💝Хуршид Карим шеърлари💝

2022-08-30 19:17:04 Ko’ngil olish kelmasa qo’lingdan,
ehtiyot bo’l, biror ko’ngil vayron bo’lmasin tilingdan!

Jaloliddin Rumiy


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 17:49:48 КЎНГЛИМ ЭРКАСИ

Сен назокатлисан, малоҳатлисан,
Кўкламдек беғубор, нафосатлисан,
Вафоли, иболи, садоқатлисан,
Умрмни ёритар қалбинг зиёси,
Эй кўнглим эркаси, кўзим қароси.

Ишқинг дарёсига мубтало ўзим,
Кўйингда телба-ю, бир гадо ўзим,
Бир умр ҳуснингга маҳлиё кўзим,
Бир ишва, нигоҳинг дардим давоси,
Эй кўнглим эркаси, кўзим қароси.

Лаҳзада соғингум иболарингни,
Ёқили,ҳуш,майин саболарингни,
Қалбимга босайин ҳаёларингни,
Сен севгим сафоси,умрим маъноси,
Эй кўнглим бекаси,кўзим қароси.

Сен бўлсанг мен сокин ҳаловатдаман,
Чўнг бардош,сабрли матонатдаман,
Сен учун бир умр ибодатдаман,
Беғубор борлиғим,бахтим навоси,
Эй кўнглим эркаси,кўзим қароси.

Фаришта мисолим,оҳу мисолим,
Сендадир ҳаёлим,чашма,зилолим,
Кел бўлгин сен менинг жуфти ҳалолим,
Умримни ёритсин қалбинг зиёси,
Эй кўнглим бекаси,кўзим қароси.

Хуршид Карим


@Xurshid_Karim


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 17:46:26 КИМИМ БОР ОНА

Ғурбат тўла куним бор она,
Дардлашгани туним бор она,
Меҳрибоним, бу дунёларда,
Сиздан улуғ кимим бор она.


Хуршид Kарим


Sardor Ibraim


@Xurshid_Karim


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 17:46:26 Хуршид Карим
Рамзиддин Эгамбердиев


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 14:48:53 𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 05:09:27 ҲАЛОЛЛИК ВА ТЎҒРИЛИК ҲАҚИДА РИВОЯТ


Ҳалоллик, тўғриликда
Ҳакмат кўп эрур ғоят,
Келинг дўстлар сўйилайин,
Сизга зўр бир ривоят.

Қадим ўтган замонда,
Яхши, ёмон бор экан,
Абдусалом исмли,
Ҳалол инсон бор экан.

У ҳалол меҳнат қилиб,
Ҳалол кун кўрган экан,
Унинг якка-ю, ёлғиз,
Бир ўғли бўлган экан.

Ер-у кўкка ишонмас,
У ёлғиз боласини,
Боқиб катта қилибди,
Тўкмай бир толасини.

Кунлар,ой,йиллар ўтиб,
Билаги кўчга тўлиб,
Етишибди у бола,
Паҳлавон йигит бўлиб.

Кунлардан бир кун йигит,
Бир оз ўйга толибди,
Ва келиб отасига,
Бир маслаҳат солибди.

--Эй ота кексайдингиз,
--Рўзғор юкин мен олай,
--Айтинг энди отажон,
--Мен қандайин касб қилай.

--Эй ўғлим ҳар оиланинг,
--Боқувчисидир эрлар,
--Бўйиндан боғланган ит,
--Овга ярамас дерлар.

--Бу ҳаёт ҳақиқати,
--Буни билгин,англагин,
--Энди ўзингга ёққан,
--Касб ё ҳунар танлагин.

Ўғил ўйланиб бир оз,
Сўз қотибди жонсарак,
--Ота энг яхши касб,
--Ўғирлик бўлса керак.

Майли дебди отаси,
Хаёлга чўмиб бир дам,
--Қўшнимизни қўйини,
--Ўғирлаб кўр-чи болам.

Йигит енг шимарибди,
Рости ўғирлик учун,
Қўшни уйдан бир қўчқор,
Ўғирлабди ўша тун.

Отаси дебди ҳурсанд:
--Ишингдан тўлди кўнглим,
--Бир ҳафта маза қилиб,
--Еб ётамизда ўғлим.

Шу сўзни айтиб ота,
Хандон отиб кулибди,
Хуллас улар бир ҳафта,
Роса маишат қилибди.

Ҳаш-паш дегунча зумда,
Бир ҳафта ҳам ўтибди,
Ота ўғил ўзларин,
Тарозида тортибди.

