2021-02-02 06:52:26
MAQTANCHOQ QUYON
,unlardan bir kun maqtanchoq ola quyon sheriklariga:
— Bo'ridan qo'rqmayman, tulkini bir puflab osmonga uchirib yuboraman, — deb chiranibdi.
Hamma uning mardligiga qoyil qolib, yoqa ushlab turganida, birdan bo'ri
kelib qolibdi.
— Xap, — deb quyonlarga tashlanibdi u.
Ola quyon hammadan oldin o'zini eshikka uribdi. Bo'ri uning yo'lini to'sibdi. Shu onda quyon o'lar-tirilariga qaramay bir
sakragan ekan, bo'rining boshiga chiqib qolibdi. Buni
tum-taraqay qochayotgan quyonlarning hammasi
ko'ribdi. Bo'ri esa, ola quyonni irg'itib yuboribdi.
Ola quyon zo'rg'a qutulib, bir necha vaqt nafasini
rostlolmay changalzorda yotibdi.
U kech kirganda uyga kirib boribdi.
— Xayriyat, omon ekansan. Bo'riga yem bo'lgansan deb o'ylagan edik, — deyishibdi quyonlar.
— Be-e, — debdi ola quyon sir boy bermay va
maqtanib ketibdi:
— Yem bo'lib bo'bman! Boshiga chiqib bir
tepdim, til tortmay o'lib qoldi! Terisini shilib oldim.
Ola quyon o'rtaga chiqib, bo'rining terisini qanday shilganini maqtanib so'zlab ketibdi.
— Rahmat senga, ola quyon, bo'ridan qutulibmiz, — debdi quyonlar.
— Ha, butunlay qutuldinglar, — debdi kerilib ola quyon va bo'ri poylab
turmaganmikan deb, xavotirlanib atrofga qarab qo'yibdi.
U maqtanchoq, lekin juda qo'rqoq ekan.
1.5K views03:52