Тўғри ёзамиз — мутахассис блоги

2023-03-12 17:33:08 Кирилл алифбосидаги Цц ундошининг лотин ёзувида ифодаланиши

Кўпчилик кирилл алифбосидаги ц ҳарфи иштирок этган ўзлашма сўзларни лотин алифбосида ёзишга қийналади, бунинг сабаби оддий: у турли ҳолларда s ёки ts билан ифодаланади. Қуйидаги қоидаларни билиб олсангиз, қачон s ва қачон ts билан ёзиш кераклиги борасида қийналмайсиз:

1. Лотин ёзувида Цц ундоши қуйидаги ҳолларда “s” билан ифодаланади:
a) сўз бошида: sirk, sement, sentner каби;
b) сўз ўртасида ундош товушдан кейин: konstruksiya, direksiya, induksiya, deduksiya, aksent, ssenariy каби;
d) сўз охирида: abzas, shpris, kvars каби;
e) олд қўшимчадан кейин: telesentr, antisiklon, episentr каби;
f) сўз бошида а мустақил бўғин бўлиб келганда: aseton, asetilin, asetat каби.

2. Сўз ўртасида икки унли товуш орасида “ts” ёзилади: assimilyatsiya, dissimilyatsiya, kalkulyatsiya, Sitseron, assotsiatsiya каби.

@xatoliklar Ochish/sharhlash

2023-03-10 19:09:15 Дўстингизга улашинг, дўстингиз билан эмас

Савол:
Улашиш сўзини қандай қўллаш керак? Дўстингга улаш ёки дўстинг билан улаш?

Жавоб:
Копирайтер ва СММчилар Share with friends ибораси таржимасида баъзан хатога йўл қўйяпти. Бу ибора русчада Поделиться с друзьями шаклига эга. Инглизчадаги каби русчада ҳам билан маъносидаги предлог ишлатилган. Аммо ўзбекчада билан кўмакчисини қўллаш тил табиатига тескари ва услубий ғализлик келтириб чиқаради.

Улашиш сўзига боғланган сўз жўналиш келишигини, яъни -га қўшимчасини олиши керак: дўстингизга улашинг, дўстларингизга улашинг.

Билан кўмакчисини баҳам кўриш, ўртоқлашиш, бўлишиш сўзлари билан қўллаш тўғри: дўстингиз билан бўлишинг, дўстингиз билан баҳам кўринг, дўстингиз билан ўртоқлашинг.

Демак:
Дўстларингизга улашинг, яқинларингизга улашинг, гуруҳдагиларга улашинг, танишларга улашинг

Дўстларингиз билан улашинг, яқинларингиз билан улашинг, гуруҳдагилар билан улашинг, танишлар билан улашинг

Мақолани дўстларингизга улашинг ва тилимиз хатолардан холи бўлишига ҳисса қўшинг.

Манба: @oriftolib Ochish/sharhlash

2023-03-06 18:14:57 Имлодаги ноодатий ва/ёки кўпчилик билавермайдиган 10 та қоида

1. Пробел қўйиш қоидалари
2. Осма дефис
3. Sin-gil yoki si-ngil?
4. Изофали бирикмалар
5. Қатъи назар
6. Нима учун «авф» сўзи хато?
7. Ўқилинган китоб, ёзилинган гилам
8. Пулли ёки пуллик?
9. Чизиқчанинг турлари
10. Тавтология ва плеоназм

@xatoliklar Ochish/sharhlash

2023-03-04 18:48:19 Копирайтерлар учун муҳим тавсия

График дизайнер расмларга ўзбошимчалик билан матн ёзишига йўл қўйманг. Расмда нималар ёзиш кераклигини ва қандай ёзишни сиз айтишингиз керак. Ишни бажаргандан кейин SMM мутахассисига эълон қилиш учун бериб юбормасин, албатта сизга текширтириб олсин.

Навруз | Navruz
Наврўз | Navro‘z

Exclusive
Эксклюзив | Eksklyuziv

*Расм обуначиларимиздан

@xatoliklar Ochish/sharhlash

2023-03-02 11:49:57 Vikipedia ёки Vikipediya?

Бу саволга жавоб бериш учун транскрипция ва транслитерация нима эканини билиб олишимиз керак.

Қисқача тушунтириб ўтамиз:
1. Транскрипция — бир тилдаги сўзнинг оғзаки нутқдаги талаффузини бошқа бир тил ёзуви орқали ифодалаш (telephone — телефон/telefon, computer — компьютер/kompyuter каби)

2. Транслитерация — бирор тилдаги сўзни бошқа тил алифбоси ёрдамида ҳарфма-ҳарф ифодалаш (telephone — телепхоне/telephone, computer — компутер/komputer каби).

Энди саволга қайтамиз.
Энциклопедиянинг номи — Wikipedia. Бу унинг инглизча ва аслиятдаги ёзилиши.
• Транскрипцияси — Википедия/Vikipediya.
• Транслитерацияси — Википедиа/Vikipedia.

Бизда бундай сўзларни ёзишда иккита вариант бор: аслича ёки ўзбекча ёзиш. Ўзбекча ёзишимиз муҳим бўлса, унинг айни транскрипциясидан фойдаланишимиз, яъни айтилишидек ёзишимиз тўғри бўлади.

