Allaev Uz (16 )

2023-04-16 20:23:19 ​Бугун мана шу твитни ўқиб, бир асабим бузилиб ўтиб кетдим. Жамиятимизда “ҳақиқий эркак” култини ясаган мана шунақа бир тоифа бор. Улар ҳақиқий эркак деганда қовоғини осиб жиддий юришни, оиласига доимий бақиришни, чойхонада ҳеч кимга гап бермасликни тушунишади.

Улар учун эркак киши ўз фарзанди билан паркда ўйнаши, эркак очилиб ўз аёли билан суҳбатлашиб сайр қилиши, ёки шунчаки аёли билан ёнма-ён кетганда коляскани итариши уят ҳолат. Бу ҳақиқий эркак, бу жиддий бўлиши керак.

Ўзи чойхонада калорияга тўла ошни еб турган пайтда, шунақаларнинг хонадонида кўпинча аёли ва болалари гўштсиз овқат еб ўтирган бўлади. Бирор жойда кийик ёки кенгуру гўштидан қозон кабоб қилибди деса, бориб еб кўрмаса хаёли жойига тушмайди. Лекин, оиласи билан ўтириб, маза қилиб бир дастурхон атрофида очиқ самимий суҳбатлашиб овқатланолмайди. Эр-хотин, болалар бир-бирига ҳазиллашиб дардини айтиб, чин кўнгилдан суҳбатлашиши нима эканлигини булар ҳеч қачон тушунмайди.

Ундан оиласи қўрқиши керак, бўлмаса ҳурмат қилмайди. Ўз ҳурматини ундан қанча қўрқишлари билан ўлчайди. Ўзича ҳаммасини дўндириб қўйган бўлсада, оиласи бахтсиз, ота ва эр меҳрига зор. Иккинчи хотиндан керилиб гапиради, лекин пастелда ўша биринчисини ҳам ҳеч қачон қондирмаган. Аксар ҳолатда 2-3 дақиқалик сексдан аёл оргазм нима эканлигини билмасдан бахтсиз ўтиб кетади.


Буларнинг бир қисми шу даражадаги, ҳовлида яшаса, ҳовли меҳнатини қилишни ўзига уят деб билади. Бу оила боши, бу буйруқ бериши, болалар томорқага қараши, ер ағдариши, юк кўтариши керак.

Бу учун энг муҳими ана у Жентра. Керак бўлса совуқ ҳавода болалари ва аёли ювади. Бу ҳақиқий эркак кўчада қўлни ойнадан чиқариб керилиб қора Жэнтрада юриши керак.

Хуллас, бунақа типлар бир аёлни ва оилани бахтли қилолмаган, ўз боласига ва оиласига меҳр беришни уят деб биладиган бадбахт одамлар бўлади.

Постни ўқиётган орасида ёш укаларимиз бўлса, билсин. Ҳақиқий эркаклик бу оиласини, ота-онаси, аёли ва боласини севиш, уларга нисбатан масъулиятни ҳис қилиш, уларга меҳр беришдир. Мактабда ёш қизининг байрами бўлаётганда бориб меҳр бериб мухлислик қиладиган эркак ҳақиқий эркакдир. Аёли қўрққанидан эмас, севиб ҳурмат қиладиган эркак ҳақиқий эркакдир. Ҳақиқий эркак у учун ҳар қанақа ҳолатда оила устунлигини билади ва уни манфаатини кўчадан, чойхонадан, Жентрадан ва одамларнинг гапидан устун қўяди. Ҳақиқий эркак буюм ёки жиддийлик орқали эмас, шахс сифатида юксалиб, ниманидир дўндириб ҳурмат топишга ҳаракат қилади. Сен ҳақиқий эркак бўл, шахс сифатида юксал, оилангни бахтли қил, фарзандларингга меҳр бер, самимий бўл. Сени Жэнтрада ўтирган қовоғи осилган, дўқ уриб гапирадиган жиддий одам бўлганинг учун эмас, самимий, ўз устида ишлайдиган, ўтириб маза қилиб суҳбатлашса бўладиган одам бўлганинг учун ҳурмат қилишсин.

