Kanal manzili:
Toifalar:
Iltimoslar
Til: Oʻzbek tili
Obunachilar:
12.23K
Kanalning ta’rifi
Юридик соҳада кўп йиллик тажрибага эга юрист Мадина СайдиУсмонованинг шахсий блогига хуш келибсиз. Каналда фалсафий - руҳий мавзусидаги ўз фикрларим, ва қарашлар билан бўлишиб бораман..
Меҳмоним бўлинг!
Мурожаатлар учун: @yurist_xonim_admini
Ratings & Reviews
Reviews can be left only by registered users. All reviews are moderated by admins.
5 stars
0
4 stars
0
3 stars
1
2 stars
0
1 stars
1
Oxirgi xabar 16
2023-04-13 09:28:14
Умр ўтиб борар экан....
Умримиз ўтиб бориши билан қалб кўзимиз яхшиланиши ҳисобига кўзимиз кўриш қуввати сўниб боради...
Умримиз ўтиб бориши билан фикрий қудратимиз, руҳият, тафаккуримиз ортиши ҳисобига жисмимизнинг қуввати камайиб боради.
Умримиз ўтиб бориши билан (фойдали, маънили) сўзларимиздан атиргул ифорлари уфуриб туриши ҳисобига ёноқлармиздаги қизиллик ҳам кетиб боради.
Умримиз ўтиб бориши билан атрофдагиларни меҳри муҳаббатини қозониш эвазига худбинлигимиз ҳам сўниб боради.
Умримиз ўтиб бориши билан дунё ҳақидаги ўй фикрларимиз ҳам камайиб, охират ҳақидаги ўйларимиз ортиб боради.
Демак, умримиз ўтиб бориши билан биз йўқотишга эмас балки, хусрон йўқотишларни фойдаларга алмаштириб олар эканмиз...
Аллоҳ таоло сизу бизни умримиз узайгани сайин амали яхшиланиб борувчилар ва офияти давомий бўлганлардан этсин!
Kanalga ulanish
@yuristxonimdaftari
4.3K viewsedited 06:28
2023-04-13 06:41:03
Муқаддас Каъбатуллоҳнинг бугун тонгдаги кўриниши....
Аллоҳга элтувчи йўл узундир. Бу йўлнинг охирига етишингиз муҳим эмас, балки умрингиз шу йўлда якун топиши муҳим....
Роббим сизни шу йўлларда адаштирмасин.....
Унутманг, йўлларимиз айро бироқ, манзилмиз ягона Аллоҳдир.....
Kanalga ulanish
@yuristxonimdaftari
1.2K views03:41
2023-04-13 02:55:25
Аслида, биз фитратимизга зулм қилдик....
Сиз масжидга бормасангиз ҳам сиздан бошқалар албатта бораверади.
Сиз қуръонни тарк қилсангиз ҳам кимдир уни тиловат қилаверади, ёдлайверади.
Сиз Аллоҳдан узоқлашсангиз ҳам кимдир Унга яқинлашаверади.
Сиз Аллоҳни инкор қилсангиз ҳам кимдир Унга ишонаверади.
Сиз бу динга қарши курашсангиз ҳам қиёматгача бу динга хизмат қиладиган содиқлар дунёга келаверади.
Куни келиб фақат ўзингизгина зиён қилганингизни ҳис қиласиз.
Зеро, Аллоҳ, Уни унутганимиз сабаб бизга зулм қилмади, аслида, биз Уни унутганимизда, ўзимизга ўзимиз зулм қилдик...
Kanalga ulanish
@yuristxonimdaftari
2.3K views23:55
2023-04-13 02:06:09
Қалб билан....
Қалб кўзларга термулиб деди: Сизларга мазза! Хар куни завқ билан Қуръон ўқийсизлар, уни кўрасизлар.
Қалб тилга деди: Сиз эса кўзлар ўқиган Қуръон сўзларини гўзал товушлар ила зикр этасиз.
Қалб қулоқларга қарата деди: Сизларга ҳам ҳавас қиламан. Чунки, сизлар кўзлар ўқиб, оғиздан чиққан Қуръон сўзларини мароқ билан тинглайсизлар. Шунда кўзлар қалбга: - Аслида, бунинг барчаси сизнинг шарофатингиз, - дейишди. Қулоқлар бу фикрга қўшилди. Калб хайрон бўлиб сўради:
Нега энди менинг шарофатим бўларкан?
