Maktabgacha va maktab ta'limi vazirligi

2024-03-06 07:49:50 Oʻzbekiston Respublikasi Prezidentining “8-mart – Xalqaro xotin-qizlar kuni munosabati bilan mukofotlash toʻgʻrisida”gi Farmoni eʼlon qilindi.

Unga koʻra, xalqimiz farovonligini yuksaltirish yoʻlida tashabbus va ibrat koʻrsatib kelayotgan, yoshlarimizni ona Vatanga muhabbat, milliy va umuminsoniy qadriyatlarga hurmat ruhida tarbiyalashga katta hissa qoʻshayotgan bir guruh xotin-qizlar davlatimizning yuksak mukofotlari bilan taqdirlanishdi.

Jumladan, Maktabgacha va maktab taʼlimi vazirligi tizimidagi:

Xorazm viloyati, Qoʻshkoʻpir tumanidagi 1-ixtisoslashtirilgan umumiy oʻrta taʼlim maktab-internatining kimyo fani oʻqituvchisi Zevarjon Norbayeva — II darajali “Sogʻlom avlod uchun” ordeni bilan;

Andijon viloyati, Asaka tumanidagi 16-koʻzi ojiz bolalar uchun ixtisoslashtirilgan maktab-internatining ona tili va adabiyot fani oʻqituvchisi Xusniobod Soxibova hamda

“Gʻuncha” jurnali bosh muharriri Dilfuza Shamalikovalar — “Shuhrat” medali bilan mukofotlanishdi.

Maktabgacha va maktab taʼlimi vazirligi jamoasi ushbu yuksak mukofotlar bilan taqdirlangan barcha xotin-qizlarni samimiy muborakbod etadi.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-05 14:56:35 Prezident Shavkat Mirziyoyev Toshkent shahrida barpo etilgan boks boʻyicha Bahodir Jalolov sport mahorati maktabini borib koʻrdi.

Maktabda yosh sportchilar, soha mutasaddilari bilan muloqot boʻldi.

Biz bu yilni Yoshlar va biznesni qoʻllab-quvvatlash yili, deb eʼlon qildik. Har doim ham bu masalaga alohida eʼtibor qaratib, yoshlarga kerakli sharoitlarni yaratayapmiz. Ularning salohiyati, intilishi kuchli. Boks boʻyicha dunyoda yetakchilar qatoridamiz. Bu salohiyatni, iqtidorli yoshlarimizni rivojlantirish maqsadida shu maktabni tashkil etdik. Endi Bahodir Jalolov maktabi oʻz yoʻnalishida xuddi Prezident maktabidek namunaviy tizim boʻladi. Boks metodologiyasi, diyetologiyasi, tibbiyoti, psixologiyasi hududlardagi sport maktablarida ham rivojlantiriladi, – dedi Shavkat Mirziyoyev.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-05 09:37:09 #Õzbekiston_tarixi
#15_dars

Maktabgacha va maktab ta’limi vazirligi tomonidan O‘zbekiston tarixi fani bo‘yicha animatsion roliklar tayyorlanayotganidan xabaringiz bor.

Navbatdagi videodars "Qarluqlar. Oʻgʻuzlar. Tohiriylar" mavzusiga bagʻishlanadi.

Mazkur animatsion roliklar 2D formatida tayyorlangan va unda ilk o‘rta asrlarda Qarluqlar, Oʻgʻuzlar va Tohiriylar ijtimoiy-iqtisodiy hamda siyosiy hayoti aks ettiriladi.

Davomi bor...

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-05 08:06:06 TALIS 2024 asosiy so'rovnoma jarayonlariga tayyorgarlik ko'rish bo'yicha vebinar-trening o'tkazildi

Maktabgacha va maktab ta’limi vazirligi, Ta'limni rivojlantirish respublika ilmiy-metodik markazi hamda A.Avloniy nomidagi milliy-tadqiqot instituti hamkorligida TALIS 2024 asosiy so‘rovnomasida "Maktab koordinatorlarining vazifalari" to‘g‘risida vebinar-trening tashkil etildi.

TALIS 2024 tadqiqoti uchun tasodifiylik asosida 14 ta hududlardan jami 210 ta maktablar Ta’lim sohasidagi yutuqlarni baholash xalqaro assotsiatsiyasi (IEA) tomonidan tanlangan bo'lib, joriy yilning 5-31- mart kunlari taxminan 4200 nafar o‘qituvchilar asosiy so'rovnoma jarayonlarida ishtirok etishadi.

Ma'lumot o'rnida: TALIS (Teaching and Learning International Survey) — o'qituvchilar faoliyati, ish sharoiti va maktabdagi ta'lim muhiti va boshqaruvini baholashga qaratilgan birinchi hamda eng yirik xalqaro tadqiqot. Tadqiqot maktab o'qituvchilari va direktorlariga kasbiy va pedagogik rivojlanishlari bo'yicha nafaqat milliy, balki xalqaro darajada o'z fikrini bildirish imkonini beradi.

