Allaev Uz (16 )

2023-07-05 11:52:44 Ucell'нинг эгаси ўз номини Digital Holding'дан Digital Olding'га ўзгартирди

Шунингдек, Давактив ушбу компанияинг асосий таъсисчисига айланган — 49 фоиз. Бундан аввал 51 фоиз билан Digital Olding'нинг асосий эгаси бўлган Digital Invest эса ҳозирда компаниянинг 46 фоизига эгалик қилмоқда.

Digital Invest апрел ойида АҚШ томонидан санкцияларга учраган эди. Бунга сабаб қилиб Россия компаниясининг Усмоновга алоқадорлиги айтилган.

Албатта, ўзгаришлар Ucell'нинг санкциялар таъсирига тушиб қолмаслиги учун қилинмоқда. Қайсидир маънода асосий эга сифатида энди Ўзбекистон ҳукумати олдингга чиқади. Аввал бу ролни санкциялар остида қолган Digital Invest бажарар эди.

@bankir Ochish/sharhlash

2023-07-05 10:45:30 Бизнесда тренингларга қатнаб бир қоп мотивацияга тўлиб ходимларга давай-давай қилган билан иш битиб қолмайди. Микроменежментга аралашиб, операцион жараёнларга қизиқса чексиз имкониятлар очилади, одам кўп нарса ўрганади, яхшилайди, бирма-бир унумдорлик ошади.

Муҳими бу хоҳлаган бошқарувига тўғри келади.

@allaevuzb Ochish/sharhlash

2023-07-04 18:00:06 Фаластин уйғурлар масаласида Хитойни қўллаб-қувватлади. Исроил бўлса уйғурлар масаласида Хитойни ашаддий танқид қилади. Арманистон Фаластин масаласида Исроилга қарши. Бунақа мисолларни юзлаб топиш мумкин. 

Бизда кўпчилик нимагадир Ислом дунёсини ягона сиёсий бирлик деб билади. Лекин, реал сиёсатда бу ҳақиқатдан жуда узоқ ва узоқ бўлиб қолаверади. Ягона дин атрофида бирлашиб сиёсат юритиш ХХI аср мантиғига тўғри келмайди. Ҳозирда ягона Ислом, ягона Христиан ёки ягона Буддизм сиёсати йўқ. Сиёсат жуда мураккаб, унда ҳар жабҳада манфаатлар устида тўқнашув кетади. Ҳар бир мамлакат ўз манфаатларидан келиб чиқиб халқаро сиёсат юритади. Лекин, ҳатто бу ҳам умумийлаштирилган гапдир. Ўрганиб чиқса, мамлакатлар баъзида ҳатто миллий манфаатдан эмас, бошқарувчи элитанинг манфаатидан, ундан ҳам ёмони баъзида бошқарувчи элитага таъсири катта алоҳида гуруҳ ёки мамлакат манфаатидан келиб чиқиб ҳаракат қилади. 

Шунга ўхшаб дунёни оқ ва қора кўришни тўхтатишимиз керак. Дунё жуда бўлинган, унда доимий манфаатлар тўқнашуви ва курашлар кетади. Битта қарор ёки буйруқ билан дунёни алоҳида кичик гуруҳ бошқариши, миллионлар тақдирини ҳал қиладиган сиёсатни умумийлаштириб бир йўналишга тушириши реал ҳаётда бўлмайди. Агар, сиз халқаро сиёсат қанчалик мураккаблигини тушунмоқчи бўлсангиз, “Катта ўйин. Икки империя тўқнашуви” китобини, янада мураккаблашиб иқтисодий сиёсатни тушунмоқчи бўлсангиз “Яланғоч иқтисодиёт” китобини ўқиб кўринг. 


@allaevuzb Ochish/sharhlash

2023-07-04 17:43:43 Ochish/sharhlash

2023-06-14 15:17:57 Шу жойида бир янглиш стереотипни эслатиб ўтаман. Суриш керак деган жумла одатда мамлакатда даромади кам қатламга нисбатан ишлатилади. Уларда мотивация кўп, тезроқ суради деб ўйлашади. Аслида, мамлакатда вазият ёмонлашса камбағал қатлам эмас, биринчи бўлиб ўз бойлигини йўқотишдан қўрққан бой қатлам ва хавфларни сезган, келажакни позитив баҳолай олмаган интеллегенция четга суради.

