bakiroo

2021-12-28 11:12:55 "ЕОИИга кириш ташқи савдо сиёсатидаги мустақилликдан воз кечилишини англатади"

Жаҳон иқтисодиёти ва дипломатия университети профессори, Марказий банк бошқарувининг мустақил аъзоси, Ўзбекистондаги аксар иқтисодчи ва молиячилар учун устоз ҳисобланган Нишонбай Сирожиддинов ЕОИИга аъзолик тўғрисидаги фикрлари билан ўртоқлашган.

Домла ўзига хос босиқлик ва вазминлик билан ташкилотга аъзоликнинг Ўзбекистон учун фойдали ва зарарли оқибатлари ҳақида мулоҳаза юритган.

Домланинг фикрларини МFactor лойиҳасининг телеграм каналида тинглашингиз мумкин.

Кунўз домла билан суҳбат ёзувларини матнга туширган.

Фарқи йўқ, сиз Россияда меҳнат мигрантимисиз, ё деҳқон-фермермисиз ёки ҳукумат аъзосимисиз. Албатта эшитинг ва ўқинг.

Чунки ЕОИИга аъзолик бадали келажак авлодларимизга ҳам ўтадиган бадал бўлади. Авлодлар бизни лаънатламасин. Ochish/sharhlash

2021-12-28 10:46:27 Парламент ҳукуматнинг иловаси экани ҳақида

Сайланган депутат Кушербаев ёзаяпти:

"Қанча ҳаракат қилмайлик сув таъминоти масаласида янги Ўзбекистондаги эскича қараш қолди. Яъни, сув ҳисоблагичларни ўрнатиш, ҳисобини юритиш, аварияни бартараф этиш ва ҳоказо мажбуриятлар сув таъминоти корхонаси эмас, истеъмолчи бўйнига илинди".

Нормал давлатларда ҳукумат Парламентнинг ҳосиласи, шунинг учун ҳам бу давлатлар нормал.

Ўзбекистонда эса Парламент Ҳукуматнинг иловаси. Шунинг учун ҳам бу Ўзбекистон. Ochish/sharhlash

2021-12-27 14:29:59 Уйингизга Технопарк счетчиги ўрнатилмаганми? Сиз кўп қувонаверманг!

Шу бугунда, айниқса ҳаво совуб кетган кунларда аҳолининг дод-войи газ йўқлигида деб ўйлайсизми? Бўлиши мумкин, балки бу ҳам муаммодир. Лекин масалан, Тошкент ва йирик шаҳарларда газ бор, босими ҳам етарли, лекин Технопарк деган бало счетчик газ йўқлигидан ҳам ортиқроқ балога айланган.

Мана бу ерда шўр пешонасига Технопарк деган бесўнақай, каррасига қиммат, фойдаланувчилар учун барча ноқулайликлар қилинган счетчик ўрнатишга тўғри келганларнинг оғир дарди билан танишишингиз мумкин. Дод-войлар товушини эшитаяпсизми? Дўзахдан ҳам шунақа товушлар эшитилса керак!

Ўтган йилги қарорга кўра, газ ҳисоблаш счетчикларини ўрнатиш 2021 йил 1 августда тугалланиши керак эди. Камида 177,5 миллион долларлик пул ўзлаштирилган лойиҳа (бу жалб қилинган тижорий кредитларсиз) ҳеч бир танловсиз ва тендерсиз Тошкент шаҳар ҳокимлигининг ўнг чўнтаги ҳисобланган "Технопарк" МЧЖга топширилган.

Ҳозир айрим юртдошларимиз, яхшиям счетчикларни ўрнатиш ишлари ўз вақтида бажарилмагани, дея суюниб ўтирган бўлишлари мумкин. Кўп қувонманг, сизгача ҳам етиб боришади.

Айниқса кўп қаватли уйларда ўтирганлар ва газни фақат овқат тайёрлашга ишлатадиганлар, сизларга биринчи навбатда Технопарк счетчиклари ўрнатилади. Чунки Технопарк счетчикларини ўрнатишдан тугал мақсад газ истеъмоли ва ҳисоб-китобларни тўғри ташкил этиш эмас, Технопарк счетчикларини ўрнатиш орқали пул ўзлаштириш!

Айтишларича, лойиҳа бошлангандаёқ, энергетика тизимидаги мутахассислар кўп қаватли уйлардаги истеъмолчиларга Технопарк счетчикларини ўрнатиш маънога эга эмаслиги ва бу ҳаракат иқтисодий жиҳатдан ўзини оқламаслиги ҳақида кўп огоҳлантиришган. Лекин Янги Ўзбекистонда мутахассис ва экспертларнинг гапига ким қулоқ солади? Муҳими садоқатли лакейлар ва хўб бўлади дегувчи шотирлар-ку.

