platforma.uz

2021-12-26 18:28:16 ​​Афғонистонга инсонпарварлик ёрдами кўрсатишда фақат минтақа эмас, балки ривожланган давлатлар ҳам фаол бўлиши керак

Узоқ йиллик урушлардан силласи қуриган афғон халқи энди очарчиликдан ҳам жон сақлашга мажбур.

Чунки мамлакат борган сари иқтисодий муаммолар гирдобида ғарқ бўляпти. Миллий валюта жуда тез суръатларда қадсизланиб бораётир.

Энг ёмони, одамлар очликдан қирилиб кетмаслик учун жиноят қилишдан ҳам топ тортаётгани йўқ. Кейинги пайтларда бу ерда болаларни ўғирлаш авж олаётгани, расмий қул бозорлари очилаётгани буни тасдиқлайди.

P/S: Ўзбекистон қўшни Афғонистондаги инқирозли ҳолатнинг олдини олиш бўйича қатор чораларни кўрмоқда. Жумладан, шу ҳафта бошларида ушбу мамлакат аҳолисининг қишдан эсон-омон чиқиб олиши учун навбатдаги инсонпарварлик ёрдами юборилди.

Энди бу тадбирларга фақат минтақа давлатлари қатнашиши керак эмас. БМТ деган тузилма барча ривожланган мамлакатларни гуманитар ёрдамга жалб этиши зарур.

Афғонистонда тинчлик ўрнатилиб,аҳоли оддий турмуш тарзига қайтса, Жанубий денгиз йўли очилади. Бу эса Ўзбекистонни транзит давлатга айлантиради.
@platformauzb Ochish/sharhlash

2021-12-26 17:34:16 27-dekabrdan "Yosh kitobxon" tanloviga start beriladi!

"Yosh kitobxon" tanlovining saralash bosqichlari o‘tkaziladigan manzillar ro‘yxati bilan quyidagi havola orqali o'z hududingizni tanlagan holda tanishib chiqishingiz mumkin:

• Qoraqalpog‘iston Respublikasi
• Andijon viloyati
• Buxoro viloyati
• Jizzax viloyati
• Qashqadaryo viloyati
• Navoiy viloyati
• Namangan viloyati
• Samarqand viloyati
• Sirdaryo viloyati
• Surxondaryo viloyati
• Toshkent viloyati
• Farg‘ona viloyati
• Xorazm viloyati
• Toshkent shahar

Eslatib o‘tamiz, "Yosh kitobxon" tanlovining saralash bosqichi:

27-dekabr - 10-14 yosh toifasi (2007-2011 yillar oralig‘ida tug‘ilganlar) uchun;
28-dekabr - 15-19 yosh toifasi (2002-2006 yillar oralig‘ida tug‘ilganlar) uchun;
29-dekabr - 20-30 yosh toifasi (1991-2001 yillar oralig‘ida tug‘ilganlar) uchun bo‘lib o‘tadi.

Tanlov soat 10:00dan 17:00ga qadar o‘tkaziladi.

Yosh kitobxon tanlovining ijtimoiy tarmoqlardagi sahifalari
Telegram • Instagram • Facebook • Youtube Ochish/sharhlash

2021-12-26 11:45:38 Қалин қор ёққанлиги туфайли “Тахтақорача” довони вақтинча ёпилди.

@platformauzb Ochish/sharhlash

2021-12-25 20:12:37 Шавкат Мирзиёев: Кимга Худои таоло барака беради? Ҳаракат қиладиган элга.
@platformauzb Ochish/sharhlash

2021-12-25 19:50:18 Бугун соат 18:00-19:00 оралиғида @platformauzb каналига бошқа фойдаланувчилар томонидан администратор сифатида киришга ҳаракатлар бўлиб, каналга тааллуқли бўлмаган асоссиз хабар жойлаштирилибди. Бунга қарши зарур чоралар кўрилди ва бартараф этилди. Техник носозлик ва юқоридаги биз томондан тасдиқланмаган маълумот учун узр сўраймиз.
@platformauzb Ochish/sharhlash

2021-12-25 14:46:28 Нозим аканинг айтганини қилу, қилганини қилма...

