@BUGUNUZ™ - Official channel

2023-05-19 17:34:40 Озодлик дастури 19.05.23

Европа тикланиш ва тараққиёт банки Ўзбекистонда 15 та мактаб қуриш учун грант беради

Собиқ энергетика вазири Алишер Султонов президент маслаҳатчиси этиб тайинлангани маълум бўлди

Россия сайтида Қирғизистон фуқаролигини олиш бериш бўйича хизмат таклифи пайдо бўлди

Сианда Хитой - Қирғизистон – Ўзбекистон темир йўлини қуриш бўйича навбатдаги ҳужжат имзоланди

НАТО Россиянинг эҳтимолий агрессиясига қарши махфий режани маъқуллаши кутилмоқда

Хиросимада G7 лидерлари Россияга нисбатан янги санкцияларни муҳокама қилади

https://t.me/ozodlikkanali/38218 Ochish/sharhlash

2023-05-19 17:34:39 Озодлик дастури 19.05.23

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2023-05-19 17:05:54 Бирламчи капитал ва иккиламчи санкциялар. Россия бизнеси Ўзбекистонда

Озодликнинг ЯНГИ видеосини ҳозироқ YouTube каналида кўринг

Кўриш учун линк



Европа Иттифоқи Украинага бостириб кирган Россияга қарши санкцияларнинг 11-пакети муҳокамасини бошлади.

Қора рўйхатда Россияга санкцияларни четлаб ўтишда ёрдамлашишда гумон этилаётган Ўзбекистон компаниялари ҳам борлиги хабар қилинди.

Айни дамда Ўзбекистон ички бозорида рус ширкатлари сони кескин кўпаймоқда. Кузатувчилар бу компаниялар санкцияларни айланиб ўтишда муҳим рол ўйнаётганини ҳам тахмин қилмоқда.

https://t.me/ozodlikkanali kanaliga obuna bo'ling!

Bizga xabar yo'llash uchun @ozodnews Ochish/sharhlash

2023-05-19 14:08:06 https://telegra.ph/Olij-sud-izhtimoij-tarmo%D2%9Blardagi-ta%D2%9Bi%D2%9Blangan-dinij-profil-va-guru%D2%B3lar-r%D1%9Ejhatini-ehlon-%D2%9Bildi-05-19 Ochish/sharhlash

2023-05-19 11:54:15 https://telegra.ph/Rossiya-sajtida-%D2%9Air%D2%93iziston-fu%D2%9Baroligini-olish-berish-b%D1%9Ejicha-hizmat-taklifi-pajdo-b%D1%9Eldi-05-19 Ochish/sharhlash

2023-05-19 09:03:45 Россия Давлат думаси учинчи ўқишда ҳарбий ҳолат эълон қилинган ҳудудлардан аҳолини мажбурий кўчиришга оид қонун лойиҳасини учинчи ўқишда маъқуллади. Бу ҳақда “Интерфакс” хабар берди.

Россия президенти Владимир Путин фармони билан ўтган йилнинг октябрида Украинанинг аннексия қилинган Херсон ва Запорожье вилоятларида ҳамда ўзларини “ДХР”, “ЛХР” деб номлаб олган сепаратчи ҳудудларда ҳарбий ҳолат жорий этилган эди. Украинанинг мазкур ҳудудларидан бирортаси тўлиғича Россия ҳарбийлари назоратида эмас.

Федерация кенгашининг конституциявий қонунчилик ва давлат қурилиши қўмитаси раиси Андрей Клишас аввалроқ мазкур қонунга асосан президент фармонлари асосида жорий этилган чекловларни бузганлар 30 суткагача қамалиши мумкинлигини, шунингдек, “ҳарбий ҳолат жорий этилган ҳудудлардан бошқа ҳудудларга аҳолини мажбурий ва назорат остида кўчиришга рухсат берилиши”ни айтган эди.

Унга кўра, бу қонун лойиҳаси Россиянинг “янги субъектларида яшаётган аҳолининг сайлов ҳуқуқини таъминлаш” мақсадида ишлаб чиқилган эди. Ochish/sharhlash

2023-05-19 08:27:44 Расман: Европа тикланиш ва тараққиёт банки Ўзбекистонда 15 та мактаб қуриш учун грант беради

Европа тикланиш ва тараққиёт банки Наманган ва Фарғона вилоятларида халқаро стандартлар асосида 15 та мактаб қурилиши учун грант берадиган бўлди. Бу ҳақда Мактабгача ва мактаб таълими вазирлиги 18 май куни маълум қилди.

Расман билдирилишича, бу борадаги ўзаро келишув Самарқандда ўтказилган Европа тикланиш ва тараққиёт банки Бошқарувчилар кенгашининг 32-йиллик йиғилишида имзоланди. Лойиҳанинг умумий қиймати 55–75 млн. долларни ташкил этади.

