Maktabgacha va maktab ta'limi vazirligi

2024-04-08 09:21:54 #Йўриқнома

Pedagog kadrlarning malaka toifasi test sinovlari bo‘yicha videoyo‘riqnoma tayyorlandi.

Unda attestatsiya kuni amal qilish lozim bo‘lgan qoidalar, belgilangan vaqt va imtihon tartibi haqida batafsil ma’lumotga ega bo‘lishingiz mumkin.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-07 03:04:04 #Ustoz_shogird

Ustoz va shogird PISA 2025 tadqiqotlari va uning o’tkazilish tartibi haqida.

Ma'lumot uchun, PISA 2025 tadqiqotlarida O'zbekiston 2-marta ishtirok etmoqda.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-06 19:21:46 Ochish/sharhlash

2024-04-06 15:22:01 #Vazir_va_yoshlar_uchrashuvi

Vazir Hilola Umarova bektemirlik yoshlar muammolarini tingladi

Bugun Maktabgacha va maktab ta’limi vaziri Hilola Umarova va yoshlar o‘rtasida ochiq muloqot bo‘lib o‘tdi.

Unda yoshlar o‘z taklif va mulohazalarini bildirishdi. Shuningdek, vazir har bir yoshning muammolarini individual tinglab, bu bo‘yicha mas'ullarga topshiriq berdi.

Ochiq muloqot davomida xususan, biznes va axborot texnologiyalari sohalarini chuqurroq o‘rganish, tikuv sexi ochishga ko‘maklashish va o'z loyihalarini amaliyotga joriy etishda yordam berish kabi masalalarda murojaatlar kelib tushdi.

Ma’lumot o‘rnida, o‘tgan yili Maktabgacha va maktab ta’limi vaziri va vazir o‘rinbosarlariga 190 nafar yoshlar biriktirilgan edi.

Yil davomida vazirlik tomonidan yoshlarning kasb o‘rganishi, ishga joylashishlari va doimiy daromad manbaiga ega bo‘lishlari uchun amaliy ishlar olib borildi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-06 11:30:30 Malaka toifa sinovlari o‘tkaziladigan sanalar belgilandi

Avval xabar qilinganidek, maktabgacha, umumta’lim va maktabdan tashqari ta’lim muassasalari pedagoglari 2024-yil 15-apreldan boshlab attestatsiyadan o‘tkaziladi.

Maktabgacha va maktab ta’limi vazirligi tomonidan mazkur malaka toifa sinovlari o‘tkazilish vaqti belgilandi. Unga ko‘ra:

Informatika va axborot texnologiyalari fanidan — 15-16 aprel kunlari (2 kun);
Boshlang‘ich ta’lim fanidan — 17-22 aprel kunlari (5 kun);
O‘zbek tili (Davlat tili), Ona tili va adabiyot fanlaridan — 23-25-aprel kunlari (3 kun);
Matematika fanidan — 26-29-aprel kunlari (3 kun);
Fizika, Kimyo fanlaridan — 30-aprel — 1-may kunlari (2 kun);
Biologiya, Geografiya, Iqtisodiy bilim asoslari fanlaridan — 2-3 may kunlari (2 kun);
Musiqa madaniyati, Tasviriy san’at va chizmachilik, Texnologiya (servis xizmati yo’nalishi-qiz bolalar uchun), Texnologiya (texnologiya va dizayn yo’nalishi - o’g’il bolalar uchun) fanlaridan — 4-6 may kunlari (2 kun);
Rus tili (milliy maktablarda), Rus tili va adabiyoti (rus), Qoraqalpoq tili (Davlat tili) fanlaridan — 7-8 may kunlari (2 kun);
Fransuz tili, Hind tili, Ingliz tili, Koreys tili, Nemis tili, Qirg‘iz tili va adabiyoti, Qozoq tili va adabiyoti, Tojik tili va adabiyoti, Turkman tili va adabiyoti, Xitoy tili, Yapon tili fanlaridan — 10-13 may kunlari (3 kun);
Davlat va huquq asoslari, Tarbiya, Tarix fanlaridan — 14-15-may kunlari (2 kun);
Chaqiruvga qadar boshlang‘ich tayyorgarlik, Jismoniy tarbiya fanlaridan — 16-17-may kunlari (2 kun);
Maktabgacha ta’lim muassasalari tarbiyachisi, Maktabgacha ta’lim tashkiloti psixologi, Tarbiyachi-metodist, O‘qituvchi-defektolog, O‘qituvchi-logoped, Musiqa xodimi (Musiqa rahbari), Psixologlarga — 18 may kunlari (1 kun);
Qoraqalpoq tili va adabiyoti fanidan — 20-21 may kunlari (2 kun) malaka toifa sinovlari o‘tkaziladi.

Ma’lumot uchun: malaka toifa sinovlari o‘tkaziladigan joy manzillari quyida keltirib o‘tilgan. Ochish/sharhlash

2024-04-06 09:47:46 Iqtidorli yoshlar zaxirasini shakllantirish uchun tashkil qilingan olimpiadaga start berildi

Bugun respublikamizning barcha tumanlarida 5-8-sinf o‘quvchilari o‘rtasida matematika-informatika bo‘yicha olimpiada tashkil qilinmoqda. 100 nafar iqtidorli o‘quvchilar zaxirasini shakllantirish maqsadida o‘tkazilayotgan saralash olimpiadasida o‘quvchilarning mantiqiy, tanqidiy, kreativ fikrlash qobiliyatlarini aniqlashga qaratilgan 30 ta topshiriqlar taqdim qilinib, ularni bajarish uchun 90 daqiqa vaqt beriladi.

Mazkur bosqichda har bir sinf kesimida ishtirokchilar orasidan ballar ketma-ketligida 3 nafar (1-, 2-, 3-o‘rinlar) g‘olib aniqlanadi va saralash olimpiadasining uchinchi (viloyat) bosqichda ishtirok etish imkoniyati yaratiladi.

Saralash olimpiadasining uchinchi (viloyat) bosqichi — 17-aprel kuni;

Saralash olimpiadasining to‘rtinchi (Respublika) bosqichi — 18-aprel kuni o‘tkaziladi.

Respublika bosqichi hududlarda tashkil qilinadi, bunda III bosqichda har bir sinf kesimida 5 nafardan ishtirokchilar o‘z hududlarida berilgan topshiriqlarni nazorat, kuzatuv ostida bajarishadi, ishlar maxsus Telegramm kanalga joylanadi, markazlashgan holda tekshiriladi hamda yakuniy natija Respublika miqyosida eʼlon qilinadi.

Saralash olimpiadasining Respublika bosqichi yakuniy natijalariga ko‘ra eng yaxshi natija ko‘rsatgan 4 nafar o‘quvchilar (tashkiliy qo‘mita tomonidan belgilangan yosh toifasiga mos bo‘lgan) Xalqaro matematika musobaqasida(IMS) ishtirok etadigan O‘zbekiston terma jamoasi tarkibiga kiritiladi. Mazkur xalqaro olimpiada 2024-yilning 26-31-iyul kunlari Hindiston davlatida bo‘lib o‘tadi.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-05 18:03:55 Poytaxt ta’lim muassasalaridagi holat tanqidiy tahlil etildi

Bugun Maktabgacha va maktab ta’limi vaziri Hilola Umarova boshchiligida Toshkent shahar tumanlarining maktabgacha va maktab ta’lim bo‘limi rahbarlari hamda mas’ul xodimlari ishtirokida yig‘ilish bo‘lib o‘tdi.

Tanqidiy-tahliliy ruhda o‘tkazilgan yig‘ilishda kuni kecha Prezident huzurida maktab ta’limini rivojlantirish va sifatini oshirishga oid rejalar taqdimoti hamda Toshkent shahridagi 5-maktabga amalga oshirilgan tashrif davomida belgilab berilgan vazifalar ijrosi haqida so‘z bordi.

Ta’kidlanganidek, ayni vaqtda poytaxt tumanlarida maktabgacha ta’lim qamrovi 76 foizdan oshgan bo‘lsada, ayrim hududlarda bu borada sustkashlikka yo‘l qo‘yilmoqda.

Vazir ushbu hudud rahbarlarining maktabgacha ta’lim qamrovini oshirishga doir reja va takliflari bilan tanishdi, yil oxiriga qadar sezilarli o‘zgarish qilish bo‘yicha aniq topshiriqlar berdi.

Shuningdek, joylarda oilaviy shakldagi maktabgacha ta’lim muassasalarini rivojlantirish, ushbu yo‘nalish bo‘yicha raqamlashtirish jarayonini yanada jadallashtirish bo‘yicha mavjud holat tahlil etildi.

Yig‘ilishda Toshkent shahar maktablarida ta’lim sifatini oshirish va bitiruvchilarning oliy ta’lim muassalariga kirish ko‘rsatkichini oshirish bo‘yicha amalga oshirilayotgan ishlar keltirib o‘tildi va mavjud takliflar o‘rtaga tashlandi.

Bitiruvchilarining o‘rtacha ballari past natija ko‘rsatgan maktablarda ta’lim sifatini oshirish bo‘yicha mas’ullarga zarur tavsiya va topshiriqlar berildi.

Yig‘ilishda soha xodimlarini attestatsiyadan o‘tkazish uchun shu oyda boshlanadigan malaka sinovlarini uyushqoqlik bilan tashkil etish, mutasaddilarning bu boradagi mas’uliyatini yanada oshirish bo‘yicha zarur vazifalar belgilab berildi.

Yig‘ilishda tuman maktabgacha va maktab ta’limi bo‘limi mudirlarining keltirib o‘tilgan masalalarga doir hisobot va takliflari tinglandi. Ochish/sharhlash

2024-04-03 16:33:44 Shavkat Mirziyoyev Toshkent shahri Yunusobod tumanidagi 5-umumta’lim maktabida bo’ldi.

Mazkur maktab ilgari 960 o‘rinli edi. Lekin o‘quvchilar soni 2 mingdan oshardi. Shu bois o‘tgan yili rekonstruksiya qilinib, qo‘shimcha binolar qurildi. Natijada 1 ming 700 ta qo‘shimcha o‘rin paydo bo‘ldi.

Maktabda 65 ta o‘quv, 12 ta chet tili va 5 ta kompyuter xonasida zamonaviy sharoitlar yaratildi. O‘quvchilarni aniq fanlar, muhandislik va texnologiyalarga qiziqtiruvchi STEM-laboratoriya va sport zali zarur anjomlar bilan ta’minlandi, kovorking va rekreatsiya hududi tashkil etildi.

Bugun maktabda 2 ming 600 nafarga yaqin o‘quvchi ta’lim olmoqda. O‘tgan yili 165 nafar bitiruvchidan 163 nafari oliy ta’limga o‘qishga kirgan.

— Shunday vaqtlar bo‘ldiki, pedagoglikka e’tibor susayib ketdi. Hozir bu sharafli kasbning nufuzini tiklash, ularni moddiy rag‘batlantirishga harakat qilayapmiz. Yangi Toshkent shahri qurilishini ham Pedagogika universiteti binosiga poydevor qo‘yishdan boshlamoqchimiz. Chunki yangi O‘zbekistonning birinchi zamini - o‘qituvchilar. Shuning uchun ular doim o‘z ustida ishlashi, bilim va uslublarini rivojlantirib borishi kerak, — dedi davlat rahbari.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash

2024-04-03 12:07:40 #soha_qonunchiligi

AGENTLIK TIZIMIDAGI IXTISOSLASHTIRILGAN MAKTABLARDA STEM FANLARINI INGLIZ TILIDA OʻQITISH YOʻLGA QOʻYILADI

O‘zbekiston Respublikasi Prezidentining "Ixtisoslashtirilgan maktablar tarmog‘ini kengaytirish va ularning faoliyatini yanada takomillashtirish chora-tadbirlari to‘g‘risida"gi farmoni qabul qilindi.

Farmonga koʻra:

2024/2025-o‘quv yilidan boshlab Ixtisoslashtirilgan ta’lim muassasalari agentligi tizimidagi maktablarda Fanlar akademiyasi akademiklari ishtirokida dars o‘tish amaliyoti yo‘lga qo‘yiladi;

O‘quvchilar oʻrtasida “Yosh akademiklar” klublari tashkil etiladi;

Muhammad al-Xorazmiy nomidagi ixtisoslashtirilgan maktab filiallari 13 ta hududda tashkil etiladi;

Mirzo Ulugʻbek nomidagi ixtisoslashtirilgan maktabida "Yangi Oʻzbekiston" universiteti bilan integratsiyalashgan tarzda muhandislik yoʻnalishida oʻqitish yo‘lga qo‘yiladi;

Ixtisoslashtirilgan maktablarda 2024/2025-oʻquv yilidan bosqichma bosqich STEM fanlarini toʻliq ingliz tilida oʻqitish tashkil etiladi;

Maktablarimizning ilgʻor va tajribali o‘qituvchilaridan iborat bo‘lgan STEM fanlari bo‘yicha fan kengashlari tashkil etiladi;

Agentlik tizimida "Bitiruvchilar kengashi" tashkil etiladi hamda har yili "Bitiruvchilar qurultoyi" oʻtkaziladi;

Oʻquvchilar oʻrtasida "Turon yoʻlbarslari" harbiy sport musobaqalari oʻtkaziladi;

Har yili umumiy o‘rta ta’lim muassasalari o‘quvchilari o‘rtasida “Ixtirochilikka qadam” tanlovi oʻtkaziladi.

Telegram | Facebook | Instagram | YouTube Ochish/sharhlash

2024-04-03 09:13:39 #Турон_мактаб_театри

Maktab o‘quvchilari o‘rtasida "Turon" maktab teatri respublika tanlovining saralash bosqichi bo’lib o’tmoqda

Хabaringiz bor, umumiy o‘rta ta’lim maktablaridagi teatr studiyalari faoliyatini qo‘llab-quvvatlash orqali hududlarda teatr madaniyati va san’atini rivojlantirish maqsadida 7-10-sinf o‘quvchilari o‘rtasida “Turon” maktab teatri” respublika tanlovi e’lon qilingan.

Respublikamiz bo‘ylab o’tkazilayotgan mazkur tanlovning 1-bosqichida o‘quvchilarimiz turli sahna ko‘rinishlari orqali o‘z iqtidorlarini namoyish qilishmoqda.

Ma'lumot o‘rnida, ushbu tanlovning:

Tuman (shahar) bosqichi — 1-6-aprel kunlari;
Hududiy bosqichi — 22-apreldan 4-may kunlari;
Respublika bosqichi — 2-5-iyun kunlari o'tkazilishi rejalashtirilgan.

Respublika bosqichida g‘olib bo‘lgan maktab jamoasi xorijiy mamlakatga ta’lim sayohatini qo‘lga kiritadi.
___
Fotolavhalarda Buxoro, Xorazm, Andijon, Farg'ona, Samarqand, Surxondaryo, Navoiy va Toshkent viloyatlaridagi jarayonlar aks etgan.

Vazirlikning rasmiy sahifalariga ulanish:
Telegram Facebook
Youtube Instagram
Veb-sayt Linkedin Ochish/sharhlash