish kerak. Ichki kurash: zo'rg’a topilgan, tutqunda qolgan o’zlikning egasining qaysar qoidalaridan tashqariga chiqishga jon-jahdi bilan urinishi yoki shunga majbur bo’lishi. Tashqi kurash: tashqariga chiqqan o'zlikning endi o’zidan kattaroq to’siqlardan - qadriyatlar, jamiyat, tuzumdan – o’tishga urinishi yoki ular bilan to’qnashuvda parchalanib, o’zi to’siq hisoblaganlarga mos tarzda qaytadan yig’ilishi zarur. Hech bo’lmasa, egasining o’z tasavvuriy chegaralariga yetib borib, u uchun Yo’lchi Yulduz bo’lishga urinadi chalajon o’zlik.

"Не потеряй себя
И продолжай бороться -
Зажжется
Твое солнце . . ."

Ha, o’ylarim shunday aralash quralash. Bu jarayon to'xtamaydi . . .

Havo sovuq. Balkondan ichkariga kirish kerak. Uy issiq. Unda iliq hayot bor. Tirik mazmun yotoqda uxlayapti. Xokisor va beozor. Hayoldagi men sigaretini yomg’ir tomchisi bilan o’chiradi, (go’yo so’nggi umid uchqunlarini ko’z yoshlar bilan o’chirilgandek) hayollarini tarqatib, xonaga kiradida, uning peshonasidan bir o’pib qo’yib, plyashini olib chiqib ketadi, chunki uxlamaslik kerak. Uxlaydigan payt emas. Mashinaga o’tiradi. Yo’l uzoq, yomg’ir maydalab yog’yapti. Ko’chada yomg’ir, ko’chada qolgan daydi qalbda ham yomg’ir. Kulrang osmon va kulrang ruhiyat uyg’unlikda g’amgin, lekin sokin kayfiyat umrini yo’lday uzaytirib boradi . . .

Qizil chiroqda to’xtayman. Mashina oynasi xira, qalb oynasi xira . . . Yana onam haqida o’ylayman. Onam yig’layapti. Birga yig’layapmiz. Man ko’z yoshlarsiz. Uning ko’zlari xiralashgan. Yig’idan emas, ko’z nurining ayovsiz sarfidan. Sog’ingan. Uyqusida ham yig’layapti. Tushlarida ham sog’inadi dilbandlarini . . .

(davomi ) Ochish/sharhlash

2021-04-13 12:53:02 Soat tonggi 6:40. Zamyatinning "Biz"ini eshitib, falsafiy-ekzitensial hayollarga berilib, ishxona tomonga ketib boraman. "Nuqsonsiz erksizlik" jumlasini ilg’ab qolaman. Miyamiz erksizligimiz kafolati. O’y-hayol, fikrlarimiz erkimizni ushlab turadigan panjaralarning o’zginasi. Shu bilan birga miyasiz yashab ham bo’lmaydi. O’y-fikrlar "men"imizni tashkil toptiradi. Mana nuqsonsiz, tanlovsiz, ilojsiz, ko’nikishli erksizlik sizga . . .

Osmon ruhim kabi kulrang tusda. Kitobni o’chirib, uni qo’shiqqa almashtiraman. Ekzistensial o’ylardan tashqari, miyamda qo’rquv xissi va ruhiy og’riq bilan qorishgan turli o’ylar g’ujg’on o’ynaydi.

Mohiyatida “Nima uchun”? va “Qanday qilib”? degan so’roqlar yotadigan savollarga javob qidirish bilan ovora bo’lib, yo’lni aniq ko’rishimga halaqit berayotgan, mashina oynalariga urilayotgan mayda-mayda yomg’ir tomchilarini payqamay qolaman.

Sekingina oynani tomchilardan tozalayman. Atrof tiniqlashadi, ko’cha chiroqlari, yaltiragan asfalt yo’l, atrofda ketib borayotgan turli rusumdagi mashinalar ko’z o’ngimda namoyon bo’la boshlaydi.

Ayni paytda esa, o’z tanamda borimcha emasman. Hayolimda yarim qismim qaysidir sershovqin metropoliten ko’chasining, ko’p qavatli binosida oqshom payti kechki ovqatdan keyin balkonga sigaret chekishga chiqqan, hayot muammolarini qanday hal qilish yo’llarini qidirayotgan o’rta yoshli, sochiga juda erta oq oralagan kishining tanasida joylashgandek. Balki kelajakdagi o’zimni tasavurrimda gavdalantirgandirman shu tobda. U juda chuqur uh tortadi. O’tmishning qarorlari shiddat bilan ko’z-o’ngida birma-bir namoyon bo’lib, o’zini qanday qilib hozirgi balkonga olib kelganini tahlil qila boshlaydi. Hammasi juda chalkash, lekin asosiy tub burilishlar hayollar ekspiditsiyasini bir tizginga solib, balkonga olib keladi . . .

