Ummu Zaynab Ummu-Azizaxon Ismoilova ijodi kanali

2022-11-06 10:19:30 #кайфият.

@Ummuzaynabummuijodi Ochish/sharhlash

2022-11-06 09:06:20 Қизлажонла!

5 дақиқа вақт ажратиб iPhone 14 ёки Galaxy S22 ютиб олишни истармидиз?

Унда “МЕГА КОНКУРС”да қатнашинг!

Конкурс катта совғалари:
iPhone 14
Galaxy S22

Қўшимча совғалар:
• Notebook Asus
• Galaxy A32 - 4та
• Airpods 3 - 4та
• Mi Band 7 - 3та
• Китоблар тўплами - 3та
• Пул ютуғи 50$ - 3та.

Конкурс шартлари:
• Ҳомий каналларга обуна бўласиз ва 12 ноябрь куни биз тасодифий генераторда ғолибларни аниқлаймиз!
Ташкилотчи: @kunlik_retseptlar канали.

Иштирок этиш учун ботга уланинг ва ҳомийларга обуна бўлинг:
@uz_konkursbot Ochish/sharhlash

2022-11-06 08:04:33 ​​#ижод.

Давоми...

Балки бирон бир тун олдидан уни ёнингиздан анча олдин қувганингизни, йўқликка махкум қилганингизни, аслида бу ожиза- сизга синов ва омонат ўлароқ туҳфа этилганлигини идрок этиш насиб этар сизга...

Билмайман...

Балки шавкатли кунларда у тушларингизга кириб яна ўзини эслатишга ботинмас...

Аммо...

Кексаликнинг милдироқ соатлари охирги доирани кесиб айланаётган лаҳзаларда, яъни сиз дунёда сўнгги нафасни олаётган лаҳзангизда марҳума бўлиб кетганига бир неча ўн йил бўлиб кетган ожизангиз-сиз билан хайрлашиш учун келишига ишонаман. Чунки маъсума қалб эгалари шундай: ҳеч кимни илҳақ этишни, куттиришни, куттириб азоб беришни истамайди.

Биргина "розиман" деган сўзни айтиш учун у икки дунё эшикларини очиб-очиб келади ёнингизга!

Сизга осон бўлиши учун, бу дунёдаги ҳисоб китобларингиз ва хайр-маъзур дафтарингиз тезроқ ёпилиши учун у албатта келади...

Сизни музтар этгиси келмайди...

Аёл- эркакка бир омонатдир. Мен барча омонатлар барибир қачондир сўралишига ишонаман.



"Агар сизлардан бирингиз бировни ёқтирмаса, бу ҳақда унга сўзламасин!  Чунки жуда кам оилаларгина муҳаббат устига қурилади. Одамлар ислом ва эҳсон асосида яшашади".

Ҳазрати Умар розияллоҳу анҳу.


Ummu Zaynab Ummu.

@Ummuzaynabummuijodi Ochish/sharhlash

2022-11-06 08:04:33 ​​​​#ижод.

Муаллиф: Ummu Zaynab Ummu

Ўзим таниган аёллар қисмати ҳақида #нимадир ёзмоқчи эдим. Анчадан бери ўйлаб юраман. Балки бисотимга йиққан-терганларимни жамлаб каттароқ нимадир ёзарман...

Вақт кўрсатади.

Чивиннинг қаноти,  аёлнинг эса макри- баъзи курашлардан омон чиқишда асқотармиш...

Ҳозир ўйлаяпман: аёл қаердадир ўткир бўлиши керакми?! Балки маъсумалик унга кўпроқ ярашар?!

Билмайман...

Қачонлардир бир аёл ҳаёти ҳақида "Аёл мактублари"  деб номланган кичик бир қатра ёзгандим. 

Мен таниган бу аёл уйдан кўчага чиқмайдиганлар ва ўз эрига итоатлилар сафидан эди. Кўчага чиққан пайтларида ҳам агарда рўпара келиб қолгудек бўлсам, ранги синиққан бир чеҳрани кўрардим.

Эр бадқовоққина, юриш-туриши ҳудди бир нарсадан сира ичи чиқмаётган одамдек...

Аёл эса хунуккина эди-ю фарзандларини ва ана ўша бадқовоқ турмуш ўртоғини доимо ярақлатиб кийинтириб қўярди.

"Ўғлинг бўлсин- тилла ошиқ ўйнаган, қизинг бўлсин ўз ҳуснига тўймаган..."