Қалбнинг саволига тил жавоб берди: Сабаби сиз Қуръонни
севмаганингизда биз унга
қарамаган, уни зикр этиб, тингламаган бўлар эдик..
Нега дуо қилаётганимизда кўзимизни юмиб оламиз?
Нега орзу қилаётганимизда кўзимизни юмиб оламиз?
Нега ҳадя қилаётган вақт кўзимизни юмиб оламиз?
Чунки гўзал ва беғубор онлар кўз билан кўрилмайди, балки, қалб билан ҳис қилинади....- дедилар Табризий..
Kanalga ulanish
@yuristxonimdaftari
2.9K views23:06
2023-04-12 18:35:38
Кўнгил инсоннинг қибласидир, синдирманг...
Оқшомлари дарвеш мажлисларда иккита савол сўралмиш: Бугун кўнгил синдирдингми....? Намоз ўқидингми...?
Биринчи саволга "ҳа" деганларга иккинчи савол берилмайди. «Бир марта кўнгил синдирган бўлсангиз, бу қилган ибодатингиз ибодат эмас дедилар дарвеш...
Агар сизга озор берган инсонларга ҳали ҳам салом бера олсангиз, бу виждонингизнинг садақасидир, дедилар Мавлоно.
Kanalga ulanish
@yuristxonimdaftari
3.8K views15:35
2023-04-12 13:01:46
Тафаккур қилиб кўринг...
Бир киши Иброҳим Адҳамнинг олдига келиб: Эй Абу Исҳоқ, нафсим ҳаддидан ошиб кетди, гуноҳ ишлар қилиб қўяпман, сизда нафсимни гуноҳ - маъсиятлардан тўхтатадиган бирор нима борми?-деди. Иброҳим: Агар мендан бешта хислатни қабул қилсанг ва уларни бажара олсанг, сенга бирорта ҳам гуноҳ зарар бера олмайди, - деди. У: -Айтинг, эй Абу Исҳоқ, - деди. Шунда Иброҳим: - Биринчиси: Агар Аллоҳ азза ва жаллага нисбатан гуноҳ қилмоқчи бўлсанг, Унинг ризқини емагин,-деди. У:
Унда ризқни қайердан оламан, ахир Ер юзидаги барча нарса Унинг ризқидан-ку!-деди. Иброҳим:
-Ўзинг ўйла, Унинг берган ризқидан еб туриб, яна Унга гуноҳ қилишинг яхшими?!-деди. У:
-Йўқ. Иккинчисини айтинг,-деди. Иброҳим:
- Агар Унга нисбатан гуноҳ қилмоқчи бўлсанг, Унинг ерида истиқомат қилма,-деди. У:
-Эй Иброҳим, буниси аввалгисидан ҳам қийинроқ-ку! Ахир Машриқу Мағриб ва булар орасидаги ҳамма жой Уники бўлса, унда мен қаерда яшайман?-деди. Иброҳим:
-Ўзинг ўйла, Унинг берган ризқидан еб туриб, Унинг ерида яшаб туриб, яна Унга гуноҳ қилишинг яхшими?!-деди. У:
- Йўқ. Учинчисини айтинг,-деди. Иброҳим:
-Агар Унга нисбатан гуноҳ қилмоқчи бўлсанг, У кўрмайдиган жойни топиб, ўша ерда гуноҳ қилгин,-деди. У:
- Эй Иброҳим, қандай қилиб бундай бўлиши мумкин...
Ахир У Зот барча сирлардан хабардор, қалбдаги яширин нарсаларни ҳам билади-ку, Унга бирор нарса махфий эмас-ку!-деди. Иброҳим:
-Эй биродар, ўйлаб кўр, Унинг берган ризқидан еб турган бўлсанг, Унинг ерида яшаб турган бўлсанг ва яна у сени кузатиб турган бўлса, Унга гуноҳ қилишинг яхшими?!-деди. У:
- Йўқ. Тўртинчисини айтинг,-деди. Иброҳим:
- Агар жонингни олиш учун ўлим фариштасини келса , сен унга:
"Кейинга қолдириб тур, тавба қилиб олай",дегин,-деди. У:
- Ўлим фариштаси менинг бу гапимни қабул қилмайди, -деди. Иброҳим:
-Агар ўлимнинг кечикмасдан, тўсатдан келишини билсанг ва тавба қилиб олиш учун уни ортга суришга имконинг бўлмаса, қутулиб қолишни қандай умид......