Бой қатламда даромадлари бу имконни берса, интеллегенцияда ақлий қобилият яъни инсон капитали бунга имкон очади. Мамлакат ёмон бошқарилса, қанчалик оғир бўлмасин бойликка эга бойларидан ва олтин бошларидан қуруқ қолади.

@allaevuzb Ochish/sharhlash

2023-06-14 15:13:27 Мамлакатларда умумий вазият қанақа эканлигини билиш учун бизнес ва инвестицияларга, янада аниқроғи капитал ҳаракатига эътибор қаратиш етарли.

2022 йилда мамлакатни миллионерлар тарк этиши бўйича Хитой ва Россия етакчи ўринларни эгаллабди. Кучли бешликка Ҳиндистон, Гонг Конг ва Бразилия ҳам киришган.

Биргина Россиянинг ўзидан 2022-йилда 8000дан ортиқ долларда миллионерлар чиқиб кетишган. Капиталнинг энг катта қисми Ғарбга ҳаракатланган бўлса, БАА ва Сингапур ҳам миллионерларни жалб қилиб билган.

@allaevuzb Ochish/sharhlash

2023-06-13 20:49:49 ​Қандай қилиб Австралиялик оддий талаба қиз 15 миллиард долларлик стартап яратганлиги ҳақида.

2007 йилда Мелани Перкинс Ғарбий Австралия Университетининг график дизайн факультетига ўқишга киради. Талаба қизга пул етишмас ва у кун кўриш учун график дизайн бўйича репетиторлик қиларди. Бу репетиторлик фаолияти унда келажакда миллиардерга айланиш учун имкон яратди. У ўқувчилари билан ишлаган сари Photoshop каби график дизайн бўйича ўнлаб программалар оддий фойдаланувчилар ва маркетологлар учун жуда мураккаб эканлигини тушуниб етди. Шунингдек бу программалар ишлаши учун кучли компьютер ҳам керак эди.

Шунда Меланида веб дизайнерлар учун ишлатилиши оддий бўлган, онлайн ишлайдиган хизмат яратиш фикри пайдо бўлди. У ўзи билан бир Университетда ўқийдиган йигити Клифф Обрехт билан ғояни амалга оширишга киришди. Лекин, лойиҳага инвестор топиш қийин бўлди. Мелани қўл силтамасдан йиллар давомида ҳаракат қилди ва ўз ресурсларидан лойиҳани яхшилашда давом этди. Лойиҳанинг илк кўриниши пайдо бўлганда илк маротаба 10000 долларлик инвестиция жалб қилишга эришишди. 2013 йилда бор стандарт намуналар билан оддий постерлар яратиш имкониятини берадиган Cанва хизмати ишга тушди. Canva com сайтида асосий функциялар бепул бўлиб, баъзи бир мураккаб нарсалар учун ойлик абонент тўлови жорий қилинди. Биринчи йилдаёқ лойиҳадан бепул фойдаланувчилар сони 600 мингтага етди.

Энди инвесторлар лойиҳага ишониб бошлашди ва аста-секинлик билан 250 минг доллардан бошлаб 250 миллион долларгача инвестиция қилган фондлар бўлди.

2021 йилга келиб компаниянинг умумий баҳоси 15 миллиард долларга етди. Компанияга қилинган умумий инвестициялар 370 миллион доллардан иборат. Бугунги кунда хизматдан Fortune 500 рўйхатига кирган дунёнинг энг йирик компанияларининг 85 фоизи фойдаланади.

Асосий даромад пуллик хизматлар учун тўланадиган ойлик абонент тўловидан келади. Бугунги кунда хизматнинг учта версияси бор:

1. Бепул. Оддий фойдаланувчилар учун етарли функциялар мавжуд
2. Пуллик. Йилига 110 доллар эвазига абонентлар барча хизматлардан фойдаланиши мумкин. Бу СММ соҳасидаги ва бошқа оддий дизайнерлар, шунингдек блогерлар учун мўлжалланган.
3. Корпоратив тариф. Йилига 324 доллар бир нафар фойдаланувчи учун

2021 йилда компаниянинг даромади 500 миллион доллардан иборат бўлиши тахмин қилинмоқда.


