bakiroo

2021-12-21 07:53:03 Лира қайта тирилмоқда

Кеча тунда Эрдоган яна мурожаат билан чиқиш қилган ва қатор ваъдалар берган. Хусусан, Туркия банкларига қўйилган лирадаги депозитлар бўйича фоизларни курс фарқи "еб кетадиган" бўлса, қоплаб беришини ваъда қилган.

Шунингдек, Эрдоган экспортерларга лира курси ўзгаришидан ҳимоялаш учун NDF форвард механизмларини, инвесторларга турк облигациялари бўйича солиқни бекор қилишни, бўлажак пенсионерларга эса жамғариб бориладиган тизимда давлат қўшадиган бадал улушини 25%дан 30%гача кўтаришни таклиф этган.

Натижада кеча долларга нисбатан 18гача қулаган лира курси бугун тонгдан 13,5гача мустаҳкамланмоқда.

Ҳозирча инвесторлар ва бозор спекулянтлари Эрдоганга ишонмоқда. Эрдоган ваъдаларининг эффекти қанчагача чўзилиши мумкинлиги номаълум. Ochish/sharhlash

2021-12-20 17:45:00 Нефть яна арзонламоқда. 2022 йил прогнозлари хурсанд қиладиган эмас

Омикрон штаммининг Европа бўйлаб кенг тарқалаётгани, Нидерландиядаги локдаун ва бошқа салбий хабарлар нефть нархининг душанба кунги савдоларда 5%гача арзонлаб, 70 доллардан пастга қараб шўнғишига сабабчи бўлди.

Ғарб давлатлари омикрон тарқалиши фонида янги ва янги чекловларни қайта жорий этишмоқда, вакцинанинг учинчи дозаси олиниши вазиятни ўзгартиришга фойда беришига ишонч борган сари камаймоқда. Умумконсенсус шуки, инсониятнинг коронавирусдан халос бўлиши 2022 йилда ҳам юз бермайди.

Ғарб матботи ва экспертларининг 2022 йил масаласида иқтисодий прогнозлари скептик янграмоқда.

Қўшма штатларларда пул-кредит шартларининг қатъийлашуви иккинчи эшелондаги Россия, Туркия, Миср, Покистон каби давлатлардаги бусиз ҳам мураккаб аҳволни оғирлаштириши баён этилмоқда.

Хусусан, қўшимча санкцияларсиз ҳам долларнинг рублга нисбатан қиймати 78 гача етишини қайд этилмоқда. Туркиядаги таназзулнинг фақат сиёсий ўзгаришлар ечимигина қолганлиги айтилаётганини ҳисобга олмаса, чораклик, ҳатто ойлик прогнозлар қилишга ҳам экспертларда журъат етаётгани йўқ. Ochish/sharhlash

2021-12-20 17:30:00 ​«Azbobooks»дан 31 декабрга қадар 3 ва ундан ортиқ китоб олиб, 15 % лик чегирмага эга бўлишга улгуриб қолинг!

Вақт борида фойдали асарларни ўқиб, билимингизни оширинг!

1. Эшли Вэнс: Илон Маск. Tesla, SpaceX ва келажак сари йўл - 79000 сўм
2. Дункан Кларк: Alibaba. Жек Ма бунёд этган маскан - 45000 сўм
3. Жереми Дронфид: Отасининг ортидан Освенцимга кетган бола - 55000
4. Жим Коллинз: Яхшидан буюкка (Good to great) - 69000 сўм
5. Жюль Пайо: Ирода тарбияси - 49000 сўм
6. Аҳмад Муҳаммад Турсун: Дунёни тебратган 7 буюк - 59000 сўм
7. Омина Шенликўғли: Исканжа - 33000 сўм
8. Андрей Парабеллум: Қоидаларсиз бизнес - 55000 сўм
9. Евгений Замятин: Биз (антиутопик роман) - 39000 сўм
10. Энтони Бёржесс: 1985 - 49000 сўм
11. Григорий Петров: Оқ нилуфарлар юртида - 39000 сўм
12. Филип Котлер: Маркетинг А дан З гача. Ҳар бир тадбиркор ва менеджер билиши зарур бўлган 80 концепция - 49000 сўм
13. Жон Девидсон Рокфеллер: Миллиардернинг хотиралари - 44000 сўм
14. Сет Годин: Бинафшаранг сигир (Бизнесни таниқли қилиш бўйича) - 49000 сўм
15. Сет Годин: Буни маркетинг дейдилар - 69000 сўм

Юқоридаги рўйхатдан исталган 3 та ва ундан ортиқ китобларни бир вақтда 15 фоизлик чегирма билан харид қилинг! Буюртмангиз бутун Ўзбекистон бўйлаб етказиб берилади.

Буюртма учун:
Телефон: +998555000207
Телеграм: @azboboooks

@azbouzshop - энг сара китоблар дўкони! Ochish/sharhlash

2021-12-20 15:55:27 Захираларимиз таркибида олтин камайди, валюта кўпайди

Ноябрь ойи давомида халқаро захираларимиз таркибидаги олтиннинг физик ҳажми 0,7 миллион унцияга ёки 21,7 тоннага камайган. Қийматдаги ҳажми эса 1,2 млрд.доллардан кўпроққа қисқарган. Эҳтимолки, ноябрдаги қулай нарх конъюнктурасидан фойдаланилиб, катта миқдордаги олтин сотилиши амалга ошган.

Ушбу эҳтимолни валютадаги активлар қиймати қарийб 800 миллион долларга ортгани ҳам қувватлайди.

Умуман олганда, 1 декабрь ҳолатига халқаро захираларимиз 34,7 миллиард долларни ташкил этган. Ochish/sharhlash

2021-12-20 15:46:26 Apelsin Тошкент ёшлар форуми — 2021 расмий ҳамкори ва ҳомийси сифатида иштирок этди. Шунингдек банк бошқаруви раиси Сергей Гимадиев молиявий саводхонлик ва рақамли банк тизимида ишлаш мавзусида нутқ сўзлаб, ёшларнинг молиявий саводхонлигини оширишда кўмаклашди.
Реклама Ochish/sharhlash

2021-12-20 15:05:41 Эрдоганнинг ҳар бир чиқиши Туркияга жуда қимматга тушмоқда

Эрдоганнинг кеча, якшанба оқшомидаги чиқиши, айниқса диний эътиқодда юқори ставкалар буюрилмагани ҳақидаги сўзлари яна акс реакция берди. Фақат жамоатчиликда эмас. Бозорларда ҳам.

Бугун кун давомида доллар курси лирага нисбатан 17,70гача кўтарилди.

Иқтисодий таназзул ижтимоий таназзулга қараб кетмоқда. Ochish/sharhlash

2021-12-20 14:42:44 Форумлар қанчага тушаётганини жамоатчилик билиши керак!

2021 йил форумлар йили бўлди роса. Айниқса ёшлар билан боғлиқ форумларнинг шовқини-ю, кўлами, дабдабаси бир-биридан ўтмоқда.

Лекин форумларнинг бюджети қанчага тушаяпти, тўлови-ю, товони кимнинг гарданига ўтираяпти, деган саволлар очиқ қолмоқда.

Бугун «Тошкент ёшлар форуми – 2021» давомида Артикходжаевга бу ҳақда берилган савол ҳам яна очиқ қолипти.

Жамоатчилик, солиқ тўловчилар нафақат форумларнинг қайси манбалар ҳисобига молиялаштирилаётгани, балки маблағлар кимлар томонидан ва қай тариқа ўзлаштирилаётганини ҳам билиши лозим.

Яъни форумларнинг кирим манбалариям, чиқим каналлариям тўлиқ очилиши керак. Айниқса Янги Ўзбекистонда осон ўзлаштириладиган маблағларга айнан кимлар ўчлиги инобатга олинса. Ochish/sharhlash

2021-12-20 14:26:55 Сўнгги пайтда Тошкент жамоат транспортида тўловларни Visa картаси орқали амалга ошириш оммалашибди. Кунлик транзакциялар сони 500дан 7000гача ошган.

Ноябрда йўлкирани Visa карталари орқали тўлаш ҳолатлари 140 мингдан ошди, бу эса октябрдаги кўрсаткичлардан 61%га кўп. Сентябрь-ноябрь ойларидаги кунлик транзакциялар сони эса 1400%га ошди.

АТТО таҳлилчилари кескин ўсишни ҳамкорликдаги акциянинг йўлга қўйилиши билан изоҳламоқда, унинг шартига кўра, жамоат транспортида ҳаракатланиш учун Visa International орқали тўлов қилиш 30%га арзонроқ тушади.

