Abbos Abduqayumov

2023-01-07 22:23:43 Omad haqida bir shingil

Bir kuni psixolog Richard Vismon gazetaga e'lon berish orqali 400 ko'ngilli erkak va ayollarni «omad eksperimenti» uchun saralab oladi.

Qatnashuvchilarning yarimi o'zlarini omadli, qolgan yarimi esa omadsiz hisoblashar edi.

Eksperimentning birinchi qismida hammaga bir xil gazeta tarqatiladi va ulardan gazetada nechta rasm bor ekanligini sanash so'raladi. «Omadli»lar rasmlarni sanashga bir-necha sekund, «omadsiz»lar esa o'rtacha 2 daqiqa vaqt sarflashdi.

Gap shundaki, gazetaning ikkinchi sahifasida «Rasmlarni sanamang! Bu yerda 43 ta rasm bor», degan sarlavha bor edi.

Ekperimentning ikkinchi qismida psixolog avvalgi ishini takrorlaydi lekin eski yozuv o'rnida «Rasmlarni sanamang! Bu yozuvni ko'rganingizni psixolokka ayting va $250 yutib oling» yozuvi bor edi.

Natija o'sha-o'sha: «Omadli»lar yozuvni ko'rishadi, «omadsiz»lar esa yo'q. Chunki ular rasmlarni sanash bilan juda band edi.

Psixologning xulosasiga ko'ra, omadsiz odamlar zo'riqishlarga juda moyil bo'ladi va bu taranglik ularga atrofda nimalar bo'layotganini payqashga to'sqinlik qiladi.

Omadli odamlar xotirjam bo'ladi va shuning uchun ular izlayotgan narsadan koʻra ko'proq narsani ko'rishadi.

(c) nastjja.com saytidan shaxsiy tarjima.

Odamlar qobiqlaridan tashqariga chiqsa, hayotda omadga erishish imkoniyati ortadi. Tasavvur qiling, siz katta olma bog'ining o'rtasidasiz. Har kuni katta savatda olma olishingiz kerak. Avvaliga ularni qayerdan tanlaganingiz muhim emas — olma hamma joyda bor.

Ammo vaqt o'tishi bilan siz har kuni boradigan joyda savatni to'ldirishingiz qiyinlashib boradi. Biroq, siz ilgari bormagan bog'ning qismlariga boradigan bo'lsangiz, savatni to'ldirish osonlashadi.

Omad ham xuddi shunday. Omadli bo'lish uchun yangi odamlarni, yangi joylarni kashf qilish kerak.

@Abduqayumov Ochish/sharhlash

2023-01-04 17:17:46 «Hamma ayb o'zbek jamiyatida, sen mutlaqo aybsizsan!»

Sen har doim ham atrofdagi vaziyatlarga ta'sir qila olmasliging mumkin lekin ularga bo'lgan munosabatingga ta'sir qila olasan.

Sen, sening harakating bilan o'zgarmaydigan jamiyatdan qoniqishga harakat qilishing — alamzada inson bo'lishdan seni qutqaradi.

Jamiyatni yomon ko'rish — nafsingga yoqadi lekin asablaring yemirilishiga, o'zingdan qoniqish his qilishingga olib keladi.

Muammoni o'zingdan qidirishing — yangi ilmlar olishga, o'zgarishingga imkon beradi. Har bir vaziyat o'rganish imkoniyatiga aylanadi.

Agar har bir inson muammoni jamiyatdan emas, o'zidan qidirishga o'tsa, jamiyat tez orada gullab-yashnaydi!

@Abduqayumov Ochish/sharhlash

2022-12-25 22:50:41 Eng yomon odam ekanliging haqida aytishganmi?

O'zingda bor resurslarni ko'kka sovurib, odamlarning sen haqingda shakllanib ulgurgan fikrlarini o'zgartirishga urinma.

