Davlat xizmatlari yangiliklari

2024-03-06 13:20:00 #Bilasizmi

Katta hajmli va og‘ir vaznli yuklarni avtomobil transportida tashish uchun ruxsatnoma olish tartibidan xabardormisiz?

Davlat xizmatini ko‘rsatuvchi subyekt:
O‘zbekiston Respublikasi Transport vazirligi huzuridagi Avtomobil yo‘llari qo‘mitasi

Murojaatlar qabul qilinadi:
– “Litsenziya” axborot tizimi;
– YIDXP – my.gov.uz orqali.

Zarur ma’lumotlar arizaga kiritilgandan so‘ng ariza beruvchi uni o‘z ERIsi bilan tasdiqlaydi.

Xizmatdan foydalanuvchilar:

Jismoniy yoki yuridik shaxslar (yuk tashuvchi yoki yuk jo‘natuvchi)

Arizani ko‘rib chiqish uchun to‘lanadigan yig‘im miqdori: Undirilmaydi.

Ruxsat etish xususiyatiga ega hujjat berilganligi uchun undiriladigan yig‘imlar miqdori bilan ushbu ilovaga muvofiq tanishishingiz mumkin.

Ruxsat etish xususiyatiga ega hujjatning amal qilish muddati:

Bir marta yuk tashish uchun beriladi.

Ma'lumot uchun: Ko‘p martalik ruxsatnomalar bir xil turdagi ma’lum miqdordagi yuklarni belgilangan qatnov bo‘yicha tashishga yoki belgilangan muddatga berilishi mumkin (bu holda tashilayotgan yuk hajmi, aniq bir obyektning qurilish muddati va boshqalar hisobga olinadi).

Arizani ko‘rib chiqish muddati – 8 ish kuni.

Kanalga ulanish
https://t.me/davxizmat Ochish/sharhlash

2024-03-05 17:22:06 #Adliya_hudud

Adliya vaziri oʻrinbosari X.Meliyev Namangan viloyatiga tashrifining birinchi kunida adliya organlari faoliyati bilan tanishdi.

Avvalo, Adliya vaziri oʻrinbosari tashrif davomida Uychi tumani adliya boʻlimi, yuridik xizmat koʻrsatish, davlat xizmatlari markazi hamda FHDY boʻlimi va ularning arxivlari faoliyati bilan tanishdi.

Shuningdek, davlat xizmatchilari va fuqarolar bilan bo‘lib o'tgan samimiy suhbatlar davomida xodimlar va tashrif buyuruvchi fuqarolarga yaratilgan sharoitlar yuzasidan fikr va mulohazalar hamda takliflar tinglandi.

Kanalga ulanish
https://t.me/davxizmat Ochish/sharhlash

2024-01-27 16:21:58 #Hech_Bir_Shaxs_Hujjatsiz_Qolmaydi

Hech kim hujjatsiz qolmaydi: Yangiyoʻlda bir oilaning 5 nafar farzandiga tugʻilganlik guvohnomasi topshirildi

Yangiyoʻlda bir ayolning turli yoshdagi 4 nafar farzandi va bir nafar nabirasiga tugʻilganlik haqida guvohnoma topshirildi. Ularning shu paytgacha guvohnoma va boshqa hujjatlari yoʻq edi.

Yangiyoʻl shahrida yashab kelayotgan Zulxumor opaning farzandlari Sardor (23 yosh), Sevinch (20 yosh), Sadriddin (10 yosh) va Samariddin (5 yosh) hamda nevarasi Bexruzbek (3 yosh)lar tibbiy yordamsiz tugʻruqxonadan tashqarida (xonadonida) tugʻilganligi sababli bugungi kunga qadar tugʻilganlik haqida guvohnoma ololmagan.

Sardorbek va Sevinch 16 yoshdan oshgan boʻlsa-da, tugʻilganlik haqidagi guvohnomasi mavjud boʻlmaganligi sababli ID-karta berilmagan. Oilaning oʻrtancha farzandi Sadriddin 10 yoshga toʻlgan, biroq bugungi kunga qadar umumtaʼlim maktabiga, Samariddin va Bexruzbeklar esa bogʻchaga qabul qilinmagan edi.

