ELTUZ

2022-06-21 19:53:42 Қодиров Украинага янги қўшинлар юборди. Қодировни айтишича, пода аллақачон Чечен тоғларини тарк этиб, суғориладиган жойга кўчиб ўтган. Ochish/sharhlash

2022-06-21 19:51:08 Украинани қайта тиклаш учун 1,1 трлн доллар керак бўлиши мумкин — Европа инвестиция банки раҳбари. Ochish/sharhlash

2022-06-21 19:21:41 Элтуз таҳририяти шу йилнинг 23 февраль куни эълон қилинган “Алламжонов 4.2 млн $ тиллани чегарадан қандай олиб ўтди?” сарлавҳали мақоласидаги иддаолар тўлиқ тасдиғини топмагани важидан мақолани Элтуз сайти ва ижтимоий тармоқлардаги барча саҳифа ва каналларидан олиб ташлаганини маълум қилади. Таҳририят мақолани қайта чоп этган нашрлар, жумладан, Ўзметроном сайти ҳамда унга Твиттердаги саҳифасида ҳавола берган “Чегара билмас мухбирлар” ташкилотини ўз қароридан расман хабардор қилди. Мақолани бўлишган бошқа нашр ва аккаунтларнинг кўпчилигига бу борада расмий билдирги йўлланди. Ушбу баёнот билан мақолани чоп этишдан ҳеч бир шаклда ҳеч бир шахсни обрўсизлантириш ёки унга туҳмат қилиш қасд этилмаганини таъкидлаган ҳолда уни бўлишган, қайта чоп қилган бошқа нашр, канал ва саҳифа эгаларидан мақолани олиб қўйишларини сўраймиз. Мақоладаги иддаоларни қайта текшириш жараёнида биз билан ўзаро тушуниш асосида ҳамкорлик қилган томонлар, нашрлар ва якуний қароримизни ҳурмат қилган Элтуз ўқувчиларига ўз миннатдорчилигимизни билдирамиз. Шунингдек, таҳририят репутацион зарар учун мақолада кўрсатилган шахс Комил Алламжоновдан узр сўраган ҳолда, унинг Ўзбекистонда сўз эркинлигини таъминлаш йўлидаги саъй- ҳаракатларига омад тилайди. Таҳририят Германия қонунчилиги асосида суд томонидан тайинланиши мумкин бўлган жаримани тўлашга тайёрлигини билдиради. Элтуз жамоаси. Ochish/sharhlash

2022-06-21 18:21:14 Элтуз портали: Кимдир келса ҳамма ёқни "яшил одамчалар" босиб кетади

Юртимизга қайсидир давлат раҳбари келса, юрак жиззилайдиган бўлиб қолдик.

Маҳтумқули кўчасида тураман. Кимдир келса, ҳамма ёқни "яшил одамчалар" босиб кетади.

Маҳтумқули кўчасини ёпиб ташлайди, ваҳолангки, у кўчадан УЛАР (Меҳмон ва Мезбон) юрмайди ҳам.

Лекин ИИБ ДХХ 16 этажли уйнинг ҳамма хонадонига бир кишидан мажбуран жойлаштириб чиқишади.

Уйда ёш болалар борлиги, уй эркаги йўқлиги буларга қизиқ эмас.

Етмаганига ҳамма ёқни сигарет, баклашка, семичка қилиб кетишади.

Олиб чиқинг шуни Туз оға. Ochish/sharhlash

2022-06-21 16:42:09

Ochish/sharhlash

2022-06-21 15:56:13 Россия Литва аҳолисини Вилнюснинг Калининградга юк транзитини тақиқлаш ҳақидаги қарори оқибатлари билан таҳдид қилмоқда

Россия Литвани литваликлар учун жиддий салбий оқибатларга олиб келиши билан таҳдид қилмоқда.

Вилнюс Россиянинг анклав вилояти - Калининградга мўлжалланган товарлар транзитини блокировка қилган.

18 июндан бошлаб Литва ўз ҳудуди орқали Россияга темир йўл ва қуруқлик транзитини чеклади.

Кўмир ва цементдан тортиб зотли отлар, парфюмерия ва авиация ва космик соҳа учун бутловчи қисмларгача бўлган товарларнинг тўлиқ рўйхати чекловлар остида қолди.

Сешанба куни Калининградга келган Россия Хавфсизлик Кенгаши раҳбари Николай Патрушев Литва Ғарб таклифи билан иш тутаётгани ва халқаро ҳуқуқни бузаётганини айтди.