Odamlarning sen haqingda allaqachon shakllangan fikrlarini o'zgartirish — xuddiki to'xtovsiz va tartibsiz harakatlanayotgan molekulalarni bir yo'nalishda harakatlanishga majbur qilishga o'xshaydi.

Oqil odam buning imkonsizligini tezda anglaydi va kishilarning u haqidagi fikrlarini o'zgartirish fikridan voz kechadi.

Odamlarning sen haqingda istaganlaricha o'ylashlariga qo'yib ber. Asosiy yo'lingdan chalg'ima.

Agar to'g'ri yo'lda bo'lsang, bir kun keladi va sen haqingda yanglish fikrda bo'lganlar afsuslanadi. Buni sen o'sha paytda ularning ko'zlaridan anglaysan!

Senda faqat bitta hayot bor, unda o'zing yasha!

@Abduqayumov Ochish/sharhlash

2022-12-23 12:08:59 Odamzod harorat sovib ketsa ham, isib ketsa ham koʻnikib ketaveradi. Maʼlumki, eng moslashuvi mavjudodlardan biri bu odam. Moslashish esa toʻgʻridan-toʻgʻri inson miyasi bilan sodir boʻladi.

Shunday ekan, agar miya tinimsiz ilm olsa, yangi maʼlumotlarni qabul qilishdan toʻxtamasa, davomli tarzda fikrlashda boʻlsa, albatta u shu narsalarga moslashadi. Tez qabul qiluvchan boʻlib qoladi.

Biror sohada professional boʻlish ham huddi shunday. Bir oy, olti oy, bir yil hech narsa oʻrgana olmaslik mumkin lekin bir kun keladi, miyangiz shu sohadagi ilmlarni shunday tezlikda qabul qilishni boshlaydiki, oʻsha sohada professionallashayotganingizni his qilasiz.

Ertaga oʻsha hissiyotni his qilishga faqatgina bugun uxlamasdan izlanayotgan, vaqtinchalik boʻlgan har narsaga vaqt sarflamayotgan, xohishlariga qarshi chiqayotganlargina loyiq.

@Abduqayumov Ochish/sharhlash

2022-12-18 02:04:20 OpenAI tomonidan chiqarilgan, ko'pchilik soha vakillarini qo'rquvga solayotgan ChatGPT loyihasi haqida do'stim Sardor yaxshi video chiqaribdi.

Mutaxassislar fikriga ko'ra bunaqa AI loyihalar yaqin kelajakda har qanday sohada junior va middle darajadagilarning ishlarini tortib oladi. Endi faqat sohalarda eng zo'rlar qoladi. Sohada eng zo'ri bo'lish uchun esa «yonish» kerak.

Sardorning videosini ko'rishni tavsiya qilaman:



@Abduqayumov Ochish/sharhlash

2022-12-18 00:38:57 G'alaba avval insonning ongida, shuurida, qalbida paydo bo'ladi. Insoning ichida bo'ladigan o'zgarish uning butun hayotini, jamiyatni, dunyoni o'zgartirishi mumkin. Lekin aksincha bo'lmaydi. Insonning ich-ichidan g'alabaga nisbatan ishonch yo'q ekan, hech bir natijaga erishilmaydi.

Agar inson g'alabaga nisbatan ichki ishonchini yo'qotmasa, irodasini sindirmasa, qat'iyatli bo'lsa, «yonsa» hech qanday kuch uni g'alabadan to'xtata olmaydi.

Mag'lublardagi birdan-bir umumiylik bu — ularning ichki dunyolarida g'alabaga nisbatan ishonching yo'qligi.

G'alaba uchun «yonish» kerak! Tamom!

@Abduqayumov Ochish/sharhlash

2022-12-05 21:56:56 Hamma narsaning oʻz kriteriyalari, aniq oʻlchovlari boʻladi. Masalan suv 0°C da muzlaydi. Xuddi shunday oqillikning ham oʻz meʼzonlari, aniq belgilangan chegaralari bor. Shulardan biri oqil kishini hayratlantirish qiyinligi.

