Isroil Tillaboyev blogi

2022-09-26 13:07:04 O‘zbekiston Respublikasi Vazirlar Mahkamasi huzuridagi Ta'lim sifatini nazorat qilish davlat inspeksiyasi tomonidan berilgan 036529-sonli litsenziya asosida Oriental universitetida magistratura ochildi.


Magistraturaga bakalavriat bosqichi diplom ballining o‘rtacha ko‘rsatkichi hamda mutaxassislik fani bo‘yicha og‘zaki suhbat asosida, ballar ketma-ketligiga qat’iy rioya qilgan holda qabul amalga oshiriladi.

Magistratura bo`yicha savollaringizga quyidagi telegramm guruh orqali javob olishingiz mumkin:
https://t.me/+KkLgGNFWYk44Njc6

+998917802442
+998955032442 Ochish/sharhlash

2022-09-26 11:28:16 Ўзбекистон шароитида бугундан бошлаб энг ҳурматли, эъзозли инсон - муаллим.

Давлатимиз тақдири, халқимиз, миллатимиз тақдири муҳтарам муаллимларимизга боғлиқ эканини ҳеч ким, ҳеч қачон инкор қилолмайди.

Шавкат Мирзиёев.

"Бор гап" кўрсатувида ҳам айтдим, жамиятдаги муаллимлар обрўси бу бир-икки йилда эмас, ўнлаб йиллар давомида ҳов кечаги постимда айтганимдек, пахта иши сабаб йиллар давомида қуйи даражада шаклланганишига сабаб бўлди. Мана, шахсан Президент бошчилигида буни йўқотишда қадамлар босиляпти. Зеро бу иш тўғри йўл эканини жаҳоннинг энг буюк сиёсатчилари исботлаб бўлган, тарих исботлаган.

P.S: Дўстим Дима Қаюмнинг менга ёзган постидан кейин туғилган фикрлар эди булар.

@DOMLAJON Ochish/sharhlash

2022-09-25 11:45:02 Кўпчилик мурожаатчилар директор жамғармасидан устама олаётганларга 1-октябрдаги бир марталик мукофот пули берилмайдими, деб мурожаат қилмоқда.

Маълумки, Вазирлар Маҳкаммсининг 425-сонли қарори билан 823-сонли қарорига ўзгартириш киритилиб, у банд қуйидаги шаклда ифодаланган:

29. Умумтаълим муассасалари ходимлари, шу жумладан раҳбар ходимлари фақат «1 октябрь — Ўқитувчи ва мураббийлар куни» муносабати билан Жамғарманинг мавжуд маблағлари ҳисобидан меҳнатга ҳақ тўлашнинг энг кам миқдорининг 50 фоизигача миқдорида мукофотланиши мумкин»

Бундан келиб чиқиб:

1) Директор жамғармаси маблағлари доирасида етганича бир марталик мукофот пули Умумтаълим муассасалари ходимлари, шу жумладан раҳбар ходимлари ҳам мукофотланади.

2) Бунда директор жамғармасидан устама олаётган бўлса ҳам ушбу мукофотни олишлари мумкин. Иккиси алоҳида мукофот булар.

3) Бу йил давомида (январдан бошлаб) аввалроқ мукофот пули олган бўлса бу йилда берилмайди. Демак, олмаганларга берилади.

Менимча изоҳ шарт эмасдир энди.

@DOMLAJON Ochish/sharhlash

2022-09-25 08:25:29 #Устозга шогирддан туҳфа танловига жуда чиройли материаллар келмоқда.

Ёзаётганлар шу чақирув туртки бўлиб ҳам устозини йўқлаганини айтиши бизни қувонтирди, сабабчи бўлаётганимизга, тарғиб қилаётганимизга.

Бугун якшанба сиз ҳам устозингизни йўқлаб, чиройли фото юборинг.
Танловда қатнашиш учун @Dildora_Rahmatjonovna га юборишингиз мумкин.

Навбатдаги танлов иштирокчиларини тамошо қилинг:

Ўктамов Маъмуржон
Хомидова Санобар
Ҳакимова Нигора
Зебинисо Қодирхонова
Холиқова Офтобхон
Холидахон Норматова
Мадинабону Адизова
Давронжон Акбаров
Матчанова Меҳрибон
Ғаниева Умариё
Қосимова Дилрабо
Содиқова Одинахон
Х. Назиров
Хаджаева Дурдонахон

Ушбу иштирокчилар ишларини қуйидаги ҳаволани устига босиб кўришингиз мумкин.

Танлов давом этади,
Эслатиб ўтамиз, мукофот ва бизнинг ташаккурномамиз сизга эмас, УСТОЗИНГИЗГА сюрприз қилиб юборилади.

Фақат ютишингиз учун сизнинг ишингиз энг оригинал расм ва изоҳ бўлиши керак.

@DOMLAJON Ochish/sharhlash

2022-09-24 18:25:22 Эсингиздами, айни шу кунларда барча мактабларда, йўғе далаларимизда иш қизғин бўлар эди. Ҳар куни 5-6 та ўқитувчи бутун мактабга қараб турар, қолганларимиз далага "шагом марш!".

