Тўғри ёзамиз — мутахассис блоги

2023-02-17 14:01:07 «Мажоз» нима?

Изоҳларда мажоз ўзи нима эканини сўрашибди. Бугун шу ҳақда гаплашамиз.

Изоҳли луғатга кўра, мажоз араб тилидан олинган ва унинг ўтиш жойи, бир нарсани бошқача айтиш, тасвирий ифода деган луғавий маънолари бор.

Ўзбек тилида бир сўз ёки иборани образ воситасида, аслидагидан бошқа, кўчма маънода қўлланишига мажоз дейилади. Асосан мажозий маъно жумласи кўп учрайди.

Адабиётда аллегория (ёки метафора*) тушунчасига мос келади. Масалан, адолат тушунчаси тарози билан ифодаланиши мажоздир. Худди шу каби: тулки айёрликни, бўри — очкўзликни, турли ранглар — йил фаслларини ифодалаши ҳам сўзларнинг мажозий маънода қўлланиши ҳисобланади.

@xatoliklar Ochish/sharhlash

2023-02-16 17:13:23 Клиникамизнинг тавтология бўлимига ётқизилди.

*Расм ва изоҳ ўқувчиларимиздан

@xatoliklar Ochish/sharhlash

2023-02-15 20:39:41 Швецияда истиқомат қилувчи ўқувчимиз Гулнора опадан курсимиз ҳақида фикрлар

Қишнинг совуқ кунлари ўз поёнига келиб, баҳорнинг илиқ кунлари бошланиш арафасида тургани каби, бизнинг «Копирайтинг» курсимиз ҳам аста-секин ўз маррасига келди.

Шу ойлар давомида сизлар билан бирга бўлганимдан жуда мамнунман. Янги чеҳралар билан танишдим, ўзимни худди Ўзбекистонда юргандай ҳис қилдим.

Шу ўринда устоз Абдуазимга чексиз миннатдорчилигимни изҳор қилмоқчиман. Инсон 4-5 йил олийгоҳларда ўқиб ҳам баъзан етарли билимларга эга бўлмаслиги мумкин. Лекин баъзи 2-3 ойлик курсларда ўқиб, йилларга татигули билимга эга бўлиши мумкин.
(Ишонинг, буни ўзимнинг ўқитувчилик тажрибамдан келиб чиқиб айтяпман)

Менда ҳам худди шундай бўлди. Бир неча ойлик ўқишим давомида йилларга арзигули билимларга эга бўлдим. Фақат бехато ёзишни эмас, балки маркетинг ва психологияга тегишли бўлган қонун-қоидаларни ҳам ўргандим.

Швецияда «Marketing and Investment» номли бир ҳафталик курсга 1500$ тўлаб ўқиганмам. Агар инсонлар «Копирайтинг» курси қанчалар муҳим эканлигини тушунганида эди, 100$ эмас, балки ундан ҳам кўп тўлашга тайёр бўлишарди.

Шундай экан, ўз бизнеси ҳақида қайғурадиган раҳбарга ушбу курсда ўқиб чиқишни тавсия қиламан. Ҳеч бўлмаса, устоз Абдуазимнинг маслаҳат ва билимларидан фойдаланишларини истаб қоламан.

Чексиз ҳурмат ила, Гулнора.
_______________________________
Курс ҳақида: https://teletype.in/@xatoliklar/kurs-0

@xatoliklar Ochish/sharhlash

2023-02-15 14:04:31 «Насмотренность» нима?

Рус тилида насмотренность деган тушунча бор. Инглиз тилида watchfulness, visual experience ёки design eye деган ибораларни ишлатишар экан.

Сизга нима яхшию, нима ёмон эканини аниқлашга имкон берадиган соҳага оид тажрибангиз насмотренность дейилади.

Бу тажрибанинг бир кўриниши — визуал тажриба, яъни айнан кўрган-билганларингиз, ўқиган-ўрганганларингиз натижаси.

Визуал тажриба ҳар қандай соҳада қўл келади: дизайн, фото- ва видеография, санъат, маркетинг, копирайтинг, ёзувчилик ва ҳатто пазандачиликда ҳам.

Визуал тажрибаси юқори бўлган мутахассис бир сайтга кириб, унга қисқагина назар ташлаши билан хулоса қила олади. Масалан, маркетолог — сайт бизнесга қанчалик самара олиб келишини, дизайнер — сайт дизайни қанчалик чиройли ва тўғри эканини, копирайтер — матнлари қанчалик таъсир кучига эга эканини кўра билади.

