Xalq ta‘limi Info | Ulug‘bek Po‘latov

2023-03-23 14:55:08 Majburiy attestatsiyaga jalb etilmaydigan pedagog kadrlar roʼyxati kengaytirildi

"Taʼlim tashkilotlari pedagog kadrlarini attestatsiyadan oʼtkazish tartibini takomillashtirish boʼyicha qoʼshimcha chora-tadbirlar toʼgʼrisida"gi Hukumat qarori (120-son, 23.03.2023 y.) qabul qilindi.

Qarorga koʼra, 2023-yil 1-apreldan quyidagilar majburiy attestatsiyaga jalb etilmaydi:

pedagogik faoliyat boʼyicha 25 yil va undan koʼp ish stajiga ega pedagog xodimlar;

yoshga doir pensiyaga chiqishi uchun 5 yildan koʼp boʼlmagan muddat qolgan pedagog xodimlar.

Amaldagi qonunchilik bo’yicha, Vazirlar Mahkamasining 2021-yil 17-sentabrdagi 572-son qaroriga 1-ilova “Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi Nizomning 6-bandiga ko’ra quyidagi xodimlar navbatdagi majburiy attestatsiyaga jalb etilmaydi https://lex.uz/docs/-5641270

fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega bo‘lgan pedagog kadrlar;

oliy malaka toifa (bosh o‘qituvchi lavozimi)ga ega bo‘lganidan so‘ng oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlar;

pedagogik faoliyat bilan shug‘ullanayotgan pensiya yoshiga to‘lgan pedagog kadrlar;

pedagogik faoliyat bo‘yicha uch yildan kam bo‘lgan ish stajiga ega pedagog kadrlar;

homilador ayollar, ular homilador bo‘lgan davrda hamda ishga chiqqanidan keyin bir yil davomida;

homiladorlik va tug‘ish hamda bolani parvarish qilish ta’tillarida bo‘lgan ayollar, ular ta’tilda bo‘lgan davrda hamda ishga chiqqanidan keyin bir yil davomida;

pedagogik faoliyat bilan shug‘ullanayotgan uch yoshgacha bolalari bor ayollar;

uzoq (uch oydan ortiq vaqt mobaynida) davolanishni o‘tayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;

mazkur Nizomning 8 va 9-bandlarida ko‘rsatilgan pedagog kadrlar, ularga malaka toifasi to‘g‘ridan to‘g‘ri berilgan yoki bir pog‘ona oshirilgan vaqtdan boshlab keyingi besh yil davomida;

respublika va chet el davlatlariga o‘qishga, qayta tayyorlash va malaka oshirish kurslariga yuborilgan pedagog kadrlar;

ijtimoiy muhofazaga muhtoj, ish topishda qiynalayotgan va mehnat bozorida teng shartlar asosida raqobatlasha olmaydigan shaxslar uchun eng kam miqdordagi ish o‘rinlariga zaxiraga olib ishga joylashtirilgan pedagog kadrlar, bu ish joylariga qabul qilingan kundan boshlab uch yil davomida.

Qonunchilik hujjatlariga muvofiq mazkur bandda ko‘rsatilmagan boshqa pedagog kadrlar ham navbatdagi majburiy attestatsiyadan ozod qilinishi mumkin.

Telegramdagi kanalimizni yaqinlarga ulashishni unutmang https://t.me/mehnathuquqi Ochish/sharhlash

2023-03-23 11:36:04 Мактабларда мажбурий меҳнат ва қоғозбозлик йўқотилмади шунчаки, уларнинг шакли ўзгартирилди холос. Мазмун эса бир хил.

Қоғозбозлик ўрнини жадвалбозлик эгаллади. Мажбурий меҳнатнинг эса кўчама-кўчама овоз йиғиб юришга ўхшаш шакллари пайдо бўлди.

Хуллас, буларнинг ҳаммаси электронлашди холос. Педагоглар аввалгидек вазифасига кирмайдиган ишлар билан банд. Энг ёмони эса уларнинг ўзи ҳалиям ҳақ-ҳуқуқларини англаб етганича йўқ.

Xalq ta'limi Info Ochish/sharhlash

2023-03-22 08:10:22 #Сўраган_эдингиз

Мактабларда дарс бўлмаган пайт, яъни таътил вақти ўқитувчи ишга келмаса бўлаверадими?

