Fitrat.uz

2022-09-03 10:10:00 #САВОЛ_ЖАВОБЛАР

БОШҚА ДИН АЁЛЛАРИ ОЛДИДА РЎМОЛНИ ЕЧМАСЛИК

CАВОЛ: Бошқа дин аёл вакиллари олдида муслима аёллар ҳатто рўмолларини ечиб ўтиришлари мумкин эмас. Илтимос шуни сабабини тушунтириб беринг.

ЖАВОБ: Бисмиллаҳир Роҳманир Роҳим.
У каби аёллар муслима рўмолини ечганда муслималарни ёмонликка чорлаши мумкин. Ёки эрига ёки бошқа эркакларга муслима аёлни сифатлаб бериш хавфи бор. Шунинг учун уларнинг олдида рўмолини ҳам ечмайди. Валлоҳу аълам.

Ўзбекистон мусулмонлари идораси
Фатво ҳайъати.

@fitratuz Ochish/sharhlash

2022-09-03 08:13:19 #Видео #Маъруза

ҚЎШНИНГИЗНИ СИРИНИ САҚЛАНГ!

Дилмурод домла Султонов
"Дониёр бин Озод" жоме масжиди имом-хатиби

Ижтимоий тармоқлардаги саҳифаларимиз:
Facebook|Youtube|Telegram|Instagram

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-03 06:20:10 Ҳақ йўлида дон экмаган киши, борлиқ оламидан битта арпани ҳам ололмайди.

Саъдий Шерозий

@fitratuz Ochish/sharhlash

2022-09-03 02:50:06 АССАЛОМУ АЛАЙКУМ, ЯХШИЛАР!!!

Умр дафтарингизга мазмунли битиклар битилсин, номаи аъмолингиз савобли амалларга тўлсин!

Кунингиз файзу баракотли ўтсин!!!

@fitratuz Ochish/sharhlash

2022-09-02 20:36:41 “... албатта, намоз мўминларга вақти тайин фарз бўлгандир” (Нисо сураси 103-оят)

2022/1444 Ҳ. ЙИЛ, 3 СЕНТЯБРЬ , ШАНБА КУНИ УЧУН НАМОЗ ВАҚТЛАРИ ТАҚВИМИ (Тошкент шаҳри вақти билан)

ТОНГ - 04:29
ҚУЁШ - 05:51
ПЕШИН - 12:27
АСР - 16:59
ШОМ - 18:55
ХУФТОН -20:15

Улашинг
https://t.me/joinchat/AAAAAEGj0hkBXGlopIDbXA Ochish/sharhlash

2022-09-02 18:42:38 #МУТОЛАА_ВАҚТИ

* * *

Ҳабашлик бир қул бор эди. Уни ҳайбарлик яҳудийлар сотиб олишган, ўзларига чўпон қилиб қўйишган эди. Мана, неча йилдир, сурувни олдига солиб, у тепалик сеники, бу тепалик меники, дея айланиб юрарди.

Бир куни қалъа атрофининг ўралаётганини кўрди. Ҳайбар кўчалари ҳаяжонли Чопа-чопларга саҳна бўлиб қолган. Юзларда даҳшат ва қўрқув. Силоҳини оласолиб, одамлар қаёққадир шошилишар эди.
— Нималар бўляпти?.. Нима қиляпсизлар?.. — деб сўради.
— Нима бўлаётганини кўряпсанку, куролланяпмиз, урушамиз.
—Ким билан?
—Пайғамбарликни даъво килиб чиккан одам билан.

Чўпон қалъа буржига чиқди, келганларга боқди. «Пайғамбарлик даъвосида чиққан...» деган сўз гўё зеҳнига ўрнашиб қолгандай эди.
Ким у? Чиндан ҳам пайғамбарми?.. Одамларни нима нарсага даъват қиляпти экан?..

Рўпарасида қайнаб ётган лашкарга боқа-боқа, хаёлга толди. Сўнгра бирдан қарорини берди.
— Бир марта бориб кўрганни еб қўйишмас...
Қалъадан чиқди. Қўйларининг бошига борди. Уларни сура-сура Жанобимизнинг олдиларига келиб қолди.
⎯ Одамларни нималарга даъват қилаётганингни менга англат, — деди.

Роббул Оламийннинг расули (с.а.в.) унга Ислом дини хақида маълумот бердилар. Чўион Ислом динини энг яхши билгувчи ва энг яхши тушунтиргувчи инсондан бсвосита эшитди. У кишида бир қабила раисининг, бир лашкар қўмондонининг катталиги, кибри йўқ, пайғамбарларга хос ва ярашиқли тавозеъ бор эди. Бир чўнонни рўпарасига ўтирғизди, қул билан эмас, энг мухтарам инсон билан гаплашаётгандай суҳбат қурди...