Пойтахт ҳокимлигининг эълон қилинган режаларига кўра ҳам, 448 073та кўп қаватли уйлардаги хонадонларга Технопарк счетчиги ўрнатилиши керак. Фақат овқат тайёрлаш учун йилига нари борса 40-50 минг сўмлик газ ёқадиган маиший истеъмолчиларга ўрнатилган шартли 1 миллион сўмлик Технопарк счетчиги неча йилда ўзини оқлайди?Оқлайдими ўзи!? Ўзингиз бир ўйлаб кўринг!

Яна қайтараман:

Технопарк счетчикларини ўрнатишдан тугал мақсад газ истеъмоли ва ҳисоб-китобларни тўғри ташкил этиш эмас, Технопарк счетчикларини ўрнатиш орқали пул ўзлаштириш!

@the_bakiroo Ochish/sharhlash

2021-12-27 12:34:45 Ташқи қарз ўсишда давом этмоқда, хусусий қарз эса янада тезроқ

"Фискал қоидалар" билан чекланган давлат қарзининг ўсиши бирмунча тийилган шароитда, йил бошида кутилганидек, хусусий қарзни жамғаришга ўта фаол киришилган.

Ўтган 9 ойда давлат ташқи қарзи 7,2%га ўсган бўлса, хусусий дейилган ташқи қарз 2,5 баробар тезроқ суръатда 17,7%га кўпайган. Жами ташқи қарзимиз 37,6 миллиард долларга етган. Бу кутилаётган ЯИМнинг 55 фоизидан зиёд.

Ўзбекистон мисолида хусусий қарз атамаси туб маъносига эга эмас. Аслида бу давлат корпоратив қарзлари дейилса ўринли бўларди. Чунки хусусий дея аталадиган таснифдаги қарзлар давлат назорати остидаги банклар, энергетика, нефть ва кимё компаниялари ҳиссасига тўғри келади.

Ўтган 9 ойнинг ичида хусусий дейилган сектор 4,7 миллиард доллар миқдорида ташқи қарз жалб қилган. Уларнинг қарийб ярми давлат банкларига, чорак қисми нефтгаз ва энергетика соҳасига тўғри келади.

Ҳозир парламент муҳокамаларидан ўтаётган "Давлат қарзи тўғрисида"ги қонун лойиҳасига, давлатнинг шартли мажбуриятлари ёки давлат улуши 50 фоиздан юқори бўлган корхоналарнинг давлат кафолатисиз жалб қилган қарз маблағларининг йиллик лимити ҳам қўшилиши керак. Ochish/sharhlash

2021-12-27 08:29:46 Депозитлар ҳосили мўл бўлган йилда тенденция ўзгармаган: хусусий банклар яхшироқ депозит жамғаришмоқда

Ўтган 11 ойда тижорат банкларининг депозит портфели 25%га ўсган (чакана депозитлар 25,0%га, корпоратив депозитлар 25,1%га). Бунда давлат банкларида депозитлар атига 15,3%га ўсган бўлса, хусусий банкларда 47,4%га ўсиш кузатилган.

Яъни, гарчи юз бераётган трансформация жараёнларига қарамай, давлат банкларининг тижорийлик фаоллиги, рискка мўлжалланган ориентирлари хусусийларникидан жуда паст даражада қолмоқда.

2021 йил фискаль каналларнинг депозит базасини ўсишида ўрни жуда юқори бўлди. Лекин шундаям, тақсимотда биринчи занжирда бўлишига қарамай бозорнинг 85%ини назорат қиладиган давлат банклари депозит жамғаришда хусусий банклардан ортда қолган.

2та давлат банкида йил бошига нисбатан депозитларнинг камайиши қайд этилган (Ўзсаноатқурилишбанк ва Ўзагроэкспортбанк). Учинчи энг ёмон кўрсаткичга эга Халқ банкида атига 13,5% ўсиш юз берган.

Хусусий банклар орасида йил бошидан буён нисбий ўсишда энг юқори кўрсаткичлар бозорнинг янги ўйинчилари Тибисибанк, Анорбанк ва Тенге банкка тегишли.

Миқдорий ўсишда ТОП-3таликни Капиталбанк, Трастбанк ва ЎзКДБ эгаллаган.

Банклар орасида яна бир тенденция кузатилмоқда. Банклар аста секин корпоратив ёки чакана сектор томон устуворликни танлаб, ориентирларини қатъийроқ белгиламоқда. Масалан, корпоратив секторда ҳаддан зиёд катта ўсишга эришган Капиталбанк, Трастбанк ва ЎзКДБбанк келаси йил ҳам корпоратив секторда фаолликда қолишса керак. Аксинча, 2021 йилда айрим банкларда чакана сектор корпоратив сектордан юқорироқ ўсган. Булар онлайн Тибиси банк, Анорбанк ва давлат назорати остидаги Туронбанк. Ochish/sharhlash

2021-12-26 08:51:40 ​Ишонаверинг: 40 кунда 82 миллион кўчат экилган

Зарбдор 40 кунлик деб эълон қилинган даврда 82 млн 273 минг туп кўчат экилганлиги маълум қилинипти.