“Uhhh . . . “

G’alati. Bir paytning o’zida bir nechta joyda bo’lish va buni xis etib turish biroz noodatiyroq.

Yana mashinada ketayotgan hozirgi o’zimga qaytaman. Mashina oynalarini tomchilardan yana bir marta tozalayman. Qiziq, qalb oynalaridagi tomchilarni ham yarim soniyada artib beradigan uskuna topilarmikan? Uni qoplagan kulrang bulutlarni quvadigan Quyosh qayerda? Savollar ko’p. Juda ko’p. Hammasiga o’zim javob berib chiqishim kerakka o’xshaydi.

Yana ko’z oldim tomchilardan xiralashadi. Hayronman. Oynani artdim, baribir xira. Hah, bu safar tomchilar ko’zimda ekan.

Har doim shunday paytda, eng ojiz, eng zaif, eng ko’p ozorlangan daqiqalarimda hayolim onam tomon uchadi. U ko’rgan qiyinchiliklar hayolimdan o’tadi. Uning kichikkina jussasi va lekin tog’day yuragining bardoshiga tan beraman. Ba'zida g’ar ko’ngli dunyolarni istab qoladigan o’g’li bu ona uchun barcha dunyolarning jamlanmasi.
https://data.whicdn.com/images/294073649/original.gif

(davomi ) Ochish/sharhlash

2021-03-03 23:19:31 ​​Салом, дўстлар,
сизлар учун ажойиб янгилик!

Биз @madnifique билан биргаликда Е. Замятиннинг "Биз" асари таржимаси устида ишни бошладик.
Дунёнинг энг машҳур антиутопияларидан бўлмиш "Биз" -  биринчи антиутопик асарлардан бири бўлиб, у биз билган саноқсиз ёзувчиларни ўзининг дурдона асарларини ёзишга илҳомлантирган.
Айтишларича, Олдос Хаксли ўзининг "Ажиб янги дунё" номли асарини айнан Е. Замятиннинг "Биз" асаридан илҳомланиб ёзган. "Биз"сиз Жорж Оруэллнинг машҳур "1984" асари ҳам мавжуд бўлмас эди.

Мадина менга ушбу мутлақ нотижорий мақсадларда амалга оширилаётган лойиҳада бирга ишлашни таклиф қилганида, жуда ҳам хурсанд бўлдим, негаки жамиятимизда китобхонликни тарғиб қилиш учун ўзининг ҳам маънавий, ҳам моддий ёрдамини аямайдиган инсонлар борлигини кўриб хурсанд бўлмаслик имконсиз.

Яқин кунларда асарнинг аудиокитоб кўринишини @madnifique каналида эълон қилишни бошлаймиз ва унинг тўлиқ электрон шакли таржима тугалланиши билан барча китобхонларга бепул тақдим этилади. 

Яхши китоблар ўқишда ва дунёқарашингизни кенгайтиришда чарчаманг, дўстлар!

@readnroll Ochish/sharhlash

2021-02-15 14:46:43 Пинк Флойднинг "Another Brick in The Wall" қўшиғи садолари остида яхши ҳазм бўладиган пост.

https://telegra.ph/Devor-02-15 Ochish/sharhlash

2021-01-03 14:37:06 ​​#Weekend #Recommendation

“Қалб”
Йил: 2020
Жанр: Мюзикл, фэнтези, комедия
Давомийлиги: 1 соат 47 дақиқа
Компания: Pixar, Disney
Рейтинг: 8.2 (84.324) ^ҳозирча
Шахсий рейтинг: 9/10

Ҳалиям мультфильмларни ёш болалар учун деб ўйлайсизми? Унда “Қалб” бу фикрингизни ўзгартира олади. Бир қарашда оддий, комедияга бой туюлган бу мультфильм экзистенциализм ғояларидан ажойиб фойдаланган. Фильмни тугатганингизда эса бу мюзикл метафизик саволларингизга жавоб беради.

Чуқур фалсафий ва завқ бера оладиган фильм ҳаётга бўлган қарашларингизни савол устига қўяди. Айни пайтда қилаётган ишиларингиз сиз учун қай даражада аҳамиятли, мультфильмдан сўнг ўзингиз учун қайта ҳулоса чиқариб оласиз.
Pixar олдинги фильмлари каби “Қалб”да ҳам яшаш (шунчаки тирик бўлиш эмас) қай даражада муҳим эканини кўрсатган. Аввалига мюзикл трагедияга айланади, кейин эса комедияга, якунда - фалсафий кинога.

