platforma.uz

2021-12-20 09:10:43 ​​Узрингни пишириб е!... Божхона тўловларидан воз кечиш ёки уни пасайтириш вақти аллақачон келди...

“UzAuto Motors” компанияси 2021 йил 20 декабрдан 2022 йил 1 февралгача “Nexia", “Spark”, “Cobalt”, “Lacetti” автомобилларини сотиш бўйича янги аризалар қабул қилишни тўхтатди.

Аслида дунё автосаноатида ҳам шундай ҳолатлар бўлиб турибди. Пандемия таъсирида кўплаб компаниялар ўз заводлари фаолиятини вақтинча тўхтатди ва натижада умумий ишлаб чиқариш занжирида узилиш кузатилмоқда. Нархлар ошяпти.

Лекин бошқа давлатлардаги ҳолатдан фарқли ўлароқ, бизнинг монополист компаниямизнинг деярли бир ярим ой янги шартномалар тузишни тўхтатиб туриши иккиламчи бозорда автомобиллар баҳосининг ҳаддан зиёд ошишига олиб келади. Буни оддий одам ҳам фахмлай олади.

Сабаби, ички бозоримизда соғлом рақобат учун деярли муҳит шаклланмаган. Яъни “Сен бўлмасанг бошқаси”, деб кетаверишга бизда танлов имконияти йўқ. Аниқроғи, импорт автомобиллар учун божхона тўловининг юқорилиги истеъмолчиларнинг муқобил вариантлардан фойдаланишига тўсқинлик қилади. Бу жиҳатдан “UzAuto Motors”нинг кўнгли тўқ.

“Соғлом рақобат борку, мана, бошқа компанияларнинг ҳам автомобиль заводлари очилган, маҳаллий бозорга маҳсулот етказиб беряпти”, дея келтириладиган асосларга эса тўлиқ қўшилиб бўлмайди. Чунки улар ҳам оддий халқнинг чўнтаги кўтарадиган нархда машина таклиф қилаётгани йўқ. Қила олмайди ҳам.

Хўп, унда қачонгача “UzAuto Motors”нинг узрини эшитамиз, қош-қовоғига қараймиз? Агар ишлаб чиқаришда қийналаётган, талабга яраша таклифни таъминлаб бера олмаётган, оддий қилиб айтганда, қўлидан келмаётган бўлса, нега унга кўз тикиб ўтираверишимиз керак? Ваҳоланки, шу йил август ойида тадбиркорлар билан бўлган мулоқотда давлат раҳбари ҳам яна бир карра ушбу завод фаолиятига тўхталиб, берилган солиқ ва бошқа имтиёзларга қарамасдан у ҳеч қачон халқ манфаати учун хизмат қилмаганини таъкидлаганди.

Мен амалга ошишига ишонмасам-да, айтишни истардимки, бундай шароитда четдан кириб келаётган автомобиллар учун божхона тўловларини пасайтиришдан бошқа яхшироқ чора йўқ. Бу билан ҳақиқий рақобат юзага келади. Аҳоли учун танлов имконияти яратилади. “UzAuto Motors” ҳам мажбур ҳаёт учун курашади. Ҳукуматимиз ҳаммасига кўз юмиб, ушбу қадамни ташлашга журъат қила олса, ишонинг бу тарихий қарор тарихда қолади. Халқ бир умр миннатдор бўлади. Жуда қийин, аммо амалга оширса бўладиган чора. Хоҳиш бўлса кифоя...

@platformauzb Ochish/sharhlash

2021-12-19 13:55:21 Шимолий Кореяда 11 кунлик миллий мотам эълон қилинди. Сабаби бундан 10 йил олдин КХДРнинг буюк раҳбари деб тилга олинадиган Ким Чен Ир вафот этган эди.

Аҳоли даставвал уч дақиқалик сукут сақлаб турди. Бу вақт ичида барча ҳаракатлар тўхтади. Автомобиллар, жамоат транспортлари, кемалар давомли сигнал чалиб турди. Одамлар эгилиб ҳурмат бажо келтирди.

Энди 11 кун мобайнида аҳолига кулиш, спиртли ичимликлар ичиш ва бозорлик қилиш тақиқланади.

