Qonunchilik.uz

2023-01-14 05:27:22 O'zbekiston Respublikasi Qurolli Kuchlari tashkil etilganining 31 yilligi hamda Vatan himoyachilari kuni muborak bo'lsin

#Vatanhimoyachilari #QurolliKuchlar Ochish/sharhlash

2023-01-14 05:27:07 Vatanimiz himoyasi ishonchli qo'llarda! Ochish/sharhlash

2023-01-07 09:34:01 #Bilasizmi

Ish beruvchi quyidagi xodimlar iltimosiga ko'ra to'liqsiz ish kuni yoki to'liqsiz ish haftasi belgilashga majbur:

homilador ayollar;
14 yoshga to'lmagan bolasi (16 yoshga to'lmagan nogiron bolasi) bor ayollar, homiyligida shunday bolasi bor ayollar;
oilaning betob a'zosini parvarish qilish bilan band shaxslar.

To'liqsiz ish vaqtida ishlash xodimning yillik asosiy mehnat ta'tili muddatini, mehnat stajini hisoblashni hamda boshqa mehnat huquqlarini biron bir tarzda cheklashga asos bo'lmaydi va ishlangan vaqtga yoki ishlab chiqarilgan mahsulotga mutanosib ravishda haq to'lanadi.

https://t.me/adliya_fargona Ochish/sharhlash

2023-01-07 09:10:44 #savolimbor

SAVOL.
Assalomu alaykum! Yangidan ishga kirgan edim ustama va premiyalar qanday toʻlanishi haqida ma'lumot bera olasizmi? Javob uchun rahmat.

JAVOB.
O‘zbekiston Respublkasi Vazirlar Mahkamasining 2018-yil 5-yanvardagi 10-son qarori bilan (1-ilovasi) tasdiqlangan Davlat maktabgacha ta’lim tizimi xodimlari mehnatiga haq to‘lash va ularni moddiy rag‘batlantirish tartibi to‘g‘risida nizom asosida amalga oshiriladi, jumladan:

Davlat maktabgacha ta’lim tizimi xodimlari mehnatiga haq to‘lash Mehnat kodeksi (IX bob. Mehnatga haq to‘lash) hamda qayd etilgan Nizom va boshqa qonunchilik hujjatlariga muvofiq amalga oshiriladi va quyidagilarni o‘z ichiga oladi:
lavozim maoshlari (tarif stavkalari);
lavozim maoshlariga qo‘shimchalar va ustamalar (Nizomga 2-band).

Davlat maktabgacha ta’lim tizimi xodimlarining lavozim maoshlari:
davlat maktabgacha ta’lim tizimi xodimlarining lavozimi va malaka toifasi uchun belgilangan bazaviy tarif stavkalari;
qonunchilikda belgilangan lavozim maoshlariga qo‘shimchalar va ustamalar asosida shakllantiriladi (Nizomga 3-band).

Davlat maktabgacha ta’lim tashkilotlarining o‘z xizmat vazifalarini vijdonan bajargan, tashabbuskor va yuqori malakali xodimlarini moddiy rag‘batlantirish davlat maktabgacha ta’lim tashkilotida tashkil etiladigan Byudjet muassasalari va tashkilotlari xodimlarini moddiy rag‘batlantirish maxsus jamg‘armasi mablag‘lari hisobidan amalga oshiriladi (Nizomga 8-band).

Tarbiyachi, tarbiyachi-metodistlarning haftalik ish yuklamasi 36 soatni tashkil etadi.

Davlat ixtisoslashtirilgan maktabgacha ta’lim tashkilotlarida ishlayotgan quyidagilarning lavozim maoshlari va bazaviy tarif stavkalariga 100 foiz miqdorida qo‘shimcha haq to‘lanadi:
davlat ko‘p tarmoqli ixtisoslashtirilgan maktabgacha ta’lim tashkilotlari rahbarlari, pedagog va tibbiyot xodimlari hamda tarbiyachi yordamchilari;
qo‘shma tipdagi davlat maktabgacha ta’lim tashkilotlaridagi rivojlanishida jismoniy yoki psixik nuqsonlar bo‘lgan bolalarga mo‘ljallangan guruhlarda ishlaydigan pedagog va tibbiyot xodimlari va tarbiyachi yordamchilari;
reabilitatsiya markaziga ega bo‘lgan davlat ko‘p tarmoqli ixtisoslashtirilgan maktabgacha ta’lim tashkilotlari rahbarlari, pedagog va tibbiyot xodimlari, hamda tarbiyachi yordamchilari (Nizomga 9-band).


