TentakMinds

2022-10-30 10:14:23 Ўзбекистонда ёмғирли ҳаво бўлаётган экан. Мен эса чексиз океан қирғоғида эркинлик қўшиғини эшитмоқдаман...

Бугун видеоалоқа орқали мажлисга чақирилганлар, тайинли иши бўлмаса ҳам ишхонада ўтирганлар, якшанба куни раҳбарига борт беришга духи етмаганлар, сиз бу қўшиқни эшитманг.

Бу қўшиқ инсон эркинлиги ҳақида. Сизни йиғлатиши мумкин.

Менга ўхшаб қўшилиб айтадиганлар бўлса мана матни:

On a wagon bound for market
There's a calf with a mournful eye
High above him there's a swallow
Winging swiftly through the sky
How the winds are laughing
They laugh with all the their might
Laugh and laugh the whole day through
And half the summer's night
Donna Donna Donna Donna
Donna Donna Donna Don
Donna Donna Donna Donna
Donna Donna Donna Don
"Stop complaining", said the farmer
Who told you a calf to be
Why don't you have wings to fly with
Like the swallow so proud and free
How the winds are laughing
They laugh with all the their might
Laugh and laugh the whole day through
And half the summer's night
Donna Donna Donna Donna
Donna Donna Donna Don
Donna Donna Donna Donna
Donna Donna Donna Don
Calves are easily bound and slaughtered
Never knowing the reason why
But whoever treasures freedom
Like the swallow has learned to fly
How the winds are laughing
They laugh with all the their might
Laugh and laugh the whole day through
And half the summer's night
Donna Donna Donna Donna
Donna Donna Donna Don
Donna Donna Donna Donna
Donna Donna Donna Don

@tentakminds Ochish/sharhlash

2022-10-29 11:55:16 МДҲ давлатлари ўртасида ўзаро мулоқот тақчиллиги, беқарор стратегиялар даврида ўзаро ишонч камайгани хақида шу пайтгача фақат давлат раҳбарлари гапирарди.

Куни кеча МДҲ парламентлараро ассамблеяси 54- ялпи мажлисида Танзила Норбоева ҳам шу маънода таклиф билдирибди.

Яхши қадам, дадил қадам. Давлат, хукумат, парламентлар даражасидагина эмас, вазирликлар, ҳокимликлар, ташкилотлар ўртасида ҳам жипслашиш ҳақида гапиравериш керак.

Қанча кўп учрашилса кўз орқали меҳр кучаяди. Бўлмаса, орқадан бир-биримизга тош отиб юраверамиз. Бундан эса фақат ютқазамиз.

Аслида, Марказий Осиё, боринг ана МДҲ давлатлари бир ёқадан бош чиқарса манаман деган империяни духига ўтқазиб қўяди.

@tentakminds Ochish/sharhlash

2022-10-29 10:51:15 Бирдан айтиб қўя қолай. Бу пост учун пул олганим йўқ.

Маърифат, илм учун керак бўлса сармоя киритаман, лекин тўловга реклама қилмайман.

Менга жамиятнинг маърифатга юз буриши - пулдан кўра муҳимроқ!

149 000 = 2 кишилик овқат (5 соатга етади)
149 000 = 5 та жаҳон бестселлери (бир умрга етади)

Танлов сиздан: http://asaxiy.uz/u/635bd2eb0fe33

@tentakminds Ochish/sharhlash

2022-10-28 15:46:48 Сакрамаё йиқиласано

Термиз Ёшлар маркази олдидаги пиёдалар йўлагига ҳам тўсиқ ўрнатиб кетибди азаматлар.

"Катта" келса отилиб чиқмасин дедимикан-а? Ё, актда ёзилган сонига тўғри бўлсин, дедимикан? Ё, ҳар на битта чойхона пули бўлади, дедимикан?

Ҳа, топдим! Ёшлар маркази ёнида ёшлар юради. Булар сакраб ўтсин, сал қони юришади, деган.

