🌹🌹ЗУҲРАХОН АБДУЛҲАКИМХОН ижоди 🌹🌹НАЗМ БЎСТОНИ🌹🌹

2022-08-02 07:41:21

ИЛТИЖО

Кеча кенг Дунёга боққан нигоҳим
Жуда маъсум эди, беғубор эди.
Ҳатто билмас эдим борми гуноҳим,
Савобим сочимга ёққан қормиди?

Ҳар не кўринарди кўзимга гўё
Шаффоф биллурдайин тиниқ ва оппоқ.
Камалак рангида товланиб дунё,
Дарахтдан тўкилмай тургандай япроқ.

Отам - суянч тоғим қуламасдек ҳеч,
Яшардим ташвиш не билмайин ғамни.
Бошига тушаркан бир кун эрта, кеч,
Тўсатдан бўзлатиб синов одамни...

Юрагим ҳазондай тўкилди дув-дув,
Айрилиқ пойида эзилиб баттар.
Қисмат ёш бошимга солди-ку қўрқув,
Не "туҳфа"лар айлар то умрим қадар?

Бугун нигоҳларим боқади теран,
Маҳзунлик қўшилган, анчайин алам.
Соғинч куйган дилим эзавераркан,
Недандир умидвор яшайман, ҳар дам!

Онам, кеча-кундуз қошимда гирён,
Армоним унутиб, дардимдан кечдим,
Дийдорига тўйиб олайин ҳар он,
Эрта не бўлишин билмайди ҳеч ким!

Ёзу қиш, куз, баҳор қилгум илтижо,
Умрим баҳоридан айлама жудо,
Отамни соғиниб ўтдим- ку илло,
Онамни мен учун асрагин Худо!!!

ЗУҲРАХОН АБДУЛҲАКИМХОН қизи
t.me/!zuhraxon07 Ochish/sharhlash

2022-08-01 06:38:44 Изҳорлар учун барчангизга катта раҳмат!
Худо рахматига олган бўлсин! Сиздан дуо сўраб қоламиз. Ochish/sharhlash

2022-07-31 17:36:29 БЕТОБЛИГИМДА

(Миртемир шеърига назира, шоир тилидан)

"Мажнунтол тагига ўтказинг мени",
Бир оз ором олсин чарчаган таним.
Ҳозир ундан бўлак далда бўлолмас,
Ҳеч кимса, ҳеч нарса кўнглима маним...

"Мажнунтол тагига ўтказинг мани",
У менинг дунёда ёлғиз дарддошим.
Қадрдон дўстим у қиёмат қадар,
Онамдай меҳрибон силайди бошим.

" Мажнунтол тагига ўтказинг мени",
Тўйиб-тўйиб олай сўнгги нафасим.
Руҳим безовтадир ,типирчилар жон,
Ҳатто ўз таним ҳам эрур қафасим...

"Мажнунтол тагига ўтказинг мени",
Ҳалинчаклар солиб учай шохида.
Ёшлик чоғларимга қайтайин яна,
Бир яйрай умримнинг сўнгги чоғида!

" Мажнунтол тагига ўтказинг мени",
У менинг вафодор, суйукли ёрим.
Юрагимни ёққан мени бир умр~
Илҳомим париси~дилимда борим.

"Мажнунтол тагига ўтказинг мени",
Ўлсам япроғидан тикинг кафаним.
Мени ёд етгувчи кутиб интизор,
Гўзал мажнунтол-у, танҳо Ватаним!

" Мажнунтол тагига ўтказинг мени..."


ЗУҲРАхОН АБДУЛҲАКИМхОН қизи

каналга уланиш
t.me/zuhraxon07 Ochish/sharhlash

2022-07-31 06:39:09 Инна лиллаҳи ва инна илайҳи рожиун. Охиратлари обод бўлсин Ochish/sharhlash

2022-07-31 05:10:19 Синглим, Зуҳрахон оламдан ўтдилар Ochish/sharhlash

2022-07-31 03:17:09 La ilaha illalloh, Muhammadun rasululloh Ochish/sharhlash

2022-07-03 11:48:12 ​​​Аёлнинг юраги чуқур уммонга ўхшайди: унинг тубида ҳеч ким билмайдиган сирлар яширин...