Кўчатлар қайси маблағлар ё манбалар ҳисобига экилгани, улар импортми ё маҳаллий кўчатларми ва бу умумий миқдорда қанчага тушгани ҳақида ахборот очиқланмаган.

Ўзингизга тасаввур этишингиз учун, 82 273 минг кўчат экиш учун 20 568 250 киши соат вақт кетган, бу кўчатларни етказиш учун камида 9 615та контейнер ёки шу эквивалентдаги транспорт керак бўлади.

Айтишларича, кўчат экилган майдонлар, уни эккан ва тасарруфга олган субъект, суғориш тизими, фотосурат ва жойлашув локацияларни ўз ичига олган “Yashil makon” ягона электрон базаси шакллантирилипти.

Нега бу базага очиқ доступ йўқ? Кўрайлик, 82 миллион кўчатни кимлар экканини, кўчатлар қандай суғорилишини, баҳор-ёзга келиб унган ё унмаганини. Ochish/sharhlash

2021-12-25 19:36:41 VPN қутиси устидаги опа ким?

Тик-ток учун эшик очаетган-чи?

Кўзимга жуда таниш кўринишди.

https://t.me/habikatura/830 Ochish/sharhlash

2021-12-25 15:51:35 "Аи-80 бензинининг номи ва нархи бор, аммо ўзи йўқ"

Тош отиш қулай ва урф бўлган эски даврда арзон бензин фақат Тошкентда бўларди. Вилоятларда нархлар қимматлиги учун хусусий киракашлар Тошкентдан бензин ташиш билан ҳам машғул бўлишарди.

2021 йил эски даврнинг шу ажойиб анъанаси яна тикланди. Пешонамизга тамға бўлиб битган АИ-80 бензин фақат янги Ўзбекистоннинг ялтироқ прилавкасига айланган Тошкентда бор. Вилоятларда йўқ, бўлса ҳам нархи пойтахтдагидан анча қиммат.

Дарёўз монополист Ўзбекнефтегазнинг мазкур иккиюзламачи сиёсатини ўрганиш учун Қарши шаҳридан репортаж тайёрлапти.

"Аи-80 маркали бензин ҳатто тугаб қолган бўлса ҳам, унинг 6500 сўм экани, нархнинг тушгани ёзилиб туриши керак".

"Мазкур муаммони ёритмасликни маслаҳат берган Шароф Ғаниевнинг айтишича, Аи-80 бензини уларга айнан Тошкент шаҳридан олиб келинади".

"Нархни мажбуран арзон қилиш билан иш битмайди. Фалон сўмда сотасан дейишсаю, у нарх қопламаса. Яъни Тошкентдан шу маркали бензинни олиб келиш харажатлари ошиб кетса, қандай қилиб арзон нархда сотиш мумкин". Ochish/sharhlash

2021-12-25 08:00:16 Йил якунларига қараб кредитлаш фаоллашмоқда

Ўзбек банк тизимининг ички анъаналарига кўра, йил якунлари яқинлашган сайин кредит фаоллиги ортиб бораверади.

Ноябрь ойида, ўзбек банкларининг кредит портфели 4,6 трлн сўмга ёки 1,5%га ўсган.

Давлат банкларида агрессив кредитлаш Миллий банк, Қишлоққурилишбанк ва Алоқабанкда кузатилган.

Хусусий банкларда, топ ўнталикда кредитлашнинг атипик фаоллиги Ҳамкорбанк, Капиталбанк ва ЎзКДБ банкда қайд этилган.

Онлайн банклар ҳам фаоллигини давом эттиришмоқда. Анорбанк (68 млрд.сўм) ва Тибиси банк (70 млрд.сўм) деярли тенг миқдорда миқдорий ўсишни таъминлашган бўлса-да, ноябрда туғилган Апельсин банк ҳали "онасидан" мустақил кредит фаоллигини бошламаган.

Банк тизимида муаммоли кредитлар қолдиғи бироз ўсган бўлсада (+375 млрд.сўм), унинг кредит портфелидаги улуши деярли ўзгармаган (5,7%).

Муаммоли кредитлар қолдиғи мутлақ ўсиши фақат давлат банклари, улар ичида эса асосан Туронбанк, Ипотекабанк ва Миллий банк ҳиссасига тўғри келган. Ochish/sharhlash

2021-12-25 06:03:01 Янги иссиқлик электр станциясини ишга тушириш учун синов-созлаш ишлари олиб борилмоқда

Якин 7-8 кун ичида электр станция Ўзбекистоннинг ягона электр тармоғига уланиб, қувват узатишни бошлайди.

Электр станцияси ишга туширилиши натижасида йилига 3,9 миллиард киловатт-соат электр энергияси ишлаб чиқарилади.

Манба Ochish/sharhlash