💝Хуршид Карим шеърлари💝

2022-08-04 15:39:23 РУЛДА ИЧМАНГ

Дунёда ҳеч кимсанинг,
Паймонаси тўлмасин,
Авто ҳалокат сабаб,
Ҳеч бир инсон ўлмасин.
Рулда ичманг акалар..

Кўнгил кўнгилга пайванд,
Дил дилга муштоқ бўлсин,
Сафарингиз бехатар,
Йўлларингиз оқ бўлсин.
Рулда ичманг акалар..

Юзга киринг илоҳим,
Узоқ яшанг дунёда,
Омон бўлсин бошингиз,
Омон бўсин пиёда.
Рулда ичманг акалар...

Темир тулпорингизнинг,
Қаноти қайрилмасин,
Дунёда ҳеч ким бевақт,
Жигардан айрилмасин.
Рулда ичманг акалар...

Кўнгилларга солмасин,
Айрилиқ, шўр-фироқни,
Заводлари ёпилиб,
Кетсин ўша ароқни,
Рулда ичманг акалар...

Юзларга кириб ҳамма,
Таянсинда ҳассасин,
Аллоҳим ҳаммамизни,
Паноҳида асрасин.
Рулда ичманг акалар...

Хуршид Карим


@Xurshid_Karim Ochish/sharhlash

2022-08-04 15:10:57 Suyunbek & TajonuM

Kechikkan Bahor

Xurshid Karim & Xurshidabonu Berdiyorova

@Xurshid_Karim Ochish/sharhlash

2022-08-04 15:08:46 Қайга кетаяпсиз кўнглимни олиб,
Бир дунё маънолар ноз, ишвангизда,
Нетарман мен энди сизсиз тўлғаниб,
Менга ҳам жой борми машинангизда.

Хуршид Карим

Ochish/sharhlash

2022-08-04 09:33:00 ЎҚИШЛАРГА ЎТИБ КЕТИНГ

(барча абитуриентларга омад ёр бўлсин)

Тунлари ой нурларида ўқидингиз,
Ойсиз қаро тунларида ўқидингиз,
Ҳатто байрам кунларида ўқидингиз,
Шу бу йил сиз ўқишларга ўтиб кетинг,
Абитуриентлар сафидан ўчиб кетинг.

Кимлар етди ким етмади қадрингизга,
Назар қилмас кимлар тортган жабрингизга,
Қойил қолмоқ керак сизнинг сабрингизга,
Шу бу йил сиз олийгоҳга ўтиб кетинг,
Абитуриентлар сафидан ўчиб кетинг.

Юрак деманг юрак қалби музларда йўқ,
Сиздаги қунт,сабр,тоқат бизларда йўқ,
Ёш болада,,SAMSUNG","AYFON",сизларда йўқ,
Шу йил ТошМи,АдМИ ларга ўтиб кетинг,
Абитуриентлар сафидан ўчиб кетинг.

Хафа бўлманг сизга бахт-у,камоллар бор,
Елкангизга бир кун тегар шамоллар бор,
,,Қандай қилиб ўтдинг"деган саволлар бор,
Шу йил ЮРфак,ТАТУ ларга ўтиб кетинг,
Абитуриентлар сафидан ўчиб кетинг.

Кўрайлик биз ,,Ўтдим"деган киноянгиз,
Оқлансин-да шунча меҳнат,сармоянгиз,
Шу бўлсинда,,Подкурс"даги ниҳоянгиз,
Шу йил ТошМУ, ФарДУ ларга ўтиб кетинг.
Абитуриентлар сафидан ўчиб кетинг.

Аллоҳ назар солсин ўтинч,нолангизга,
Қувонч тўлсин шу кун кўнгил хонангизга,
Ёруғ юз-ла боринг ота онангизга,
Илоҳим шу йил ўқишга ўтиб кетинг,
Абитуриентлар сафидан ўчиб кетинг.

