Rost24 | Расмий канал

2024-05-31 19:03:26 Президент Бухорода йирик мажмуалар қурилишини бошлаб берди

Бухоро туманида халқаро аэропорт, Қоракўлда MTO газ-кимё мажмуаси, Олот туманида қуёш электр станцияси қурилишига старт берилди.

Шавкат Мирзиёев рамзий тугмани босиб, мазкур мажмуалар қурилишини бошлаб берди. 

ROST24.uz | Telegram | Facebook | Instagram | YouTube Ochish/sharhlash

2024-05-31 08:56:50 Президент бугун Бухоро вилоятига боради

Президент Шавкат Мирзиёевнинг Бухоро вилоятига ташриф давомида янги объектларни ишга тушириш кўзда тутилган.

Шунингдек, ҳудудда қилинётган ишлар билан танишиб, ташриф якунида йиғилиш ўтказилиши ҳам режалаштирилган.

ROST24.uz | Telegram | Facebook | Instagram | YouTube Ochish/sharhlash

2024-05-31 07:01:37 Ўзбекистон 2026 йилда ЖСТга аъзо бўлиш ниятида – Жамшид Хўжаев

Жаҳон савдо ташкилотининг маълум қилишича, 24 май куни бўлиб ўтган Ўзбекистоннинг аъзо бўлиш бўйича тузилган Ишчи гуруҳининг 8-йиғилишида аъзо давлатлар вакиллари Ўзбекистоннинг ЖСТга қўшилиш йўлидаги саъй-ҳаракатларини юқори баҳолаган.

БАТАФСИЛ: rost24.uz/uz/news/1867

ROST24.uz | Telegram | Facebook | Instagram | YouTube Ochish/sharhlash

2024-05-31 04:00:56 #Рост_ҳикматлар

Бир соатлик илм ўрганиш бир кечалик ибодатдан яхшидир.

Ҳадисдан

Кунингиз хайрли ўтсин!

ROST24.uz | Telegram | YouTube Ochish/sharhlash

2024-05-30 18:37:15 Кўчирилган дарахтлар тақдири билан қизиққан фотограф кескин тазйиққа учради

Тошкент шаҳридаги собиқ МХХ биноси ҳудудидан кўчирилган дарахтлар қайта ўтқазилган жойни суратга олиш учун борган фотограф Камил Еникеев қўпол қаршиликка учради. Дарахтларни кўчирган “Muna Mug” компанияси раҳбари фотографнинг бошига сув сепиб, тазйиқ ўтказган.

Ижтимоий тармоқларда тарқалган видеода фотограф кўчирилган дарахтларни суратга олаётганда Фаррух Ҳакимов дарахт экилган жой хусусий мулк эканини эслатиб, суратга олишига қаршилик қилганини кўриш мумкин.

ROST24.uz | Telegram | Facebook | Instagram | YouTube Ochish/sharhlash

2024-05-30 17:47:50 “112” ягона диспетчерлик хизмати ташкил этилади

“112” ягона диспетчерлик хизмати фаолиятини ташкил этиш тўғрисида”ги Ҳукумат қарори қабул қилинди.

Қарорга кўра, шошилинч ёрдам кўрсатиш учун “112” қисқа рақам орқали чақирувларни қабул қилиш ва автоматлаштирилган тарзда қайта ишлаш имконини берувчи ягона диспетчерлик хизмати ташкил этилади.

“112” ягона диспетчерлик хизмати Ички ишлар вазирлиги, Фавқулодда вазиятлар вазирлиги, Соғлиқни сақлаш вазирлиги, Ижтимоий ҳимоя миллий агентлиги ҳамда “Ҳудудгазтаъминот”нинг шошилинч хизматлари маълумотларни узатишнинг ягона тармоғига бирлаштирган ҳолда республиканинг барча ҳудудлари бўйича чақириқларини қабул қилиш ва қайта ишлаш, аҳолига шошилинч ёрдам кўрсатиш фаолиятини бошқаришнинг ягона тизими ҳисобланади.

ROST24.uz | Telegram | Facebook | Instagram | YouTube Ochish/sharhlash

2024-05-30 08:46:23 Ўзбекистон Евроосиё иқтисодий иттифоқига қўшилса, икки томон ҳам ютади – Путин

Россия президенти Владимир Путин Ўзбекистонга расмий ташрифининг якунида Тошкентда Россия ОАВ учун матбуот анжумани ўтказди.

Матбуот анжуманида журналистларнинг Евроосиё иқтисодий иттифоқининг интеграция жараёнлари бўйича саволига Путин Россия ҳеч кимни иттифоққа қўшилишга мажбурламаслигини таъкидлаб ўтди.

"Қўшилиш, қўшилмаслик ҳар бир давлатнинг ихтиёрий танлови ҳисобланади. Кучли иқтисодиётга эга Ўзбекистон ҳам иттифоққа қўшилса, бундан иттифоқ ҳам ютади, Ўзбекистон иқтисодиёти ҳам фойда кўради”, – деди Путин.

ROST24.uz | Telegram | Facebook | Instagram | YouTube Ochish/sharhlash

2024-05-30 07:10:51 «Tashkent City»даги учта йирик банк биноси сотувга қўйилади

Давлат активларини бошқариш агентлиги «Асакабанк» АЖ, «Ўзсаноатқурилишбанк» АТБ ва АТ «Алоқабанк»га тегишли янги кўп қаватли бинолар оммавий савдолар орқали сотилишини эълон қилди.

Батафсил: rost24.uz/uz/news/1866

ROST24.uz | Telegram | Facebook | Instagram | YouTube Ochish/sharhlash

2024-05-30 04:01:43 #Рост_ҳикматлар

Тинчлик ва бахт ҳар онда мавжуд. Тинчлик ва бахт ҳар одимда бор. Руҳият масалаларида сиёсатга ўрин йўқ.

Ҳиндулар ҳикмати

Кунингиз хайрли ўтсин!

ROST24.uz | Telegram | YouTube Ochish/sharhlash

2024-05-29 17:00:25 Чеченистон Ўзбекистон билан ҳамкорликни кенгайтиришга тайёр – Рамзан Қодиров

Бу ҳақида Чеченистон Республикаси раҳбари Рамзан Қодиров Ўзбекистонга ташрифи вақтида ўзининг телегарм канали орқали маълум қилди.

“Ўзбекистон билан ҳамкорлик қилиш учун бизда эркин меҳнат ресурслари, қулай географик жойлашув ва транспорт инфратузилмаси мавжуд. Маданият, туризм, инвестиция бўйича ҳамкорлик истиқболларини кўриб турибмиз.
Ўтган йили Чеченистон ҳукумати раиси ўринбосари Ўзбекистонга ташрифи давомида маданият соҳасида ҳамкорлик қилишни келишиб олган эди. Ўзбекистон билан бошқа соҳаларда ҳам манфаатли ҳамкорликни йўлга қўйишимизга ишонаман”, – деган Рамзан Қодиров.

ROST24.uz | Telegram | Facebook | Instagram | YouTube Ochish/sharhlash