Айтиб ўтиш керакки, биз ҳам Asaxiy Uz да ҳам тез-тез Canva дан фойдаланиб келамиз.


Хулоса қиладиган бўлсак, 19 ёшли талаба қиз ўз соҳасида муаммони англаб етди. Аксар график дизайн бўйича дастурлар жуда мураккаб ва кучли ресурс (компьютерлар) талаб қилади. Демак, оддий фойдаланувчиларга мўлжалланган оддий, содда ва онлайн ишлайдиган сервис керак. У ечимни излади, ғоя пайдо бўлди ва амалга ошириш учун қийналиб йиллаб курашди. Қийналиб бўлсада аста-секин инвесторлар топди, лойиҳани доимий ривожлантириб сервисни яхшилаб борди. Натижада у 2021 йилда миллиардерга айланди. Canva бўлса минглаб ходим ишлайдиган, Австралиядан ташқари Филиппин ва Хитой каби давлатларда ўз офисига эга, ҳар ой 20 миллиондан ортиқ ягни фойдаланувчи рўйхатдан ўтадиган халқаро сервисга айланди.


Ҳаммаси оддий. Муаммо бор, бу талаб дегани. Муаммога ечим ўйлаб топилди. Бу талабга нисбатан таклиф. Ғояни амалга ошириш ва сервис хизматини яхшилаш устида йиллаб ишланди. Шунингдек, Мелани муваффақиятли стартап яратиш учун Хитой ёки АҚШда туғилиш шарт эмаслигини ҳам кўрсатиб берди.

Расмда бугун ҳам компанияни бошқараётган Меланини кўришингиз мумкин.

@allaevuzb Ochish/sharhlash

2023-06-13 12:28:52 ​​#mutolaa

Berluskoni

Fransuzlarda - Napoleon, nemislarda - Bismark, ruslarda - Stalin, yahudiylarda - Muso. Har qanday millat haqida gap ketganda, uning milliyligi ko‘zgusiga, qolaversa, unga xos bo‘lgan stereotiplarning timsoliga aylangan shaxslar esga olinadi. Agar zamondoshlarimiz orasida italiyaliklarning barcha stereotiplarini birlashtirgan shaxs kim deyishsa, shubhasiz bu - Silvio Berluskoni. U asrlar davomida shakllangan me’yor va sog‘lom fikrli siyosiy madaniyatni oyog'ini osmondan qilgan deyish mumkin. Bosh vazir o'z nutqlarida: "Agar men butun xalq manfaatlarini ko'zlagan holda, ayni lahzada o'z manfaatimni ham ko'zlayotgan bo'lsam, demak meni manfaatlar to'qnashuvida ayblay olmaysiz", - degan iborasi mashhur bo'дib ketadi.

Italiyada so'nggi 60 yil ichida 60 dan ortiq hukumatlar almashgan. U yerda Prezidentlik shunchaki rasmiy lavozim bo'lib, xuddi Buyuk Britaniyadagi qirollik kabi mamlakat birligi ramzi hisoblanadi. Hukumat boshlig'i sifatida Silvio Berluskoni jami uch muddat saylangan. 1994-yilda ilk muddatini boshlaydi va 8 oy hokimiyatda qoladi. Ikkinchi muddat 2001-yilda boshlangan va 4 yilu 11 oy davom etgan. Uchinchi marta esa u 2008-yilda davlat tepasiga chiqib, naq 3 yilu 6 oy ushbu lavozimda qoladi. Umuman olganda, bu natija rekord desa ham bo'ladi, holbuki boshqa yevropalik siyosatchilar bilan solishtirganda unchalik uzoq ko'rinmasligi mumkin, ammo urushdan keyingi Italiyada davom etgan doimiy beqarorlik fonida uning ushbu yutug'i yangi yulduzday porlab turibdi.