Umuman olganda mukofotlar, qo‘shimcha to‘lovlar, ustamalar, rag‘batlantirish tarzidagi to‘lovlar jamoa shartnomalarida, shuningdek ish beruvchi tomonidan kasaba uyushmasi qo‘mitasi yoki xodimlarning boshqa vakillik organi bilan kelishib qabul qilinadigan boshqa lokal hujjatlarda belgilanadi.
Xodimlarni mehnat uchun rag‘batlantirish, ularni qo‘llanish tartibi, afzallik va imtiyozlar berish jamoa shartnomalari, ichki mehnat tartibi qoidalari va boshqa lokal hujjatlarda, jamoa kelishuvlarida, intizom to‘g‘risidagi ustav va nizomlarda belgilab qo‘yiladi.

Siz ushbu hujjatlar bilan ishga kirish jarayonida yoki ishga kirgandan so‘ng ham to‘liq tlabtanishib chiqishingizni tavsiya etamiz.

Bizni ijtimoiy tarmoqlarda kuzatib boring
Telegram I Facebook Ochish/sharhlash

2023-01-07 09:10:44 #Биласизми

Қонунчиликка мувофиқ давлат органлари ва ташкилотларида жисмоний ва юридик шахсларнинг мурожаатлари билан иш олиб борувчи ходимларни ўқитиш ва уларнинг малакасини ошириш тартиби белгиланган.

Унга кўра, малака ошириш курсида ўқитиш вақти 12 соатни ташкил этади.

Ўқув юкламасининг умумий ҳажми қуйидагиларни ташкил этишга қаратилган фаолият йўналишларига мувофиқ тақсимланади:

мурожаатларни қабул қилиш;
рўйхатга олиш ва кўриб чиқиш;
мурожаатлар билан ишлаш.

Каналга уланиш
https://t.me/huquqiyaxborot Ochish/sharhlash

2023-01-07 09:10:44 #savolimbor

SAVOL.
Assalomu alaykum. Prezidentimizning 2022-yil 30-dekabrdagi PQ–471-sonli qarorining 9-bandi to‘g‘risida to‘liqroq ma’lumot bera olasizmi?
Xabaringiz bor 2021-yil may oyida bog‘chalar uchun ota-onalar uchun badal to‘lovlari oshirilgandi va Qoraqalpog‘iston Respublikasi bilan Xorazm viloyatiga 50 foiz kamaytirilgandi. Hozir PQ–471-son qarorda toifalarga bo‘linib 30 foizdan 50 foizgacha kamaytirilsin deyilyapti.
Xiva shahar 3-toifaga kirar ekan (ya’ni 30 foiz). Bilmoqchi bo‘lganim, bog‘chalarda ota-ona to‘lovi yana 30 foizga kamaytiriladimi yoki oldingi holida turaveradimi? Chunki bizga hozir o‘zgarmaydi shu holicha turadi badal puli deyishyapti.
Javobingiz uchun oldindar rahmat!

JAVOB.
O‘zbekiston Respublikasi Vazirlar Mahkamasining 2021-yil 29-apreldagi 256-son qarori bilan tasdiqlangan 2021-yildan amalga kiritiladigan davlat maktabgacha ta’lim tashkilotlari (MTT)da bolalar ta’minoti uchun ota-onalar to‘lovi miqdorlariga ko‘ra, 2022-yilning 1-may kunidan boshlab, Toshkent shahri, viloyat markazlari, viloyat bo‘ysunuvidagi shaharlar, tuman markazlari va boshqa joylarda MTT joylashgan hudud va unda bolalarning kunlik bo‘lish vaqti, bitta bolaga va bittadan ortiq bolaga bir oylik to‘lov miqdori belgilab berilgan.