Фильмдан иқтибослар:

“Ҳавотир олма, бу ерда инсон қалбини яралаб бўлмайди. Бу иш фақат Ерда амалга оширилади.”

“Мен ёш балиқ ҳақида ҳикоя эшитганман. У қари балиқ олдига бориб: ‘Мен океан деб аталган жойни қидирябман’; ‘Океан?!’ таажубланиб қари балиқ - ‘сен ҳозир ўша океандасан’.
‘Шу океанми?!’ ҳайратланиб ёш балиқ; ‘бу шунчаки сув ҳолос-ку! Мен хоҳлаётган нарса - океан.’”

“Ҳаёт имкониятларга тўла, шунчаки қаерга қарашни билсанг кифоя.”

“- Ҳўш, энди ҳаётингни қандай сарфламоқчисан?
- Билмадим, лекин мен ҳаётимнинг ҳар бир дақиқасини яшамоқчиман.”


Кино учун линк : https://t.me/UzIMDb_data/238


Хулоса (спойлер хоҳламасангиз бу қисмни ўқиманг)

Тасаввур қилинг: умр бўйи орзуингиздаги ишга қабул қилиниш учун тинимсиз меҳнат қилсангиз-у, унга эришган кунингиз кутилмаган ҳалокат туфайли оламдан ўтсангиз...
Ҳаётингиздан мақсад нима эди? Нима учун яшадингиз? Нималар қилишга улгурдингиз? Жавоб бериш қийин саволлар, шундай эмасми?

“Қалб”дан қандай хулосалар чиқариш мумкин?
Яшашдан маъно - ўз ҳаётингизга қўйган мақсадлардан иборат. Бу мақсадга эришиш йўли эса сизга бахт бера олади. Агар ҳаётингиз учун ўзингизга мақсад қўя олмасангиз, сиз яшашдан қуруқ қолмоқдасиз. Ўзингизни бахтли ҳис қилишингизга ёрдам берувчи нарсаларни ўтказиб юборманг. Лекин ҳушёр бўлинг, бу йўлда муккасидан кетиб қолганлар ҳақиқий ҳаётда яшамайди.
Энг асосийси, ҳеч қачон ЯШАШдан тўхтаманг.

#Soul
@UzIMDb Ochish/sharhlash

2020-12-14 17:14:22 Интернетнинг кенг имкониятларидан фойдаланиб, бор қобилиятларини ишга солиб, анъанавий касблар эгалари (ўқитувчи, шифокор, банк ҳодими ва ҳ.к.) дан осонликча кўпроқ пул топаётган ёшларни маънавият Дон Кихотлари ўзгартира олмайди.

https://telegra.ph/YOshlar-buzilib-ketishining-bir-necha-ming-jillik-tarihi-12-14 Ochish/sharhlash

2020-12-09 13:32:11 ​​Қадимги Римда, кўплаб антик давлатларда бўлгани каби, ёзма қонунлар мавжуд бўлмаган. Муаммоли вазиятларда сенат-оқсоқоллар кенгаши чақирилиб, асрий “урф-одат”ларга кўра муаммо ҳал этилган. Сенат аъзоларини хеч ким сайламаган. Улар жуда қари бўлишларидан ташқари, асосан бой ва зодагон римликлардан ташкил топган эдилар. Бу қонун чиқаришнинг жуда консерватив шакли бўлиб, демократик принципларнинг бузилишига сабаб бўлар эди. Айниқса, бу нарса патрицийлар ва плебейлар (зодагонлар ва оддий аҳоли) ўртасидаги муаммоларни ҳал этишда адолат мувозанатини бузилишига олиб келаверган.

Вақтлар ўтиши билан, плебейлар сенаторлардан “урф-одат”ларни ёзиб қўйишни талаб қилишган. Бу талаб қуйидаги икки сабаб туфайли инқилобий аҳамиятга эга эди:

1. Одамлар ўзлари амал қиладиган қонунларни билишни исташган. Қонунларни билиш қонунни бузиб, жазога учрамасликнинг ягона йўли;

2. Одамлар зодагон сенаторлар қонунларни ўзлари истагандек тарзда ўзгартиришларини ёки унутиб қўйишларини исташмаган.

Шу тариқа машҳур “12 Жадвал Қонунлари” вужудга келган. Айнан шу жадвал тузилганидан кейин римликлар Сенат ишлаб чиққан қонунлар жуда бешавқат ва адолатсиз эканлигини тушуниб етишган ва уни ўзгартириш учун секин-асталик билан бўлсада, ҳаракат қилишган. Қонунларнинг яхши ёки ёмон эканлигини билиш, унга амал қилиш ва адолатни сақлаш учун уларни албатта ёзиб, белгилаб қўйиш лозим. Албатта, “12 Жадвал Қонунлари” негизда конституция эмас эди лекин у замонавий дунё конституциялари учун энг яхши хамиртуруш бўла олади.