Фақат меҳнат қилиш ва таъзияли ҳолатда бўлишга рухсат берилган. Полиция бу борада барчани кузатиб боради.

Юқоридаги лавҳада Ким Чен Ир билан хайрлашишдан парчани ҳам кўришингиз мумкин.
@platformauzb Ochish/sharhlash

2021-12-19 10:35:20 Малайзиядаги сув тошқинлари туфайли минглаб одамлар эвакуация қилинди.

Кеча бошланган жала пойтахт Куала-Лумпур яқинидаги аҳоли зич жойлашган Селангорга энг кучли зарба берди. ОАВ маълумотларига кўра, 11 мингдан ортиқ одам ўз уйини тарк этган.
@platformauzb Ochish/sharhlash

2021-12-19 09:21:45 ​ Yaxshi pul topish uchun DIPLOM SHART EMAS!
Buni “Men kimman?” ko’rsatuviga intervyu bergan 75% yoshlar isbotladi. O’z muvaffaqiyatlari haqida so’zlaganlar 10-15 daqiqada kasb-hunarlarining eng nozik tomonlari haqida ham gapirib, ba’zi sirlarini ochishga ham ulgurishdi.
Qizig'i, 30 yoshgacha bo’lganlar safida oyiga 10 000$ gacha topadiganlari ham bor!

Quyidagi videolar e’tiboringizga arziydi:
29 yoshli videografist – G’olibjon Sanaqulov (5 000$ gacha)
28 yoshli zargar – Sultonmurod Farhodov (2 500$ gacha)
28 yoshli bastakor – Husniddin Toshmurodov (1 000$ gacha)
28 yoshli poligrafist – Sarvar G’ayratov (3 000$ gacha)
27 yoshli buxgalter - Dostonbek Alimardonov (10 000$ gacha)
26 yoshli jurnalist – Sarvarbek Bahodirov (6 000$ gacha)
26 yoshli dasturchi – Umidjon Ortiqov (10 000$)
26 yoshli sartarosh – Otabek Po’latov (7 000$ gacha)
26 yoshli DJ – Shohrux Sirajov (4 000$ gacha)
26 yoshli teleoprator – Shavkat Ubayev (1 500$ gacha)
25 yoshli asalarichi – Mashrab Tolipov (5 000$ gacha)
25 yoshli montajchi – Kozimjon Samug’jonov (1 000$ gacha)
22 yoshli hunarmand – Muxlisa Xolmirzayeva (800$ gacha)
21 yoshli fotograf – Abdurashid Husanov (1 500$ gacha)
14 yoshli treyder – Ruxshona Anvarjonova (1 400$ gacha)

O'zbekiston Respublikasi Yoshlar ishlari agentligi tomonidan davlat ijtimoiy buyurtmasi asosida moliyalashtirilgan loyihani "Ijtimoiy Media Loyihalar Markazi" NNT amalga oshirib kelmoqda. Ochish/sharhlash

2021-12-19 08:16:47 ​​“Ўзбекнефтегаз” мутасаддилари диққатига!

Нархи тушган бензин қайдадур?

17 декабрдан бошлаб “Ўзбекнефтегаз” АЁҚШларида АИ-80 маркали бензин баҳоси 6500 сўм қилиб белгиланди. Гарчи бу ҳали ҳам аҳолининг аксарият қисми учун қимматлик қилса-да, ҳар ҳолда хусусий “заправка”ларга нисбатан инсоф доирасида қўйилган нарх экани билан кўнгилга бир оз таскин беради. Қолаверса, тушиш давом этади, дейишяпти. Уёғини кўраверамиз.

Лекин амалда “Ўзбекнефтегаз” АЁҚШларида мана шу 6500 сўмлик бензинни топиш ҳам жуда қийин бўляптику. Сиз ҳам гувоҳдирсиз, жуда кўп “заправка”ларга кирсангиз ходимлари дарров огоҳлантириб, “80 тугаб қолди, фақат 92 билан 95 бор”, дейишяпти. Аҳёнда учратиб қоладиганларингизда эса навбат катта. Кимгадир етмай якунланяпти. Ҳайдовчилар кайфияти бузилиб чиқиб кетишяпти. Мажбурликдан яна хусусий “заправка”ларга бориб, 7700, 8000 сўмдан бензин қуйишяпти. Али хўжа — хўжа Али.