Буёғи қандоқ бўлди энди?! Кеча жаноб вазирнинг ўзлари соат 18:00 да мажлис ўтказибдилар. Сал кам уч соат давом этибди. Қайси ходим “иш вақти тугади”, деб шартта мажлисга кирмасдан уйига кетворди экан-а?

@platformauzb Ochish/sharhlash

2021-12-25 12:02:40 Нозим акадан туз...

Нозим аканинг ошпазликдан хабари борми-йўқми билмадиму, лекин ярага туз сепишда мана бу Нусретниям ортда қолдирар эканлар.

Ҳуқуқий жиҳатдан айтганлари жуда тўғри: иш вақти тугаса, ишхонани тарк этиш керак. Буни ҳамма билади. Аммо деярли ҳеч ким амал қилмайди. Энг қизиғи, ҳеч ким амал қилмаслигини Нозим акаям билади. Шунинг учун деганларини ярага туз сепишдан бошқа нарсага ўхшатолмадим.

Сиз бу борада реал ҳаётдаги манзарани вазирлик ва идоралар, банклар ходимларидан сўраб кўринг. Ҳаммасининг дарди бир. Жаноб вазир ёки бошлиқ ярим тунга йиғилиш белгиласалар, топшириқ берсалар, қайси ходим юрак ютиб уйига кета оларкан? Айтинг-чи?!

Шундай пайтларда нима қилсин, Меҳнат кодексини кўрсатсинми? “Пишириб е кодексингни, ҳайфсан, бўшадинг”, демаслигига ким кафолат бера олади? Ҳеч ким. Ходимнинг ҳам рўзғори бор, рискка боролмайди.

Нозим ака, эзилган юракларни яна эзаверманг-да, яхшиси инспекциянгизни жиддийроқ ишга солинг. Бир ора салгина яхшиланганди, балки яна...ҳарна-да.

@platformauzb Ochish/sharhlash

2021-12-25 08:10:14 ​​Олий Мажлис Сенати, Қурилиш вазирлиги, Тошкент шаҳар ҳокимлиги диққатига!

Тўхтанг! Тошкентга Марказий парк керак

Бу Нью-Йоркдаги Марказий парк. Ташкил этилганига 160 йилдан ошган. Бу парк дунёдаги энг қудратли мамлакатнинг энг машҳур қисмида – Манхэттенда жойлашган.

Мазкур шаҳарда бир қарич ер олтиндан ҳам қиммат. Унга манаман деган бойлар инвестиция киритишга, қурилиш қилишга тайёр. Лекин шунча йилки, ушбу парк ўз ҳолича сақлаб қолинган. Қанча мэрлар, қанча қурилиш вазирлари келиб кетган, парк эса барҳаёт.

Бу эса Тошкентдаги Миллий боғ. Унинг ташкил этилганига жуда кўп бўлгани йўқ. Лекин бориям йўқ бўлиб кетаяпти. Аввал бирови келиб City Makon қурди, бошқаси Discovery Invest қилди. Таэквондо федерацияси, меҳмонхона шу ерга тиқилди. Кўл қуритилиб, дарахтлар кесилиб, Magic City қурилди.

Энди нима эмиш: боғ ҳудудида халқаро илмий-тадқиқот маркази, кутубхона, театр ва санъат музейи қурилармиш.

Э, ўл бу кунингдан-е! Шу биноларни бошқа жойда қурса бўлмайдими? Албатта шу ерга тиқиштириш шартми?

Бошқа жойда қуриш учун бош қотириш, ишлаш керак-да а?! Президент таклиф бер деса, шартта боғнинг бир чеккасини кўрсатасизлар.

Илтимос сизлардан, шу паркларга тегмайлик. Америкаликлар бундан 200 йил олдин тушуниб етган нарсани биз ҳеч бўлмаса энди қилайлик. Калламиз ишламаса, ҳеч бўлмаса, шундоқ андоза олайлик.

Миллий боғними ё бошқасиними танлаб олиб, бетонлардан, аттракционлардан ҳоли боққа айлантирайлик. Майли, “бир миллион туп кўчат” экманглар, борини асраб қолинглар, барака топгурлар.

PS: кейинги йил Конституцияга ўзгартириш киритилади, дейишяпти. Шу аснода боғларни асрашни, унда қурилиш қилиб бўлмаслигини ҳам конституциявий белгилаб қўйиш керак, деб ўйлаймиз.

