ELTUZ

2022-04-26 18:05:11 Оломон ЙПХ машинасини қуршаб олди ва ходимларни тортиб чиқарди

Озодлик Радиосининг телеграм канали - Sizdan Telegram-га йўлланган бу видеода ўнлаб аёлу эркак шовқин-сурон билан икки ЙПХ ходимининг ҳаракатига норозилик билдиргани акс этган. Видеода оломоннинг ЙПХ ходимларини машинасидан тортиб чиқаришга уринаётгани, ЙПХ ходимларидан бирининг кўкрак нишонини юлиб олингани кўринади. Видеони йўллаган ST даракчисининг иддаосига кўра, ЙПХ ходимлари номаълум фуқарони ерда судраб, қўпол муомалада бўлган, буни кўрган гувоҳлар эса фуқарони ҳимоя қила бошлаган ва натижада катта жанжал чиққан. Воқеа бугун 26 апрель куни, Чироқчида содир бўлгани айтилмоқда. Воқеа ўрганилмоқда. Ochish/sharhlash

2022-04-26 16:38:27 Жаҳон банки санксиясига тушган ўзбек Шу кунларда халқаро санксиялар деган жумла матбуот мундарижасида.

Санксиялар - ҳаддан ошганларни жиловлайдиган жазо тизими.

Нафақат бировнинг юртига бостириб кирган давлатлар балки коррупсионер мулозимлар ҳам халқаро санксияларга нишон бўлади.

Бугунги ревизор дастури Жаҳон банки санксиясига тушган ўзбек бизнесмен ва депутат Мўминжон Йўлдошев ҳақида.

@eltuz тадқиқоти Ochish/sharhlash

2022-04-26 16:29:32 Путин Эрдўғон билан суҳбатда Мариупол “озод қилингани”ни эълон қилди

Россия президенти Владимир Путин Туркия етакчиси Ражаб Тоййиб Эрдўғон билан телефон суҳбати чоғида у билан Мариуполдаги вазиятни муҳокама қилди, дея хабар беради Кремл сайти.

Мурожаатда қайд этилганидек, Туркия президенти Мариуполдаги вазият масаласини кўтарди.

Путин бунга жавобан “бу шаҳар озод қилинди ва у ерда ҳеч қандай жанг йўқ”, деди.

Азовстал ҳудудида муҳосирага олинган Украина ҳарбийлари ҳақида гапирар экан, Путин “Киев расмийлари сиёсий масъулиятни ўз зиммасига олиб, инсонпарварлик нуқтаи назаридан келиб чиқиб, уларга қуролларини ташлашга буйруқ бериши керак”, деди.

"Уруш асирларига ҳаёт, тиббий ёрдам ва халқаро ҳуқуқ меъёрларига мувофиқ даволаниш кафолатланади", дейилади Кремл сайтида.

21 апрел куни Россия мудофаа вазири Сергей Шойгу Путинга Мариуполнинг Россия назорати остида қўлга киритилгани ҳақида ҳисобот берди.

“Азовстал” заводи ҳудуди Украина қўшинларининг шаҳардаги ягона таянчи бўлиб қолмоқда, деди вазир.

Путин бунга жавобан "Азовстал"га ҳужумни ўринсиз деб атади ва рус ҳарбийларининг “ҳаёти ва соғлиғини сақлаб қолиш” учун уни бекор қилишни буюрди.

Бунинг ўрнига Путин “пашша учиб кетмаслиги” учун саноат зонасини блокировка қилишни буюрди.

Таслим бўлган украиналик аскарларга ҳаёт кафолатланади, деди Путин.

Кеча Россия Мудофаа вазирлиги бир томонлама тартибда "Азовстал" ҳудудида тинч аҳоли учун гуманитар йўлак очаётганини маълум қилди.

Украина томони таклифни рад этди. Ochish/sharhlash

2022-04-26 15:24:42 Европанинг энг йирик сайёҳлик оператори TUI Tanturning Turkiya вакили ўз меҳмонхоналаридан Россияга қарши санксиялар туфайли компания ҳамкорлик қилаётган россиялик туроператорларнинг бронларини бекор қилишни талаб қилди.

Бу ҳақда Turizmgazetesi газетаси Tantur Travel молиявий менежери Жезми Ўзканнинг хатига таяниб хабар берди.

“Ушбу мактубдан мақсад - Туркиядаги “Тантур” компаниясининг “TI Travel” МЧЖ, “TI Baltics SEA” ва “Borublita Holdings Limited” компанияларига тегишли барча операциялари тўхтатилганлигини маълум қилишдир”, — дейилади мактубда.

