Ummu Zaynab Ummu-Azizaxon Ismoilova ijodi kanali

2022-11-08 05:00:18 #фикр.

Ижтимоий мавзу: Аёл ва эркак.

@Ummuzaynabummuijodi Ochish/sharhlash

2022-11-08 04:32:29 #хайрли_тонг

Ассалому алайкум.
Бизга бир туҳфадек берилган тонг хайрли бўлсин.

Аллоҳим, тонгимизни ғамлардан холи қилсин!

Умримизни хайрли амалларга тўла бўлишини насиб этсин!

@Ummuzaynabummuijodi Ochish/sharhlash

2022-11-07 10:20:20 Давоми сал кейинроқ. Ochish/sharhlash

2022-11-07 09:58:05 ​​#тавбаи_насуҳ
Муаллиф: Ummu Zaynab Ummu
252-қисм.

Сен эса ҳаммасидан воз кечиб, биттада қутилиб кетдинг...



Чойнак кўтарган Сарвиноз ичкарига кириб келган пайтда- у онасига жаноза тафсилотларини бир бошдан гапириб бериб ўтирганди. Жувонни кўрди-ю Иёзнинг уни ўчди.
-Гапиравер...
Бу рағбат гарчи онаси томонидан янграган бўлса ҳам иҳтиёрсиз равишда кириб келувчига қаради. Чой дамлаш, овқат, кир-чир, онасига баъзан суҳбатдошлик вазифасини ўташ-бу аёлнинг зиммасидаги юмуш саналса-да ҳозир унинг бу таҳлит ичкарига тап тортмай кириб келиши Иёзни ажаблантирди.
-Мен ҳам у чолни танирдим. Яхши одам эди. Бир марта уйларига асал сўраб борганман, хотини олиб чиққан. Адашмасам, Соҳиб ўртоғингнинг аммаси уларга қўшни...
-Билмайман! Қўшниси билан ҳам маҳалласи билан ҳам ишим йўқ!
Иёзнинг овозидаги зардани Сарвиноз сезди аммо миқ этмади. Ҳатто бош кўтариб бир бора бўлсин хонтахта атрофидагиларга қараб қўйгани ҳам йўқ.
Кўз ёш тўка-тўка янаям баттар тим тортиб кетган киприклар- "ойна кўл" четида ўсган қамишзордек жимирлаб, маъсума нигоҳлар- чойнак нақшлари узра сузиб юрганини Иёз мана шу бир неча сониянинг ўзидаёқ кузатишга муваффақ бўлди.
"Ўликдек ҳиссиз бўлишга улгурибсан... Назаримда сен ичаётган оғу шунақа ҳоссага эга! Ўлмайсан-у, аммо ўлик каби ҳиссиз яшайверасан... Мурдалар кўмилади, сен эса ўзингни ўзинг кўмиб завқ оласан!"
Пиёлага чой қуйилаётганини кўриб ўрнидан қўзғолди.
-Ҳа, тинчликми? Нима бўлди? Ўтир, чой ич! Энди иссиқ чой келганда сен қаёққа кетяпсан?
Шошилинчда бу гап қандай таъсир этди экан деб Иёз Сарвинозга бир қараб олди. Чой қуйилган пиёла ҳозир унинг қўлида енгилгина титраяпти. Аммо юз қиёфасидан барибир ҳеч нарсани билиб, англаб бўлмайди.
-Она, кўчада ишим бор... Сизлар бемалол чой ичиб ўтира туринглар, мен тезда келаман!
Яхшики, Афшар хоним ўғлининг овозидаги безовталикни, ҳаяжонни, агар таъбир жоиз бўлса ўзини совуққон тутишга бўлаётган уринишни сезмади. Сезганда ҳам тушунмаган бўларди. Хоним бу сафар ҳизматчисига юзланди:
-Ҳалигини опчиқ! Тезда...
Сарвиноз бамисоли ҳуркак оҳудек дик этиб ўрнидан турди. У чиқиб кетганидан сўнг ўзидаги тушунарсиз ҳолатдан карахт тортган Иёз яна секин онасининг ёнига чўккалади.
-Нима олиб чиқади? Нимага киргазиб юбордингиз?
-Ҳа... Эсимдан чиқиб қолибди, касал бўлиб ётиб қолмасимдан олдин эди: Жамшиднинг хотинидан нарса олгандим. Тўғри келмаса қайтаришга келишганмиз. Шуни эрининг дўконига бериб ўтиб кет! Йўлинг ўша тарафгами?
Иёз ҳудди онасининг гапини маъқуллагандек бош сараклатди. Аслида ҳозир кўчага чиқиб қаёққа боришиниям билмайди.
Сарвиноз кириб ичкаридан олиб чиққан нарсасини секин хонтахта четига қўйди. Елим ҳалтага ўралган нимадир...
-Шуми?
-Ҳа, "онам олган экан" десанг тушунади. Агар Мастура ўша атрофда юрган бўлса, ўзининг қўлига берсанг ҳам майли... Ортиқча гап-сўздан ҳоли!
Елим ҳалтага қўл узатаётиб Иёз яна Сарвиноз тарафга кўз қирини ташлади. Рўмол четини тутамлаб турган бармоқлар анча қадоқ ва шишлардан тузалибди, жувоннинг ўзи ҳам энди аввалгидан бироз тўлишиб қолгандек.
-Бўлди, бериб қўяман!



Дўкондан нари масжидга қараб кетди. Кимдир сал берида ичкаридан Абдулмажид қорининг чиқишини кутаётган экан. Иёз эскироқ машина ёнидан ўтаётиб тушунди: никоҳ ўқитишга келганлар...
Бир неча дақиқадан сўнг улар узун-калта бўлиб ичкарига кириб келишди.
-Иёзбек мана калит! Эшикни очиб беринг, жойлашиб туришсин. Мен ҳозир кираман!
Айтилганидек қилиб Иёзнинг ўзи келувчиларга эшикни очиб берди. Аммо хонадан чиқиб кетаётиб бурчак томонга хиёл ўгирилиб ўтирган аёлга кўзи тушди-ю ичи шувиллади.
Гулзода!
Бу аёлчалик ҳеч ким билан узоқ ўралашиб "юрмаган!" Гулзода эридан ажрашди-ю алам аччиқда Иёзни ўйнаш тутди. Шу-шу иши тушиб келган остонасига ора кунда қатнайдиган, ширин сўз эшитмаса ҳам йигитнинг ипсиз бошқариладиган овунчоғига айланди.
Ташқарига чиқиб Иёз нима қиларини билмай бир зум хўшшайганча турди.

(Давоми бор)

@Ummuzaynabummuijodi Ochish/sharhlash

2022-11-07 08:31:03 ​​#тавбаи_насуҳ Муаллиф:  Ummu  Zaynab  Ummu 251-қисм.    Аста-секин ўлимга юзлашиб бораётган одамнинг бу гапи-Иёзни ҳам ўйлантириб қўйди: ҳар ким ажалга ҳар хил ҳолатда рўпара келармиш...    Кимдир Жаннат эпкинини димоғида туйиб, ҳудди Муллаҳасан бобо… Ochish/sharhlash

2022-11-07 08:19:49 ​​#тавбаи_насуҳ
Муаллиф:  Ummu  Zaynab  Ummu
251-қисм.

   Аста-секин ўлимга юзлашиб бораётган одамнинг бу гапи-Иёзни ҳам ўйлантириб қўйди: ҳар ким ажалга ҳар хил ҳолатда рўпара келармиш...
   Кимдир Жаннат эпкинини димоғида туйиб, ҳудди Муллаҳасан бобо сингари масрур бир қиёфада ажал ташрифини кутса, бошқа биров сўнгги дамни виждон азобидан  чора тополмай ўтказади...
    Иёзнинг кўз олдига мулла Зиёднинг тарашадек қотган жасади келди:  нохуш манзара!
    Аслида-ку Худованддан бўлиб чолнинг ажал билан қандай юзлашганига гувоҳ бўлмаган. Мулла Зиёд у эшик очиб борган пайтда  аллақачон омонатини топшириб бўлганди.  
   Қаҳратон қиш,  заранг қотган эшик,  очилишни истамаётган қулф ва ўша ижирғанишга мажбур этадиган манзара- балки умрининг охиригача Иёзнинг ёдидан чиқмас, аммо кўрганларининг ҳеч бири ғафлат уйқусидан уйғотишда асқотмагани- уни ҳар эслаганда ажаблантиряпти.
     Назарида ўшанда кўр бўлган, кўзи очиқ юрадиган кўр! Ҳар куни қуёшга тескари турган тахтига чиқадиган ва ўзининг узун соясидан бошқасини кўрмайдиган худбин бахтиқаро! Йўқса, мулла Зиёднинг аянчли ўлими унга сабоқ бўлиши керак эди.
    Бўлмади! 
    Чолнинг қабри устига бориб алам-аччиқда баллон ёққани эса...
      Абдулмажид қори томоқ қоқди.  Хаёлга чулғаниб,  ўзи билмаган ҳолда зўрға нафас олаётган Муллоҳасан бобога бақрайганча тикилиб ўтирган Иёз апил-тапил нигоҳини бошқа томонга кўчирди. Қараса,  чолнинг ўғли боядан бери ҳар бир ҳаракатини кўз қирида кузатиб ўтирган экан. Ҳижолат тортди.


    
     Пешин намозидан сўнг Муллоҳасан бобо  жойига қўйилди. Иёз одамлардан ажраб бир ўзи ёлғиз оёқ йўл ёқалаб пастга тушиб бораркан аралаш ҳислар таъсирида атрофга кўз югуртирди. Анави ерда Музроб тентак ётибди.  Ғамзанисони бадном этиб сўнг ўн йилдан ошиқ одамларнинг тепкисига,  калтагига сазовор бўлиб яшаган собиқ тракторчи!
      Яқин-яқингача болалар уни сувга пишиб уришарди ёки дарахтга боғлаб... Анор пўстига ёки тарвуз косасига ичини бўшатиб "ма, Музроб ейсанми?" дея устидан куладиган мазаҳчилар ҳам бир-иккита топилиб турарди. Ҳар сафар янгидан-янги хўрлик, янгидан-янги услублар... Негадир баъзилар ўз бахтсизлигини унутиш учун атай Музробни майна қиладигандек кўринарди.
Тентак-хушини озод этиб кўкка учириб юборган бўлса ҳам,  танаси билан бу хўрликларга то охирги лаҳзасигача чидади. Чидамай қолгач эса ўлди!
    Иёз унинг қабри тепасига бориб биринчи марта  Музроб борасида янглиш ўйлаганини тушунди.
    -Билмадим ошна... Сен мени ким деб танийсан,  ким деб тушунасан?  Ким деб ўйлаган бўлсанг ҳам мана мен қабринг бошида турибман...
    Баъзан кимлигимни ҳатто ўзим ҳам тушунмайман.  Назаримда умримнинг қайсидир йилларини мен шайтонга айланиб ўтказгандекман... Сен жинни бўлиб одамларнинг лаънатига раво кўрилган бўлсанг, мен... Худонинг лаънатига раво кўрилдим. Аммо ўзим сезганим йўқ!
   Ҳозирги ишим ҳам Қиёматда гуноҳни ўзидан соқит қилиш учун ёлғон гапираётган шайтонникига ўхшайди. Сен билан боғлиқ бир гуноҳим борки, уни ўзимдан соқит қилишни ҳам билмайман, қилмасликни ҳам...
     Юзаки қараганда ақлингдан бегона бўлиб,  Музробдан-"Музроб тентак"ка айланиб қолишингда Иёз деб аталмиш бир жинкашнинг қўли бор!  Яъни мени... Ёлғиз қолган пайтим ўзим ҳам шундай ўйлардим... 
    "Бу ишни заб қилганман-да!" деб қилмишимдан фаҳр туйган сонияларим бўлган... 
     Аммо чуқурроқ ўйлаб қаралса,  бундай эмас!  Мен гуноҳ қилиш учун жидду-жаҳд этдим,  Аллоҳ эса сабабда восита қилди. Ўзимни ютуқда, сени эса ютқизиқда деб ҳисоблай олмайман. Балки тентак бўлиб яшаб юрган пайтларинг бор айбларингни ювишга улгургандирсан... 
     Ғамзанисони сен туфайли йўқотдим. Ҳа, қачондир шундай ўйлаганман. Аслида бу фариштамонанд қизни Қодир Эгам менга муносиб кўрмади. Гуноҳингга тавба қилиш имконини қолдирмаганим билан назаримда бу имкон сенда ҳамиша бўлган!  Солиштириб қараганда мендан бахтлисан! Чунки хушингдан айрилдинг,  нафсингни ўзинг  эмас,  бошқалар топтаб завқланди.  Менда эса ҳар қайтганда ёмонлигимни минг бора юзимга соладиган хуш бор!
Виждоним қийналади аммо ўзимдан воз кечолмайман...

(Давоми бор)
@Ummuzaynabummuijodi Ochish/sharhlash

2022-11-07 08:07:44 ​​#тавбаи_насуҳ Муаллиф: Ummu Zaynab Ummu 250-қисм. Бомдод намозидан кейин ярим соатлар ўтиб-ўтмай Абдулмажид қорига йўл чиқди. Шунча шогирди турганда, бу инсоннинг атай ёнига келиб "бир жойга ўтиб келамиз, тайёр туринг! " дейиши- Иёз учун… Ochish/sharhlash

2022-11-07 05:34:43 Телефонимни томи кетяпти, шифери учяпти. Бошқа сўз ёзмоқчи бўлсам, бошқа сўз ёзяпти. Униям бошига яра чиққан шекилли... Ёки кимнингдир таъбири билан айтганда "Иёзнинг жинлари" чалган... Ochish/sharhlash

2022-11-07 05:29:15 ​​#нимадир
#ижод.

Аслида шеърни жуда кам ёзаман. Улар асосан диний мазмундаги муножотлардан ташкил топган.

Аммо шундай вазиятлар бўладики, бирор бир ҳолатни янада очиб бериш учун қаҳрамоним тилидан ҳам тўрт қатор нимадир ёзишимга тўғри келади.

Чунки шеър таъсирчанликни оширади деб ўйлайман. Бугун сизларга асарларим ичидан жой олган ўз қаламимга мансуб шеърларни илинмоқчиман. Албатта ҳаммасини эмас, баъзиларини.

Улар ҳам онлайн ҳолатда, фавқулодда ёзилган ва бу шеър ёзилган қисмни ярим соат ортиқча кутиб қолгансиз.

Кўпчилик "асардаги шеърларнинг муаллифи ким?" деб савол ёзади. Ана шундай саволларга жавоб бера-бера чарчаганим учун бугун мана шу постни ёзишни ният қилдим.

Бешик ясалган жойда биласиз, "қўлбоғ" ни ҳам кимдир тикади. Бир асарни яратиш учун керакли жойда шоиралик ҳам қилганмиз. Ками-кўстига рози бўласизлар...

Зулмат асарим қаҳрамони Ойдин тилидан ёзилган шеърим:

"Қисмат" деганлари не эди, билмам,
Омон чиқолмадим тузоқларидан.
Уммон сароблигин тушунсамда лек,
Мудом бахт қидирдим қирғоқларидан.

Сен бу косаларда "Бахт" деб тутганинг,
Дунё! Оғу эди, симириб ичдим,
Сен менинг жонимдан кеча билмадинг,
Мен эса баридан "бир!" дединг-кечдим!



Чиртиллаб узилгай умид деган шаън,
Кийимидан кўкси чириклар бордир...
Ўлимин тиланиб-жаллод қўлида,
Ўлолмасдан юрган тириклар бордир...

(Шу жойда Маҳмуд ака билан яшаётган Ойдиннинг изтироблари ёзилган эди)



"Ишқ ва ишқсизлик"  Дилноза тилидан айтилган шеър:

"Ҳаммаси тугади!", сен учун шундай...
Мен эса ибтидони сезмасдан қолдим!
На шайтон эканинг сизни вақтида,
На бир қилмишингни- Худога солдим...

"Ҳаммаси тугади!" Сен учун шундай!
О, бунча омадинг кулди бу Ишқда?
"Осмон" ликча қолдинг, "ер" ликча қолдим...
Фақат кўкдан тушиб, топтама бошқа...



Қаршимдаги қизнинг нимасидир ҳар сафар менга эски хотираларни эслатади. Ўтган гал-бармоқлари, энди эса-эгнидаги ҳаво ранг кўйлаги...

(Нодир)

Сени унутишга маҳкум ошиқни,
Қийнаб қўйди бугун-яна шу само!
"Унутмайсан!" деди, бу мовий бағир,
Эслатди, эслатди, бермади аммо...

Балки қўлим кирдир, мовий ҳад учун,
Балки Ишқ нелигинг- уқтирди дунё,
Балки энди тушга айланар умр,
Қўл етмас осмоним-хайр, алвидо!

"Ишқ ва ишқсизлик"



Қўлимдан келмайди ярангни   боғлаш...
Малҳамлар қўйишга нўноқман,  чиндан!  
Сен меҳрингни тутсанг,  каму- кўстим кўп!
Аммо бирон таскин сўрама, мендан...

Бермоқчи бўлганим-бол эди, ажаб!
Қачон заҳар бўлди, бу қандайин сир?
Мендек ғамдан ўзга саҳовати йўқ,
Танаси зардобга тўлганни- Кечир!

Қўлимдан келмайди, ярангни боғлаш,
Фақат куюк дилим қириндиси бор!
Берсанг, берганингдан ишимдир ямаш,
Мени... Ямаб-ямаб
                  Бутун қил, эй Ёр!

Лобар "Бойлар ҳам..."  асаридан.

Ummu Zaynab Ummu

@Ummuzaynabummuijodi Ochish/sharhlash

2022-11-07 04:48:12 Ochish/sharhlash