Zakovat intellektual klubi

2023-09-05 18:26:52 Umumiy o‘rta ta’lim maktablari o‘quvchilari o‘rtasida “Zakovat” turnirining tuman (shahar) bosqichida qatnashadigan jamoalar taqdim etadigan ariza shakli

Telegram I Facebook I Instagram I YouTube I TikTok Ochish/sharhlash

2023-09-05 18:26:44 Umumiy o‘rta ta’lim maktablari o‘quvchilari o‘rtasida “Zakovat” turnirining tuman (shahar) bosqichi taqvimi

Telegram I Facebook I Instagram I YouTube I TikTok Ochish/sharhlash

2023-09-05 18:26:31 11-sentabrdan maktablar o‘rtasida “Zakovat” turniri start oladi!

Shu yilning 11-sentabridan boshlab butun respublika hududida Umumiy o‘rta ta’lim maktablari o‘quvchilari o‘rtasida “Zakovat” turniriga start beriladi. Shu kuni turnirning ta'lim muassasasi (maktab) bosqichi bo‘lib o‘tadi.

Turnir to‘rt bosqichda bo‘lib o‘tadi:

ta'lim muassasasi bosqichi;
tuman (shahar) bosqichi;
hududiy bosqich;
respublika bosqichi.

Ta'lim muassasasi bosqichida muayyan maktab o‘quvchilari tuman bosqichiga yo‘llanma olish uchun jamoalarga bo‘linib bellashadi. Ta'lim muassasasi bosqichi jami 20 ta savoldan iborat bo‘lgan bir turda o‘tkaziladi.

Ta'lim muassasasi bosqichi yakunlariga ko‘ra eng ko‘p ball to‘plagan jamoa maktab g‘olibi deb e’lon qilinadi. Shuningdek, 2-, 3-, 4- va h.k. o‘rinlarni qo‘lga kiritgan jamoalarning eng iqtidorli a’zolarini jalb qilgan holda g‘olib jamoa negizida 7 nafar (6 nafar asosiy va 1 nafar zaxira) ishtirokchidan iborat maktab terma jamoasi shakllantiriladi hamda navbatdagi bosqichda ishtirok etish uchun tavsiya etiladi.

Shu yilning 12-sentabridan 16-sentabrigacha har kuni butun respublika hududida turnirning tuman (shahar) bosqichi bo‘lib o‘tadi (tuman (shahar) bosqichi o‘yinlarining taqvimi ilova qilinadi).

Tuman (shahar) bosqichida qatnashadigan jamoalardan o‘yinga o‘zlari bilan maxsus shakldagi arizani to‘ldirgan holda olib borishlari talab etiladi (ariza shakli ilova qilinadi).

Tuman (shahar) bosqichida dastlabki uchta o‘rinni egallagan jamoalar hududiy bosqichda ishtirok etish huquqini qo‘lga kiritadi. Hududiy bosqichda dastlabki uchta o‘rinni egallagan jamoalar respublika bosqichida ishtirok etadi.

Turnirning tuman (shahar) va hududiy bosqichlari jami 30 ta savoldan iborat bo‘lgan uch turda o‘tkaziladi. Muayyan tumandagi barcha maktab jamoalari bilan bir vaqtda va bir joyda o‘yin o‘tkazish imkoniyati bo‘lmaganda ushbu tumandagi jamoalar bir necha qismga bo‘lgan holda saralashdan o‘tkaziladi.

Turnirning respublika bosqichi jami 48 ta savoldan iborat bo‘lgan to‘rt turda o‘tkaziladi.

Turnirning respublika bosqichida dastlabki uchta o‘rinni egallagan jamoalar a’zolari oliy ta’lim muassasalariga bazaviy to‘lov kontrakt asosida imtihon sinovlarisiz qabul qilinadi. Shuningdek, ularning har biriga bir o‘quv yili davomida har oy “Zakovat” stipendiyasi to‘lab boriladi.

Telegram I Facebook I Instagram I YouTube I TikTok Ochish/sharhlash

2023-09-05 16:30:51 Talabalar ligasining yangi nizomi

Telegram I Facebook I Instagram I YouTube I TikTok Ochish/sharhlash

2023-09-05 16:30:43 Talabalar ligasining kuzgi mavsumi boshlanmoqda!

7-sentabr, payshanba kuni "Zakovat intellektual klubi" NNT tomonidan Talabalar ligasiga start beriladi.

Liga bir o‘quv yili doirasidagi uch mavsum (kuz, qish, bahor) davomida bo‘lib o‘tadi. Har bir mavsum 10 ta turni o‘z ichiga oladi.

Ligada g‘olib bo‘lgan jamoaga maxsus kubok, shuningdek dastlabki uch o‘rinni egallagan jamoalarga qimmatbaho sovg‘alar topshiriladi.

Liga o‘yinlari butun respublika bo‘yicha bir vaqtda - har payshanba soat 17:00da bo‘lib o‘tadi.

7-sentabr kuni soat 17:00da Liganing kuzgi mavsumi 1-tur o‘yini bo‘lib o‘tadi.

Liganing Toshkent shahridagi o‘yinlari Zakovat arena binosida o‘tkaziladi.

Talabalar ligasida jamoalar quyidagi havola orqali o‘zi ishtirok etadigan hududni tanlab ro‘yxatdan o‘tadi:

https://zakovatklubi.uz/tournaments/425

Hududlardagi o‘yinlarda qatnashmoqchi bo‘lgan talabalar qo‘shimcha ma'lumot uchun "Zakovat intellektual klubi" NNTning tegishli hududiy koordinatori bilan bog‘lanishlari mumkin. Hududiy koordinatorlar kontaktlarini ushbu havoladan olish mumkin.

Telegram I Facebook I Instagram I YouTube I TikTok Ochish/sharhlash

2023-06-13 14:08:38 Ochish/sharhlash

2023-06-13 13:27:27 Yoshlar kubogi o‘z egalarini kutmoqda. Turnir uchun ro‘yxatdan o‘tishga shoshiling!

Turnir 15-iyun, payshanba kuni “Yoshlar oyligi”ning intellektual o‘yinlar haftaligi doirasida yurtimizning barcha hududlarida bo‘lib o‘tadi.

Musobaqa yakunida g‘olib jamoalarga kubok topshiriladi.

Turnirda jamoalar quyidagi havola orqali o‘z hududi bo‘yicha ro‘yxatdan o‘tadi:

https://zakovatklubi.uz/tournaments

Bugun ro‘yxatdan o‘tishning so‘nggi kuni bo‘lib, jamoalar soat 23:59gacha ro‘yxatdan o‘tishlari mumkin.

O‘yinlar 15-iyun kuni barcha hududlarda soat 10:00da boshlanadi va sinxron tarzda olib boriladi.

Musobaqa haqida bu yerda batafsil bilib olishingiz mumkin.

Telegram I Facebook I Instagram I YouTube I TikTok Ochish/sharhlash

2023-06-13 06:55:31 "Kubik rubik" musobaqasi ishtirokchilari diqqatiga

Musobaqa ishtirokchilaridan kelib tushgan ko‘p sonli arizalarni hisobga olib, 14-iyun kuni saralash bosqichi o‘tkazishga qaror qilindi.

Ro‘yxatdan o‘tayotganda 3x3x3 cube yo‘nalishini tanlagan ishtirokchilar saralash bosqichida 3x3x3 cube yo‘nalishida 1 daqiqadan kamroq natija ko‘rsatishlari talab etiladi, aks holda ular musobaqadagi ishtiroklarini to‘xtatishlariga to‘g‘ri keladi.

Saralashda 3x3x3 cube yo‘nalishida 1 daqiqa va undan kamroq natija ko‘rsatganlar soni 100 nafardan oshadigan taqdirda, eng yaxshi natija ko‘rsatgan 100 nafar ishtirokchi final bosqichi uchun tanlab olinadi.

Qolgan yo‘nalishlarda quyidagicha natija qayd etganlarning barchasi finalga yo‘llanma oladi:

2x2x2 cube va Pyraminx yo‘nalishida 30 soniya yoki undan kamroq;
4x4x4 cube yo‘nalishida 2 daqiqa yoki undan kamroq;
3x3x3 one handed yo‘nalishida 2 daqiqa yoki undan kamroq.

Eslatma: Ro‘yxatdan o‘tayotganda 3x3x3 cube yo‘nalishini tanlagan ishtirokchilar saralashda faqat ushbu yo‘nalishda sinovdan o‘tkaziladi va 1 daqiqadan kamroq natija ko‘rsatadigan taqdirdagina ularning 3x3x3 cube yoki boshqa yo‘nalishlarda ishtirokini davom ettirishlariga ruxsat etiladi. Basharti, 3x3x3 cube yo‘nalishidagi sinovda 1 daqiqadan ko‘proq natija ko‘rsatilsa, ishtirokchi boshqa yo‘nalishlarda qatnashish imkoniyatini ham yo‘qotadi.

Ro‘yxatdan o‘tayotganda boshqa yo‘nalishni tanlagan ishtirokchilar saralashda o‘zlari ko‘rsatgan yo‘nalish bo‘yicha sinovdan o‘tkaziladi.

Saralash bosqichi ertaga, 14-iyun kuni soat 10:00da boshlanadi.

Manzil: Yoshlar uchun sport, madaniy-ma’rifiy va intellektual o‘yinlarni o‘tkazishga mo‘ljallangan yopiq majmua binosi.

Mo‘ljal: Beruniy metro bekati.

Lokatsiya

Musobaqaning final bosqichi boshqa sanada bo‘lib o‘tadi.

Telegram I Facebook I Instagram I YouTube I TikTok Ochish/sharhlash

2023-06-12 21:52:13 Ochish/sharhlash

2023-06-12 19:41:05 Ochish/sharhlash