bakiroo

2021-12-17 15:15:25 Қораўзак туманида шамол электр станциясини қуриш бўйича битимлар имзоланди

Жорий йилнинг 17 декабрь куни “ACWA Power” (Саудия Арабистони) компанияси билан Қорақалпоғистон Республикасида қуриладиган 100 МВт қувватга эга шамол электр станцияси (ШЭС) лойиҳаси бўйича битимлар имзоланди. Лойиҳа қиймати 108 миллион долларни ташкил этди.

Манба Ochish/sharhlash

2021-12-17 14:02:45 Статистика қўмитаси бизнес билан чатишиб кетган муттаҳам амалдорлар ҳимоясига чиққанга ўхшайди

Фойдаланувчилар биладики, stat.uz сайти орқали хўжалик субъекти тўғрисида маълумот олиш имкониятлари атайин чекланган. Яъни қўмита сайти юридик шахсларнинг манзили, раҳбари ва таъсисчилари билан боғлиқ маълумотларни акс эттиради холос.

Қўмитанинг сайтидан фарқли ўлароқ Orginfo.uz сайти юридик шахс, унинг раҳбари ва таъсисчиларининг аффилланган шахсларини ҳам биратўла кўрсатиш имкониятлари мавжуд. Сайт дастурчи Бобурмирзо Ҳамроқулов томонидан яратилган.

Қарангки, статистика қўмитаси Orginfo.uz сайти яратувчиси устидан ИИВга шикоят қилипти.

Шунақа чидамаслик бўладими? Бу нима ўзи? Статистика қўмитаси кимни ҳимоя қилаяпти?

Ваколатларини шахсий ва қариндош уруғи билан бойиш учун ишлатиб ётган, бизнес билан чатишиб кетган, ҳар қадами манфаатлар тўқнашувидан иборат амалдорлар кети очилиб қолаётганидан шунчалар ташвишдами?

Қачондан буён очиқ маълумотлар асосида сервис яратиш қонунбузарлик бўлиб қолди?

Уят қисқаси. Янги Ўзбекистонни шарманда қилиш учун яна нималар қилмоқчисизлар? Ochish/sharhlash

2021-12-17 13:01:10 USD/TRY -16.61

Турк лираси янги туб қидираяпти

https://t.me/the_bakiroo/3772 Ochish/sharhlash

2021-12-17 11:02:37 Asaxiy Uz дан янги акция

31 декабрьга қадар 3 ва ундан ортиқ китоб сотиб олинг ва бепул етказиб бериш хизматидан фойдаланинг. Илм олишингиз, дунёқарашингизни кенгайтириш учун сизга яна нима керак?

Қишлоқ жойларда яшайдиган ватандошларимиз бунақа чегирмалар фақат шаҳарликларга деб ўйлашаркан. Буни аҳамияти йўқ, ҳатто республиканинг чекка ҳудудларига ҳам китоб етказиб берилади.

Кўп ўйланмай, буюртма беришга шошилинг.

Буюртма бериш: https://asaxiy.uz/product/knigi

реклама Ochish/sharhlash

2021-12-17 09:32:08 Онлайн савол

Бугун соат 12:00да сенат қўмита раислари иштирокида матбуот анжумани бўлиб ўтар экан.

Менда савол бор:

Сенат раиси Танзила Нарбаева Ўзбекистонда СУД қарорисиз блокланган твиттерда доимий равишда твитлар ёзади. Менга жуда қизиқ, Танзила опа бу твитларни ким учун ёзади, ахир твиттер мамлакатимизда блокланган-ку.

Шунинг учун мамлакатимизнинг иккинчи шахси твиттерга кириб, у кишини ўқиб бориш учун қайси ВПНдан фойдаланиш бўйича Ўзбекистонликларга қандай маслаҳат бера олади? Ochish/sharhlash

2021-12-17 09:06:55 Эслатма ўрнида

Ўтмишга тош отаётганлар инобатга олишлари керакки, Халқ зеҳниятида ўлган Каримовнинг обрўси бугунги тириклардан баланд. Каррасига баланд.

Шундай экан, бугунни олқишлаш учун ўтмишга қора бўёқ чаплашга уринаётганлар ютқазаверади. Ochish/sharhlash

2021-12-17 07:08:26 Яхши лойиҳа

Тан олиш керак, янги замондаги ҳаётимизда қатор эзгу ҳаракатлар ва ўзгаришлар ҳам юз бермоқда. Бу йўлда халқпарвар ва малакали минораларнинг уринишлари йўқ эмас.

Мана масалан, Рақобат муҳитига салбий таъсир кўрсатадиган тўсиқларни бартараф этиш бўйича қарор лойиҳаси.

Ўқиган одамнинг кўзига ёш келади.