Adliya vazirligi tashabbusi bilan oʻtkazilayotgan “Hech bir shaxs hujjatsiz qolmaydi” huquqiy aksiyasi doirasida Zulxumor opaning 4 nafar farzandlari va 1 nafar nevarasining tugʻilishi rasmiylashtirilib, guvohnomalari shaxsan adliya vaziri oʻrinbosari X.Meliyev tomonidan topshirildi.

Shu bilan birgalikda, Sardor va Sevinchga identifikatsiyalovchi ID-karta ham olib berildi. 10 yoshli Sadriddin Yangiyoʻl shahridagi 7-umumiy oʻrta taʼlim maktabining 1-sinfi oʻquvchisi sifatida taʼlimni davom ettirish imkoniga ega boʻldi. Adliya vazirligi tomonidan ularga kitoblar, maktab formasi va oʻquv qurollari sovgʻa qilindi.

Eslatma: Huquqiy aksiya doirasida fuqarolar bevosita tuman (shahar) adliya boʻlimlarida tashkil etilgan maxsus shtablar yoki “1148” qisqa raqamli ishonch telefoni orqali murojaatlarini qoldirishlari mumkin.

Kanalga ulanish
https://t.me/davxizmat Ochish/sharhlash

2024-01-25 08:34:03 #Adliya_eslatadi

Agar sizdan ortiqcha hujjat talab qilinsa, Adliya vazirligiga murojaat qiling!

O‘zbekiston Respublikasi Prezidentining PF–6191-son va PF–6269-son Farmonlariga asosan davlat organlari va tashkilotlari tomonidan davlat xizmatlarini ko‘rsatishda quyidagi hujjatlarni aholi va tadbirkorlik subyektlaridan talab qilish bekor qilingan:

- shaxsni tasdiqlovchi hujjat nusxasi;

- shaxsning belgilangan shakldagi fotosurati;

- mehnat daftarchalari va ularning nusxalari;

- kadastr hujjatlari va ularning nusxalari;

- soliq to‘lovchi jismoniy shaxslarning davlat soliq xizmati organlarida hisobga qo‘yilganligi;

- diplom ma’lumotlari (oliy ta’lim va o‘rta maxsus);

- tadbirkorlik subyekti davlat ro‘yxatidan o‘tkazilganligi to‘g‘risidagi guvohnoma ma’lumotlari;

- “Manzil-ma’lumot”, shuningdek, doimiy yashash va vaqtincha turgan joyi bo‘yicha ro‘yxatdan o‘tgan shaxslar to‘g‘risidagi ma’lumotlar va boshqalar (to‘liq ro‘yxat yuqoridagi havolada).

Bu turdagi hujjatlar davlat organlari va tashkilotlari tomonidan "Elektron hukumat" tizimi idoralararo integratsiyalashuv platformasidan foydalangan holda olinadi.

Yuqorida ko‘rsatilgan hujjat yoki ma’lumotlarning davlat organlari va tashkilotlari tomonidan aholidan talab qilinishi davlat xizmatlari ko‘rsatish sohasidagi qonunchilik hujjatlari talablarini buzish deb hisoblanib, MJtKning 215-5-moddasiga asosan ma'muriy javobgarlikka tortiladi.

Hurmatli fuqarolar, agar Siz talab qilinishi bekor bo‘lgan hujjatlarni so‘rash holatlariga duch kelsangiz, Adliya vazirligining 1148 Call-markaziga murojaat qilishingiz mumkin.

Shuningdek, bu haqda bot manziliga yozib qoldirsangiz ham bo‘ladi.

Kanalga ulanish
https://t.me/davxizmat Ochish/sharhlash

2024-01-22 08:32:55 #Adliya_xabari

“Hech bir shaxs hujjatsiz qolmaydi” huquqiy aksiyasiga start berildi.

Aksiya 2024-yilning 20-yanvaridan 20-martiga qadar davom etadi.