Амалдаги Меҳнат кодексининг 114-моддасига кўра, ходим иш тартиби ёки графигига ёхуд меҳнат шартномаси шартларига мувофиқ ўз меҳнат вазифаларини бажариши лозим бўлган вақт иш вақти ҳисобланади.

МКнинг 125-моддасига кўра иш берувчи ҳар бир ходимнинг ҳақиқатда ишлаган иш вақтини ўз вақтида аниқ ҳисобга олиб бориши шарт. Педагог ходимларнинг иш вақти улар томонидан бажарилган педагогик юкламага мувофиқ ҳисоблаб чиқарилади.

Ўқитувчининг педагогик юкламасининг бажарилишини ҳисобга олиш ҳар куни ишга келиш ва кетиш журнали орқали юритилади ҳамда ҳар ойлик иш вақтини ҳисобга олиш табелида акс эттирилиб, унда амалда бажарилган ўқув соатлари (дарс соати сони), педагогик иш соатлари, барча бажарилган соатлар, яъни жами ўқув ва педагогик соатлар йиғиндиси кўрсатилади.

Мактабда дарслар бўлмаган вақтларда ходимлар педагогик юкламасида белгилаб берилган ишларни амалга оширади ёки мактаб маъмурияти томонидан берилган топшириқларни бажаради. Амалдаги Меҳнат кодексининг 154-моддасига мувофиқ иш берувчи ходимга ҳақиқатда бажарган иши учун маош тўлайди. Бажарилмаган иш учун эса иш ҳақи тўланмайди.

Бундай ҳолатлар амалдаги қонунчилик доирасида таълим муассасаси касаба уюшмаси билан келишган ҳолда расмийлаштирилади. Ходим иш жойига келмаган тақдирда табелга киритилмайди ва ҳақ тўланмайди.

Агар мактабнинг ички меҳнат тартиб қоидаларида ходимнинг иш жойига кечикиб келиши ёки иш жойига сабабсиз равишда келмаслиги ходимнинг ўз меҳнат вазифаларини бир марта қўпол равишда бузишлар рўйҳатига киритилган бўлса, ходим билан тузилган меҳнат шартномаси бекор қилиниши ҳам мумкин.

Хулоса қилиб айтадиган бўлсак, мактабларда дарс бўлмаган пайт, яъни таътил вақти ўқитувчилар иш жойига келмасликка ҳақли эмас.

Xalq ta'limi Info Ochish/sharhlash

2023-03-21 07:55:03 Байрамда ҳам дам олмайдиган педагогларимизни табриклаймиз

Бугун 21 март - Наврўз байрами. Барчага дам олиш куни. Лекин, шуниси аниқки, ҳозир ҳам ўқитувчиларимиз айрим ҳудудларда кўчама-кўча юриб овоз йиғиш жараёни билан банд бўлсалар керак.

Биламиз, ҳар байрамда уйда, оила даврасида дам олмоқчи бўлганингизда сизни қайсидир тадбирларга жалб қилишади. Лекин, сиз ҳар доимгидек уларга йўқ деб айтолмайсиз.

Ҳар йили Наврўзда кўчма кўргазмалар билан халқни хизматини ҳам қиласиз. Солиқ ҳам йиғасиз, мактабингизни таъмирлаш учун OpenBudget'да овоз ҳам йиғасиз, камига мактаб ҳаражатлари учун пул ҳам йиғасиз.

Шу сабабли шундай машаққатли касб эгаларини бугунги байрам билан табриклаймиз. Бир кун келиб жамиятда педагогнинг ҳам обрўси ошишига ишонамиз. Шуни унутмангки, қачонки сиз йўқ дейишни ўргансангизгина ана ўша кундан бошлаб сизни ҳурмат қилишни бошлашади.

Ўйлаймизки, кейинги йилги байрам табригимиз бошқачароқ бўлади. Яна бир бор Наврўз байрамингиз билан табриклаймиз!

Xalq ta'limi Info Ochish/sharhlash

2023-03-20 07:43:03 Ўқитувчилар OpenBudget'да мактаби учун овоз йиғишни бошлади

Ўқитувчиларнинг Openbudget орқали овоз йиғиб, мактабини таъмирлаш учун ҳаракат қилаётгани яхши ҳолат. Ҳамма имкони борича ҳаракат қиляпти. Мактабларга ҳожатхона, спорт зал, ичимлик суви керак.

Кимдир ўта оғир аҳволга келиб қолган мактабини таъмирлаш учун, яна кимдир мактабини интерактив доскалар билан жихозлаш учун овоз беришни илтимос қиляпти. Таъмирталаб мактаблар ҳолатини кўриб, ачиниб кетади одам.

Шуниси ёмонки, агар керакли овоз йиғилмаса ўша мактаблар яна шу ҳолатда қолиб кетади. Аслида шундоқ ҳам қилиниши керак бўлган ишлар учун овоз йиғишга мажбур бўлишяпти кўпчилик. Балки, мактаблар учун ажратилаётган пуллар керакли жойга сарф қилинмаётгани учун ҳам шундай абгор ҳолга келиб қолгандир.

Балки, ҳозир ўқувчиларга «бепул овқат» эмас, яхши шароитга эга бўлган мактаб керакдир. Балки, шу пулларни икки ёки уч сменада ўқиётган мактабларни бир сменага ўтказиш учун сарф қилганимиз маъқулроқдир.

Айтмоқчи бўлганим, овоз йиғиб ҳаракат қилингани яхши, аммо OpenBudget'да овоз йиғолмадинглар, энди пул йўқ деб айбни пелагогларни ўзига ағдариб қўйишга масъулларни ўргатиб қўймаслигимиз керак.

Xalq ta'limi Info Ochish/sharhlash

2023-03-19 18:25:02 Таълим муассасаларида ишловчи кадрлар хизмати ходимлари ҳам иш жараёнида жуда кўплаб муаммо ва қийинчиликларга дуч келишади

«Юрист ва кадр» ўқув марказида кадрлар хизмати ходимларига малакали мутахассислар томонидан дарслар ўтилади. Шундай мутахассислардан бири Муҳаммадамин Каримжоновдир.

Муҳаммадамин Каримжонов томонидан кадрлар ишини ташкил қилиш, ходимлар билан меҳнат муносабатларини тўғри йўлга қўйиш тартиби ҳақида тушунтиришлар бериб борилади. Дарслар оралиғида лирик чекинишлар ҳам бўлиб туради.

Яқинда янги таҳрирдаги Меҳнат кодекси кучга киради. Кодекс билан меҳнат ҳуқуқини тартибга солувчи жуда кўп янги нормалар амалиётга жорий қилиняпти.

Шу сабабли таълим муассасаларида фаолият юритиб келаётган кадрлар хизмати ходимларини «Юрист ва кадр» ўқув марказида малака оширишларини тавсия қиламиз.

P.S: Юқорида "Ўздонмаҳсулот" компанияси кадрлар хизмати ходимлари билан олиб борилган дарс жараёнидан лавҳа берилган.

+99891-122-18-92
      +99890-010-86-15
      +99890-175-76-79

@kadr_yurist Ochish/sharhlash

2023-03-19 12:59:37 Мактаб дарсларида фото ва видео суратга олишни тақиқловчи қонун лойиҳаси ишлаб чиқиляпти - Россия Давлат Думаси

Россия Давлат Думаси мактаб дарсларида фото ва видео суратга олишни тақиқловчи қонун лойиҳасини ишлаб чиқмоқда. Тахминларга кўра, ёзиб олиш фақат таълим мақсадларида рухсат этилади. Мактаб маъмурияти ва ўқитувчи билан келишилган бўлиши ҳам шарт.

Ота-оналарнинг 52 фоизи бу ташаббусга қўшилади: улар болаларни ўқишдан чалғитмаслик керак, смартфон экранига эмас, ўқитувчиларга эътибор қаратгани маъқул, деб ҳисоблайди.

Ҳар тўртинчи ота-она (24%) қонун лойиҳасига қарши. Улар видеоёзув қонун ўқувчиларни ҳақорат қилган ёки жисмоний куч ишлатган ўқитувчиларни жавобгарликка тортишга ёрдам беришига ишончлари комил.