Ҳа, мен ёқтирган халқ термасида шундай сатрлар бор.  Агар фарзанд тарафдан олиб қарасак, Нигор опа бу бахтдан тўкис аёл эди. Ўғли истараликкина, қизи эса қўғирчоқнинг ўзгинаси!

Бир йили байрам либослари коллекциямни суратга олишда модель қизалоқ қидирдим. Ўйлаб-ўйлаб хаёлимга Нигор опанинг ўша ўзига ўхшамаган чиройликкина қизчаси келди.

Бирга ишладик. Ҳар тугул шундан кейин кўча кўйда кўришсам аёлнинг ўзи менга қараб жилмайиб саломлашадиган бўлди.

Гапни ортиқча чўзиб ўтирмайман. Ҳа,  мен икки йилча олдин ўзим таниган бу аёл ҳақида кичкинагина бир қатра ёзганимда унга ачиниб ёзганман,  унга энди Яратган меҳрибон бўлишини ич-ичимдан сўраб...

Болалигимдан бировни ҳис қилиш учун кўпинча ўша одамнинг  ўрнига ўзимни қўйиб кўриб бир нарсаларни ўйлайман.  "Аёл мактублари"  ана шундай ҳолатларнинг бирида ёзилди.

Нигор опани охирги марта кўрган куним ҳалигача ёдимда.  Ўшанда у  машинадан зўрға юриб тушганди. Ҳудди юришни янги ўрганган боладек йиқилиб кетаман-йиқилиб кетаман деб уйи остонасигача етиб олди.  Эри эса бу пайтда аллақачон ўзини ичкарига олиб улгурган, негадир ортидан аранг юриб келаётган аёлга ўзини мутлақо алоқаси йўқдек тутарди.

Ёрдамга шошдим. Яна ўшандек ҳазин жилмайиш... Нега бундай қадам ташлаётганини эса минг ҳижолатда сўрадим.

"Почечная давления" деб қисқагина жавоб берди. Докторга кўриниб қайтишаётган экан.

Шу уни охирги кўрганим. Аёл узоққа бормай оламдан ўтди...
Мана ҳозир ҳам ўйласам, ичим ҳузунга тўляпти.

Тунов куни йўлим тушиб яна ўша эски маҳаллага бордим. Қараб турсам янги машинадан Нигор опанинг эри тушиб келяпти. Ҳудди қандайдир сеҳргар бу одамнинг юз қиёфасини ўзгартириб қўйгандай. 

У машинадан тушиб ҳудди жентельменлардай орқа эшикни очди.  Мен пастга тушмоқчи бўлаётган аёлнинг қўлидан у чақалоқни олаётганини кўрдим.

Сўнг икки кишилашиб машина юкхонаси томонга ўтишди. Бола бир қўлда, аёл эса қўлини чўнтагига солиб ҳўшшайганча турарди. Болалар сумкаси эркакнинг елкасига илинди, иккинчи бўш қўлга бозор халталаридан бир нечтаси олинди.

Бахтли оила қачонлардир Нигор опа бир ўзи зўрға юриб ўтган йўлдан ёнма-ён кулишганча юриб ўтишди...

Кўп ўйлайман, қадр топмоқ учун аёл аслида қандай бўлиш керак? Ёки бу икки қалб ўртасига Аллоҳ таоло солган иссиқчиликка боғлиқми ҳаммаси?

Билмайман...

АЁЛ МАКТУБЛАРИ

Аёл сиздан кетиб боряпти. Жисман эмас,  руҳан сиздан олислаб боряпти. Уни Ҳавога сингиб бораётганини сезганингизга кўп бўлмади ҳали,  ҳадемай у йўқ бўлишини кўнглингиз сезяпти.
  
У кетгач,  нима ўзгаради,  ўйлаб кўрдингизми? 
   
Беш,  олти кун ўтгачгина сезасиз,  уйингиз уни ахийри ютиб йўқ қилди,  лекин қайсидир бурчак уни сизга яна қайтарадигандай туюлаверади.
Қайсидир бурчак...

Ишдан қайтганингизда у  кўпроқ анави жойда ўтирарди,  ўша жой кўпроқ уни қайтиб берадигандай туюлмаяптими?
   
Секин аста унинг китоби юзини чанг босади,  кийимлари тугунларга тушиб четга олинади,  болалар ўзи билан ўзи,  овқатга қозонлар осилаверади,  кунлар ўтаверади...