Шу ердаям, келажак авлодни ўйлаганлардан ўргилиб кетай.

@tentakminds Ochish/sharhlash

2022-10-28 12:46:45 Негааа?

Ростини айтсам, бизнинг жамиятда мен тушунмайдиган жуда кўп нарсалар бор, баъзан бундай ишларга мантиқ қидириб узоқ ўйлайман, лекин барибир жавоб тополмайман.

Халқ таълими вазирлигига элчининг вазир бўлишини мен тушунмай ўлиб кетсам керак. Шу вазир келгандан бери Халқ таълимида нима ўзгариш бўлди? Бу умуман жавоби йўқ савол.

АКТ вазирлиги ва Инновация вазирлигини нега ҳали ҳам бирлаштириб юборишнинг иложи йўқ? Мана инновациялашиб кетдикми? Вазирлик ўзига ҳайҳотдай бино қуришдан бошқа нима иш қилди? Шу вазирлик йўқ деб тасаввур қилсак, нима йўқотамиз?

Битта одамнинг шунчалик кўп жияни бўлиши мумкинми? Қаерда борсанг, ҳа, бу каттани жияни, ҳа, бу келинойининг жияни, ҳа, бу жияннинг жияни? Жиянлар ҳам кўп экан-да…

Ҳалиги ҳалоллик вакцинаси ишлаб чиқилмадими ҳали? Шу вакцина ишлаб чиқарадиган завод ўзи ёпилиб кетмадими? Йўқ, ўзи очилдими? Менга шу савол ҳали ҳам кечалари уйқу бермайди?

Конституциявий суд Ўзбекистонда бор деб эшитганман, сиз ҳам эшитган бўлсангиз керак? Шу суд ақали битта бўлса ҳам конституцияга зид қонунни бекор қилдими ёки йўқми? Бир устозим айтган эди Конституциявий суд қарияларнинг оёқни узатиб, аччиқ кўк чойни ичиб қарилик гаштини сурадиган жой деб.

@tentakminds Ochish/sharhlash

2022-10-28 08:25:23 Қўрқув диктаторлари ва ёлғон диктаторлари.

Агар 20-асрнинг 90-йилларигача бўлган даврга қарайдиган бўлсак, у пайтда асосан қўрқув диктаторлари жуда кучга айланган, Сталин репрессияси бўладими, Саддам Ҳусайннинг қатлиоми бўладими ёки Африка давлатларидаги геноцид бўладими, барчаси асосий нарса халқни қўрқувда ушлаб туриш сиёсати бўлган.

Ҳалиги қўрқса, ҳурмат қилади дейишади-ку, лекин 2000-йиллардан кейин техника ва интернет ривожланган сари қўрқув билан халқни ушлаш қийин бўлиб қолди, энди диктаторлар ўз йўналишларини ўзгартиришга, балки оддий халқ пайдо бўладиган ижтимоий тармоқлар орқали назоратни қўлга олишга ҳаракат қилади.

Ёлғон диктаторларнинг энг асосий қуроли кўргазма, популизм, улар аслида олдинги диктаторлар қилган асосий иш, яъни ўзи ва яқинлари учун халқ бойликларини ўғирлашга катта дарвозани очиб қўяди, лекин бунда очиқ қўрқитишдан кўра халқнинг кўзини шамғалат қилиб туриш асосий фокус ҳисобланади.

Оммавий ахборот воситалари, блогосфера, бошқа нашрларни пул билан ушлаб туришга жуда катта сарф харажат қилинади ва энг асосийси оммавий нашр ва блогерларнинг барчасига сўз эркинлиги, яна бир нималар деган демократиянинг қайсидир майда хусусиятлари сингдирилади ва асосий иш айнан шу нашрларни бошқариш бўлиб қолади.

Кўзбуямачилик ёлғон диктатуранинг асосий воситаларидан бири, бундай кўзбуямачилик учун диктаторлар кўпинча диний маскани тақиб туришларига тўғри ҳам келади.