Yaqinda Twitter'da bir yoshroq yigitning "Uylansam xotinimni sizlayman", deb yozgan tweetini koʻrib qoldim.

Men uchun bu tweetdan ham tagidagi izohlar qiziq boʻldi. Ularni taxminan 3 ta kategoriyaga ajratish mumkin.

1. "Men ham toʻydan keyin erimni sizlayman", deyotgan qizga oʻxshash hazilkashlar. Vaziyatga yumor bilan yondashadigan insonlarni surishtirsangiz, juda aqlli boʻlib chiqishadi. Bunaqa odamlarni hamma joyda zoʻr qabul qilishadi.

2. Romantik ekansiz, janjallarning oldini olasiz, hurmat qozonasiz, deydigan toifa. Bular adekvatlar. Vaziyatni boricha qabul qilishadi.

3. Qanaqa erkaksan, latta, xotin quli va yana nimadirlar. Bunaqa stereotiplar boshiga shunday paqirni kiyib olishganki, yoʻllarini ham koʻra olishmaydi. Odatda bunday odamlar bilan gaplashsangiz, dunyoqarashi maktab davridan keyin oʻsmay qolganini payqaysiz.

Men nima demoqchiman? Hamma joyining oʻz oqillik chegaralari bor. Bir joyda uyat sanalgan narsa boshqa joyda oddiy hol sifatida qabul qilinishi mumkin. Buni aqlli odam normal qabul qiladi. Hamma narsani oʻz qarichi bilan oʻlchash toʻgʻri emasligini yaxshi biladi. Bular oqillik kriteriyalari ichida boʻlganlaridan biridir.

@Abduqayumov Ochish/sharhlash

2022-11-25 15:38:00 — Xudoga ishonasizmi?

Insonda yillar davomida shakllanib kelgan, qayta-qayta o'z ongiga singdirgan tushunchalari bo'ladi. Ateist ham, dindor ham o'z-o'zidan shu e'tiqodiga kelib qolgan emas. Aqlli ateistda ham, aqlli dindorda ham o'z e'tiqodida qolishiga yetarlicha sabablari bo'ladi. Oqil, o'zini hurmat qilgan odam birovga uning e'tiqodlari haqida savol bermaydi. Bu odobdan emas. Qolaversa, bu har bir odamning o'ta-o'ta shaxsiy hududi. Boshqa birovning bu shaxsiy hududda arqoni uzilgan buzoqdek chopib yurishi normal odamlar tomonidan normal qabul qilinmaydi.

Masalan, menga kimdir kelib, ateist bo'lishni tavsiya qilsa, o'sha odamdan e'tiqodiy masalalarimga aralashgani uchun shunchaki nafratlanaman.

@Abduqayumov Ochish/sharhlash

2022-11-25 11:55:22 Kitob va jurnallarni oʻqishga berib turaman

Kutubxonamda oʻqilmay turgan kitoblar oʻqilib tursin degan maqsadda ularni oʻqishga berib turishga qaror qildim. Oʻzingizga keraklisini tanlab, menga murojaat qiling.

Kitoblar roʻyxati bilan tanishing: https://telegra.ph/Kitob-11-23-2

Kitob olish uchun ushbu profilga murojaat qiling: @Abdulaziz_Ikrom

Manzil: TATU.
Moʻljal: Bodomzor metro bekati.

P. S. Bu kitoblarning koʻpi sovgʻa qilingan. Siz ham @hilolnashr da boʻladigan «Kitobxonlik maktabi»ga qatnasangiz, sizga ham shunaqa koʻp kitob-jurnallar sovgʻa qilishadi.

@AbdulazizIkrom Ochish/sharhlash

2022-11-22 15:47:59 Ko‘ngil g‘ashligi va yurak siqilishi chorasizlik yoki ojizlikdan emas, yashashga chorlovchi biror narsa yo‘qligidan!
Pat Mesiti

@Abduqayumov Ochish/sharhlash