Компания бундай сўровни Болтиқбўйи мамлакатларидаги туроператорларга юборди.

Ушбу туроператорлардан Туркиядаги меҳмонхона бронларини бекор қилиш 31-майгача амал қилади. Ochish/sharhlash

2022-04-26 14:37:39 Андижон вилоят ҳокимини руҳий бемор, деб тасаввур қилиб, тушуниш билан ёндашайлик, майли. Бизда соғ амалдорнинг ўзи йўқ. Бири одамларни қўлига кесак бериб, сувга тиқиб қўяди, бири товуқ боқтиради, бири тошлоқликларни эшак минди қилади.... Бири дўппи кийдиради... Хуллас, қора халққа ўз кучини кўрсатиб қўймоқчи бўлади бари. Каримов пайтида шаттани еб, катта бўлишган. Буни тушундик. Аммо Андижон халқига нима бўлди ўзи? Уларга тек ўтирма, туриш, жардан ташаш деса, ўйлаб ўтирмай ташавораверишадими? Заҳириддин Муҳаммадович в ҳайране! Ochish/sharhlash

2022-04-26 14:27:45 Бунақаси бўлмаган!

Андижон вилояти Имом ота тоғида ўқувчилар Андижон полкага ўйнаяпти экан... @eltuz Буниси энди ўтиб тушди, мўҳтарам номуҳтарам! Бутун Андижон халқини бир қўра билан ўрангу "Андижон полкаси"га ўйнатинг. Ўзингиз раққосларнинг бошида туринг! Эчки қўйларга йўлбошчилик қилади-ку! Кейин шу челенжни видеога олиб, Озодбек Назарбековга юборинг. Сизни Халқ артисти унвонига тавсия этишсин! Бобур бобомиз тирилиб келиб, шу манзарани кўрса, гўрига қайтиб кириб ётиб олса керак.... Ochish/sharhlash

2022-04-26 14:13:43 Андижон ҳокими ҳаммани "Андижон полкаси"га рақсга тушишга буюрди. Бундай ойлик тадбир ушбу куй яратилганлигининг 100 йиллиги муносабати билан ўтказилмоқда. @eltuz Иван Васильевич айтганидек, барча рақсга тушсин. Бундай тадбирлар фақат Шимолий Корея ва Туркманистонда ўтказилса керак деган яхши гумондамиз. Абсолют ҳокимият - одамни абсолют айнитади. Нима дедингиз мўҳтарам Шўҳрат ака? Ochish/sharhlash

2022-04-26 13:42:31 Яша рассом Абдурахмон!!! Яшавор ўзбек Бенкси!!! Пора орқалаган «Шум бола» – Аксилкоррупция агентлиги биноси деворига ҳажвий расм чизиб кетилди.
Деворларга монополия, бензин нархига доир ҳажвий-танқидий суратлар чизиб кетиши билан танилган, асосан тунда ижод қиладиган Inkuzart тахаллусли кўча рассоми, бугун, 26 апрел куни Коррупцияга қарши курашиш агентлиги биносининг деворига чизган янги расмини эълон қилди. Ochish/sharhlash

2022-04-26 00:31:56 "Ихтиёрий қуллар золимлар қул ишлаб чиқарганидан кўра кўпроқ золимларни ишлаб чиқарадилар " - Оноре Габриел Рикети Мирабо. Ochish/sharhlash

2022-04-26 00:23:33 Зеленский: Украинанинг ғалабаси вақт масаласи холос

Украина президенти Владимир Зеленский, душанба куни, урушнинг учинчи ойи биринчи куни кечки видеомурожаатида, Украина бу урушда қачон ғалаба қозонишини ҳозирча айтиб бўлмайди, лекин ғалаба фақат вақт масаласи эканини айтди.

"Россия урушни қўллаб-қувватлаш, ҳатто бутун эркин дунёга қаршилик кўрсатиш учун катта маблағ сарфлаши мумкин. Аммо "Тарих сабоқлари барчага маълум. Минг йиллик Рейх қурмоқчи бўлсангиз, мағлуб бўласиз, қўшниларингизни йўқ қилмоқчи бўлсангиз, мағлуб бўласиз, эски империяни тикламоқчи бўлсангиз, мағлуб бўласиз, агар украиналикларга қарши чиқсангиз , мағлуб бўласиз”, деди Зеленский. Ochish/sharhlash