Ўқитувчилар орасида қонун лойиҳасини қўллаб-қувватлаш даражаси ота-оналарга қараганда сезиларли даражада юқори: 10 ўқитувчидан 8 таси тақиққа рози. Уларнинг фикрига кўра, синфда суратга олиш ва видео тасвирга олиш болаларни ҳам, ўқитувчиларни ҳам чалғитади.

Сизнингча, Ўзбекистонда ҳам дарсларда фото ва видео суратга олишни тақиқловчи қонун ишлаб чиқилиши керакми?

Xalq ta'limi Info Ochish/sharhlash

2023-03-19 11:54:25 ​ БУГУН ИМТИҲОН!
ЮТУҚ: 700 МИНГ СЎМ!

Бугун, 19-март куни Oliygoh.uz платформасида барча фанлардан Республика миқёсидаги 33-ДИАГНОСТИК ИМТИҲОН бўлиб ўтади.

Онлайн имтиҳон Давлат имтиҳон стандартлари асосида ташкил этилиб, барча фанлардан кириш имтиҳонлари андозасида 5 БЛОКЛИ тест саволлари тақдим этилади.

Иштирок этиш бепул!
Имтиҳонда иштирок этиш

Соврин: 700 минг сўм
Ғолиблар сони: 14 нафар

БЛОК ТЕСТ барча фанлардан бўлиб ўтади. Ўзингизга мос йўналишни танланг:

Ҳуқуқ + Инглиз тили
Инглиз тили + Математика
Инглиз тили + Она тили
Кимё + Биология
Математика + Инглиз тили
Математика + Она тили
Математика + Физика
Она тили + Инглиз тили
Она тили + Математика
Она тили + Тарих
Тарих + География
Тарих + Инглиз тили
Тарих + Она тили
Биология + Она тили
Биология + Кимё
Кимё + Математика
География + Математика
Бошқа йўналишни танлаш

— Имтиҳон афзалликлари:

Пул ютиб олиш имконияти;
Давлат стандартидаги саволлар;
Барча фанлардан блок тест
Асосий фан + мажбурий фанни танлаш
Тест якунида махсус сертификат
Тўғри жавоблар таҳлили каби имкониятлардан фойдаланиш мумкин.

Энг муҳими, имтиҳон якунлангандан кейин натижалар ҳамда жавоблар платформада умумий мандат шаклида э‘лон қилинади. Шунингдек, абитуриентлар қайси олийгоҳга кириши мумкинлиги ҳақида таҳлилий ма’лумотларга эга бўлишади.

Тестда иштирок этиш:
@OLIYGOH_TEST_BOT
@OLIYGOH_TEST_BOT Ochish/sharhlash

2023-03-18 07:11:08 Наврўз сайилида педагоглар кўргазмалар ташкиллашга мажбурми?

Qalampir.uz нашри ҳар йили «анъанавий тарзда» ўқитувчиларни мажбурий тарзда наврўз сайилларига жалб қилиниши юзасидан «Калтакни ўқитувчи ейди, ҳолвани ҳокимми?» номли мақола тайёрлабди.

Мақолада асосан Республика таълим маркази директор ўринбосари Исроил Тиллабоев томонидан ёзилган пост айрим маълумотлар билан тўлдирилган.

Мақола билан мана бу манзил орқали танишиб чиқишингиз мумкин. Аслида бу ҳолатни Мактабгача ва мактаб таълими вазирлиги ўрганиб чиқиб, айбдорларни жазолаш бўйича чоралар кўриши керак эди.

Батафсил ўқиш

Xalq ta'limi Info Ochish/sharhlash

2023-03-17 18:14:08 ​​ Ҳудудий ҳалқ таълими бўлими раҳбарлари ҳокимларга «қуллуқ» қилишни бас қилинг!

Нима учун ҳали ҳам ўқитувчилар маҳаллий ҳокимликларнинг тутуриқсиз топшириқларини бажаришга мажбур бўляпти?

Наврўз сайлида педагоглар кўргазмалар ташкиллашга мажбурми?

Ҳудудий ҳалқ таълими бўлими раҳбарлари ўз ҳақ-ҳуқуқларини билмайдими?

Бугун мана шу мавзуда ўз фикрларимизни билдирдик. «Youtube» саҳифамиз орқали видеони томоша қилинг, ўз фикрларингизни эса изоҳларда ёзиб қолдиринг.

Видеони кўриш

Xalq ta'limi Info Ochish/sharhlash