2023-11-20 15:47:27
Andijonlik o‘qituvchi maoshidan a’lochi o‘quvchilariga stipendiya berdi Andijon viloyati, Marhamat tumanidagi 6-umumta’lim maktabi o‘qituvchisi
Yorqinoy Mamatisaqova a’lochi o‘quvchilari uchun
«Ustoz stipendiyasi»ni «joriy qildi».
Qayd qilinishicha, 30 yildan buyon rus tili va adabiyoti fanidan o‘quvchilarga saboq berib kelayotgan pedagog
xorij tajribasini o‘rganib, undan o‘zi ta’lim beradigan 10-«B» sinfida foydalangan. Jumladan, 1-chorak yakuni bo‘yicha
4 nafar a’lochi o‘quvchini aniqlab, ularga
sinf rahbarligi uchun to‘lanayotgan maoshidan «Ustoz stipendiyasi»ni bergan. Shuningdek, yana 12 nafar a’lochi o‘quvchilarni taqdirlagan.
Xabarda sinf rahbarligi uchun belgilangan maosh va «Ustoz stipendiyasi» miqdori qancha ekani haqida ma’lumot berilmagan. Mana bunday tashabbuslar olqishlarga loyiq. O‘zi
eng qiyin kasblardan biri bu ustozlik. Ayniqsa, maktabda dars berish muallimdan bilimdan tashqari, mustahkam asab, sabr talab qiladi. Ularga to‘lanayotgan oylik haqida esa gapirmasa ham bo‘ladi
(balki shuning uchundir, maktablarda erkak o‘qituvchilar kamayib ketgan). P.S.: Xorij tajribasini o‘rganib, bo‘lar-bo‘lmas tashabbuslar o‘rniga mana shunaqa motivatsiya beruvchi yangiliklar qilsa bo‘lar ekan-ku. Men bo‘lganimda shu o‘qituvchini o‘zini ham rag‘batlantirardim. Nima dedingiz...?
TalabaYoshlar –
Sahifamizga obuna bo‘ling
16.5K viewsedited 12:47