Хуллас, бир гуруҳ тилидаги эмас, ҳақиқий “ҳақиқий эркак” бўлгин. Ochish/sharhlash

2023-04-16 14:48:28 ​“Яланғоч иқтисодиёт” китоби ҳақида кўп пост қилдим шекилли, нима учун бу китобни бунча пиар қиляпсан дейишди.

Бугун айнан нима учун шу китобни кўпроқ ўқишларини хоҳлашимни тушунтириб бераман. Атрофда кўпчилик, ҳатто иқтисодиёт соҳасида дипломи борлар ҳам иқтисодиётнинг оддий қонунларини тушунишмайди. Бунинг ортидан турли хил муаммолар келиб чиқаверади.

Валюталар курси қандай шаклланади, маҳсулотларнинг нархи нимага ошади ёки тушади, нима учун банк ҳаммага кредит беролмайди, нима учун битта қарор билан маошларни ошириш имконсиз, шу каби саволлар атрофда кўп айланади. Уларнинг атрофида иқтисодиётни тушунмаган инсонлар афсоналар тўқишади, ривоят ўқишади, конспирология янада кўпаяди.

Кўпчиликка иқтисодиётни ўрганишни тавсия қиламиз, лекин афсуски иқтисодиёт ҳақидаги китоблар мураккаб тильда ёзилган ва уларни шунчаки тушуниб олиш осон эмас. “Яланғоч иқтисодиёт” китобида бўлса ҳаммаси содда тильда, ўзига хос ҳазиллар билан тушунтирилган. Уни ўқиган одамга иқтисод ёмғирдан кейинги очиқ осмон каби тиниқ кўриниб бошлайди.

Мана шуни ҳис қилганим, иқтисодий асосли билим ҳозир жамиятимизга қанчалик керакли эканлигини англаганим учун ҳам бу китобни тавсия қилишдан чарчамаяпман. Агар қўлимда бўлганида, аввало бу китобни иқтисодиёт соҳасидаги барча олий таълим юртларига дарслик сифатида киритардим. Лекин, афсуски қўлимда эмас.

Хуллас, сиз бизнинг ҳар кунлик, ҳар дақиқалик ҳаётимизга таъсир қиладиган иқтисодиётни тушунишни хоҳласангиз, шу китобни ўқинг, кейин манга раҳмат айтасиз.

Раҳмат айтмасангиз, ман китобни харид қилганингиз учун сизга раҳмат айтаман Ochish/sharhlash

2023-04-16 14:18:30 Kun uz нашри 1 майдан картадан-картага пул ўтказилганда маълумотлар Солиқ органларига жўнатилиши ҳақида катта мақола тайёрлабди:
https://kun.uz/news/2023/04/13/oqibatlar-bilan-kurashish-yashirin-iqtisodiyotni-qisqartirmaydi Ochish/sharhlash

2023-04-16 11:14:22 Тарихдаги ёки яқин ўтмишдаги бирор-бир қарорни муҳокама қилиш осон. Қарор ортидан қанчадир вақт ўтиб, натижалар кўрингандан кейин унинг тўғри ёки нотўғри эканлигини баҳоласа бўлади. Муаммо томони шундаки биз қарорни ҳозирги ҳолдан, қўлимизда бор маълумотлардан келиб чиқибгина баҳолаймиз.

Лекин, тарихда у қарор қилинган қарор қилувчилар ўз қўлидаги бор маълумотлар, умумий руҳий ҳолат ва ўзи вазиятни қанақа кўрганидан келиб чиқиб қарор беради. Бу анча мураккаброқ жараён. Масалан, сиз ҳам ўша ўтмишдаги ҳолатни бугунги ракурсдан кўрмасдан, айнан ўша вақтда ўша ҳолатда кўрганингизда адашиш имкониятингиз кўпроқ бўлади. Чунки қўлда амалда бор маълумотлар ва умумий руҳият реалликдан анча узоқ бўлиши мумкин.