Хуршид Карим

4.08.2022

@Xurshid_Karim Ochish/sharhlash

2022-08-04 09:32:59 Ochish/sharhlash

2022-08-04 07:24:37 УМРНИНГ ҲАР ДАМИ ШИРИН

Эзгуликка жазм айланг.
Куй қўшиқ-ла назм айланг,
Қадрингизни билганларга,
Бошлар эгиб таъзим айланг.

Нозир бўлинг гултожларга,
Лойиқ бўлинг ишончларга,
Сизни севган кимсаларни,
Кўмиб ташланг қувончларга.

Ўтиб ўнги сўлларидан,
Минг ўргилинг бўйларидан,
Сизга азиз инсонларни,
Тутинг маҳкам қўлларидан.

Аҳмоқ билан ҳисоблашманг,
Бевафо-ла фироқлашманг,
Ёмонлардан бўлинг нари,
Яхшилардан йироқлашманг.

Шакарнинг ҳам ками ширин,
Бахт,сурурни таъми ширин,
Яшаб қолинг,яшаб қолинг,
Умрнинг ҳар дами ширин.

Хуршид Kарим

@Xurshid_Karim Ochish/sharhlash

2022-08-04 05:50:18 БОРИНГИЗГА ШУКУР

Бошим қўяй бугун ҳоку пойингизга,
Қалбим тўла меҳр -дарё,сойингизга,
Меҳрибоним,танҳогина жонажоним,
Борингизга шукур она,борингизга.

Неки бўлса,ҳаммасидан қимматимсиз,
Пок иймоним,ёруғ юзим,ҳимматимсиз
Дунёлардан топиб олган жаннатимсиз,
Борингизга шукур она,борингизга.

Фаришталар ўтиб ўнгу сўлингиздан,
Ибрат олсин сизнинг умр йўлингиздан,
Айланай мен болам деган тилингиздан,
Борингизга шукур она,борингизга.

Бахтим сизсиз не қилай мен ҳумоларни,
Ростлигим сиз,юзи қурсин рўёларни,
Аллангизга алишмайман дунёларни,
Борингизга шукур она,борингизга.

Ор қиламан қилган ҳамма хатойимдан,
Кўнглингизга берган ногоҳ жафойимдан,
Умрингизни сўрай қодир худойимдан,
Борингизга шукур она,борингизга.

Қалбимдасиз доим менинг жонимдасиз,
Қайда бўласам ҳаёлимда,ёдимдасиз,
Бахтиёрман гар бўлсангиз ёнимдасиз,
Борингизга шукур она,борингизга.

ХУРШИД КАРИМ.

@Xurshid_Karim Ochish/sharhlash

2022-08-04 05:26:01 @Xurshid_Karim Ochish/sharhlash

2022-08-04 03:15:40
ЮРАГИМГА ЯҚИНЛАР

Юлдуз мисол чақинлар,
Меҳри дарё - оқинлар,
Борингизга минг шукур,
Юрагимга яқинлар.

Эзгу, ширин тилаксиз,
Кўксимдаги юраксиз,
Менга жуда кераксиз,
Юрагимга яқинлар

Йўлингизда бедорман,
Меҳрингизга ҳуморман,
Сиз бор мен бахтиёрман,
Юрагимга яқинлар.

Сизсиз бу кўнгил тўлмас,
Сизсиз юрганим йўлмас,
Бир кун кўрмасам бўлмас
Юрагимга яқинлар.

Кулиб юринг баҳордек,
Қалбингиз оппоқ қордек,
Сизсиз дунёлар тордек,
Юрагимга яқинлар.

Бу дунёда ёнма - ён,
Бирга бўлайлик ҳар он,
Бахтимга бўлинг омон,
Юрагимга яқинларим.

Хуршид Kарим

@Xurshid_Karim Ochish/sharhlash

2022-08-04 03:03:59 Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ!

Ҳаёт такрорланмас.. умр қисқа... ҳар бир онимиз эса ғанимат...

Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик..

Аллоҳ ушбу тонгда барчамизни муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин.. Яқинларимизни Ўз паноҳида соғ-омон асрасин...

Бугунги пайшанба кунимиз ҳушхабарларга бой бўлсин!

@Xurshid_Karim Ochish/sharhlash