Дунё тўртбурчак бўлиб қолмайди усиз,  сиз хотинсиз қолмайсиз,  болалар онасиз,  уй эгасиз қолмайди...

Давоми...

@Ummuzaynabummuijodi Ochish/sharhlash

2022-11-06 06:58:14 ​​#муножот.

Кошки эди бу ДУОНИ жамиики инсонларга етказа олсам!

• АЛЛОҲИМ!
Ёстиғим жойнамоз, уйқум намоз, ҳар нафасим зикр бўлсин!

• АЛЛОҲИМ!
Бошимдан оёғимга қадар, ёшлигимдан бугунимга қадар, ҳаётимдан мамотимга қадар барча гуноҳларим учун тавба қилдим!

• АЛЛОҲИМ!
Ўлим ҳақдир, Азроил алайҳис саломни менга табассум ила юзлантир!

• Кўзим нурини, ақлим шуурини, қўл ва оёғим кучини, бутун вужудим қувватини олиб қўйма, АЛЛОҲИМ!

• Назарим ибодат, сукутим тафаккур, сўзларим зикр бўлсин!

• Кўз очиб юмгунга қадар бизни ўз нафсимизга ташлаб қўйма, АЛЛОҲИМ!

• Ҳар нафасда тилимни зикрдан, қалбимни шукрдан ва ақлимни фикрдан айирма, АЛЛОҲИМ!

• Оиламга ёмонлик истаганларга Ўзинг кифоя қил!

• Пасткаш номардлардан бизни узоқ тут!

• Гуноҳлари авф этилган сиддиқлардан бўлишимизни насиб эт!

• Бизни уларнинг суҳбатига, зикр халқаларига восил айла!

• АЛЛОҲИМ!
Онадан туғилгандек пок ҳолда Сенга юзланишимиз учун Ўзингга илтижо қиламиз.

• Бизларни солиҳ қулларингдан айла!

• Амал дафтаримизда савоби тўхтамайдиган амаллардан ёзилишини насиб эт!

• Наъим жаннатинг ворисларидан бўлишимизга Ўзинг кўмак бер!

• Ота-онамни Ўзинг авф эт!

• Устозларимни раҳматингга ноил айла!

• Қабрда юзимни қаро қилиб қўйма, АЛЛОҲИМ!

• Бу дунёда ичганимиз зам-зам, у дунёда эса кавсар бўлсин!

• Бу дунёда юрган йўлимиз ҳидоят, у дунёда эса сирот бўлсин!

• Бу дунёдан олганимиз гўзал ахлоқ, у дунёда эса бароат бўлсин!

• Бу дунёда кирган еримиз Маккаю Мадина, у дунёда эса жаннату Аъло бўлсин!

• Бу дунёда зиёратларимиз Байтуллоҳ, равзаи мутоҳҳара, Қуддусу Шариф, Арофат, Мино ва Муздалифа, у дунёда эса Пайғамбарлар мажлиси бўлсин!

• Бу дунёда назаримиз Каломинг, у дунёда эса Жамолинг бўлсин!

• Икки дунёда тақво, солиҳ амал ва гўзал ахлоқ ҳамроҳимиз бўлсин!

• Зурриёдларимиздан дунёда кўз-қувонч, охиратда эса иззат тожи олайлик, АЛЛОҲИМ!

• Дастурхонимиз илм, суҳбатдошимиз олимлар бўлсин!

• Бу дунёда дўстларимиз ҳақ аҳли ва ғариб-мискинлар, у дунёда эса Пайғамбарлар жамоаси бўлсин!

• Дунёда иззат билан яшашни, вафотда шаҳодат билан кетишни, қайта тирилишда ҳисобсиз жаннатга киришимизни насиб айла, АЛЛОҲИМ!

Чиройли дуо экан, сизларга илиндим...

Интернетдан олинди.

@Ummuzaynabummuijodi Ochish/sharhlash

2022-11-06 06:06:20 #хайрли_кун.

Ассалому алайкум вараҳматуллоҳи ва барокатуҳ.

Кунингиз хайрли ва файзли ўтсин!

@Ummuzaynabummuijodi Ochish/sharhlash

2022-11-05 13:45:08 Кеча 16:25 да, 17:15 да ва бугун 05 ноябрь 14:29 да ким китоб учун тўлов қилган бўлса тўлов чеки, телефон рақам ва манзилини @Kitob_savdo_bot га ёзсин.