Лойиҳага кўра валюта айирбошлашга нобанк хусусий секторга рухсат берилиши кўзда тутилмоқда.

Ёки интернетга нисбатан Ўзтелеком монополиясини бекор қилишмоқчи. Виртуал мобил алоқадан фойдаланишга рухсат берилиши мумкин.

Яна бир янгилик - электр генерацияси корхоналари хусусийлаштириши режалаштирилмоқда (айтинг, айтинг, лаънати, нафратли, плутократ, ўғри муттаҳамларнинг қўлига топширилиб қолмасин, очиқ аукционларда сотилсин). Ochish/sharhlash

2021-12-16 20:24:48 Бухорода пора эвазига ҳайдовчилик гувоҳномаси олиб бермоқчи бўлган шахс қўлга олинибди. Ҳайдовчилик гувоҳномасини олишдаги бу каби коррупцион ҳолатлар кўпайса, кўпаймоқдаки, камаймаяпти.

Бу аниқлангани холос, ҳали аниқланмагани қанча бўлса. Қўлга тушган шахс пулни керакли одамга беришга улгурмай қолган, шекилли. Тизим ислоҳотларга муҳтож. Ҳар куни ўлим билан тугаётган ЙТҲлар бу борада аллақачон «сигнал» бериб бўлган. Ochish/sharhlash

2021-12-16 17:07:33 Сенатор Артикходжаев ҳоким Артикходжаевдан Қўйлиқ бозори ҳақида савол сўрамади, бошқа сенаторлар ҳам

Сенат ахборотига кўра, Тошкент шаҳар ҳокими Сенат олдида ҳисобот берган. Расмий ахборотдан ҳам, жонли эфирдан ҳам билиш мумкин эдики, Артикходжаевдан Қўйлиқ бозори ва у билан юзага келган вазият тўғрисида биронта сенатор қизиқиб ҳам кўрмаган.

Яна булар халқнинг хоҳиш-иродасини ифода этмайди, дейилса хафа бўлишади.

Муҳташам сенатимизда Тошкент шаҳридан 6та сенатор ўтиради. Сенат раиси, амалда Ўзбекистоннинг иккинчи одами Танзила Нарбаева ҳам Тошкент шаҳридан сайланган. Лекин охирги икки ҳафтада бутун Тошкентнинг ғазабини қўзғаётган воқеалар уларга мутлақо қизиқ бўлмаган.

Майда чиновникларнинг баёнотлари эса бир-бирига терс, ўзбек номенклатурасининг ўнг қўли чап қўли нима билан бандлигидан бехабар, балки бу аввалдан келишилган шундай усулдир . Биттаси чиқиб, бозорни бузиб кўприк қурамиз дейди, иккинчиси чиқиб бозор бузилмайди, дея жар солади. Кун оралатиб учинчиси чиқади, бозор бузилади, нархлар ошиши табиий, дея яна вазиятни кескинлаштиради. Бу ёқда, минглаб одамлар, уларнинг оилалари ҳадикда, хавотирда.

2.5 миллиард сўмлик совға автомашина минадиган, 500 минг сўмлик тилла юритилган сув ичадиган ўзбек чиновниклари учун, албатта, халқ субъект эмас.

Айтгандай, Артикходжаев ниҳоят мактаб муаммосини тилган олган. Унга кўра, келаси беш йилда 30 та мактаб қурилади ва мактаблар сиғими ҳозирги 332 мингдан 455 мингга етиши керак.

Лекин биронта сенатор қанақа қилиб 30 та янги мактаб сиғимни 123 минг янги ўқувчи ўрнига ошириши мумкинлигига ҳатто қизиқиб ҳам кўрмаган. Ахир уларнинг болалари, набиралари қора халқ боласи қатнайдиган давлат мактабида ўқимайди.

Айтгандай, Артикходжаев катта синф ўқувчиларини бизнесдан ижарага олинган нотурар-жойларда синф хоналари ташкил қилиш билан ҳам ечмоқчи. У омборларни назарда тутганми, стоянкаларними ёки ангарларними, номаълум. Ҳарқалай ҳалигача, ҳатто қашшоқ Африкада ҳам бизнес биноларни ижарага олиб, мактаб муаммосини ҳал этиш ҳаёлга келмаган. Бунақа ғоя фақат тилла сув ичадиганлардангина чиқиши мумкин. Ochish/sharhlash

2021-12-16 15:40:37 Эрдоган Марказий банки асосий ставкани яна туширди

Кутилганидек, Эрдоган Марказий банки 30%га яқинлашаётган инфляция ва бошланаётган иқтисодий бўҳрон хавотирларига қарамай, асосий ставкани 1 фоиз бандига, 14%гача туширди.

Бир неча миллиард долларлик интервенцияга қарамай, доллар/лира жуфтлиги 15,6гача етди Ochish/sharhlash