💝Хуршид Карим шеърлари💝

2022-08-31 18:27:18
АВГУСТ ОЙИ ҲУШ КЕЛДИНГ

(Ўқитувчиларга ҳазил шеър)

Бир йиллик каму кўстим,
Шу ойга боғлиқ дўстим,
Кўнгилларни портлатиб,
Келдингми эй августим.

Мени кимдан камим бор,
Қанча ташвиш ғамим бор,
Рўзғорда беш таним бор,
Келдингми эй августим.

Мана олинг тўйинг сиз,
Кўзларимни ўйинг сиз,
Мендек ишлаб қўйинг сиз,
Келдингми эй августим.

Олийман деб керилманг,
Кибрларга берилманг,
Ҳаммада асаб таранг,
Келдингми эй августим.

Тўлдирмангиз паймонам,
Эркинман,эмас қарам,
Нима дейди қайнонам,
Келдингми эй августим.

Қочон тайин бўлади,
Кутиш қийин бўлади,
Дўстлик кейин бўлади,
Келдингми эй августим.

Бир ставка тамом бас,
Биз ҳам одам, эмас ҳас,
Бизда ҳам бор тўй,ҳавас,
Келдингми эй августим.

Дунёларим қилиб тор,
Бир соатга қилма зор,
Директорда гапим бор,
Келдингми эй августим.

Ишларим пойма,пойда,
Ҳабар келар ҳар ойда,
Кредитим тўрт жойда,
Келдингми эй августим.

Кўнгилни қилманг ҳира,
Ҳамкасбим сира,сира,
Олмоқчийдим жентра,
Келдингми эй августим.

Дардларин айтиб бот,бот,
Кимлар ғамгин,кимлар шод,
Мактабда қайнар ҳаёт,
Келдингми эй августим.

Вафо кутиб ҳар кимдан,
Дўстлари кўп ғанимдан,
Ҳазил Хуршид Каримдан,
Келдингми эй августим.

Хуршид Kарим

@Xurshid_Karim Ochish/sharhlash

2022-08-31 17:20:33 ОЙЛИК ҚАЧОН КЕЛАДИ

Кўнгил қачон кулар экан,
Чўнтак қачон тўлар экан,
Ҳой ҳисобчи менга қаранг,
Ойлик қачон келар экан.

Пулсиз киши мазлум,ўсал,
Кўнгил ҳира,чўнтак касал,
Дўкончилар йўлим тўсар,
Ойлик қачон келар экан.

Телефонлар жиринг,жиринг,
Оҳ чекасан,кўчар сиринг,
,,Кредитни тўлаб қўйинг''
Ойлик қачон келар экан.

Кайфият нол,кўнгил тугун,
Юрак беун,йиғлайди ҳун,
МИБга нима дейман бугун,
Ойлик қачон келар экан.

Барака йўқ ишимизда,
Қор ёғмайди қишимизда,
Чойхоналар тушимзда,
Ойлик қачон келар экан.

Қаризлар мўл ҳолим хароб,
Кел биродар юзимни ёп,
Тик турмайди бўшаган қоп,
Ойлик қачон келар экан.

Уйқу қочар,бедор юрак,
Бош оғрийди сарак,сарак,
Кантрактни тўлаш керак,
Ойлик қачон келар экан.

Бунча ширин бўлмаса ул,
Куйдиради қилади кул,
Ҳаммасининг давоси пул,
Ойлик қачон келар экан.

ХУРШИД КАРИМ Ochish/sharhlash

2022-08-31 16:47:14 БИР ТАБАССУМ КИФОЯ

Ҳуснингизга девонаман ёр,
Соғинчларим қалбимга соя,
Майли менга сўз деманг дилдор,
Бир табасум қилинг кифоя.

Мендек ғариб девона қулга,
Кифоядир лаҳза, зумингиз,
Меҳр истаб қақраган дилга,
Малҳам бўлар табассумингиз.

Тонглардайин сокин, мусаффо,
Озорларим ювиб кетади,
Майли менга индаманг зебо,
Битта кулиб қўйинг етади.

Гарчи менга эмас дилрабо,
Дилда қайноқ туйғуларингиз,
Ғариб умрим қилар сержило,
Ширин,ширин кулгуларингиз.

Менинг учун лолалар терманг,
Ҳисларимни туйсангиз бўлди,
Умид берманг,умидлар берманг,
Бир жилмайиб қўйсангиз бўлди.

Бахт кимларни қўлларин тутар,
Ёнингиздан бахтли кишингиз,
Мен ғарибни бахтиёр этар,
Шу биргина жилмайишингиз.

Дунёлари керакмас менга,
Бир табассум қилинг кифоя.

Хуршид Карим


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-31 16:43:17 Onangizni qachon ko'rdingiz?