“Ўзбекнефтегаз” мутасаддилари шу томонини ҳам мониторинг қилиб боришяптими? Бир-иккита блогер дўстларимиз авлиёдек кўкларга кўтариб мақтайдиган Меҳриддин акамиз “заправка”ларга ҳам қадам ранжида қилсалар яхши бўларди. Балки шунда “Йўқ маҳсулотга нархни туширдик деб суюнчи олишдан олдин, таъминотни ҳам бут қилиб қўйишимиз керак экан”, деган хулосага келармидилар дейманда. Тўғрими?

@platformauzb Ochish/sharhlash

2021-12-18 16:23:22 «Тошкент ёшларни севади» шиори остида пойтахтда бўлиб ўтаётган ёшлар ойлиги доирасида ёшлар учун “Таълим ва тадбиркорлик ҳафталиги” ўтказилибди. Бу ҳақида Ёшлар ишлари агентлиги Тошкент шаҳар бошқармаси бошлиғи Абдулазиз Назиров маълум қилди.

Унда Акмал Пайзиев, Нигора Акилова, Одилбек Мирзаев, Умиджон Ишмуҳаммедов, Улуғбек Хожиаҳмедов, Ҳабибулло Садуллоев, Муҳаммадали Эшонқулов, Шоҳида Ибрагимова, Лазиз Адҳамов, Ҳасан Мамасаидов ва Ҳусан Мамасаидов каби таниқли тадбиркорлар ҳамда соҳа мутахассислари иштирок этишган.

Кўринадики, Тошкент ёшлар ойлигининг ҳар бир куни учун ёшларга алоҳида махсус дастурлар ва лойиҳалар тайёрлаган. Ёшларнинг барча тоифалари қамраб олинадиган мана шундай лойиҳар давомий бўлсин.

@platformauzb Ochish/sharhlash

2021-12-18 12:43:23 Таълимдаги "ислоҳот"лар

Эҳ, EHGLISH...
@platformauzb Ochish/sharhlash

2021-12-18 08:11:27 ​​Биз ҳануз тарихимизни кўрсата олмаяпмиз...

Корея Республикаси Президентининг Сеул шаҳридаги “Чонг Ва Дэ” қароргоҳида ўтказилган Ўзбекистон Республикаси Президентини расмий кутиб олиш маросимига оид видеолавҳа ва суратларни томоша қила туриб, бир жиҳат алоҳида эътиборимни тортди. Фахрий қоровулга разм солдингизми, улар сафда ҳам қадимий, ҳам замонавий ҳарбий либосда эди. Қандай чиройли, қандай уйғун. Шундай эмасми?

Тўғриси, шу корейсларнинг ўз ўтмишини кўрсата билиш салоҳиятига ҳам қойил қолиш керак. Ўрганса арзийди. Масалан, тарихий мавзуда жуда кўплаб сериаллар ишлашган. Яқин-яқингача экранларимиздан тушмасди. Халқимизнинг аксарият қисми, каттаю кичик берилиб томоша қиларди. Энди шунчалик таъсир доирасига кириб қолгандикки, аҳолимизнинг кўпчилиги, афсуски, ўз тарихимизни чуқур билмаса ҳам Чосон, Когурё давлати ҳақида анча-мунча маълумотга эга бўлиб улгурганди. Болаларимиз ўзини Жумонг, Тангемдай тута бошлаганди.

Бунда, албатта, корейсларнинг айби йўқ. Бу — уларнинг ютуғи. Бизнинг эса энг катта камчилигимиз, оғриқли нуқтамиз эди. Камчиликки, бизда каттагина маънавий бўшлиқ бор эди (ҳозир ҳам у тўлдирилгани йўқ). Яъни, тарихий шахсларимизни кўрсатиб берадиган ижод намуналари етишмасди, ҳали-ҳамон етишмайди. Натижада ўғил-қизларимиз “мен Ибн Синоман”, “мен Жалолиддинман”, “Темурман”, дейиш ўрнига, “Тангемман”, “Жумонгман” дерди. Жиддийроқ туриб айтганда, биз учун бу катта фожиа аслида.

