Rost24 | Расмий канал

2024-06-06 05:55:03 Шавкат Мирзиёев расмий ташриф билан Туркияга кетди

Туркия пойтахтининг “Эсонбуға” аэропортида давлатимиз раҳбарини Туркия вице-президенти Жавдат Йилмаз ва бошқа расмий шахслар кутиб олди.

Бугун Анқарада олий даражадаги Стратегик ҳамкорлик кенгашининг учинчи йиғилиши бўлади.

ROST24.uz | Telegram | Facebook | Instagram | YouTube Ochish/sharhlash

2024-06-06 04:01:26 #Рост_ҳикматлар

Сукут - кўп муаммоларнинг қалқонидир, гап сотиш эса ҳар доим зарарли. Одамнинг тили кичик, аммо у қанчадан-қанча ҳаётларни синдирган.

Умар Ҳайём

Кунингиз хайрли ўтсин!

ROST24.uz | Telegram | YouTube Ochish/sharhlash

2024-06-05 20:39:30 “Кўча”ни назорат қилишни менга давлат ташкилоти ишониб топширган эди — “Бахти Ташкентский”

Жиноят оламида “қонундаги ўғри — Бахти Ташкентский” мақомини олган Бахтиёр Қудратуллаев ва 36 нафар айбланувчи бўйича суд давом этмоқда.

Бугунги судда сўз олган Бахтиёр Қудратуллаев қамоқдан чиққанида сўнг давлат ташкилоти вакиллари унга алоқага чиқиб, мамлакатда ёшлар, спортчилар орасида пичоқбозлик кўпайиб кетаётгани учун “кўча”ни тартибга солишни сўраганини айтган. 

ROST24.uz | Telegram | Facebook | Instagram | YouTube Ochish/sharhlash

2024-06-05 20:30:33 Расман тасдиқланди

Фирдавс Фридунович Абдухаликов Вазирлар Маҳкамаси ҳузуридаги Ўзбекистондаги Ислом цивилизацияси маркази директори этиб тайинланди.

Шу муносабат билан Шаазим Шоисламович Миноваров ушбу лавозимдан озод килинди.

ROST24.uz | Telegram | Facebook | Instagram | YouTube Ochish/sharhlash

2024-06-05 15:33:47 Шавкат Мирзиёев Макка шаҳрида бўлиб турган муфтий шайх Нуриддин Холиқназар билан телефон орқали гаплашди

Президент муборак Ҳаж зиёратига тайёргарлик жараёнлари, юртдошларимиз учун яратилган шароитлар, уларнинг саломатлиги ва кайфияти ҳақида сўради.

Давлат раҳбари юртдошларимиз муқаддас Ҳаж ибодатини мукаммал адо этиб, соғ-омон келишларини тилади. Ўзбекистонга қайтгач, ҳожилар жамиятимиздаги меҳр-оқибат муҳитини мустаҳкамлаш, жаҳолатга қарши маърифат билан курашиш, ёшлар тарбияси ва оилалар тотувлигида ибрат бўлишларига умид билдирди.

ROST24.uz | Telegram | Facebook | Instagram | YouTube Ochish/sharhlash

2024-06-04 14:27:08 Ўзбекистоннинг ЖСТга аъзо бўлишига тўсқинлик қиладиган бир қанча махсус ҳуқуқлар бекор қилинади

Президент "Бозор ислоҳотларини янада жадаллаштириш ва Ўзбекистон Республикаси миллий қонунчилигини Жаҳон савдо ташкилоти битимларига мувофиқлаштириш бўйича навбатдаги чора-тадбирлар тўғрисида"ги Фармонни имзолади.

Фармон билан “Ўзбекистон – 2030” стратегиясида кўзда тутилган устувор вазифаларни амалга ошириш, ҳамда Ўзбекистоннинг Жаҳон савдо ташкилотига аъзолигига эришишни жадаллаштириш мақсадида қонунчилик билан тақдим этилган бир қанча махсус (эксклюзив) ҳуқуқлар бекор қилинмоқда.

Махсус ҳуқуқ ва имтиёзларни бекор қилиш 2024 йил 1 октябрдан бошлаб, 2027 йил 1 январга қадар босқичма-босқич амалга оширилади.

ROST24.uz | Telegram | Facebook | Instagram | YouTube Ochish/sharhlash

2024-06-04 08:25:26 ЎзМИ Фатво маркази ўзининг криптовалюталар бўйича баёнотига раддия берди

Ўзбекистон мусулмонлари идораси ҳузуридаги Фатво маркази кеча "КРИПТОВАЛЮТАЛАР САВДОСИ ЖОИЗМИ?" деган саволга шаръан жоиз эмаслиги маълум қилган эди.

Фатво маркази мазкур жавоб бўйича кечани ўзида раддия ҳам берди.

БАТАФСИЛ: rost24.uz/uz/news/1869

ROST24.uz | Telegram | Facebook | Instagram | YouTube Ochish/sharhlash

2024-06-04 07:53:12 Собиқ ДХХ биноси ҳудудидаги дарахтлар ноқонуний кўчирилган – Бош прокуратура

Тошкент шаҳрининг Юнусобод туманидаги Сайилгоҳ кўчаси, 1-уй ҳудудидаги кўп йиллик дарахтлар кўчирилишига қарши жамоатчилик май ойининг ўртасидан бошлаб жар солди.

Дарахтлар кўчириб бўлингандан сўнг кўчириш ноқонуний эканлиги бўйича Бош прокуратура расмий баёнот берди.

Прокуратуранинг ўрганиш натижаларига кўра, 53 туп қимматбаҳо навли кўп йиллик дарахтлар ноқонуний кўчирилган экан.

“Мазкур ҳолат юзасидан дарахтларни ноқонуний кўчирган хўжалик юритувчи субъект масъуллари ва бунга имконият яратиб берган мансабдор шахсларга нисбатан Жиноят кодексининг тегишли моддалари билан жиноят иши қўзғатилиб, ҳозирда тергов ҳаракатлари ўтказилмоқда”, – дейилади Бош прокуратура баёнотида.

ROST24.uz | Telegram | Facebook | Instagram | YouTube Ochish/sharhlash

2024-06-04 07:42:03 Қозоғистон «Толибон»ни террорчилар рўйхатидан чиқарди

Қозоғистон президенти Қосим-Жомарт Тоқаев Коллектив хавфсизлик шартномаси ташкилоти (КХШТ) мамлакатлари парламентлари раҳбарлари билан учрашувда «Толибон»ни террорчилар рўйхатидан чиқарганини маълум қилди.

“Қозоғистон масалага замонавий Афғонистон билан савдо-иқтисодий ҳамкорликни ривожлантириш муҳимлиги ва бу режим узоқ муддатли омил эканини англаган ҳолда ёндашади”, – дея қарорини изоҳлаган Қосим-Жомарт Тоқаев.

Қозоғистон раҳбари қўшни давлатларни Олмаота шаҳрида БМТнинг "Марказий Осиё ва Афғонистон учун Барқарор ривожланиш мақсадлари бўйича минтақавий маркази"ни ташкил этиш ташаббусини қўллаб-қувватлашга ҳам чақирган.

ROST24.uz | Telegram | Facebook | Instagram | YouTube Ochish/sharhlash

2024-06-04 04:02:14 #Рост_ҳикматлар

Илмдур дунёда энг яхши ҳунар,
Илмсиздан яхшидур гунг ила кар.

Мунавварқори Абдурашидхонов

Кунингиз хайрли ўтсин!

ROST24.uz | Telegram | YouTube Ochish/sharhlash