Xurshid Karim
Ramziddin Egamberdiyev
Internetdan olindi

@Xurshid_Karim


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-31 15:16:11 БУХОРО ИИБ

Мустақиллигимизнинг 31-йиллигига бағишланади

ВАТАН Хуршид Карим шеъри

@Xurshid_Karim


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-31 10:23:50 ОНАМГА УМР СЎРАЙМАН

Ё тангрим асрагин яқинларимни,
Уларга ҳаловат, ҳузур сўрайман,
Тинглагин оҳимни, танҳо ўтинчим,
Онамнинг умрига, умр сўрайман.

Бир парча юраги жабрга тўлган,
Болам деб яшнаган, болам деб сўлган,
Мен учун дунёда энг азиз бўлган,
Онамнинг умрига умр сўрайман.

Ҳар бало қазодан жонини асра,
Ҳар лаҳза,сония,онини асра,
Она деган улуғ номини асра,
Онамнинг умрига умр сўрайман.

Оқмасин кўзидан аччиқ ёшлари,
Тегмасин маломат,ғурбат тошлари,
Омон бўлсин доим азиз бошлари,
Онамнинг умрига умр сўрайман.

Соғ бўлсин,кошонам нурларга тўлсин,
Дуосидан пари,ҳурларга тўлсин,
Яхши кунларимда ёнимда бўлсин,
Онамнинг умрига умр сўрайман.

Ҳар сўзи мойилдир ибрат сабоққа,
Дашномлари ўхшар эзгу маёққа,
Қадамлари етсин Каъбатуллоҳга,
Онамнинг умрига умр сўрайман.

Ўзингсан ягона яратувчи зот,
Асрагин доимо,бергин сен нажот,
Онамсиз керакмас мен учун ҳаёт,
Онамнинг умрига умр сўрайман.

Хуршид Карим Ochish/sharhlash

2022-08-31 09:24:55 ИККИНЧИ ХОТИН УЧУН

Хафа қилиб ёрини,
Кўрсатар эрлар кучин,
Аямайди борини,
Иккинчи хотин учун.

Кўрмайсан дейди ҳеч кам,
Ҳаммаси муҳайё, жам,
Квартиралар шинам,
Иккинчи хотин учун.

Севги, вафо, гиналар,
Тилло узук,хиналар,
Яп-янги машиналар,
Иккинчи хотин учун.

Кўзлар мафтун боқилган,
Ҳар дам симлар қоқилган,
Тунлар шамлар ёқилган,
Иккинчи хотин учун.

Мабеллари пластик,
Эгилувчан эластик,
Шароитлар,,Классик"
Иккинчи хотин учун.

Сўкишларга дучор ким,
,,Шанғиллама ўтир жим",
Майингина табассум,
Иккинчи хотин учун.

Диёнатли бўлсин эр,
Аллоҳ ўзинг инсоф бер,
Бу шунчаки ҳазил шеър,
Иккинчи хотин учун.

Ой қизлар-гўзал ғунча,
Ҳавас қилмасин бунча,
Булар бари вақтинча,
Иккинчи хотин учун.

Хуршид Карим


@Xurshid_Karim Ochish/sharhlash

2022-08-31 09:20:58 ...КЎР
Муаллиф: Хуршид Карим.
Ижрода: Музаффар Хафизович.


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-31 08:40:15 𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash

2022-08-31 08:33:27 ОНАНГДАН БЎЛАК

Бу ҳаёт гоҳ қувонч, гоҳ ғамли йўлак,
Турфа хил синовлар йўллайди фалак,
Ҳамроҳинг кўп бўлар яхши ёмондан,
Ким сенга дўст бўлар онангдан бўлак.

Борингда олқишилаб боқувчи дўст, ёр,
Йўғингда устингдан кулгу-чи ағёр,
Луқма-ю нонингга шериклар бисёр,
Айтчи ким дўст бўлар онангдан бўлак.

Ишонма лафзи бол улфатларингга,
Ҳаммаси дўст сенинг тилло зарингга,
Ҳеч кимса ярамас охир корингга,
Ҳеч кимса дўст бўлмас онангдан бўлак.


Бир куни қулайди ишонган қоянг,
Зулматда йўқолар ҳаттоки соянг,
Улғайиб унитар меҳрингни боланг,
Ҳеч ким дўст бўлмайди онангдан бўлак.

Азал дунё шундай яралган бир кам,
Тўқчилик,йўқчилик йўлингда ҳамдам,
Берса миннат қилар жигарларинг ҳам,
Беминнат дўст бўлмас онангдан бўлак.

Сен учун жонсарак,мунис муштипар,
Арзийди бошидан сочсанг тилло,зар,
Тавоф қил шундайин онанг бўлса гар,
Ҳеч кимса дўст бўлмас онангдан бўлак.

Хуршид Карим


𝐓𝐞𝐥𝐞𝐠𝐫𝐚𝐦 | Хуршид Карим шеърлари Ochish/sharhlash