Telegram | Facebook | Instagram | реклама Ochish/sharhlash

2021-12-20 12:29:15 UzAuto Motors, катта эҳтимол, автомобиллар нархини ошириш учун контрактацияни тўхтатган

Гарчи расмий баёнотида логистика билан боғлиқ муаммолар ва яримўтказгичлар етишмовчилигини кўрсатган бўлсада, автомобиль сотиб олиш учун буюртма олишнинг тўхтатилиши нархни оширишга тайёргарлик доирасидаги ҳаракатларнинг боши бўлиши мумкин.

Чунки, биринчидан, ўзингиз ўйланг, яримўтказгичлар етишмовчилиги ва логистика масаласи фақат UzAuto Motors бошига тушгани йўқ. Дунёдаги барча автомобиль ишлаб чиқарувчилар бу муаммо билан рўпара келиб ишлашда давом этмоқда, уларнинг ҳеч бири буюртма 40 кунга тўхтатилади, дея истеъмолчилар юзига тупуриб қўйгани йўқ.

Иккинчидан, гарчи ўтган йилги кўрсаткичлардан ортда қолаётган бўлсада, UzAuto Motors ойма-ой ишлаб чиқариш ҳажмини фақат ошириб бормоқда. Солиштириш учун июнь, июль ва августда 44 654 та автомобиль ишлаб чиқарилган бўлса, сентябрь, октябрь ва ноябрда ўтган 3 ойдан 55% кўпроқ, 69 078 дона автомобиль ишлаб чиқарилган. Ишлаб чиқариш ортгани учун автоларга навбат ҳам қисқариб бораётган эди.

Учинчидан, UzAuto Motors гарчи ўзбекистонлик истеъмолчиларга чайса қилиб тупуриб қўйиб, буюртма олишни тўхтатган бўлса-да, экспортни бир дақиқа ҳам узгани йўқ. Автомобиль экспорти ойма-ой ўсмоқда, компаниянинг асосий экспорт бозори - Қозоғистонда биринчи рақамли сотувларга эришаётганини мақташдан чарчагани йўқ. Ҳозир, айни дамда ҳам Қозоғистондаги салонлардан Нексия-3, Кобальт, Спарк ё Ласеттими, исталган ранги ва комплектациясида, хоҳласангиз кредитга ва рассрочкага олиш мумкин.

Тўртинчидан, монополист ҳар гал нарх оширишдан аввал контрактацияни тўхтатади, 2020 йил мартда ҳам, 2017 йилда ҳам ундан аввал ҳам ҳамиша шундай приём қўлланиб келинган. Қўшимча ажиотаж, ваҳима ва қарабсизки, истеъмолчилар якунда нарх оширилишига тайёр бўлиб пишиб боришади. Бу сафар ҳам баҳона тайин бўлади, доллар ошиши, иш ҳақи ошиши ва эҳтиёт қисмларнинг ошиши деган корсонларни эшитишга тайёр туринг.

Бешинчидан, UzAuto Motors ҳукуматнинг севимли арзандаси. Унга нисбатан ҳеч қандай антимонополия чоралари ва тадбирлари қўлланилмайди. Жазони қўя туринг. Шундай экан, нега лаънати арзанда нархни оширмаслик керак? Халқ қанча кўп танловсиз қолса, қанча қашшоқланса, шунча яхши.

Шундай экан, монополист келаси йил 1 февралдан сотув ойналарини очганда, оширилган нархларни кўришга ўзингизни руҳан тайёрлаб бораверинг. 2022 йилда ҳали кўп сюрпризлар бўлади.

@the_bakiroo Ochish/sharhlash

2021-12-20 09:39:57 Миллиардерлар бойишда давом этмоқда: Ғарбда ҳам Россияда ҳам

Йил якунланишига 10 кун қолганда Bloomberg нашри миллиардерлар индексини эълон қилди.

Индекс очиқ бозор ва фонд биржаларида котировка қилинадиган активларни инобатга олган ҳолда тузилади.

Индексга кўра, ТОП-10 миллиардерларнинг барчаси 2021 йил жуда мураккаб келганига қарамай, ўз бойликларини янада оширишган. Дастлабки ўнталикнинг тўққизтаси америкаликлар.

Рўйхатга кирган топ россиялик миллиардерлар ҳам бойликларини кўпайтиришга муваффақ бўлишган. Эътиборлиси 2021 йилда энг кўп ўсишга эришган миллиардер - Путиннинг ошнаси Геннадий Тимченкодир. Ochish/sharhlash