Huquqiy aksiya doirasida:

tegishli hujjatlarga ega bo'lmagan shaxslar respublika miqyosida xatlovdan o‘tkaziladi;

fuqarolarning ushbu turdagi murojaatlari joylarda tashkil etilgan maxsus shtablar yoki “1148” ishonch telefoni orqali tezkorlik bilan qabul qilinadi;

sayyor qabullar tashkil etiladi;

kelib tushgan barcha murojaatlar o'rganib chiqilib, muammolarni qonuniy hal etishga ko'maklashiladi.

Kanalga ulanish
https://t.me/davxizmat Ochish/sharhlash

2024-01-19 16:45:00 #Bilasizmi

Hisobga olish uskunalarini qiyoslovdan oʻtkazish boʻyicha davlat xizmatlari Davlat xizmatlari markazi yoki YIDXP orqali amalga oshirish mumkin.

Bunda, hisobga olish uskunalarini qiyoslash davriyligi:

yuridik shaxslar uchun – 4 yil;
jismoniy shaxslar uchun – 8 yilni tashkil etadi.

Hisoblagichni qiyoslashdan oʻtkazish davlat xizmatini koʻrsatganlik uchun quyidagicha yigʻim undiriladi:

jismoniy shaxslardan (maishiy ehtiyojlar uchun elektr energiyasidan foydalanuvchi jismoniy shaxslardan tashqari) BHMning 20 foizi (68 000 soʻm);
hududiy elektr tarmoqlari korxonasidan (maishiy ehtiyojlar uchun elektr energiyasidan foydalanuvchi jismoniy shaxslar uchun) BHMning15 foizi (51 000 soʻm);
yuridik shaxslardan BHMning 1,5 baravari (510 000 soʻm) miqdorida.

“Ijtimoiy himoya yagona reestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga belgilangan yigʻimning 50 foizi miqdorida chegirma qoʻllaniladi.

Kanalga ulanish
https://t.me/davxizmat Ochish/sharhlash

2024-01-16 16:31:12 #Adliya_xabari

Tug'ilganlik haqidagi guvohnomani olish uchun online buyurtma bering!

Pochta xizmati uyingizga etkazib beradi!

Tug'ilganlik haqidagi guvohnomani uydan turib YIDXP (my.gov.uz) orqali olish mumkin. Avalgidek, FHDY organlariga bormaysiz, navbat kutib ovora boʻlmaysiz, bir-nechta hujjatlarga imzo qoʻymaysiz, asosiysi navbat kutib turmaysiz.

Buning uchun (my.gov.uz) orqali buyurtma berasiz.

Buyurtmada:

Farzandingizga tegishli ma'lumotlar to'ldiriladi;
Tug'ilganlik haqidagi guvohnomani yetkazib beriladigan manzil koʻrsatiladi;

Soʻngi qadamda invoys shakillanadi va BHMning 15 foizi (45 900 so'm) miqdorida hamda pochta xizmati uchun 25 000 soʻm toʻlov amalga oshiriladi.

FHDY xodimi, kelib tushgan buyurtmani koʻrib chiqib, chop etgan Tug'ilganlik haqidagi guvohnomani pochta xizmatiga taqdim etadi.

Guvohnoma pochta xizmati tomonidan yetkaziladi.

Kanalga ulanish
https://t.me/davxizmat Ochish/sharhlash

2023-12-29 14:45:24 #Bilasizmi

Radiotexnik inshootlarni oʻrnatish va ulardan foydalanish uchun sanitariya pasportini SESga borish shart emas

Buning uchun:
Jismoniy yoki yuridik shaxs Davlat xizmatlari markazlariga yoki onlayn - my.gov.uz orqali murojaat qilishi lozim.

Shu o'rinda davlat xizmatlarini ko‘rsatish uchun BHMning 2 baravarida (640 ming soʻm) yigʻim undiriladi.

Soʻrovnoma kelib tushgach, Sanitariya-epidemiologik osoyishtalik va jamoat salomatligi qoʻmitasi va uning hududiy boshqarmalari 14 kun muddatda radiotexnik inshootlarning sanitariya qoidalari, normalari va gigiyena normativlariga muvofiqligini joyiga chiqqan holda koʻrib chiqadi.

Belgilangan muddat mobaynida, Qoʻmita va uning hududiy boshqarmalari tomonidan, sanitariya pasportini DXMga yoki ariza beruvchiga YIDXP orqali elektron shaklda yuboriladi.

