Maktabgacha va maktab ta'limi vazirligi

2024-04-22 07:38:48 Qadrli kuzatuvchilar!

Eksternat tartibidagi imtihonlarda ishtirok etish uchun ariza berish (hujjat topshirish) muddati 1-may kuni yakunlanadi.

Avval xabar berganimizdek , turli sabablarga ko‘ra o‘z vaqtida umumiy o‘rta ta’lim olmagan, ya’ni maktabni tamomlamagan fuqarolar eksternat tartibida yakuniy attestatsiyalarni topshirish uchun ariza berish muddati my.gov.uz portali orqali 1-mayga (shu kuni ham) qadar davom etadi.

Shu kunga qadar eksternat tartibidagi imtihonlarda ishtirok etish uchun 6384 nafar fuqaro ariza topshirgan.
__________
Уважаемые соотечественники!

Подача заявок (документов) для сдачи экзаменов в экстернальном порядке завершается 1 мая т.г.

Как сообщалось ранее, гражданам, не получившим своевременно общее среднее образование по разным причинам, предоставлена возможность подачи заявок через портал my.gov.uz до 1 мая (включительно).

На сегодняшний день для участия на экзаменах в порядке экстерната приняты заявки от 6384 граждан.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-21 14:05:03 #Ustoz_shogird

Joriy yilning 27 — 29-aprel kunlari Maktabgacha va maktab taʼlimi vazirligi tomonidan “Umumtaʼlim maktablarida tarbiyaviy ishlar samaradorligini oshirish, tizimli muammolar va ularni bartaraf etish, istiqboldagi rejalar” mavzusida oʻquv-seminar tashkil etilmoqda.

Anʼanaviy tarzda berib borilayotgan “Ustoz va shogird” muloqotining navbatdagi sonida shu haqida soʻz yuritiladi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-21 10:04:22 "9-may — Xotira va qadrlash kuni” munosabati bilan o‘quvchilar ishtirokida qator tadbirlar tashkil etiladi

Kuni kecha Maktabgacha va maktab ta’limi vazirligi tizimidagi ta’lim muassasalarida "9-may — Xotira va qadrlash kuni” munosabati bilan o‘tkaziladigan tadbirlarni tashkil etish masalalariga bag‘ishlangan yig‘ilish bo‘lib o‘tdi.

Unda Maktabgacha va maktab ta’limi vaziri o‘rinbosari Farhod Boqiyev, vazirlikning hududiy boshqarma boshliqlari o‘rinbosarlari, Ixtisoslashtirilgan ta’lim muassasalari va Maktabgacha ta’lim agentliklarining mas’ul xodimlari ishtirok etdi.

Videokonferensiya shaklida o‘tkazilgan yig‘ilishda:

“Gʻalaba bog‘i” yodgorlik majmuasi, “Shon sharaf”, Qurolli Kuchlar davlat muzeylari, Qatag‘on qurbonlari xotirasi muzeyi hamda joylardagi muzey va Xotira maydonlariga barcha xavfsizlik choralarini ko‘rgan holda o‘quvchilarning ekskursiyalarini tashkil etish;

mamlakatimiz xavfsizligi va barqarorligini, aholini tinch va osoyishta hayotini ta’minlashda qahramonlik ko‘rsatib, xizmat burchini bajarish vaqtida halok bo‘lgan xizmatchilar tahsil olgan maktablarda xotira tadbirlarini o‘tkazish;

o‘quvchi-yoshlarni vatanparvarlik, yurtga sadoqat ruhida tarbiyalash maqsadida oliy harbiy ta’lim muassasalarida “Ochiq eshiklar kuni” tadbirlarini uyushtirish;

umumta’lim maktablarida faxriylar ishtirokida Ikkinchi jahon urushi g‘alabasiga O‘zbekiston xalqining qo‘shgan munosib hissasini aks ettirishga qaratilgan “Nomingiz dillarda mangu yashaydi” mavzusida jasorat tarixi darslarini o‘tkazish bo‘yicha muhim vazifalar belgilab olindi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-17 16:04:41 #TALIS

O‘qitish va ta’lim olishni o‘rganish xalqaro TALIS 2024 tadqiqotida tasodifiylik tamoyili asosida tanlab olingan mamlakatimizdagi 210 ta maktab direktorlari va o‘qituvchilari ishtirok etayotganligidan xabaringiz bor.

Hozirga qadar mazkur tadqiqotda belgilangan maktablarning 203 tasi (4 293 nafar ishtirokchi) so‘rovnoma to‘ldirish orqali qatnashdi.

Qoraqalpog‘iston Respublikasi, Andijon, Namangan, Navoiy, Jizzax, Toshkent, Xorazm, Surxondaryo, Buxoro viloyatlari va Toshkent shahrida ushbu tadqiqot jarayonlari to‘liq yakuniga yetkazildi.

TALIS tadqiqot jarayonlari 2024-yil 18-aprelga qadar davom etadi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-15 06:14:48 #Live

Ayni damda umumiy o’rta, maktabgacha va maktabdan tashqari ta’lim tashkilotlari pedagoglarini attestatsiyadan o’tkazish jarayonlari boshlandi.

Bugun Informatika va axborot texnologiyalari fanidan sinovlar bo’lib o’tadi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-14 18:06:40 #Ustoz_shogird

Ustoz va shogird: O‘zbekiston Respublikasi Prezidentining PF-55-sonli Farmoni haqida.

Mazkur Farmon bilan ixtisoslashtirilgan maktablar faoliyatini yanada kengaytirish hamda bu boradagi yangi yo’nalishlar belgilab berildi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-14 10:47:52 #Õzbekiston_tarixi
#17_dars

Maktabgacha va maktab ta’limi vazirligi tomonidan O‘zbekiston tarixi fani bo‘yicha animatsion roliklar tayyorlanayotganidan xabaringiz bor.

Navbatdagi videodars "Gʻaznaviylar" mavzusiga bagʻishlanadi.

Mazkur animatsion roliklar 2D formatida tayyorlangan va unda ilk o‘rta asrlarda Gʻaznaviylar ijtimoiy-iqtisodiy, siyosiy va madaniy hayoti aks ettiriladi.

Davomi bor... Ochish/sharhlash

2024-04-14 10:02:11 #Olimpiada
#таълим_саёҳати

Koreys tili olimpiadasi gʻoliblari taʼlim sayohatiga yuborildi

Avval xabar qilinganidek, Maktabgacha va maktab taʼlimi vazirligi tomonidan Janubiy Koreyaning Oʻzbekistondagi elchixonasi hamda Koreya taʼlim markazi bilan hamkorlikda joriy yilning 20-yanvar kuni ilk bora Koreys tili olimpiadasi tashkil etilgan edi.

Bugun mazkur olimpiadaning 1 — 5-oʻrinlarini egallagan quyidagi oʻquvchilar Janubiy Koreyaga taʼlim sayohatiga joʻnab ketdi:

Oybekova Robiyaxon — Andijon viloyati, Shahrihon tumanidagi 1-maktab oʻquvchisi;
Subhanov Ahmadullo — Buxoro viloyati, Buxoro shahridagi 42-maktab oʻquvchisi;
Kim Artur — Toshkent shahridagi MATES nodavlat taʼlim muassasasi oʻquvchisi;
Noʻmonxoʻjayev Muhammad — Namangan shahridagi 34-maktab oʻquvchisi;
Razmatova Diana — Toshkent shahridagi 35-maktab oʻquvchisi.

Joriy yilning 13 — 21-aprel kunlari ushbu oʻquvchilar ishtirokida Janubiy Koreya Respublikasida turli taʼlim va sayohat dasturlari tashkil etiladi. Taʼlim sayohatining barcha xarajatlari Koreya taʼlim markazi tomonidan qoplanadi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-13 19:30:50 #Muallimning_bir_kuni

Maktabgacha va maktab ta’lim vazirligi “Madaniyat va ma’rifat” telekanali bilan hamkorlikda “Muallimning bir kuni” loyihasini yo‘lga qo‘yilganidan xabaringiz bor.

Unda sohada mehnat qilayotgan fidoyi ustozlarning sharafli kasb yo‘li, o'y-fikrlari bir kunlik kasbiy faoliyati misolida ko‘rsatib beriladi.

Ko'rsatuvning bugungi sonida fidoyi pedagog, Samarqanddagi Informatika va axborot texnologiyalariga ixtisoslashtirilgan 9-tayanch maktabi o'qituvchisi Dilbar Mavlonovaning fikr-mulohazalariga quloq tutildi.
__________
Loyiha muallifi va rejissori: Xurshid Azamatov

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-13 16:05:00 #Видеоинструкция

Видеоинструкция по проведению тестовых испытаний на квалификационную категорию педагогических кадров

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash