Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 15
2023-04-15 01:27:59
Дуо қиласиз....
Баъзиларни эслаб, хурсанд бўламиз. Беихтиёр ҳаққига ғойибона дуо қиламиз. Яна бошқалари эса, ногоҳон ёдимизга тушгудек бўлишса, танадаги зирапчадек, қалбдаги оғриқ билан эслаймиз.....
Тириклигингизда ва вафотингиздан сўнг ҳам қандай эслашларини хоҳласангиз, шунга кўра муомала қилинг.
Охирги нафасгача инсонларга умид бўлинг, табассум бўлинг, бахт бўлинг, дардли қалбларга малҳам бўлинг, маҳзун чеҳраларга қувонч бўлинг, аммо зинҳор дард-алам ва надомат бўлманг...!!!
Қалбларимизга малҳам, чеҳраларимизга табассум, ҳаётимизга мазмун улашишга сабабчи меҳрибонларимизга Аллоҳнинг саломи бўлсин!!!
Kanalga ulanish
@yuristxonimdaftari
576 views22:27
2023-04-14 18:05:23
Сен сабабли....
Бир дўстим бошидан ўтказган воқеани айтиб берди. Бир куни у таҳорат қилиб масжидга кирибди ва таҳоратдан қолган намлик қулоғидан ҳали кетмаган эди. У биринчи сафга, совутгичнинг тўғрисига бориб турибди. Совутгичдан чиққан муздек ҳаво қулоқларига кириб, ҳеч қанча вақт
ўтмасдан қулоғида оғриқ бошланганини сезибди. Шу онда оғзини очмасдан қалби
билан: “Эй Аллоҳ, бу (мен олган таҳоратим) Сен сабабли эди” деган ҳамки, оғриқ таққа босилибди.
Сиз ҳатто лабингизни қимирлатмасдан ичингизда айтган гапингизни биладиган даражадаги яқинлик қандай яқинлик-а?
Сизнинг Аллоҳ таолога энг яқин бўлган ҳолатингиз сажда қилган ҳолда “Субҳана Роббиял ъала” деб шивирлашингиздир. Сизнинг бу шивирлашингизга етти осмон ўз эшикларини очади. Зеро сизни Жаббор бўлган Зот эшитиб туради.
Сиз Аллоҳни узоқда, бирор яширин ишингиз махфийлигича қолади, дея ўйламанг...
Расулуллоҳ соллаллоҳу алайҳи ва саллам бир куни ярим тунда Убай ибн Каъб розияллоҳу анҳунинг эшигини қоқиш учун кўчага чиқадилар. Убай ибн Каъб розияллоҳу анҳу ташқарига чиққан вақтларида Расулуллоҳ соллаллоҳу алайҳи ва саллам: “Аллоҳ сенга Фотиҳа сурасини ўқиб беришимни буюрди”, дедилар. Убай ҳаяжон ила “У зот менинг исмимни айтдими?!” деди. Набий соллаллоҳу алайҳи ва саллам “Ҳа”, дедилар. Убай розияллоҳу анҳу йиғлаб юборди (Имом Бухорий ривояти).
«Чунки Сен Аллоҳсан» китобидан.
Kanalga ulanish
@yuristxonimdaftari
2.6K viewsedited 15:05
2023-04-14 12:54:45
Ҳар қалб ўз ичидаги
гулнинг ҳидини берар...
Уч дўст кечаси йўлда кетаётиб, йўл четида бир кишининг ўра қазиётганини кўриб қолишибди.
Шунда улардан бири шерикларига: “Қаранглар, ана у киши йўлнинг чеккасида ўра қазияпти. Менимча, у кимнидир ўлдирган бўлса керак, тунда кўммоқчи шекилли?!”, дебди.
Иккинчиси: “Йўқ, йўқ, у киши қотил эмас! У киши ҳеч кимга ишонмас экан, шунинг учун мол-мулкини кечаси одамлардан яшириб беркитяпти шекилли”, дебди.
Учинчиси эса уларга қараб: “Ундай ҳам эмас, бундай ҳам эмас. Бу киши солиҳ инсон, бу киши одамлар фойдаланиши учун қудуқ қазияпти”, дебди.
Зеро, бошқани (ҳаётини) вайрон қилиш билан машғул бўлсангиз, ўзингизни барпо қилишга асло вақт тополмай қоласиз.
Кимки макр қилиб яшаса, фақир бўлиб вафот этади. Энди кимки пок ният билан яшаса, Аллоҳ таоло унга барча балолардан нажот беради, қутқаради.
Kanalga ulanish
@yuristxonimdaftari
3.8K views09:54
2023-04-14 09:15:38
Унинг розили кифоя.....
Бизни танимайдиганлар назарида оддий инсонлармиз.
Бизга ҳасад кўзи билан қарайдиганлар наздида мағрур кимсалармиз.
Бизга эътибор кўзи билан қарайдиганлар наздида ажойиб кимсалармиз.
Бизни севадиган кимсалар наздида ноёб хусусиятга эга кишилармиз.
Бизга нисбатан адовати бор кимсалар наздида ёвуз кимсалармиз.
Ҳар бир шахснинг ўзига хос нуқтаи назари бор.
