🌹🌹ЗУҲРАХОН АБДУЛҲАКИМХОН ижоди 🌹🌹НАЗМ БЎСТОНИ🌹🌹

2022-06-23 00:12:19 СОҒИНЧ АЗОБИДА...

Соғинч азобида ўтар умримиз,
Армон зардобини ютар умримиз.
Фироқ карвонида кетар умримиз,
Борар манзилимиз қаер азизим?

Оқар сувлар ортга қайтмайди, сира,
Юракдан ишқ ўти кетмайди сира.
Биров дардинг не деб айтмайди сира,
Руҳим истар бўлди тайр*, азизим.

Сочлар оқармоқда, толемиз кутиб,
Бас, маҳкам иккимиз қўлимиз тутиб,
Келгил, этайлик бор ғамни унутиб~
Кўнгил осмонига сайр, азизим.

Бунда шодон, яйраб кулгай муҳаббат,
Диллар бахтдан сармаст куйлагай, фақат
Бир кун ором топиб кетсакда абад,
Жоним, дема асло: "Хайр, азизим!"

Зуҳрахон АБДУЛҲАКИМХОН қизи

*тайр~парвоз

каналга уланиш
t.me/zuhraxon07 Ochish/sharhlash

2022-06-22 16:10:53 Ochish/sharhlash

2022-06-19 02:04:05 ЗУҲРАХОН АБДУЛҲАКИМХОН қизи:

ТОПИЛМАС

Дардима чин малҳами дармон топилмас,
Жонима жон бўлгали Луқмон топилмас.

Кеча-- кундуз ғам чекиб тортсам жафолар,
Онажонимдек бирор гирён топилмас.

Ишқ аро юз минг балоларни кўрибон,
Бу оламда мен каби сарсон топилмас.

Тим қаро қалбим сира бир дам ёришмас,
Қувнатиб дил ёзгали хандон топилмас.

Кўзларимни яйратолса эрди олам,
Бу фанода Жаннатул Ризвон топилмас.

Суҳбатига мафтун айлар қайда бора,
Мен дили нозикка хос султон топилмас.

Англагилким Зуҳрахон, бу заҳматингга
Ёлғиз Оллоҳдин бўлак дармон топилмас.

Зуҳрахон АБДУЛҲАКИМХОН қизи

18.06.2022
каналга уланиш
t.me/zuhraxon07 Ochish/sharhlash

2022-06-17 02:56:41 МАСТОНА

Кўзимнинг мардумидин неча мардум бўлди мастона,
Ҳилол қошимга савдою, қуёш кўнглимга ҳамхона.

Наҳорда гулситон сайрига чиқсам лолалар шайдо,
Оёғимни қучарлар телбадек гирёна-гирёна.

Тағофул айласам сайри чаманлар ичра хотиржам,
Тўкур гул баргига маржон кўзин ёшини ҳар ёна.

Таратгай анбарин гуллар,тар отгай, юзларим хўллар,
Ажаб ман гулга масту, гул тарар сочимни мастона.

Сабо ўпса яноғимдин келур рашки чу булбулни,
Наво қилгай чекиб фарёд, келиб қошимда сарсона.

Юзим ифшо килиб солдим бу олам бошига ғавғо,
Самарқанду Бухоро ҳажр ўтида ёнди Фарғона.

Бас, эй, бўл, Зуҳрахон эмди юзингга тортақол парда,
Кўриб бир оразинг ҳар ким бўлур ошиқ ҳайрона.

1.мардум - кўз қорачиғи
2.мардум - одам, инсон
3.тағофул - бепарволикка олиш
4.тар - ҳўл
5.ифшо -ошкор қилмоқ,

ЗУҲРАХОН АБДУЛҲАКИМХОН қизи

t.me/zuhraxon07 Ochish/sharhlash

2022-06-16 01:32:38 СИЗДАН БЎЛАК ЭМАС

Мен тонгдан куч олган гулу найсонман,
Яхшиям қалб сўқир, таним сўнгакмас.
Олисдаман сиздан руҳим ҳеч қачон,
Сиздан бўлак эмас, сиздан бўлакмас!

Биламан борман ўй, тилагингизда,
Ховотирингиз мушт билагингизда:
Юрагимнинг ярми юрагингизда,
Сиздан бўлак эмас, сиздан бўлакмас!

Дунёни иккига бўлиб қўйсинлар,
Бизни айро этиб майли тўйсинлар.
Нафасим ҳар нафас билиб қўйсинлар
Сиздан бўлак эмас, сиздан бўлакмас!