Kanalga ulanish
@yuristxonimdaftari
3.6K viewsedited 10:01
2023-04-12 09:21:52
Ишқ...
Инсонларни таниш учун бор кучингизни беринг, бироқ бор севгингизни берманг. Чунки уларни таний бошлаганингиз сари берган севгингизга ачинасиз - дедилар Мавлоно.
Ишқ аслида, “Ҳар нарсани сен учун бор қилдим”, деган Роббингизга “Ҳар нарсани Сен учун тарк этдим!», дея олишдир, Ишқ...
Доимо Аллоҳни зикр қилинг, чунки бу даводир. Одамларни зикр қилишдан четланинг, чунки бу дарддир.
Қуръони Карим эркак билан аёлнинг алоқасини ишқ деб эмас, меҳр деб атади. Зеро, «ишқ» сўзида шаҳват маъноси кучлироқ, «меҳр» сўзида эса инсонийлик ва мулойимлик кўпроқдир..
Kanalga ulanish
@yuristxonimdaftari
3.9K viewsedited 06:21
2023-04-12 03:19:07
Балки, улар бизга муҳтождир....
Абу Дардо айтадилар:
«Бир биродарингиз ўзгариб қолиб, гуноҳга қўл урса, ундан юз ўгириб ўз ҳолига ташлаб қўйманглар. Унга сабр билан чиройли насиҳат қилинг. Қийшайиб қолган тўғри ҳам бўлиб қолади».
Баъзиларимиз бирор биродаримизнинг айбини билиб қолсак ёки у ҳақида ёмон гап эшитсак, дарров оммага олиб чиқиб, унинг обрўсига тажовуз қилишга ошиқамиз. Ҳолбуки мўминнинг иши йиқилганни тепалаш эмас, турғизиб қўйиш эди.
Kanalga ulanish
@yuristxonimdaftari
4.7K views00:19
2023-04-12 02:15:30
Сен ҳам шундай севасанми..
Сени чиндан ҳам севганлар, сен учун қайғурганлар ҳақида билмоқчимисан...?!
Улар сени нимага рағбатлантириб, нимадан қайтараётганларига боқ!
Ҳақиқий севганлар сени маъсият кўчасидан тўсишади. Ҳақиқий қайғурганлар сени жаҳаннам азобидан асрашади.
Яхшиликка даъват қилиб, ёмонликдан қайтаришади. Уларгина сени чиндан севишади, асраб авайлашади.
Сени дунёнинг ўткинчи роҳатларига, лаҳзалик лаззатларига чорлашмайди.
Сени ўзларига эмас, Роббиларига яқинлаштиришади. Ана ўшалар чиндан ҳам севганлардир.
Шундай инсонларинг бўлса, қўйиб юборма! Чунки, уларнинг муҳаббати сени ҳисоб куни аршнинг соясига олади, жаннатга калит бўлади.
Сен-чи..? Сен ҳам кимнидир шундай севасанми....?
«Ҳаёт менга шуни ўргатди» китобидан.
Kanalga ulanish
@yuristxonimdaftari
4.3K views23:15
2023-04-12 01:28:58
Ҳар ким ҳузур топган жойига борсин, дедилар. Мен Сенинг ҳузурингга келдим, мени Сенсиз қолдирма Aллоҳим...
Эй авф этишни севадиган Роббим!
Сен кўз ёшларимни арт, қалбимга тасаллий бер, кўнглимга хотиржаъмликни тушир.
Бу нарса (қийинчилик) ларда ҳам бир хайр бор албатта.
Хайрли машаққатларимни мен учун суюкли қил.
Қилган дуоларим худди кечага сочилган юлдузлар каби, ҳаётимни ойдинлатсин.
Ғам ташвишли онларимда мени хурсанд қил.
Жоҳилман, ниҳоятда жоҳилман.
Ибтидоим ҳам, интиҳоим ҳам Сен бўл! - дедилар Румий...
Kanalga ulanish
@yuristxonimdaftari
4.2K views22:28