ЕТТБнинг 16-18 кунлари Самарқандда ўтган йиғилиши доирасида яна қатор шартномалар имзолангани тўғрисида хабар берилган. Жумладан, банк Қорақалпоғистонда шамол электр станцияси қурилиши учун ACWA Power Wind Karatau ширкатига 19,3 миллион доллар, Uzbekistan Airports ширкатига аэропортларн модернизация қилиш учун 28 миллион еврогача кредит бериши айтилган.

ЕТТБнинг 2017 йилдан бери Ўзбекистон иқтисодиётига киритган сармоялари миқдори 3 миллиард еврога етган. Ochish/sharhlash

2023-05-19 07:52:19 НАТО Россиянинг эҳтимолий агрессиясига қарши махфий режани маъқуллаши кутилмоқда

НАТОнинг июль ойида Вильнюсда ўтадиган саммитида ташкилотга аъзо давлатлар лидерлари совуқ уруш давридан бери илк маротаба Россиянинг эҳтимолий агрессиясига жавоб қайтариш бўйича махфий режани маъқуллаши кутилмоқда.

Бу ҳақда хабар берган Reuters агентлиги НАТОнинг мазкур қарори стратегик жиҳатдан “фундаментал олға силжиш” бўлиши ҳақида ёзди. НАТО Совет Иттифоқи парчаланганидан бери ўтган ўттиз йил давомида бундай режани ишлаб чиқмаган эди. Бунга ташкилот постсовет Россиясини жиддий таҳдид ўлароқ кўрмагани сабаб бўлган.

Reuters хабарида таъкидланишича, Россия Украинага нисбатан уруш бошлаганидан сўнг НАТО Москва билан қуролли конфликт эҳтимолига қарши узоқ муддатли режа ишлаб чиқилишига эҳтиёж сеза бошлади.

НАТО бош котиби Йенс Столтенбергнинг айтишича, режани ишлаб чиқишдан мақсад “иттифоқчиларни қанча куч ва маблағ сарфланишидан хабардор қилишдир”. Ochish/sharhlash

2023-05-19 07:34:13 Хиросимада G7 лидерлари Россияга нисбатан янги санкцияларни муҳокама қилади

Япониянинг Хиросима шаҳрида 19 май куни “Катта еттилик” (G7) лидерларининг уч кунлик саммити бошланади. Reuters агентлигининг билдиришича, Британия, Германия, Италия, Канада,Франция, Япония ва АҚШ раҳбарлари Россияга нисбатан янги санкцияларни муҳокама этади. Саммитда анъанавий равишда Европа Иттифоқи раҳбарлари ҳам қатнашади.

Associated Press агентлигининг билдиришича, АҚШ саммитда иттифоқчиларни Россияга нисбатан жорий санкцияларни “икки баробарга қатъийлаштириш”га чақирмоқчи. Бундан ташқари АҚШ Россиянинг ҳарбий салоҳиятини заифлаштириш ва Украинага босқин учун масъул бўлган шахсларга жазо чораларини кучайтириш имкониятларини ўрганишни таклиф қилмоқчи.

Саммит якунида иттифоқчилар Россияга нисбатан янги санкцияларни жорий этиши кутилмоқда. Жумладан, АҚШ ўзининг янги санкцияларини эълон қилади. Санкциялар рўйхатига яна Россия ва учинчи давлатлардаги 70 та юридик шахс ва 300 жисмоний шахс киритилади. Ochish/sharhlash

2023-05-19 06:40:48 Собиқ энергетика вазири Алишер Султонов 19 май куни Тошкентда иш бошлайдиган учинчи Халқаро энергетика конференциясида президентнинг нефть-газ, кимё ва энергетика масалалари бўйича маслаҳатчиси сифатида иштирок этади. “Газета.uz” нашрининг хабар беришича, бу ҳақда конференция расмий дастуридан маълум бўлган.

2019 йилда энергетика вазири этиб тайинланган Алишер Султонов 2022 йил апрелида “саломатлиги туфайли бошқа ишга ўтгани муносабати билан” лавозимидан озод этилган эди. Шу кунгача унинг қайси лавозимга тайинлангани тўғрисида расман билдирилмаган.

Султонов ҳақида президент расмий сайтининг Администрация ижро аппарати тўғрисидаги бўлимида ҳам ҳеч қандай маълумот берилмаган.

Озодлик радиоси 2023 йил 9 февралда эълон қилган “Ўзбекларни газсиз қолдирган махфий келишувлар” суриштирувида Алишер Султонов номи ҳам тилга олинади. Суриштирувда ўзбек газига оид йирик контрактлар оффшордаги ширкатларга Алишер Султонов 2018 йил 9 август куни ўтказган ëпиқ мажлисда тасдиқлангани қайд этилган. Ochish/sharhlash