Бир кун учрашмоқлик орзуйим борим,
Оллоҳга илтижом етгуси зорим.
Жоним узулгунга қадар, эй ёрим
Сиздан бўлак эмас, сиздан бўлакмас!

Зуҳрахон АБДУЛҲАКИМХОН қизи
16.06.2022

каналга уланиш
t.me/zuhraxon07 Ochish/sharhlash

2022-06-07 06:20:58 ЎКИНЧ


Зуҳрахон Абдулҳакимхон қизи



Ойдин
Ochish/sharhlash

2022-06-06 05:05:30 ЎКИНЧ

Юрагим қонидан ичдилар қониб,
Мени суйиб қолган ғаму армонлар.
Бу кўнгил, ҳайронлар бўлди-ку ёниб,
Ишққа мубталога борми дармонлар?

Севги саҳросида. кезиб дарбадар,
Жамолин излайман девоналардек.
Ёрга яқин борсам етгуним қадар,
Мендан олислашар бегоналардек.

Бани башармикин, ё ғилмон-малак,
Қанийди бир бора берса садолар.
Ҳижрон азобида бу жоним ҳалак,
Висолин кўйида бўлдим адолар...

Дунёни оқизур тўккан ёшларим,
Ҳар битта томчиси мисоли уммон.
Тугаб борар кундан -кун бардошларим,
Наҳот ёр васлига етмоғим гумон?

Ғами пайконидин жоним охири,
Бир кун мангуликда топар тин, ором.
Мен кетгач, ул Баҳром- ситам моҳири,
Топа олурмикан мендек Дилором?!


ЗУҲРАХОН АБДУЛҲАКИМХОН қизи

t.me/zuhraxon07 Ochish/sharhlash

2022-06-03 18:25:02 ЁМҒИР ҲАҚИДА ҚЎШИҚ...

Ёмғир, сенла қолдим бу кеча,
Шивирлашдик, сирлашдик узоқ.
Қалб сиримдан огоҳсан неча...
Дардим олдинг ҳаммадан кўпроқ:

нақорат:
Сирларимга тўяқол, ёмғир..
Мендек бир бор куяқол, ёмғир.
Муҳаббатим алам ўтини,
Томчиларда ювақол, ёмғир.

Бошим узра йиғладинг тинмай,
Сочларимни оҳиста силаб.
Юрагимни ўкситма билмай,
Худойимдан бахтимни тилаб!

нақорат:
Менга қисмат эмас бахт, ёмғир,
Пешонамда ғамлар нақд, ёмғир.
Тақдир қуриб қўйган-ку ахир,
Армонимдан тожу тахт, ёмғир...

Қўйгил, энди йиғламайман ҳеч,
Бир бевафо ёр деб куймайман.
Ҳаммасига энди жуда кеч,
Ҳеч кимсани қайтиб суймайман!

Кўнглим дардин ювиб кет, ёмғир...

Зуҳрахон АБДУЛҲАКИМХОН қизи

каналга уланиш
t.me/zuhraxon07 Ochish/sharhlash

2022-06-01 09:00:22 МЕНИНГ ДУНЁ БИЛАН ИШИМ ЙЎҚ...

Менинг дунё билан ишим йўқ,
Боқсам арзир ўнгу тушим йўқ.
Дилим ўртар ишқ қурғур нетай,
Ғавғосига сира хушим йўқ.

Суюклигим ноз ила кетди,
Жудоликка роз ила кетди.
Видолашув куйини чалиб,
Қўлларида соз ила кетди.

Юрар йўли бир текисмикан,
Тоғу тошми ё денгизмикан?
Қадам босса кирмасин дейман
Товонига зарра бир тикан.

Ҳижронлари бунчалар оғир,
Куйиб кетди бу юрак бағир
Ишқ чақмоғи қалбимда чақиб
Кўзларимдан ёғдирди ёмғир...

Файзлар кетди севги боғимдан,
Нурлар кетди ишонч тоғимдан,
Бутун олам лов -лов ёнмоқда,
Ҳар нафасда тортар оҳимдан...

Ажаб, дунё билан ишим йўқ!!!

Зуҳрахон АБДУЛҲАКИМХОН қизи

каналга уланиш
t.me/zuhraxon07 Ochish/sharhlash

2022-05-30 17:26:29 СЕВГИМДАН БЕХАБАР АЗИЗАМ...

Зухрахон Абдулҳакимхон қизи

Санжарбек Сафаров

каналга уланиш
t.me/zuhraxon07 Ochish/sharhlash