"Россия бу каби душманона ҳаракатларга албатта жавоб қайтаради. Идоралараро форматда тегишли чора-тадбирлар ишлаб чиқилмоқда ва яқин келажакда кўрилади. Уларнинг оқибатлари Литва аҳолисига жиддий салбий таъсир кўрсатади", - деди у фавқулодда йиғилиш чоғида.

Сешанба куни эрталаб Россия Ташқи ишлар вазирлигига чақирилган Европа Иттифоқининг Россиядаги элчиси Маркус Эдерер Москва вазиятни дипломатия йўли билан ҳал қилиши кераклигини айтди.

Унинг таъкидлашича, Европа Иттифоқи санксияларига дучор бўлмаган товарлар транзити давом этмоқда. Ochish/sharhlash

2022-06-21 15:22:59 Ўзбекистон Давлат хавфсизлик хизмати апрел ойида Қирғизистонга чегарада топилган учта туннел ҳақида хабар берганини маълум қилди

Ўзбекистон ҳуқуқ-тартибот идоралари қирғизистонлик ҳамкасбларига ўзбек-қирғиз чегарасида топилган учта туннел ҳақида маълумот берди.

Бу ҳақда Ўзбекистон Давлат хавфсизлик хизмати тарқатган хабарда айтилади.

Ўзбек томони апрел ойида чегарада аниқланган учта ер ости туннелидан қўшни давлат расмийларини хабардор қилиб, Қирғизистон томонидаги жой ва ташкилотчилар ҳақида маълумот юбориб, қонуний чора кўришни сўрагани хабар қилинган.

“Кейинчалик, жорий йилнинг май-июн ойларида қўшни давлатлар вакиллари томонидан ўз ҳудудларида ўтказилган текширувлар натижасида мазкур ер ости туннеллари фаолияти тўхтатилди”, — дейилади вазирлик хабарида.

Ўзбекистон хавфсизлик хизматининг қўшимча қилишича, 25 май куни Жиноят ишлари бўйича Норин туман суди қўшни давлатга чет эл валютаси ва товарларни ноқонуний олиб ўтишда иштирок этган жиноятчиларни 6 йилдан 8 йилгача озодликдан маҳрум қилган.

Аввалроқ май-июн ойларида Ўзбекистон-Қирғизистон чегарасида икки давлатни боғлайдиган учта туннел аниқлангани ҳақида хабар берилган эди. Ochish/sharhlash

2022-06-21 15:20:17 Ижтимоий тармоқларда таркалган Фарғона вилоятида фуқаролар ўртасида жанжал бўлганлиги ҳолати юзасидан текширув ўтказилмоқда.

Аниқланишича, жорий йилнинг 13 май куни Фарғона шаҳар А.Жомий кўчасида жойлашган 16-сонли кўп қаватли уйда яшовчи қўшнилар ўртасида, хонадонларнинг бирида ит боқиш билан боғлиқ маиший муаммолар оқибатида жанжал келиб чиққан. Натижада, бир нечта қўшнилар бир-бирларини хақоратлаб, тан жароҳатлари етказиб, хонадон ойналарини синдиришган.

Хозирда, жамоат тартибини бузишда қатнашган барча иштирокчиларнинг шахси аниқланган бўлиб, ҳолат юзасидан тергов олди суриштирув ишлари олиб борилмоқда.

Фарғона вилояти ИИБ. Ochish/sharhlash

2022-06-21 15:16:32 Ижтимоий тармоқларда Фарғонада мана шундай даҳшатли ҳолат юз бергани айтилаётган видео тарқалди. Воқеа сабаблари номаълум Ochish/sharhlash

2022-06-21 14:55:43 Фарғонада Нехиа-3 233 км/соат тезликда радарга тушди.

Фарғона(Марғилон)да ноодатий ҳолат юз берди. Энг юқори тезлиги таблосида 200 км/соат ёзилган Нехиа-3 автомашинаси радарларга 233 км/соат тезлик билан қайд этилган, шунга монанд жарима ёзилган.

Лекин ҳайдовчи бундай тезликда юрмаганини, техник жиҳатдан 233 км/соат тезликка чиқа олмаслиги, радар тезликни қайт этган жой - Марғилон - Фарғона йўли бундай тезликка умуман жавоб бермаслигини айтиб, бу қарордан норози бўлган. Ундан ташқари ҳайдовчи шу куни тезликни 70 км/соатдан оширмаганини айтмоқда.

Айни жойда жойлашган радарлардан аввал ҳам бир қанча ҳайдовчи норози бўлган. Уларни айтишича, радар тезликни меъёридан ортиқроқ кўрсатар экан.

Балки радарларни техник кўрикдан ўтказиб кўриш керакдир? Ochish/sharhlash