Аҳмад Лутфий Қозончи “Саодат асри қиссалари”

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-02 16:24:32 #Солиҳлар_гулшани

Аллоҳ Мусони раҳматига олсин

Ибн Масъуд розияллоҳу анҳудан ривоят қилинади: «Ҳунайн куни Расулуллоҳ соллаллоҳу алайҳи ўлжаларни тақсим қилишда баъзиларга ортиқроқ улуш бердилар. Ақроъ ибн Ҳобисга юзта туя, Уяйна ибн Ҳиснга ҳам шунча бердилар. Арабларнинг обрўлиларидан баъзиларига ҳам бердилар ва ўша куни тақсимлашда уларни устун қўйдилар.

Шунда бир киши: «Аллоҳга қасамки, бу тақсимотда адолат қилинмади, Аллоҳнинг розилиги ирода қилинмади», деди. Шунда мен: «Аллоҳга қасамки, мен буни Расулуллоҳ соллаллоҳу алайҳи васалламга айтаман», дедим ва у зотнинг ҳузурларига бориб, ҳалиги киши айтган гапни айтдим.

У зотнинг юзлари ўзгариб, қип-қизил бўёққа ўхшаб кетди ва: «Агар Аллоҳ ва Унинг Расули адолат қилмаса, бошқа ким адолат қилади?» дедилар-да, «Аллоҳ Мусони раҳматига олсин, у бундан ҳам кўп азият чеккан, лекин сабр қилган эди», дедилар.

Шунда мен: «Бундан кейин ҳеч қачон Расулуллоҳ соллаллоҳу алайҳи васалламга гап кўтариб келмайман», дедим» (Муттафақун алайҳ).

«Солиҳлар гулшани» китобидан

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-02 15:57:57 «Имом ал-Бухорий» жоме масжиди

@fitratuz Ochish/sharhlash

2022-09-02 15:57:49 #Хушхабар

«Имом ал-Бухорий» жоме масжиди очилди

Куни кеча юртимизда Ўзбекистон Республикаси Давлат мустақиллигининг 31 йиллик шодиёналари катта байрам қилинди. Айни кунларда ҳам байрам шукуҳи Ватанимизнинг ҳар бир ҳудудида кезиб юрибди.
Табиийки, тўйга тўёна қилиш – халқимизга хос қадим қадрият.

Шу анъанага мувофиқ, бугун, 2 сентябрь – жума куни Тошкент вилояти Зангиота тумани Бўзсув қишлоқ фуқаролар йиғини “Чинор” маҳалласи ҳудудидаги “Имом ал-Бухорий” жоме масжидининг янги биноси фойдаланишга топширилди.

Қуръони карим тиловати билан бошланган очилиш маросимида Тошкент вилояти бош имом-хатиби ўринбосари Зиёвуддин домла Нортожиев, мутасаддилар, маҳалла фаоллари, нуроний отахонлар, ҳомийлар ва саховатпеша инсонлар иштирок этди.

Намозхонлар сафи кенгайиши туфайли масжиднинг эски биноси анча торлик қилиб қолган эди. Шу боис 2020 йил март ойида масжиднинг эски биноси бузилиб, ўрнига янги бино қурила бошланди. Масжиднинг пойдеворига илк ғиштни Тошкент вилоятининг собиқ бош имом-хатиби, марҳум Хайрулла домла Турматов қўйиб берган эди.

Масжиднинг эски хонақоҳи 250 кишини ўз бағрига сиғдира олар эди. Янги бинода эса 800 киши, қўшимча бинолар билан мингдан зиёд намозхон бемалол ибодатларни адо этиши мумкин. Жоменинг гўзал минораси атрофга кўрк бағишлаб турибди.

Янги жомега монанд тарзда таҳоратхона ҳам қайта қурилди. 25 киши бир вақтнинг ўзида покланиши мумкин.

Қоровулхон, ошхона, мутавалли хонаси, имом-хатиб хонаси ҳам қурилди. Иккинчи қаватдаги залда намозхонлар китоб мутолааси билан шуғулланишлари мумкин.

Масжидга қўшимча даромад келтириш мақсадида дўкон, сартарошхона ҳам фаолияти йўлга қўйилди.

Аллоҳ таоло янги масжидни ҳар жиҳатдан обод қилсин. Бу байтнинг қурилишида ҳиссаси қўшилган барча азизларимиздан Ўзи рози бўлсин.

Тошкент вилояти вакиллиги матбуот хизмати

Дўстларингизга ҳам улашинг:
https://t.me/joinchat/AAAAAEGj0hkBXGlopIDbXA Ochish/sharhlash

2022-09-02 13:51:33 "ШУКР ИЛА НЕЪМАТЛАР ЗИЁДА БЎЛАДИ"

(Маърифий суҳбатлар 01.09.2022)

Youtube | Tas-ix | Facebook | Instagram

Ўзбекистон мусулмонлари идораси Матбуот хизмати
Muslim.uz
@muslimuzportal | @fitratuz | @diniysavollar Ochish/sharhlash