Ўғил уч кило озган,
Хўп ичин емирибди,
Лекин, ҳайрон отаси,
Тўрт кило семирибди.

Қараб қолибди ўғил,
Отага ҳайрон бўлиб,
Нодон ўғлига дебди,
Шунда отаси кулиб.

--Мен ҳалолдан нон топиб,
--Бир бурдага тўйгандим,
--Сен ўғирлаган қўйни,
--Пулин тўлаб қўйгандим.

--Шу сабаб мен хотиржам,
--Қўй гўштин еб семирдим,
--Сен эса хавотирда,
--Ўз ўзингни емирдинг.

--Кўрдингми ҳаром луқма,
--Қанча есанг юқмайди,
--Ўғридан бил ҳеч қачон,
--Бахтли одам чиқмайди.

--Бу бир оддий ҳақиқат,
--Буни билган,англагин,
--Энди ўғлим ўзингга,
--Ҳалол бир касб танлагин.

Ҳалолликда гап кўпда,
Қуриб кетсин ўғрилар,
Ер юзин босиб кетсин.
Диёнатли тўғрилар.

Ким ҳаромдан бойибди,
Уни Аллоҳ суймасин,
Ҳалолликда ҳикмат кўп,
Ҳалолидан қўймасин.

Хуршид Карим

29.08.2022 Ochish/sharhlash

2022-08-30 04:53:04 Энг гўзал нарсалар кўз билан кўрилмайди, қалб билан ҳис этилади...


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 04:52:38 Ё РАСУЛУЛЛОҲ

Қалбимни тирнайди бир фиғон, бир оҳ,
Аллоҳим чин муслим бўлармиканман,
Аллоҳнинг расули, Ё Русулуллоҳ,
Мен сизни тушимда кўрармиканман.

Қаддимни букди-ку, ёлғончи дунё,
Оқибат, меҳрга гул тутди рўё,
Нурли чеҳрангизга боқиб маҳлиё,
Мен сизни тушимда кўрармиканман.

Гумон рўёларни қалбимдан юлиб,
Ёлғон,риёларни қалбимдан юлиб,
Қутлуғ пойингизга кўзларим суриб,
Мен сизни тушимда кўрармиканман.

Чап елкамда шайтон,ўнгида Раҳмон,
Зулмат йўлларимни ёритар Қуръон,
Майли бир сония,майлига бир он,
Мен сизни тушимда кўрармиканман.

Аллоҳ ҳақ чароғон нур сочар қуёш,
Ҳақлик ноҳақликка бераверар дош,
Йиғлайман,йиғлайман кўзларимда ёш,
Мен сизни тушимда кўрармиканман.

Бандаман,чин муслим йўлини тутгум,
Дўст бўлиб ночорлар қўлини тутгум,
Кутаман бир умр зор бўлиб кутгум,
Мен сизни тушимда кўрармиканман.

Хуршид Карим


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-30 04:01:08 ИҚРОР

Қуёш чиқса нур тўлар менинг ғариб хонамга,
Билмам нелар ёзилган тақдирим -пешонамга,
Улғайтирган ҳаттоки гард туширмай соямга,
Мен шу битта хақиқат қадрин билиб яшайман,
Бу дунёда онамга қулуқ қилиб яшайман.

Дуоларга қўл очиб ҳар кун очаган йўлимни,
Эзгуликка суғориб бўстон қилган дилимни,
Ичикмасдан доимо бардам тутиб кўксимни,
Йиғламасдан ҳеч қачон хандон уриб яшайман,
Отамнинг ҳок -пойини кўзга суриб яшайман.

Бу дунёга боқайлик дўстлар очиқ кўз билан,
Оқибатни адоғин қилиб бўлмас сўз билан,
Ҳаётинг бўлар файзли битта яқин дўст билан,
Орзуларим осмонга нарвон қилиб яшайман,
Дўстларимнинг қадрини осмон билиб яшайман.

Ҳашар билиб ҳар ишни кор қилган шимариб енг,
Кўнгли очиқ, соддадил, қадри осмонларга тенг,
Бу дунёда бормикан ўзбекдайин бағри кенг,
Мен элимни йўлбошчи- сарбон билиб яшайман,
Ҳалқимнинг довруғини достон қилиб яшайман.


Хуршид Карим

@Xurshid_Karim Ochish/sharhlash

2022-08-30 03:58:10

Agar ertaga “koshki...” deb afsuslanib qolishni xohlamasangiz, uchta narsani tanlashda adashmang:

1. Turmush oʻrtoqni..
2. Kasb-korni...
3. Doʻstni...

— Yunus Emro


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash