ELTUZ

2022-07-18 13:35:22 Нукусдаги воқеалар оқибатида ҳалок бўлганлар сони яна 3 кишига кўпайди, дея хабар берди Бош прокуратура. 16 киши касалхонада қолмоқда. Фуқаролар, ташкилотлар ва инфратузилмага етказилган зарар 3,1 млрд сўмни ташкил этди. Ochish/sharhlash

2022-07-18 13:34:28 Чикатилонинг ҳақиқати йўқ
Рассом Inkuzart Incognita ўз асарида босқинчи Путин ва қаҳрамон Зеленский образини тўғри ëритди. Аммо рассом, ўз қоидасига зид тарзда Газеата. уз нашрига изоҳ бераркан, катта сиëсий ҳатога йўл қўйди. У ўз изоҳида Украинада ëш гўдак ва аëлларни ўлдираëтган босқинчи ҳам "ҲАҚ " деган ëмон месседж берди. Шу боис Никита Макаренко ва Samandar Egamberdiyev каби ватандошлар унга қараб шиппак отишди. Рассомнинг асари гапириши керак. Ўзи эмас. Шу ўринда Рассом ТУЗ ўз ҳамкасби Абдурахмонни (Инкузарт)ни қўллаб қувватлайди. Чунки Абдураҳмон ич-ичидан рус босқинчилигига қарши замондошимиз. Билганим ва таниганим учун айтаяпман. Унинг сиëсий ҳато бўлган изоҳини кечиринглар. Рассомнинг бир қошиқ қонидан кечинглар. Унинг учун мен гапирай. Бу урушда бир ҳақиқат бор. У ҳам бўлса "Путин қотил босқинчи" ва нуқта. Гитлерни оқлаган рассом билан ҳеч ким қўл бериб кўришмаганидай Путинга ҳақ берган рассомдан ҳам юз ўгирилади. Аммо бир сафар кечирайлик навқирон ватандошимизни. Ochish/sharhlash

2022-07-18 13:28:04 Сардор Умурзоқовнинг келиши ўзбек сиёсий саҳнасида нимани ўзгартиради? - таҳлил Ochish/sharhlash

2022-07-18 12:58:56 Эрон Россияга 300 та дрон етказиб беради

Ғарб оммавий ахборот воситалари Россияга Эроннинг дрон аппаратларини етказиб бериш масаласини муҳокама қилишда давом этмоқда.

The New York Times газетасининг ёзишича, Эрон Россия Федерациясига 300 та жанговар учувчисиз учоқларни топширади.

Эронда рус операторларини тайёрлаш июл ойида бошланиши керак, деб ёзади газета Оқ уйдаги манбаларга таяниб.

Қайд этиш жоизки, Эрон расмийлари режалаштирилган етказиб бериш фактини рад этишган.

Россия зудлик билан Украинадаги урушда йўқолган дронларни тўлдириши керак.

Гарчи рус корхоналари учувчисиз учувчи самолётларни ишлаб чиқарса-да, лекин фронтда зарур бўлган барча турдаги дронларга эга эмас.

Украина, ўз навбатида, 300та Эрон дрони таъсирини минималлаштириш учун учувчисиз самолётларга қарши энг янги ҳарбий техникага муҳтож. Ochish/sharhlash

2022-07-18 12:52:05 Ўзбекистон бутунлиги ва сепаратизм хатари масаласида Элтуз нашри жиддий таҳлилчи матбуот позициясида туради. Мавжуд муаммонинг одамлар ўлиб кетишигача бориб етиши низо ҳақидаги маълумотларнинг беркитилиши билан боғлиқ. Низодан сал олдин ўзбекистондаги юзлаб "блогерлар" Мўйноққа бориб, рақсга тушиб, инстага расм қўйишди. Бу ëлғон эди. Тираж қилинган ëлғон. Шу сабоқдан келиб чиқиб Элтуз мавжуд низо илдизи¸сабаб ва оқибатларини ошкор ëритадиган матбуот бўлиб қолиши керак. Элтуз - жанг майдонида қўлига найза ушлаб, нариги тарафдаги пиëдани ўлдирадиган яна бир пиëда эмас. Бундайин мавқе ОАВ ўлароқ Элтуз мақсадига мувофиқ эмас. Улуғ устод Невзоров айтганидек, жангоҳдан тепага кўтарилиб, бутун манзарани аниқ кўрсатишимиз керак. Бургут нигоҳи билан. Ëки буни "тикучардан боқиш" дейди. Бу мавзуда эмоция бизга душман. Ўзбекистон Ёзувчилар Иттифоқининг "Жоним қорақалпоғим" мавзусида шиғир зовути очиб, бир вақтининг ўзида қаорақалпоқ ва ўзбеклар жиғига тегаëтганини лаънатлаймиз. Ochish/sharhlash

2022-07-18 12:01:49 Ўзбекистонда сиëсий протестни ўз асарида намоëн қиладиган икки рассом бор. Бири устоз Akhunov Vyacheslav иккинчиси эса ëш рассом Абдураҳмон. Inkuzart Incognita тахаллуси билан ижод қиладиган Абдураҳмон давримизнинг жадиди¸ ойдини ва кўзидир. У кўчага чизган расм аллегорияда босқинчи Путин ва курашчи қаҳрамон Зеленский акс этган. Ochish/sharhlash

2022-07-18 11:57:14 Рус тилида ҳам Элтуз канали фаоллашмоқда. Дунё ва минтақада юз бераётган энг долзарб ва қизиқ хабарлар учун Элтузнинг рус тилидаги каналига боқинг: https://t.me/eltuz_rus Каналга аъзо бўлинг ва дўстларга ҳам улашинг. Ochish/sharhlash

2022-07-18 11:31:22 Тошкентда қалбаки 20 минг долларни 8 минг доллар эвазига сотмоқчи бўлган эркак қўлга олинди. Қамағда... Ochish/sharhlash

2022-07-18 11:14:33 Украина АҚШ ва Европадаги йирик банклардан Россия билан ҳамкорликни тўхтатишни талаб қилди - Озодлик Радиоси.
Украина ҳукумати АҚШ ва Европанинг энг йирик банкларидан нефть савдоси соҳасида Россия билан ҳамкорликни тўхтатишни талаб қилди, дея хабар беради The Financial Times газетаси.
Нашр маълумотига кўра, Украина президентининг маслаҳатчиси Олег Устенко АҚШнинг JPMorgan Chase, Citigroup, Британиянинг HSBC ҳамда Франциянинг Credit Agricole банкларига мурожаатлар йўллаган.
Мактубларда банклар Россия нефти билан олди-сотди қилувчи ширкатларга кредитлар бериш орқали “урушни чўзаётгани” айтилади.
Устенко мазкур молия ташкилотлари Украинанинг илтимосини рад этган тақдирда улар урушдан кейин Украинани тиклаш жараёнига жалб этилмаслигини айтиб пўписа қилган.
Президент маслаҳатчиси журналистлар билан суҳбатда Украина махсус хизматлари Россия билан ҳамкорлик қилаётган ширкатлар ҳақида маълумот тўплаётганини, уруш тугаганидан сўнг ушбу маълумотлар Халқаро жиноят судига тақдим этилишини айтди.
“Менинг фикримча, улар ҳарбий жиноятлар содир этишмоқда, чунки шу йўл билан Путин режимини дастаклашяпти”, деди у. Ochish/sharhlash

2022-07-18 10:32:53 Испанияда ғайритабиий иссиқлик туфайли 360 киши ҳалок бўлди Испания соғлиқни сақлаш вазирлиги мамлакатда жазирама иссиқ аллақачон 360 кишининг ўлимига сабаб бўлганини айтди. Ўлимлар энг юқори чўққиси жума куни қайд этилди - ўша куни 123 киши иссиқдан ўлган.… Ochish/sharhlash