Қайсидир туманда текширувчи борган, кўпчилик ўқитувчилар мактабда бўлган, шунда директори роса гап эшитган, мактабда нима қиляпти пахтага бормай, дея

1-октябр байрамидан олдин директорлар йиғилиш қилиб, байрамни фермер (хоким) далада дастурхон қилиб берар экан, 100% чиқамиз дерди

Бир куни 3 та автобусда чўлга олиб бориб ташлаганди кунликка, кечга ўша автобуслар келмай шунча одам қолиб кетгандик, туман ҳокимини телефонин топиб телефон қилиб роса тортишдим, кечаси етиб борган автобуслар, келгунча тўғри ҳоким олдига кирамиз, деб айтгандим, етиб келганда ҳамма уйига шошиб бир ҳамкасбим билан қолдик, юринг, деб ҳоким акани олдига кириб, инсофларинг борми, мана ҳозир келдик, деб роса тортишгандим.

Бўлди бугундан ўша мактабингиз чиқмасин керакмас, деганди, шу билан ўша йили чиқмаганмиз

Сизда қандай воқеалар бўлган?

@DOMLAJON Ochish/sharhlash

2022-09-24 10:18:33 ​​Axborot xurujlari: “bomba” “dalil”lar o'zi qay darajada “bomba”?

....oxirgi paytlarda RTMga qarshi “dalil” sifatida taqdim qilinayotgan holatlarning aksariyati aslida shunchaki axborot xuruji ekanligini tushunish uchun pedagogika va metodika boʻyicha mutaxassis yoki biron soha olimi boʻlish shart emas – XXI asr uchun muhim koʻnikma hisoblangan “raqamli savodxonlik” kerak, xolos. Faqat savol tugʻiladi: muallifi nomaʼlum kanallar ortida turib qilinayotgan bu xurujning orqasida kim(lar) turibdi va maqsad nimada? Detektivlar qirolichasi Agata Kristi taʼbiri bilan aytganda, “bundan kim manfaatdor?”

Batafsil

_ Komil Jalilov, London Universiteti Kolleji (UCL, Buyuk Britaniya) “Oʻquv dasturlarini yaratish, pedagogika va baholash” mutaxassisligi magistri

_Kanalga obuna bo'lish:
Telegram | Facebook | Instagram | You Tube | Twittter Ochish/sharhlash

2022-09-24 09:50:11 Халқ таълими вазири Баҳтиёр Саидовнинг суҳбат интервьюсини юқоридаги ҳаволага (ссилка) босиб сайтга кириб, батафсил ўқисангиз бўлади. Интервьюда журналист томонидан берилган жуда керакли саволларга вазиримиз батафсил тушунтириб берган.
Тавсия қиламан.

@domlajon Ochish/sharhlash

2022-09-24 09:45:17 Ўзбекистонда таълим ислоҳоти нега биринчи ўринга қўйилди?

“Янги Ўзбекистон” газетасининг шу йил 22 сентябрь сонида журналист Баҳодир Жовлиевнинг халқ таълими вазири Бахтиёр Саидов билан суҳбати чоп этилди. Қуйида уни ўқишингиз мумкин.

Батафсил https://bit.ly/3LzFEKo


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram Ochish/sharhlash

2022-09-24 09:19:28 Аввало таълим!

Бугунги кунда Президент Администрацияси таълим, суд, тадбиркорлик, тиббиёт ва сув таъминоти масалаларини ислоҳ қилиш учун фуқаролардан таклифларни қабул қилмоқда.

Айтиш керакки, ушбу 5 та соҳа Ўзбекистонни ривожлантириш стратегиясидаги энг асосий йўналишлари ҳисобланади.

Бугунги кунга келиб 10 мингдан ортиқ таклифлар келиб тушган. Умуман олганда янги фикр ҳар доим ҳар қардай жамиятга керак.

Агар сизда ҳам таклифлар бўлса бемалол taklif2023.uz сайти ёки @taklif2023_bot га юборишингиз мумкин.

Фақат енгил-елпи эмас, қатъий, ҳақиқий муаммонинг ечими айтилган таклиф бўлса барча учун яхши. Ochish/sharhlash

2022-09-24 07:16:13 #Diqqat_tanlov

Xalq ta’limi vazirligi esselar tanlovini e’lon qiladi

Xalq ta’limi vazirligi maktablarda o‘zbek tilining davlat tili sifatidagi nufuzini oshirish maqsadida “Ma’rifatli jamiyat – Uchinchi Renessans bunyodkori” esselar tanlovini o‘tkazmoqda.

Tanlovda Xalq ta’limi tizimidagi maktab o‘qituvchilari 2 ta yo‘nalish bo‘yicha ishtirok etishlari mumkin:

Ta’lim o‘zbek tilida olib boriladigan maktablarning ona tili va adabiyoti fani o‘qituvchilari hamda ta’lim qardosh tillarda olib boriladigan maktablarning o‘zbek tili fani o‘qituvchilari.

Ta’lim tilidan qat’iy nazar barcha fan o‘qituvchilari.

Tanlov 2022-yil 26-sentabrdan 21-oktabrga qadar bo‘lib o‘tadi.

Tanlovning maktab bosqichi 26-sentabr kuni bo‘lib o‘tadi.

Tanlov g‘oliblari 21-oktabr —O‘zbek tiliga davlat tili maqomi berilgan sana arafasida aniqlanadi.

Batafsil ma’lumotlar vazirlikning rasmiy sahifasida.

Tanlovda faol ishtirok eting!


Халқ таълими вазирлигининг расмий саҳифаларига уланиш.
Telegram | Youtube | Facebook | Instagram Ochish/sharhlash