BOLAJONLAR UCHUN

2021-02-02 06:52:26 FAROSATSIZ ESHAK
ir bor ekan, bir yo'q ekan, bir eshak bo'lgan ekan. U o'zini juda aqlli
deb bilar ekan. Kunlardan bir kun u bir bog'ga kiribdi. Qarasa, daraxtlarda
mevalar, polizda qovun-tarvuz-u qovoqlar pishib yotgan emish.
Eshak daraxtlardagi mevalarga, polizdagi qovoqlarga qarab, diqqat bo'libdi.
Shalpang quloqlarini qimirlatib:
— Xudoyim-ku hamma narsani bilib yaratgan-a,
lekin ko'p narsalar borki, ularni boshqacharoq
qilib yaratish kerak edi-da, — debdi.
Daraxt shoxida o'tirgan chumchuq eshakdan:
— Qani, ayt-chi, senga bularning nimasi
yoqmadi? — deb so'rabdi.
— Ko'rmaysanmi? — debdi eshak, olma-qovoqlarga imo qilib. — Shunday katta daraxtlarning solgan
mevasini qara, bolalarning mushtumidan ham
kichkina. Endi anovi qovoqlarni ko'r, kallamday
keladi, nozik palaklarda ilinib turibdi...
— Hamma hikmat shunda-da, — debdi chumchuq.
— Bunda hikmat nima qiladi? — debdi eshak. —
Olmalar qovoqdek, qovoqlar olmadek bo'lsa, tuzuk bo'lardi.
Shunday deb, eshak olma daraxtiga surkangan ekan, bitta olma uzilib, "taq"
etib boshiga tushibdi.
Shunda eshak: — Voy, boshim yorilayozdi!.. — debdi.
Chumchuq kulib:
— Yaxshiyamki, olma qovoqdek emas, bo'lmasa miyangning qatig'ini chiqarib yuborardi, — debdi.
— Rost aytding, og'ayni! — debdi eshak va olma daraxti tagidan nari ketibdi. Ochish/sharhlash

2021-02-02 06:52:26 IKKI ECHKI
ir bor ekan, bir yo'q ekan, qadim zamonlarda ikki qaysar echki bo'lgan
ekan.
Kunlardan bir kuni ikkalasi anhor ustidagi yakka cho'p ko'prik ustida uchrashib qolishibdi.
Ikkisidan biri yo'l berishi kerak ekan.
— Yo'l ber! — debdi biri.
— Sen yo'l ber! — debdi ikkinchisi.
— Seni deb orqamga qaytamanmi? — debdi birinchisi.
— Bo'lmasa, seni deb men orqamga qaytamanmi? — debdi ikkinchisi.
Shunday qilib, ikkalasi achchig'lashib suzishib ketibdi.
iKeyin birinchi echki uch qadam, ikkinchi echki uch qadam orqaga qaytib,
birdan bir-birlariga hamla qilishibdi. Shoxlari shoxlariga tegib, chaqmoq chaqqandek
bo'libdi. "Qars!" etgan ovoz dalani tutibdi.
Ikkala qaysar echki yumaloq-yostiq bo'lib anhorga ag'darilib ketibdi Ochish/sharhlash

2021-02-02 06:52:26 QIZG'ANCHIQ IT
bor ekan, bir yo'q ekan, bir it bor ekan. U juda ochko'z ekan.
Bir kuni shu it sheriklari bilan talashib, kattakon bir suyakni olib qochibdi.
U suv ustidagi yakka cho'pdan o'tayotsa, suvda bir it og'zida katta suyak
tishlab, ko'zlarini olaytirib itga tikilib turgan emish. It: "Ir-r, ir-r-r", — deb tishini
irjaytirgan ekan, suv ichidagi it ham
tishini iijaytiribdi.
Qizg'anchiq it uning og'zidagi suyakni
ham tortib o l m o q c h i b o ' l i b d i va
"Xap!" - deb itga tashlanibdi. "Xap"
deyishi bilan og'zidagi suyak o'zidan oldinoq "cho'lp" etib suvga tushib ketibdi.
Qizg'anchiq it rosa shalabbo bo'lib, suyagidan ajralib, suvdan chiqibdi. Ochish/sharhlash