Буни маълумот етишмовчилиги синдроми деса ҳам бўлади. Шу учун ҳам маълумот кўпроқ бўлиши, сифатли бўлиши, қарор ҳиссиётдан эмас, аниқ мантиқдан келиб чиқиши жуда муҳим. Йирикроқ кўплаб миллион инсоннинг ҳаётига таъсир қиладиган қарор берадиган ҳолатда бўлса тийиб турувчи тизим ишлаши, қарор берувчининг ҳаракатлари қонун билан рамкага солинганлиги муҳим бўлади. Шунингдек авторитар бўлмаган эркин муҳитда қарор берувчи унга етиб келган маълумотларни нотўғри талқин қилишига ҳам атрофдагилар йўл қўймаслиги мумкин.

Тарихни баҳолаганда, қарорларни баҳолаганда бугунги ракурс билан эмас, ўша даврдаги ракурс билан қараб билиш жуда аҳамиятли. Бугунги қарорларни ҳам биз қўлимизда бор маълумот ва умумий руҳиятдан келиб чиқиб қиляпмиз. Унинг қанчалик тўғри эканлигини бўлса вақт кўрсатади. Ochish/sharhlash

2023-04-15 13:26:56 Oyda dafn etilgan yagona odam

Shu kungacha Oyda jami 12 kishi boʻlib qaytgan va tez orada bu raqam yana oʻsishni boshlaydi. Lekin maʼlum boʻlishicha, Yerning yoʻldoshida faqatgina bir kishi dafn etilgan.

https://giglink.uz/p/6480247

// giglink.uz rasmiy kanali Ochish/sharhlash

2023-04-14 19:44:43 Ulug' Podcast да китоблар ҳақида гаплашдик, қатор муаммоларни тушунишга ҳаракат қилдик:


Ochish/sharhlash

2023-04-14 14:45:45 ​Кимдир иқтисод ҳақида савол берганда ёки умуман иқтисоддан гап очиб қолганда мен: Ochish/sharhlash

2023-04-14 09:20:02 #китоблар_хақида

Ҳанс Рослинг: Factfulness. Дунё ҳақида янглиш фикрлашимизнинг ўн сабаби - нега у биз ўйлагандан яхшироқ

Telegram | YouTube Ochish/sharhlash

2023-04-13 17:45:39 Мурожаат ва илтимоснома.

Тарқатишга ёрдам беринг, илтимос. Ochish/sharhlash

2023-04-13 15:06:43 ​Бугун бир ажойиб ижтимоий лойиҳа учун видеороликка қатнашишга чақиришди. Лойиҳа ҳақида айтиб бермасам бўлмайди.

27 апрель куни Тошкентда иккинчи "Инклюзив бизнес-форум" ўтказилар экан. Форум Тошкент шаҳар “ШАРОИТ ПЛЮС” ногиронлар жамоат бирлашмаси томонидан www.ishplus.uz рекрутинг портали орқали "ногиронлиги бўлган шахсларни очиқ меҳнат бозорида муносиб иш билан таъминлаш” лойиҳаси доирасида ўтказилар экан.


Форум 4 йирик мавзудаги сессия муҳокамаларини ўз ичига олади:
● ногиронлиги бўлган шахсларни ишлаб чиқариш ва хизмат кўрсатиш соҳасига ҳамда халқаро ташкилотларга ишга киритиш: амалий тажриба ва муваффақиятли ҳикоялар;
● Ўзбекистонда ногиронлиги бўлган шахсларни ишга қабул қилиш: субсидия ва имтиёзлар
● ногиронлиги бўлган шахсларни ишга жойлаштиришда иш берувчилар олдида қандай мажбуриятлар бор?
● мамлакатимизда инклюзив бизнес амалиётларини ривожлантириш учун қандай имкониятлар ва тўсиқлар мавжуд?


Жамият инклюзив бўлишини доим муҳим деб билганман. Бизда ногиронлиги бўлган шахсларга нисбатан сезиларли муаммолар бор. Мана шунақа форумлар билан ҳам жамоатчилик, ҳам ҳукумат диққатини муҳим муаммога қаратиш жуда зарур деб ўйлайман.

Расмда мен форумнинг ташкилотчилар жамоаси билан. Улардаги руҳият, позитив одамга яхши таъсир қилди. Қилаётган меҳнатларингиз учун мингдан-минг раҳмат. Ochish/sharhlash