@tentakminds Ochish/sharhlash

2022-10-28 05:53:20 Рамзан Қодиров Херсон яқинида чечен аскарларининг 23 нафари ҳалок бўлгани ва 58 нафари жароҳатлангани ҳақида хабар берди. Унинг сўзларига кўра чеченлар жиҳодда қатнашаётган экан ва иблисга қарши курашиб ҳалок бўлганлар жаннатга кетар эмуш.

Иккита христиан уруш қилади, мусулмон жиҳод қилиб жаннатга кетар эмиш. Дин билан одамларни манипуляция қилиш жуда зўр қуролда, айниқса уруш пайти.

Рамзаннинг тиктокер жангчилари эса нимага, ким учун жанг қиляпмиз деган саволни бера олмайди, чунки мияси зомбилаштирилган.

Қани, соқолтойлар ҳужумга.

@tentakminds Ochish/sharhlash

2022-10-27 10:40:47 Чучварани хом санабман

Россиядан руслар қочгач, қолган ўзбеклар урушга чақирилади. Орёл шаҳридаги чиқиндини қайта ишлаш заводидаги 50 кишига чақирув қоғози келибди.

Улардан 28 таси ўзбек. Жамшид, Улуғбек, Турдиқул ҳайратда. Ахир биз тирикчиликка келганмиз, урушга эмас, биз солиқ тўлаяпмиз деб фиғони фалакда.

Хуллас, жўралар, оғайнилар. Урушга етакласа кетаверманг. Ўзи "хўп" деб эргашиб кетаверганимиз учун шу аҳволга тушдик.

Чақирув қоғози - ажалга йўлланма, саёҳат чиптаси эмас. Бу ҳолатда дарҳол элчихона ва консулликка мурожаат қилинг.

@tentakminds Ochish/sharhlash

2022-10-27 10:05:22 Сурмоқ истайдур кангул

Тескари стандартлар дунёсида яшаяпмиз. "Суриш керак" ибораси бизда трендга чиқди, бироқ Россияда суриш амалда трендга чиқди.

Ҳатто сурганлар қаҳрамон, уддабурон, қолганлар эса қўрқоқ ва лох деб атала бошланди.

Айтишларича, ноябр декабр ойларида Россиядан Ўзбекистонда келувчилар оқими яна ортармиш. Грузияда эса 120 минг ўрис "сургун" яшамоқда. Бу суришда Россияда фақат ўзбеклар қолади шекилли.

@tentakminds Ochish/sharhlash

2022-10-26 18:32:00 Қуллик қилишимга ҳалақит қилманг.

Қулликка мойил одамлар доимо ўзгача хулқ-атворни кузатишингиз мумкин, улар ўзларидан каттароқ ёки бойроқ одам келиб қолса, албатта қуллуқ қилиб туришади, қуллик уларнинг қон-қонига сингиб кетган.

Уларнинг қаршисида оддий ўзига ўхшаган одам турганини умуман ҳис қилишмайди, барчаси унутилади ва бутун тана билан бирга мия ҳам бу катта хожа, унга қуллуқ қилиш керак деган ғоя билан ҳаракатланади.

Америкада фуқаролик уруши вақтида шимолликлар жанубдаги қулларни қутқаришга келишганда озод бўлган қуллар нима қилишларини билмай қолишган ва уларнинг кўпчилиги яна жанубий штатларга ўтиб қул бўлишда давом этишган.

Ҳатто шимолликларга қараб “қуллик қилишимизга ҳалақит берманг” деб хитоб ҳам қилишган. Шунинг учун баъзи одамларнинг дунёқарашини ўзгартираман, уни ўзи яшаётган қулликдан озод қиламан деб хомхаёл қилманг, уларга қуллик қилишга ҳалақит қилманг, улар қул бўлиш учун туғилишган.

@tentakminds Ochish/sharhlash