@platformauzb Ochish/sharhlash

2021-12-24 18:07:53 Бизда сиёсий маданият борми?

(Иккинчи қисм)

Ахборот истеъмолида ҳамон ўрисга қараммиз. Орентирларимизни рус ахборот маконига қараб созлаймиз. Россия артистларини кентларимизга олиб келишни бахт, уларнинг биз ҳақимизда бир оғиз гапиришини, еган ошини мақташини шараф, деб биламиз. Кремль Сурия ёки Ироқни қораласа, биз ҳам қўшиламиз. Мусулмонлик бир чеккага чиқиб кетади.

Ўзбек тилининг мақомини кўтариш ҳақида қабул қилаётган қонунга парламентдаги ноибларимиз оёқ тирайди, ярим советча, ярим миллий ва ёрти исломий эътиқодимиз билан биз киммиз, кимлигимиз(идентитетимиз)ни қандай аниқласак бўлади?

Фақат чопон, дўпи, ош ва сомса орқали ўзлигимизни ифодалаймизми? Бизда миллий тафаккур, миллий манфаат, миллий принцип, деган нарсалар борми? Агар бўлса, нималарда кўрамиз уни?..

Юз йил мустамлакада яшаган, мустақил бўлганига ўттиз йил бўлган эса-да, ҳамон томони ноаниқ жамиятними? Гап шундаки, мустақиллик қўлга киритилиб, коммунистик партия диктатидан воз кечилгандан кейин жамиятда аниқ миллий мафкура шаклланмади. Одамларни эргаштира оладиган нафақат ғоялар, балки лидерлар ҳам етишмади.

Ижтимоий-руҳий ушбу “хаус” жамиятга турли дарбадар ғоялар кириб келишини таъмин этди. Миллатни, миллий давлатни қуриш аро йўлда қолди. Бугунги кўринган қизил ипнинг ортидан эргашишимиз, ким нима деб аккилласа, қўшилиб кетишимиз шундан — аниқ қарашларимизнинг шаклланмай қолганидан, деб биламан.

Буни жонлантириши, махсус концепциялар яратиши керак бўлган ижтимоий институтлар тўғри ишламаётгани ёки эскичасига ишлаётгани ушбу инқирозни чуқурлаштираётгани мана шу жойда очиқ кўринади.

Шундай институтлардан бири — Маънавият ва маърифат маркази. У эски даврдаги "Билим жамияти" ўрнига пайдо бўлган (гўё трансформация қилинган) институт.

Бироқ у моҳиятан худди ўша совет идеалогияси ётқизган рельсдан кетаётир. Шакл ва мазмун ўша-ўша... Қолган институтларимиз ҳам оёғини эски замондан тўлиқ узиб олган эмас.

Расмий Матбуот ва ТВнику гапиравериб чарчадик. Ҳатто у совет цензураси даврларидагидан-да “ёпилиб” олган. Ҳарқалай ўша даврларда ҳам танқид берилар, ҳатто "Муштум" деган журналлар бор эди...

Хуллас, бугун жамият ўз томонини аниқлаб олиши, бунунг учун давлат унга шароит яратиши керак бўлади. Яъни, энг аввало, миллий ахборот маконини яратиши, миллий манфаатларимизни аниқ ифода этувчи истиқболга йўналтирилган дастур яратиши ва уни халқ муҳокамасига қўйиши керак бўлади, назаримда.

Биз дунёга Россия ёки Хитойнинг кўзи билан боқмаслигимиз, бошқа акторларнинг ҳою-ҳавасини ўзимизнинг оғир тақдиримизда акс эттирмаслигимиз керак. Биз ўйинчи кучларнинг оғзи, қулоғи эмас, улар билан тенг туриб гаплашишга ўрганмоғимиз керак. Бунинг вақти эса аллақачон келган!

@platformauzb Ochish/sharhlash

2021-12-24 17:10:45 platforma.uz pinned «Бизда сиёсий маданият борми? (Биринчи қисм) Одамни салкам ерга урувчи ушбу сўров, албатта, менгаям унча хуш келмайди. Бироқ оҳанги риторик писандага бурканган ушбу савол барибир мавжуд. Аслида сўроқ гап шубҳалар ортидан туғилади. Масалан,…» Ochish/sharhlash