Шунинг учун ҳам давлатчилик тарихимизни чуқур ўрганиш, ҳаққоний ўрганиш, тарғиб қилиш, сериаллар шаклида халқимизга етказиш, дунёга кўрсатишнинг аҳамияти катта. Очиғи, киночиларимиз, маданият соҳасига қарайдиганларимиз, маънавиятчиларимиз бу борада ҳалигача бирор тузукроқ натижа кўрсатгани йўқ. Ваҳоланки, уларга давлатнинг қилаётган яхшилигию яратиб бераётган шароити қолмади менимча. Санаторий дейсизми, дам олиш зонасими, моддий рағбат, мукофот... Шунча ғамхўрликдан кейин ҳам бир нарсани қойиллатмай, уялмай бош кўтариб юришганига нима дейсиз.

Тўғри, экранларимизда миллий сериаллар кўпайди. Аммо уларда олиб чиқилаётган мавзуларга бир қаранг: қўшхотинлик, қайнотанинг келин билан дон олишиши (!), ўйнашлар, қуда-анда муносабатлари... Дод дегингиз келади. Нимани тарғиб қилишяпти ахир? Ит эгасини танимайди, билган одам билганини қилиб ётибди. Бунақада келажагимиз қандай бўлади?

Юқорида гапни фахрий қоровулдан бошлагандим. Шунга қайтсак. Нега биз ана шу анъанадан фойдаланмаймиз? Тақлид деманг асло. Шунчаки, ҳаёлимга келган фикрни айтяпман.

Жалолиддинни, Темур бобони тенги йўқ саркарда деймиз, қудратли армияси бўлганини гапирамиз. Ана ўша даврдаги либосларни бизнинг фахрий қоровул ҳам расмий маросимларда кийса нима бўлади? Буям тарихни кўрсатиш бўлмайдими? Майли, замонавий ҳарбий либосимиз ҳам турсин. Улар билан бирга отлиқ шаклидами, пиёда кўринишидами, тарихий кийимлардаги аскарларимиз ҳам саф тортса-а?.. Фикримча, ўтмишимиз, тарихий қудратимизни шу шаклда ҳам кўрсатсак зўр бўларди. У ҳар қанақасига кўз-кўз қилишга арзийди.

@platformauzb Ochish/sharhlash

2021-12-17 14:25:14 ​​Россияга нисбатан санкциялар узайтирилди

Брюсселда бўлиб ўтган саммитда Европа Иттифоқи мамлакатлари Россияга қарши санкцияларни узайтиришни бир овоздан маъқуллади. Бу ҳақда Еврокенгаш раҳбари Шарль Мишель маълум қилди.

Қайд этилганидек, Европа давлатлари, ўз навбатида, Россияга Минск келишувларини бажаришни бошлаш бўйича ҳам мурожаат қилишган.

Айтиш жоизки, Европа Иттифоқининг Россияга нисбатан иқтисодий чекловлари, мана, етти йилдан ортиқ вақтдан бери давом этиб келмоқда. Санкциялар Россия Федерациясининг энергетика, молия ва мудофаа соҳаларига қарши қаратилган.

Масалан, Россиянинг бир қатор компаниялари ва банклари учун Европа Иттифоқи капитал бозорларига кириш чекланган, қурол экспорти ва импортига, қолаверса, икки томонлама товарларга тақиқ қўйилган. Нефть қидириш ва қазиб олишда баъзи хизматлар ва технологиялар бўйича ҳам чекловлар мавжуд.

Дастлабки санкция 2014 йилнинг июль ойи охирида бир йилга жорий этилганди. 2015 йилдан бери чекловлар ҳар олти ойда узайтириб келинмоқда. Европа Иттифоқи тақиқлар муддатини чўзиш ҳақида қарор қабул қилишдан олдин Минск келишувининг бажарилиш ҳолатини баҳолайди.

@platformauzb Ochish/sharhlash

2021-12-17 11:07:02 Бизда бўладиган баъзи ишларга ҳайрон қолиб кетади одам. Бозор бузиладиган бўлса, янги раҳбарлар нимага керак? Ё хайрихоҳлар келдимикан?..

@platformauzb Ochish/sharhlash