СИЗДАН БЎЛАК ЭМАС
Мен тонгдан куч олган гулу найсонман,
Яхшиям қалб сўқир, таним сўнгакмас.
Олисдаман сиздан руҳим ҳеч қачон,
Сиздан бўлак эмас, сиздан бўлакмас!
Биламан борман ўй, тилагингизда,
Ховотирингиз мушт билагингизда:
Юрагимнинг ярми юрагингизда,
Сиздан бўлак эмас, сиздан бўлакмас!
Дунёни иккига бўлиб қўйсинлар,
Бизни айро этиб майли тўйсинлар.
Нафасим ҳар нафас билиб қўйсинлар
Сиздан бўлак эмас, сиздан бўлакмас!
Бир кун учрашмоқлик орзуйим борим,
Оллоҳга илтижом етгуси зорим.
Жоним узулгунга қадар, эй ёрим
Сиздан бўлак эмас, сиздан бўлакмас!
Зуҳрахон АБДУЛҲАКИМХОН қизи
16.06.2022
каналга уланиш
t.me/zuhraxon07
