🌹🌹ЗУҲРАХОН АБДУЛҲАКИМХОН ижоди 🌹🌹НАЗМ БЎСТОНИ🌹🌹

2022-05-30 17:26:17 Севгимдан бехабар азизим,
Мен сени осмонча соғиндим...

Зуҳрахон Абдулҳакимхон қизи

t.me/zuhraxon07 Ochish/sharhlash

2022-05-25 02:39:42 ХАЙР, МАКТАБИМ

ЗУҲРАХОН АБДУЛҲАКИМХОН қизи

МУСУЛМАНКА

t.me/zuhraxon07


Ochish/sharhlash

2022-05-25 02:39:12 ХАЙР, МАКТАБИМ

(сўнгги қўнғироқ учун)

Қани энди сабо бўлиб ўн йил ортга елсайдим,
Такрор сенинг томон шошиб, гул кўтариб келсайдим,
Болагим бунчалар тез ўтишини билсайдим,
Кўзга суртгум тупроғингни жонажоним, мактабим!

Бағрингда шод, яйраб ўсдим, ёшлигимни куйладим,
Билим олдим, устозлардан, китоб қўлдан қўймадим,
Дўстлар топдим, меҳрибонлар, дийдорига тўймадим,
Қалби қайноқ, онамдайин меҳрибоним, мактабим!

Чалинмасдан турсин бир оз, бугун сўнгги қўнғироқ,
Жон мактабим оғушингдан, асло кетгим йўқ йироқ,
Юракда зўр ҳис-ҳаяжон, вужудимда зўр титроқ,
Сен ягона менинг учун бор имконим, мактабим!

Ширин дамлар энди бир-бир, кўз олдимда жонланар,
Хотиралар ўчмас бўлиб юрагимдан жой олар,
Сабоқларга гувоҳ бўлган ўша синфхоналар,
ИЛМУ УРФОН - гул чаманзор, боғ бўстоним, мактабим!

Қучоғингдан палохмондек отиларман узоққа,
Энди қандай дош берар дил соғинч тўла фироққа,
Ёришолмас кўнгилгинам, умид ёққан чироққа,
Ўзингсанку шууримга нур жаҳоним, мактабим!

Ўтди қанча йиллар ҳатто, такрорланмас ушбу дам,
Чиройингга тўйиб олай, сўнгги лаҳза, кўзда нам,
Унутмагин мени асло, унутмасман сени ҳам,
Бир умрга хайр энди қадрдоним, мактабим!


Зуҳрахон АБДУЛҲАКИМХОН қизи

каналга уланиш
t.me/zuhraxon07 Ochish/sharhlash

2022-05-22 16:56:00 ОНАМГА

Синовда тоблади художон,
Армондан қалби доғ онам-а.
Умрбод болам деб фидожон,
Меҳри боғ, кўкси тоғ онам-а.

Бошимни силайсан қайғудан
Ўксинмай ўтсин деб овунчлаб.
Асрайсан дард деган туйғудан,
Йил сайин жисмимни опичлаб.

Бедорла яшайсан туну кун,
Бор ғамим елкангга олиб жим,
Юрагин ҳовучлаб мен учун
Сен каби қайғурар яна ким?!

Қанийди дунёлар тургунча
Гулдайин очилиб кулсайдинг..
Лоақал юз ёшга киргунча
Жонингни авайлаб турсайдинг.

Ҳар лаҳза кўзимга суриш чун
Жаннатий пойингни соғингум.
Онажон, фарзандинг бўлиш чун,
Минг бора қайтадан туғилгум!

Минг бора қайтадан туғилгум!!!

Зуҳрахон АБДУЛҲАКИМХОН қизи
22.05.2022

каналга уланиш
t.me/zuhraxon07 Ochish/sharhlash

2022-05-21 06:02:48 ....... ҚАЙЛАРДА ҚОЛДИНГ......

(Дўстим Озода Болтабоевага)

Ҳолима абгор этиб қайларда қолдинг, эй, рафиқ,
Кўксима тиғлар уриб жонимни олдинг, эй рафиқ?

Ғам чўғида куйдима ўзни унутдим телбавор,
Айириб ақлу хушим, на куйга солдинг, эй рафиқ?

Тинмайин сочгувчи анвор мен сени шамсим десам,
Ой каби тортиб хира балким уёлдинг, эй рафиқ?

Йўлларингга интизор боқгай кўзим зор термулиб,
Бу жаҳондин топмадим қайга йўқолдинг, эй рафиқ?

Зим-зиё тун қоплаган Зуҳрахон кўнглин уйин,
Эт чароғон бир умр, қайларда қолдинг, эй рафиқ?

ЗУҲРАХОН АБДУЛҲАКИМХОН қизи

t.me/zuhraxon07 Ochish/sharhlash

2022-05-18 14:51:29 ... Умрим борки, кутгум ҳар оним...
Юрак ютиб Устоз Абдулла Орипов шеърига назира боғлашингизнинг ўзиёқ Сизни табриклашимиз учун асос бўлади!
Шеърингизнинг чиройли чиққани учун икки марта табрикласак ҳам камлик қилади.
Офарин! Ochish/sharhlash