Bunda radiotexnik inshootning sanitariya pasporti aholi yashash joylari istiqbolli rivojlantirilishi hamda sanitariya muhofaza zonasi oʻzgarishi inobatga olingan holda 3 yil muddatga beriladi.

Ushbu qulaylik haqida do'stlaringiz bilan ulashishni unutmang!

Kanalga ulanish
https://t.me/davxizmat Ochish/sharhlash

2023-12-25 11:52:01 #Bilasizmi

Kadastr pasportini tayyorlash muddatlari haqida ma'lumotga egamisiz?

Hukumat qaroriga ko‘ra, ko‘chmas mulk ob’ektini kadastr hisobiga olish va kadastr yig‘majildini shakllantirish natijasida ko‘chmas mulk ob’ekti bo‘yicha elektron shaklda kadastr pasporti rasmiylashtiriladi.

Ariza beruvchi kadastr pasportini olish uchun Davlat xizmatlari markaziga yoki YIDXP ro‘yxatdan o‘tadi.

Ko‘chmas mulk ob’ektlarining turar joyga oid qismi bo‘yicha quyidagi muddatlarda amalga oshiriladi:

ko‘p kvartirali uydagi kvartira – 3 ish kunigacha;
yakka tartibdagi turar joy – 5 ish kunigacha;

Ko‘chmas mulk ob’ektlarining noturar joyga oid qismi bo‘yicha:

umumiy maydoni 100 kv.m. gacha - 5 ish kunigacha;
umumiy maydoni 100 kv.m. dan 1000 kv.m. gacha - 7 ish kunigacha;
umumiy maydoni 1000 kv.m. dan 5000 kv.m. gacha - 10 ish kunigacha;
umumiy maydoni 5000 kv.m. dan 15000 kv.m. gacha - 15 ish kunigacha;
umumiy maydoni 15000 kv.m. dan 50000 kv.m. gacha - 20 ish kunigacha;
umumiy maydoni 50000 kv.m. dan ortiq - 25 ish kunigacha.

Kadastr yig‘majildi shakllantirilgandan so‘ng kadastr pasportini berish uchun to‘lov miqdori qiymati ko‘rsatilgan xabarnoma (invoys) Davlat xizmatlari markaziga yoki ariza beruvchiga elektron shaklda yuboriladi.

Ariza beruvchi xabarnomani olgandan so‘ng 1 oy mobaynida to‘lov qiymatini to‘laydi.

Kadastr pasportini berish uchun to‘lov qiymatlari Hukumatning 186-son qarori bilan belgilanadi.

Kanalga ulanish
https://t.me/davxizmat Ochish/sharhlash

2023-12-21 10:14:01 #Bilasizmi

Hisobga olish uskunalarini qiyoslovdan oʻtkazish boʻyicha davlat xizmatlari Davlat xizmatlari markazi yoki YIDXP orqali amalga oshirish mumkin.

Bunda, hisobga olish uskunalarini qiyoslash davriyligi:

yuridik shaxslar uchun – 4 yil;
jismoniy shaxslar uchun – 8 yilni tashkil etadi.

Hisoblagichni qiyoslashdan oʻtkazish davlat xizmatini koʻrsatganlik uchun quyidagicha yigʻim undiriladi:

jismoniy shaxslardan (maishiy ehtiyojlar uchun elektr energiyasidan foydalanuvchi jismoniy shaxslardan tashqari) BHMning 20 foizi (68 000 soʻm);
hududiy elektr tarmoqlari korxonasidan (maishiy ehtiyojlar uchun elektr energiyasidan foydalanuvchi jismoniy shaxslar uchun) BHMning15 foizi (51 000 soʻm);
yuridik shaxslardan BHMning 1,5 baravari (510 000 soʻm) miqdorida.

“Ijtimoiy himoya yagona reestri” axborot tizimida roʻyxatga olingan shaxslarga, shuningdek, I va II guruh nogironligi boʻlgan shaxslarga belgilangan yigʻimning 50 foizi miqdorida chegirma qoʻllaniladi.

Kanalga ulanish
https://t.me/davxizmat Ochish/sharhlash