Berluskoni hokimiyatdalik paytida sariq matbuotning kundalik qahramoniga aylanadi, ayniqsa xotiniga xiyonat qilgani haqidagi gap so'zlarga: "go'zal ayollarni sevish, g** bo'lishdan yaxshiroq" deya javob beradi. Uni mehmonxonalarda yengiltak ayollar bilan ko'rib qolishadi, siyosatchi bo'la turib, "Milan" futbol klubini sotib oladi - xullas, normal siyosatchilar qochadigan barcha ko'ngilsiz ishlarga aralashadi. Shunga qaramasdan, xalq uni doimo yaxshi ko'rar va unga ovoz berardi. Ayniqsa, yoshi ulug' qatlam uni rosa ulug'lardi.

Bu shundan dalolatki, zamonaviy siyosiy olamida stereotiplar katta o'rin tutadi. Dunyoning ko'plab mamlakatlari aholisida siyosiy arboblarning intellektual iqtidoridan ko'ra, uning tashqi ko'rinishi va qarashlariga bo'lgan qiziqishi ortmoqda. Agar siz davlat oldida turgan chuqur moliyaviy inqirozlar, siyosiy tanazzul va xalqaro munosabatlarni qanday hal qilish to'g'risida biror tasavvurga ega bo‘lmasangiz-u, lekin ommaga manzur tashqi ko'rinishga ega bo'lsangiz, u holda bemalol siyosatga kirib kelsangiz bo'ladi.

— Yanko Svetkov, "Stereotiplar va noto'g'ri qarashlar Atlasi"

@panda_books Ochish/sharhlash

2023-06-13 10:53:21 Самарқандда хорижий тиллар марафони ташкил қилинмоқда

Марафонда ёшларга 13 та хорижий тил бўйича халқаро тажрибага эга спикер ва ўқитувчилар билан биргаликда учрашув ва мастер-класcларда бепул қатнашиш имкони тақдим қилинади.

Ўзбекистон ёшларини қамраб олувчи марафон 14 июнь куни соат 10:00да Самарқанд шаҳридаги ёшлар марказида бошланади. Ушбу марафонда барча самарқандлик ёшлар иштирок этишлари мумкин. Албатта, СИЗ ҳам қатнашинг.

Эслатиб ўтамиз, марафон бошқа ҳудудларда ҳам давом этади.

Рўйхатдан ўтиш учун:  @ibrat_register_bot

Манзил: Самарқанд шаҳри, Абдураҳмон Жомий кўчаси, 98-уй (локация) Ochish/sharhlash

2023-06-12 14:28:28 Oʻrta asrlarda "Vassalimning vassali mening vassalim emas" degan qarash Yevropa hukmdorlarini inqirozga olib borgan. Maktabda tarixni yaxshi oʻqiganlar bu jumlani yaxshi bilishadi.
Tarix shunaqa narsaki, bir davrda mutlaqo xato boʻlgan qarash boshqa bir davrda eng toʻgʻri qarash boʻlib chiqishi mumkin. Bugun zamonaviy dunyo inklyuziv boshqaruv eng toʻgʻri ekanligini tan olib boʻldi. Rivojlangan davlatlarda nafaqat katta korporatsiyalar, hatto davlat ham mahalliy hokimiyatga oʻzi uchun koʻproq qaror qilish imkonini bermoqda. Xullas, biznesda ham, davlat boshqaruvida ham hokimiyat boʻlinib ketdi. Mana shu inklyuzivlik ajoyib muvozanat yaratib, avvalo xatolarning oʻrnini oladigan tiyib turuvchi mexanizm yaratmoqda, boshqa tomondan hammaga oʻz talantini ochish uchun imkon yaratmoqda.

Rahbarga kuchli, avtoritar, doim haq deb qarash biznes muhitida keskin oʻzgardi. Hozirgi tizim rahbarni ehtimoliy xatolardan tiyib turish uchun oʻylangan. Tiyib turuvchi mexanizm boʻlsa rivojlanish uchun yanada katta imkoniyatlar ochmoqda.

@allaevuzb Ochish/sharhlash