2021-02-02 06:52:26 FIL BILAN XO'ROZ
ir bor ekan, bir yo'q ekan, dakan Xo'roz bilan Fil bo'lgan ekan.
Kunlardan bir kun dakan Xo'roz Filning oldiga kelib, qattiq qichqiribdi:
— Qu-qu-qu-quv!
Fil hayron bo'lib: "Muncha chiranadi bu", — deb o'ylabdi. Xo'roz hammayoqni titib, cho'qib, don terib yeyaveribdi. Yana:
— Qu-qu-qu, quv-v-v! — deb qichqiraveribdi.
Uning ovozini eshitib: "Bir boplay buni", deb o'ylabdi Fil va unga qarab
shunday debdi:
— Kim ko'p ovqat yeydi, senmi yo menmi?
Xo'roz:
— Men ko'p yeyman! — debdi chiranib.
Ular "kim ko'p ovqat yer ekan", deb garov bog'lashibdi.
Fil juda ko'p ovqat yebdi, keyin to'yib uyquga ketibdi. Uyg'onib qarasa,
xo'roz hali ham donlab yurgan emish. Fil yana ovqat yeya boshlabdi. Ovqatni
yeb bo'lib, yana uyquga ketibdi.
Bir vaqt uyg'onib qarasa, kech bo'lib qolibdi. Xo'roz bo'lsa hali ham donlab
yurgan emish.
Don terib yeb, tez-tez:
— Qu-qu-qu! — dermish Xo'roz.
— Yeb to'ymas ekan-ku! — debdi Fil hayron bo'lib. — Bunaqa jonivorni sira ko'igan emasman.
Xo'roz garovda yutgach, o'zicha: "Filning
ustiga chiqib, bir t o m o s h a qilay", deb
o'ylabdi.
U pirr etib uchib, Filning ustiga chiqibdi.
Filning jon-poni chiqib ketibdi:
— Voy-dod! Meni yeb qo'yadi! — deb qichqiribdi-da, shu qochganicha o'rmonga kirib ketibdi.
iXo'roz bo'lsa uning orqasidan qarab, qanotlarini tapillatib:
— Qu-qu-quv! Men zo'rman! — deb qichqiribdi. Ochish/sharhlash

2021-02-02 06:52:25 Quyonim, quyonim,
Nega buncha yig'laysan?
O'rningdan turib ko'r-chi,
Yuz-qo'ling yuvib ko'r-chi.
Oynaga qara-chi,
Sochingni tara-chi.
Bitta o'ynab ber,
Bitta o'ynab ber. Ochish/sharhlash

2021-02-02 06:52:25 Chitti gul-o, chitti gul,
Hay-yu, chitti gul.
Chitti gulga gul bosay,
Bir yoniga yon bosay.
Hay-yu, chitti gul,
Hay-yu, chitti gul!
Qo'ling qo'lvog'da bo'lsin,
Beling belbog'da bo'lsin.
Hay-yu, chitti gul,
Hay-yu, chitti gul!
Dukur-dukur ot keldi,
Chiqib qarang, kim keldi?
Hay-yu, chitti gul,
Hay-yu, chitti gul!
Aravada un keldi,
Childirmada gul keldi.
Hay-yu, chitti gul,
Hay-yu, chitti gul! Ochish/sharhlash

2021-02-02 06:52:25 Vuy-vuy, shuginani kim urdi?
Vuy-vuy, shunga kim lab burdi?
Yig'lama, oppoqqinam,
Boshimdagi qalpoqqinam!
* * *
Yig'ilaring bor bo'lsin-ey,
Shu o'g'lim shunqor bo'lsin-ey.
Yaxshi-yomon kunlarda
Bardoshli bola bo'lsin-ey. Ochish/sharhlash

2021-02-02 06:52:25 Bolaning yuzini yuvish paytida
Huwa-huv,
Ariqda suv,
Betingni yuv!
Huwa-huv,
Mushuk narvonda,
Tovuq ayvonda.
* * *
Huwa-huv,
Betingni yuv!
Beshiktervatti
Tervatib ketdi.
Huwa-huv,
Betingni yuv!
* * *
Oq kaptarim non yeydi,
Ko'k kaptarim don yeydi.
Kimning esi yo'q bo'lsa,
Qo'lini yuvmay non yeydi. Ochish/sharhlash

2021-02-02 06:52:25 Oymomo ko'chay, deydi,
Oq uyni tutay, deydi.
Oq uyning kanorasi,
Ming tillo sadog'asi.
* * *
Oymomoxon — hulla,
Qanotlari — tilla.
Subhonollo sizga,
Umr bersin bizga.
* * *
Osmondagi oylarni
Oyna bilan to'xtatdim.
Yaxshi kiygan yigitlarni
Shu o'g'limga o'xshatdim.
* * *
Akbarjonim otlidir,
Sallasi gul xatlidir.
Ulug'lar nazar solsa,
Qo'li barakatlidir.
* * *
Akbarjonim shu joyi,
Bordir xolli toyi.
Kokillari tilloyi,
O'zim aylanay, iloyi. Ochish/sharhlash

2021-02-02 06:52:25 Yulduzim, qunduzim,
Ko'rar ko'zlarim.
Hayotim davomi,
Qolar so'zlarim.
* * *
Suv keladi g'ozi bilan,
Tilda quvnoq sozi bilan.
O'g'lim ovga ketadi
Asil ovchi - tozi bilan.
* * *
Suv keladi Maridan,
Maridanmas, naridan.
Mening qizim chiroyli
Maridagi paridan.
* * *
Simtepada bir qush bor,
Qanotida kumush bor.
O'ynab turgan ukamning
Kulishida bir ish bor.
* * *
Aylanayin oyimdan,
Kishnoqi shu toyimdan.
Baxtginamning ko'kida
Porlog'i shu oyimdan. Ochish/sharhlash