Бу нарса копирайтингда ҳам муҳим. Насмотренность даражаси кучли бўлган копирайтер исталган матннинг қаерида хато борлигини, қаери таҳрирга муҳтож эканини тезгина аниқлай олади. 2-3 та матн ўқиб, муаллифнинг савияси ҳақида умумий хулоса чиқара олади.

Балки, насмотренность тушунчасини касбий дид сўзлари билан ҳам ифодалаш мумкиндир. Чунки дид ҳам кўп нарсалар кўрилиши, ўқилиши, тажриба ортиши билан ривожланадиган туйғу, интуиция.

Сизнингча, насмотренность тушунчасини ўзбек тилида қандай ифодалаш мумкин? Фикрларингизни изоҳларда қолдиринг

@xatoliklar Ochish/sharhlash

2023-02-12 18:06:35 Телефон ҳақидаги сўровнома жойлангани бежиз эмас. Тўғри, осон ва кулгили ҳам. Лекин бу расмларга бир қаранг, маза қиласиз. 35 йилдан кейин ҳолимиз не бўлади?

@xatoliklar Ochish/sharhlash

2023-02-07 19:18:16 Ҳамкасбимиз Ориф ака Мадвалиев Ёшлар ишлари агентлиги билан ҳамкорликда имлодаги муаммоли ҳолатлар бўйича видеоконтент тайёрлаб, тақдим этишни бошлабдилар. Давомли ва хайрли бўлсин

@xatoliklar Ochish/sharhlash

2023-02-07 18:53:05 Bogʻgami yo boqqa? | 1-dars | Oʻzbek tilidan savodxonlik darslari

Yutubdagi darslarni telegram kanalga ham qoʻyib bormoqchiman. Video hajmi anchagina kichik boʻladi.

@oriftolib Ochish/sharhlash

2023-02-04 18:06:49 Ҳар бир ҳоким ва вазирга ўзбек тили бўйича маслаҳатчи тайинланган. Аҳволимиз анча абгор. Ходимларга луғатлардан фойдаланиш бўйича мастер-класс (маҳорат дарси) ўтиб бериш керак.

*Расм обуначиларимиздан

@xatoliklar Ochish/sharhlash

2023-01-23 08:00:59 Куйдирмоқ ёки куйдурмоқ?

Куйдирмоқ сўзи куймоқ феълидан орттирма нисбат қўшимчаси (-дир, -тир) ёрдамида ҳосил қилинган. Феълларнинг асосидаги у унлиси таъсирида қўшимчадаги и унлиси ҳам у деб талаффуз қилинади. Масалан, суздирмоқ, туширмоқ, қурдирмоқ сўзлари талаффузида ҳам шу ҳолатни кузатиш мумкин. Бу эса ўз навбатида ёзувда имловий хатолик келтириб чиқаради.

Ҳозирги ўзбек тилида -дур қўшимчаси йўқ ва бу куйдурмоқ феъли йўқлигидан дарак беради.

Демак, тўғри жавоб:
Куйдурмоқ
Куйдирмоқ

______________________________

Мумтоз адабий ўзбек тилида -дур шакли ҳам қўлланган. Ҳозир эса бу қўшимчадан фақатгина бадиий услубда фойдаланиш мумкин. Муаллиф ўз асарига бадиий бўёқ бериш мақсадида ҳам -дур қўшимчасидан истисно тарзида фойдаланиши мумкин. Қуйида Хўжаназар Ҳувайдо ижодидан куйдуруб сўзи қатнашган мисралар келтирилган.

Ман ғарибу хастани ҳардам фироқ ўти билан,
Куйдуруб, кўкка кулум барбод этдурди фалак.

* * *
Ҳамиша куйдуруб шамъи фироқинг бирла жонимни,
Мани парвонани хокистарини зери по қилдинг.

@xatoliklar Ochish/sharhlash

2023-01-15 15:31:06 Охирги имкониятдан фойдаланиб қолинг

Премиум тарифида ўқишнинг нархи ҳозир 1 150 000 сўм, ҳатто 3 қисмга бўлиб тўлаш имконияти ҳам бор.

Бошқа бу тарифда ўқишнинг имкони бўлмайди, бўлса ҳам, нархи камида 3 млн сўм бўлади. Шундай экан, ҳозирги нархда ўқиш имкониятини қўлдан чиқарманг. Курсда ўқиб, матнлар орқали бизнес учун ечимлар берувчи мутахассис — копирайтерга айланинг. Бунақаси бошқа бўлмайди.

Дарсларга ёзилиш: @Copywriting_Support Ochish/sharhlash