Tadqiqotning maqsadi — ishtirokchi mamlakatlarga samarali o'qitish va o'rganish uchun shart-sharoitlar yaratishga qaratilgan ta'lim siyosatini ishlab chiqishda yangi ustuvor yo'nalishlarni ko'rib chiqish va aniqlash imkonini beradigan ishonchli, dolzarb va qiyosiy ma'lumotlar taqdim etishdan iborat.

Milliy-tadqiqot institutining rasmiy sahifalarini kuzatib boring:

Telegram | Facebook | YouTube |  Instagram Ochish/sharhlash

2024-03-03 14:11:01 Umumiy o'rta ta'lim maktablari o'quvchilaridan mart-aprel oylarida sport sinovlari qabul qilinadi

Sport vazirligi hamda Maktabgacha va maktab ta’limi vazirligi hamkorligida joriy yilning mart-aprel oylarida 10 ming 284 ta umumiy o‘rta ta’lim maktablarining 7-18 yoshdagi o‘quvchilaridan “Jismoniy tayyorgarlik darajasi” sport sinovlari qabul qilinadi.

Hozirda tibbiy-ko'rikdan o'tgan o'quvchilardan my.sport.uz platformasida "Jismoniy tayyorgarlik darajasi" sport sinovlarini topshirish uchun arizalar qabuli boshlangan.

Shoshiling, Siz ham o'zingizning chidamlilik, kuch, egiluvchanlik, tezlik imkoniyatlaringizni sinovdan o'tkazing, sport sinovlarini topshiring va imtiyozlarga ega bo'ling.

“Jismoniy tayyorgarlik darajasi” sport sinovlarida ishtirok etish yuzasidan batafsil ma'lumotni Jismoniy tarbiya fani o'qituvchilaridan olishingiz mumkin.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-03 12:36:46 #Vazirga_murojaat
#Bayonot_30

AUDIOBAYONOT: ENG KO‘P KELIB TUSHAYOTGAN SAVOLLARGA JAVOBLAR

Maktabgacha va maktab ta'limi vaziri Hilola Umarova tashabbusi bilan tashkil etilgan "VAZIRGA MUROJAAT" portaliga kelib tushayotgan mazmunan bir xil savollarga javob berishda davom etamiz.

Bugungi audiobayonotimizda:

00:12 Men attestatsiyadan o‘tish uchun belgilangan oxirgi kunning so‘nggi daqiqalarida hujjat topshirishga ulgurdim. Ammo arizamning holati hamon “ko‘rib chiqilmoqda” bo‘lib turibdi. Endi mening arizam qabul qilinmaydimi?

01:22 Men 2023-yilda magistraturani bitirib, yaqinda maktabga ishga kirdim. Direktorimiz mendan malaka sertifikatimni taqdim etishimni so‘rayapti. Bu sertifikatni qayerdan olishim mumkin?

02:58 Men majburiy attestatsiyadan o‘tish uchun ariza yuborganman. Attestatsiya sinovlari bu yil ikki bosqichda o‘tkazilishini eshitdim, shu haqda batafsil ma’lumot bersangiz.

Bayonotlarimiz davom etadi.
______
Ta’limga oid savollar, murojaat va tashabbuslaringizni vazir.uzedu.uz murojaatlar portaliga yo‘llang!

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-02 15:01:35 #Эътироф

Oʻquvchilariga stipendiya joriy etgan andijonlik ustozga Maktabgacha va maktab ta’limi vazirining tashakkurnomasi yetkazildi

Andijon viloyati, Marhamat tumanidagi 6-umumta’lim maktabi rus tili va adabiyoti fani o’qituvchisi Yorqinoy Mamatisaqova oʻquvchilarni qo’llab-quvvatlash maqsadida stipendiya joriy etgani haqida xabar bergandik.

30 yillik tajribaga ega ustozimiz bu orqali sinfdagi o’quvchilarning yangi bilimlarni egallashdagi motivatsiyasini oshirish, ularning fanni o’rganishdagi qiziqishlarini oshirishni maqsad qilgan.

Yorqinoy Mamatisaqovaning mehnatlari va jonkuyarliklarini alohida e’tirof etgan holda, unga Maktabgacha va maktab ta'limi vazirining tashakkurnomasi topshirildi.

Andijon viloyati MMTB matbuot xizmati

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-02 12:42:38 Ochish/sharhlash

2024-03-02 11:18:32 #kelajak_sari

Yangi Oʻzbekiston maktablari qanday oʻquvchilarni tarbiyalamoqchi?

Ushbu videorolikda bugungi zamonaviy oʻquvchi hamda har tomonlama barkamol avlod vakillari qanday xislatlarga ega boʻlishi zarurligi haqida fikr yuritilgan.

Vazirlikning rasmiy sahifalariga ulanish:
Telegram | Youtube | Facebook | Instagram | Veb-sayt Ochish/sharhlash

2024-03-02 09:57:34 Ochish/sharhlash