Стефан Свейг

каналга уланиш
t.me/zuhraxon07

Ochish/sharhlash

2022-06-29 07:46:09

БАХТ ОСТОНАСИ

( Дурдонахон қизимга)

Яхшиларга кенг олам, саховатли бўл, қизим,
Аллоҳ ва расули(с.а.в) га итоатли бўл, қизим.
Ёр-ёр садоси билан кетяпсан бахт уйига,
Раббим дилингда бўлсин ибодатли бўл, қизим,
Икки дунёда бахтли, саодатли бўл, қизим!

Қизлар қадим қадимдан палахмоннинг тошидир,
Ҳар қадаминг гул бўлсин бу ҳаётинг бошидир,
Кўзларида онангнинг дарёли кўз ёшидир,
Мендан кўнглинг тўқ бўлсин ҳаловатли бўл, қизим,
Икки дунёда бахтли, саодатли бўл, қизим!

Улғайибсан бир пасда, сезмай қолдим жон қизим,
Асраб сени авайлаб ҳар хатардан, ёлғизим.
Сен кўкдаги порлаган танҳогина юлдузим,
Тош келганда кемиргин қаноатли бўл,қизим,
Икки дунёда бахтли, саодатли бўл, қизим!

Борган жойингда тош қот, аямагин меҳрингни,
Яқинларинг кўнглин ол, қўшиб озроқ сеҳрингни.
Доим яхши ном билан ёд этсинлар зикрингни,
Меҳрингни баробар қил, адолатли бўл, қизим,
Икки дунёда бахтли, саодатли бўл, қизим!

Мевали боғ яратгин, гулдир сенинг қўлларинг,
Ифори ширин бўлсин эккан ҳар бир гулларинг.
Қуёшдай порласанг гар нурли ҳаёт йўлларинг,
Оилангга, ёрингга садоқатли бўл, қизим,
Икки дунёда бахтли, саодатли бўл, қизим!

Розиман, то қиёмат берган ошу тузимдан,
Ибрат олгин сен менинг босган ҳар бир изимдан.
Ранжимагин, азизам, дилдан айтган сўзимдан,
Гўзал ҳаёт йўлингда фаросатли бўл, қизим,
Икки дунёда бахтли, саодатли бўл, қизим!


ЗУҲРАХОН АБДУЛҲАКИМХОН қизи

каналга уланиш
t.me/zuhraxon07 Ochish/sharhlash

2022-06-29 07:45:27 каналга уланиш
t.me/zuhraxon07 Ochish/sharhlash

2022-06-24 05:00:04 СЕН ҚАЙДАН БИЛАРСАН


Изингда гул очар ҳаттоки хазон,
Кўзингда яширин ҳаётбахш учқун;
Юрагингда асло қолмасин армон,
Ахир мен асиранг - бир умр тутқун.

Билмам нега сенга боғланиб буткул,
Оҳу кўзларингга маҳлиё кўзим.
Суратинг хаёлим ўғирлар нуқул,
Ошиқ девонангга айландим ўзим.

Олислардан боқиб тўймасман асло,
Ҳаловат йўқ сира юриш-туришда...
Пичирлайман ўзим:Бу қандай савдо,
Худо юбордингми менга фаришта!?

Сен қайдан биларсан, сени қанчалар,
Ҳаммадан қизғониб, сен деб куйишим.
Сен қайдан биларсан,сени бунчалар,
Ўзимдан ҳам ортиқ сени суйишим!

23.06.2022

Зуҳрахон АБДУЛҲАКИМХОН қизи

каналга уланиш
t.me/zuhraxon07 Ochish/sharhlash