Тарихни яхши билганлар, римликлардан аввал ҳам ёзма қонунлар (Хаммурапи, Драгон ёки Солон қонунлари) мавжуд бўлганини билишади. Аммо Римдагина қонунлар биринчилардан бўлиб аҳоли талаби билан ёзилган. Аввалги ҳолатларни барчасида қонунлар ҳукмдорлар томонидан ёзилган эди.

Конституция давлатнинг эмас, халқнинг эҳтиёжи ҳисобланади. Унинг асосий вазифаси эса, давлатнинг қудратини чегаралаб, халқ манфаатларига хизмат қилишдир.

Шундай бир ғалати парадокс бор: Кўп гапирилган гапнинг қадри қолмайди. Ёки, бирор нарсани жуда кўп такрорлаш баъзида акс таъсир кўрсатиши ва уни унутишга сабабчи бўлиши илмий исботланган. Эсимни таниганимдан бери Мустақиллигимиз рамзи, Қомусимиз, Давлатчилигимиз таянчи каби сифатлар бериб кўкларга кўтарилган конституциямизга кеча 28 йил бўлди. Вақти келиб, бу кунни қанчалик муҳим ва қадр-қиймати баландлигини барчамиз тушуниб етамиз деган умиддаман. Ана ўшанда катта тантаналар билан бу кунни нишонлайверамиз.

Байрамингиз муборак бўлсин!

P/S: Пост кеча чиқиши керак эди. Байрамона кайфият келишини кутиб, кеч қолиб кетдик . . . Ochish/sharhlash

2020-11-13 23:32:14 ТАРИХ ХАҚИДА

Онлайн сухбатлар давомида ёш ва оми юртдошларимиздан борган сари тез-тез «Ўзи шу тарихнинг (фан сифатида) нима кераги бор?» саволини эшитиб келаман (яна бир ахмоқона гапига жавобан тарихни сал чуқурроқ ўрганиш тавсия этилганда). Энди худди шу саволни жиддий равишда кап-катта, мендан бешта кўпроқ қишни кўриб қўйган одамдан эшитиб, ёқамни ушладим.

«Тарих нима учун керак?» саволига жавобни тушуниш осонроқ кечиши учун, бир аналогияга мурожаат қилишимиз мумкин. Мана масалан Сизни (шу сатрларни ўқиётган шахсни) олайлик — бугунги кунда сизнинг ҚАНДАЙ ШАХСлигингизни, қандай вазиятда қандай йўл тутишингиз ва қандай қарорлар қабул қилишингизни (умуман, сизни "шахс" сифатида шакллантирувчи) қайси МЕЗОН (фактор) белгилайди? Факат битта мезон — у хам бўлса сизнинг ХАЁТИЙ ТАЖРИБАНГИЗ. Бу тажрибани эса сиз дунёга келган моментингиздан бошлаб, мавжуд воқеъликда хар бир кўрган, эшитган, сезган, ўқиган ва бошқа йўллар билан қабул қилиш орқали йиғилиб келинаётган МАЪЛУМОТЛАРИНГИЗ БАЗАСИ ташкил этади. Яъни, бошқача қилиб айтганда — сизнинг шахсий ТАРИХИНГИЗ.

Энди тасаввур қилинг, сизда қабул қилинаётган маълумотларни кейинчалик мурожаат қилиш учун сақлаб қолиш қобилияти йўқ (хотира умуман ишламайди). Бунда сиз хатто юришни ва овқатни қўл билан ейишни хам ўргана олмай, ўлиб кетасиз, гапириш ва ундан мураккаброқ фаолият билан шуғулланиш (ва умуман фикрлай олиш) у ёқда турсин.

Ана энди шу шахсий тарихингизни БУТУН ЖАМИЯТ даражасига экстраполяция қилсак, тушунамизки, ўз тарихини (ва бошка жамиятлар тарихини) билмаган жамият — хар бир янги авлод даражасида «юришни қайта ўрганишга», яъни шу ва бошка жамиятларнинг ўтмишдаги барча хатоларини қайтараверишга, қанча кураш ва қурбонликлар орқали эришган ютуқларини йуқотиб бораверишга (ва уларга қайта эришиш учун янги қурбонларга ва янги курашга) махкум бўлаверади. Шунинг учун хам жамиятнинг ХАР БИР аъзоси инсоният тарихини билиши ва унинг қонуниятларини тушуниши — энг мухим масалалардан бири, қандайдир ривожланиш бўлишини истаса шу жамият аъзолари. Ochish/sharhlash