Ман бугун имкон қадар кўпчиликка "бу сизмасмидиз?" деб битталаб ёзиб чиқдим. Пулни тушириб қўйдим, манлигимни билади деб хотиржам юрманг. Кеча етмишга яқин одам тўлов қилган, биз ўша одам то ўзи ёзмагунча пул туширган ким эканлигини билмаймиз.

Эътиборли бўлайлик, азизлар. Ochish/sharhlash

2022-11-05 08:49:23 #ижод.

"Аллоҳ учун..."

Азизахон Исмоилова.
Севинч Зокирова.

@Ummuzaynabummuijodi Ochish/sharhlash

2022-11-05 08:42:49 ​​#ижод.

Баъзан... Тамоғингга тиқилади сўз!
Уни ё тил айтур... Ёки айтар кўз...
Манинг худойимдан ўтинчим-ёлғиз...
"Онамни асрасин! Онам-тоғим У!"

Баъзан тошлар отди-ёв палаҳмони,
Бир сидра тўкилдим-теккан замони...
Балогардон бўлди, онам-қалқоним!
"Онам тўкилмасин! Онам-тоғим У!"

Мен-дуодан бутман!, юрибман яшаб,
Яна қайта униб, қайтадан яшнаб.
Фақат... Онам энди кетмасин ташлаб...
"У узоқ яшасин! Она-жоним У!"

Сочларига оқлар қўшган қори-ман!
Юзларига ажин-тўрлар солдим ман...
Суяб чарчамади, ҳаржлаб толдим ман!
"Онам нурамасин! Онажоним У!"

Қани рози қилсам, ўтмай фурсатим,
Бошимга кўтариб, қилсам ҳизматин...
Минг битта ҳимматга-ожиз раҳматим!
"Онам- омон бўлсин! Онам-тожим У!

Менинг Аллоҳимдан ёлғиз ўтинчим-
"Онамни асрасин! Онажоним У!"

Ummu Zaynab Ummu.

@Ummuzaynabummuijodi Ochish/sharhlash

2022-11-05 08:02:41 #ummuzaynabummu_дан.

Айтганча кеча кимдир кўп касал бўлаётганимни ёзаётган асарим тематикасига боғлаб изоҳ ёзибди. Шахсан ўзим бундай ҳисобламайман.

Ўтган йили айни шу ойлар астмам қаттиқ безовта қилаётган пайтлар эди. Ҳатто бир кун тез ёрдам кечикканда кетиб қолишимга бир баҳя қолган.

Табиатан нимжон одамман. Тўртта фарзанд дунёга келтирганим бу шунчаки мўъжиза! Одри Хепбёрннинг ҳипча қомати ҳақида жуда кўп афсоналар юраркан. Яъни унинг сирли диеталари ҳақида матбуотда ҳар хил таҳминлар ёритиб борилар экан. Гўзал актриса ҳақиқатда ортиқча вазн тўпламаган. Одамлар у вафот этгач, асл ҳақиқатдан воқиф бўлишади. Одри хонимнинг шунчаки астма касали бўлган холос.

Камина йигирма йилдан бери 49 ва 52 кг вазн ўртасида яшайман. Кўп нарсани гарчи истасам ҳам еёлмаслигим мумкин. Асал, қаймоқ, пишлоқ, сут, қулупнай, мандарин, тухум, кремли пишириқлар, помидор, ёнғоқ, мош, ловия, бисквитли тортлар...

Чунки буларнинг ҳаммаси каминада аллерген ҳисобланади. Фақат қатиқ ичишим мумкин. Шунинг учун ҳар доим қувватсизликдан қийналаман. Қувват дориларни ҳам иложи борича кам қабул қилишга ҳаракат қиламан. Чунки "пищевой аллергия" медикаментлар аллергиясига айланиб кетишидан ҳавфсираб қолганман.

Чунки аллергик астма яхши касал эмас. Организм ўзига барча фойдали нарсаларни аллерген ҳисоблаб рад эта бошлайди.

Менимча, бу аёл намунча касал бўлаверади деб ўйлайдиганлар мана энди асл картинани тушунди деб ўйлайман. Мен қувватни ҳозир яхшиларнинг дуосидан олиб яшаяпман. Яхшики дуони ҳали организмим аллерген деб ҳисоблаб рад этишни бошламади. Дуо қилсангиз шунинг учун хурсанд бўламан...

@Ummuzaynabummuijodi Ochish/sharhlash