Бошқалар олдида кўринишингни яхшилашга уриниб, ўзингни чарчатиб қўйма. Аллоҳнинг сендан рози бўлиши кифоя қилади. Одамларнинг розилиги етиб бўлмас мақсаддир. Аллоҳнинг розилиги эса тарк этиб бўлмас мақсаддир. Тарк этиб бўлмас нарсани қўлга киритай десанг, етишиш мумкин бўлмаган нарсани ташла! - дедила Шайх Али Тантовий
Kanalga ulanish
@yuristxonimdaftari
3.8K views06:15
2023-04-14 07:05:53
Аллоҳдан истанг.... Албатта, кимнидир севсангиз, уни Аллоҳдан истанг.
Зеро, қалблар Аллоҳнинг измидадир....
Аллоҳнинг сизга дуо эттириши, қабулга ишорадир дедилар Саййид Арваси...
Kanalga ulanish
@yuristxonimdaftari
3.3K viewsedited 04:05
2023-04-14 02:00:25
Ислом аҳлига, Расулуллоҳнинг умматига
Жума Муборак!!!Kanalga ulanish
@yuristxonimdaftari
2.9K views23:00
2023-04-14 01:41:00
Жуманинг файзи, сиз билан Рўзадорларим......
Албатта, дуода сахий бўлинг! Зинҳор унутман-ки, ижобатига хасислик қилмайдиган Роббингиз бор...!
Дарҳақиқат, Унга ҳаммаси осон..
Дуогўй Рўзадорларимга Жуманинг файзу-барокати бўлсин!!!
"Yurist xonim"
Kanalga ulanish
@yuristxonimdaftari
3.0K views22:41
2023-04-14 01:32:02
Яна бир Жума тонги ....
Ҳаётингда нимаики содир бўлмасин, жуда катта бахтсизликка дуч келган чоғингда ҳам руҳингни чўктирма. Ҳатто барча эшиклар беркилиб қолган бўлса ҳамки, Худо фақат сен учунгина янги йўллар очади.
Сабрли бўлинг...
Сиз учун нима ёзилган бўлса у Буюк ёзувчи томонидан ёзилгандир..
Зеро, Буюк ёзувчининг режалари мукаммалдир. У нима-ки қилса гўзал қилади...
Kanalga ulanish
@yuristxonimdaftari
2.1K views22:32
2023-04-13 17:56:16
Афсус.....
Наҳотки ушбу ижтимоий ролик иштирокчилари бизнинг ўзбек халқи, Расулуллоҳнинг уммати бўлса.....
Наҳотки, биз мусулмонлар шу даражада бошқа мусулмонларга нисбатан бефарқ ва дахлдорлик ҳиссини унутган бўлсак.
Kanalga ulanish
@yuristxonimdaftari
3.7K viewsedited 14:56
2023-04-13 13:22:36
Cизни нима бахтиёр қилган...
Телебошловчи бир миллионер меҳмонидан сўраяпти:
- Ҳаётингизда сизни энг кўп нима бахтиёр қилган?
- Бахтиёрликнинг тўрт босқичидан ўтдим ва ниҳоят чин бахт нималигини англадим.
1. Бойлик тўпладим. Кўпайтирдим. Тўймадим.
2. Қимматбаҳо нарсаларни сотиб олдим. Янада қимматини, янада қимматини. Лекин унинг ҳам мазаси вақтинча бўлди, холос.
3. Катта-катта лойиҳаларни сотиб олдим. Футбол командаси, саёҳатчилар учун оромгоҳларми... Лекин барибир ўзим кўзлаган ва кутган бахтга эришолмадим.
4. Бир дўстим ногирон болалар учун ўзиюрар аравачалар сотиб олишга улуш қўшишимни сўради. Мен дарҳол рози бўлдим.
Ўша дўстим, совғани болаларга ўзинг бориб, ўз қўлинг билан топширасан, деб оёқ тираб туриб олди. Ночор бордим. Болаларнинг хурсанд бўлиб, аравачаларда у ёқдан бу ёққа учиб юрганларини кўрдим. Улар худди бир ўйингоҳларда юргандек қувнашарди.
Болаларнинг қувнаганини кўриб, ўзим ҳам яйраб кетдим.
Шундан кейинги ҳолат эса бу бахтиёрликни қалбимнинг ич-ичигача олиб кирди.
Кетмоқчи бўлиб турганимда болалардан бири оёғимга маҳкам осилиб олди. Оёғимни беозоргина олмоқчи бўлсам, у янада қаттиқроқ ёпишарди. Ўткир нигоҳи юзимга қадалган эди. Ҳайрон бўлиб сўрадим:
- Тойчоғим, сенга яна бирон нарса керакми?
Бу беғубор, бегуноҳ, юзида чин маънодаги бахтиёрлик нишоналари акс этиб турган хилқатнинг сурурбахш, умидбахш жавобига қулоқ солинг-а:
- Отажон, жаннатда сизни учратганимда Парвардигоримнинг қошида сизга миннатдорчилик билдиришим учун юзингизни яхшилаб эслаб қолмоқчиман.
Дод деб юбордим. Кўп йиғладим. Бир тарафдан унинг хурсандлигидан, иккинчи тарафдан эса ўзимнинг бахтиёрлигимдан ҳушимни йўқотиб, ерга қулай дедим...
Ё Аллоҳ! Мен қандай ҳаёт кечирдим? Нималар қилдим? Ўйин-кулгу, кайфу сафо, исрофгарчиликлар... Ҳамма-ҳаммаси сариқ чақага арзимайди. Ўзим ҳам бахтли бўлолмадим, бировни ҳам бахтли қилолмадим.
Kanalga ulanish
@yuristxonimdaftari
4.7K viewsedited 10:22