Wikipediya варианти ҳам хато. Алифбомизда W ҳарфи йўқ. W билан ёзиш қулай бўлса, тўлиқ аслига кўра ёзганимиз маъқул: Wikipedia.

Демак:
Википедиа | Vikipedia
Википедия | Vikipediya

Wikipediya
Wikipedia

—————————————

Юқоридаги расмлардан бирида Wikistipendiya деган ясама сўзни кўришингиз мумкин. Сўзнинг ярми инглизча, қолгани ўзбекча бўлолмайди. Ё тўлиқ транскрипция қилиниши, ё тўлиқ инглизча ёзилиши керак. Бу ҳолатда ажратиб ёки чизиқча билан ёзиш ҳам мумкин. Аммо Wiki — сўз ясаш учун негиз бўлгани учун уни ажратиш тўғри бўлмаса керак.

Wikistipendiya
Vikistipendiya
Wiki-stipendiya
Wikistipendium

@xatoliklar Ochish/sharhlash

2023-03-02 10:39:56 Ижтимоий ва сиёсий фанлар институтида баҳорги қабул жараёнлари давом этмоқда!

Ижтимоий ва сиёсий фанлар институти Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш инспекцияси томонидан тақдим этилган лицензия асосида ўз фаолиятини бошлаган.
(Лицензия №056369)

Сиз ушбу институтда қуйидаги йўналишлардан бирини танлаб кундузги, кечки ва сиртқи таълим шаклларида ўқишингиз мумкин:
- Халқаро муносабатлар
- Иқтисодиёт
- Менежмент
- Педагогика ва психология
- Филология ва тилларни ўқитиш (Француз, Инглиз, Араб ва Рус тиллари филологияси)

Эътиборли жиҳати шундаки, баҳорги мавсум учун қабул қилинган сиртқи таълим шакли талабалари жорий йилнинг октябрь ойидан 2-курс талабаси сифатида ўқишни давом эттиришлари мумкин бўлади.

Эслатиб ўтамиз, институтга қабул имтиҳонлари онлайн тарзда бўлиб ўтади. Шунингдек, ҳужжатларингизни ҳам қуйидаги ҳавола орқали онлайн топширишингиз мумкин.

Баҳорги қабулга ҳужжат топшириш учун ҳавола: http://bit.ly/3ZnrxxE

Телеграм канал: @isfi_uz

Администратор билан боғланиш

: 78 113-13-73

Instagram | Facebook | Twitter | Сайт Ochish/sharhlash

2023-02-25 19:54:39 Бестселлер нима?

Бестселлер инглиз тилидан олинган ва икки қисмдан иборат сўз: best — энг яхши, seller — сотилувчи. Одатда шов-шув бўлиб, анчагина ададда сотилган, бир неча бор қайта нашрдан чиққан китобларга бестселлер дейилади.

Ўзбекча айтсак бўлмайдими?
Бу кўпгина тилларда бирдек қўлланадиган иборага айланиб улгурди. Ўзбекча харидоргир, талабгир каби муқобил сўзларни исталган яхши сотилган ва сотилаётган маҳсулот/хизматга нисбатан қўллаш мумкин. Аммо бестселлер ҳар қандай маҳсулотни эмас, айни маълум ададга эга китоб, мусиқий альбом, компьютер ўйинини назарда тутади.

Америкалик тарихчи Дэниэл Бурстиннинг бир қизиқ гапи бор: «Бестселлер — бу яхши сотилгани учун яхши сотиб олинган китоб». Яъни бестселлер ҳар доим ҳам энг қизиқарли, фойдали ёки бадиий жиҳатдан сифатли китоб бўлмаслиги мумкин. Одамлар у ҳақда кўп гапиргани, ўқишга лойиқ деб ҳар ерда бонг урилгани учун сотиб олинаётган, аммо жавонларда ўқилмай ётган китоблар қанчадан-қанча.

Демак, баъзида китоб бестселлерга айланиши маркетингга боғлиқ бўларкан.

Сиз қандай бестселлерларни биласиз?

@xatoliklar Ochish/sharhlash

2023-02-25 18:15:09 - У чиройлими?
- Мен Унинг ҳуснига эмас, қалбига ошиқман...

@kumushoyingiz

Муҳаббат истовчилар учун ажойиб канал. Дил изҳорлари, ушалмаган севги ва ўлмаган соғинч ҳақида. Ochish/sharhlash

2023-02-21 16:20:11 Чегирма тугашига 1 кун қолди

«Тўғри копирайтинг» курсининг Ҳамёнбоп тарифи учун чегирма тугашига 1 кун қолди.

@xatoliklar канали асосчисидан 1 ой давомида копирайтинг сабоқларини ўрганинг ва матнлар ёзиб даромад қилишни бошланг.

Курс асл нархи: 650 000 сўм
Чегирмали нархи: 390 000 сўм

Курсга ёзилиш: @Copywriting_Support Ochish/sharhlash

2023-02-21 11:31:02 Эҳтимол, сиз буни осон деб ўйларсиз, лекин таниқли бренд ҳам шундай ёзиб қўйяпти-да. Google'да эса сўзнинг айни шу хато шакли бўйича деярли 50 мингта натижа чиқяпти.

*Расм обуначиларимиздан

@xatoliklar Ochish/sharhlash