2021-01-30 16:28:13
Қайси вазирнинг «қалами синди»?Хабарингиз бор, яқинда Шавкат Мирзиёев 10 та вазир ишдан кетиши ҳақида маълум қилган эди.
«Қайси вазир аравасини тортмаётганини биламан. Бош вазирга айтганман, ўнта вазирни ишдан олишимиз керак, деб. Иккитаси ишдан олинди, лекин бу ҳали етарли эмас», деган Президент.
Давлат раҳбари кадрлардаги ўзгаришлар ҳақида айтган бўлса-да, айнан кимларнинг ишдан кетишига тўхталмаган. Ҳозирча 3 та вазир ишдан олинди: Олий ва ўрта махсус таълим вазири, Уй-жой коммунал хизмат кўрсатиш вазири, Жисмоний тарбия ва спорт вазири. Демак, яна 7 та тахминий номзод бор.
Бугун блогер Баҳодир Аҳмедов ўз каналида, президент таъбири билан айтганда, «аравасини тортмаётган» вазирлардан яна биттаси — интернет тезлигини 10 баробар ошади деб ваъдани қуруқ бериб, амалда катта ўзгариш қилолмаган, «Рақамли иқтисодиётни ривожлантириш» йилида ҳам айтарли ютуқларга эришолмаган
Ахборот технологиялари ва телекоммуникациялар ривожлантириш вазири Шуҳрат Садиковни номзод сифатида кўрсатиб ўтибди: https://t.me/bahodirahmedoff/4030.
«Янги раҳбарият келиб, ўртадаги муаммоларни кун тартибига қўйиши лозим. Интернет ҳозирги кунда озиқ-овқат, кийим-кечакдан кейинги омиллардан бири бўлиб қолди», деб фикр билдиради блогер.
Бундан бир неча кун аввал Олий Мажлис Қонунчилик палатаси депутати
Дониёр Ғаниев Энергетика вазирининг истеъфосини талаб қилган эди.
«2020 йил 3-чорак якуни бўйича Энергетика соҳасига йўналтирилган давлат ташқи қарзининг 28 фоизи, яъни 5,1 млрд. доллар маблағлар қани? Уларни қандай сарфлашмоқда?» деб ёзади депутат.
Лекин, кимлар истеъфога чиқарилиши, Президент ва Бош вазирнинг рўйхатида кимлар борлиги ҳозирча номаълум.
Сиз қайси вазирни ўз лавозимига номуносиб деб ҳисоблаб, соҳага оид катта ўзгаришлар амалга оширилишини кутмоқдасиз? Фикрингизни изоҳларда ёзиб қолдиринг.
«Файзбоғ» телеграм каналига аъзо бўлинг:
https://t.me/joinchat/AAAAAEL3NfcSopuzcfwL-w
6.6K views13:28