Mazkur qarorga Vazirlar Mahkamasining 2022-yil 2-avgustdagi 426-son qarori bilan tegishli o‘zgartirishlar kiritilib, qayd etilgan ilovaning izoh qismidagi hududlarda joylashgan davlat MTTda ota-onalar tomonidan har oyda bolalar ta’minoti uchun to‘lanadigan haq miqdori amaldagi tarifning 50 foizi miqdorida belgilanib, ushbu imtiyoz 2026-yilning 1-yanvariga qadar uzaytirilgan.

Hozirda, O‘zbekiston Respublikasi Prezidentining 2022-yil 30-dekabrdagi PF-287-son Farmoni (1-ilovasi) bilan Ixtisoslashuvi hamda kichik biznes uchun mavjud sharoitdan kelib chiqib toifalarga ajratilgan O‘zbekiston Respublikasi shahar va tumanlarining ro‘yxati tasdiqlandi.

Shuningdek, 2022-yil 30-dekabrdagi PQ–471-son “O‘zbekiston Respublikasining “2023-yil uchun O‘zbekiston Respublkasining Davlat byudjeti to‘g‘risida”gi Qonuni ijrosini ta’minlash chora-tadbirlari to‘g‘risida”gi qarorining 9-bandiga asosan 2023-yil 1-yanvardan 2026-yilning 1-yanvariga qadar davlat MTTda bolalar ta’minoti uchun ota-onalar to‘lovi miqdorlariga nisbatan tumanlarning toifasidan kelib chiqib, 4 va 5-toifadagi tumanlarda – 50 foiz, 3-toifadagi tumanlarda (shahar aholi punktlaridan tashqari) - 30 foiz etib belgilandi.

Ma'lumot uchun. O‘zbekiston Respubilkasining Shaharsozlik kodeksiga ko‘ra aholi punkti – huquqiy maqom, nom va chegara bilan belgilangan O‘zbekiston Respublikasi ma’muriy-hududiy birligi (shahar, shaharcha, qishloq, ovul)ga aytiladi.

E’tiborli jihati “shahar aholi punktlaridan tashqari” degan jumladir, demak, Xiva shahri 3-toifadagi tumanlar ro‘yxatida bo‘lsada, istisno holat keltirilmoqda. Ya’ni, amaldagi tartib bo‘yicha har oyda bolalar ta’minoti uchun to‘lanadigan haq miqdori bo‘yicha tarifning 50 foizi miqdorida o‘zgarishsiz qoldirilmoqda va shu miqdorida to‘lab borilishi kerak bo‘ladi.

Bizni ijtimoiy tarmoqlarda kuzatib boring
Telegram I Facebook Ochish/sharhlash

2023-01-07 09:09:59 Qonunchilikdagi yangiliklar (haftalik, 29-31 dekabr, 2022 yil)

https://t.me/adliya_fargona Ochish/sharhlash

2023-01-06 05:23:02 http://daryo.uz/2023/01/05/ozbekistonda-davlat-xizmatchilari-faoliyati-samaradorligini-aniqlash-tartibi-belgilandi?id=1126312 Ochish/sharhlash

2023-01-01 07:13:22 Ассалому алайкум ва роҳматуллоҳи ва барокатуҳ!

Сизу бизга ушбу йилнинг биринчи тонгдан  бахраманд бўлиш насиб этибди, Алҳамдулиллаҳ!

Ушбу тонг дуонгизда сўраган ниятларингизнинг барчасига Аллохим етказсин!

Биласизми, қадрдон...
Сизнинг тонгги табассумингиз, илиқ мехрингиз кун давомида бўлажак мўжизаларга, хуш кайфият ила қилинажак яхши амалу, савобли ишларга замин яратади. Зеро, бундай амалларга бериладиган ажр савоблардан тенг улуш вада қилинган. Шундай экан, Яқинларингинзга хуш кайфият ва меҳр улашишда давом этинг, улардан узоқлашманг!
     Умримизнинг яна бир йили ўтиб бормоқда. Уни розилик ва шукроналик билан кузатайликки, Аллоҳ келгуси йилда бизларга берадиган яхшиликларини янада зиёда қилсин!

Бугунги кунингиз қувонч ва шодликка тўла бўлсин!

•┈┈┈┈•❈••✾••❈•┈┈┈┈• Ochish/sharhlash

2022-12-30 17:15:52 Президент Фармацевтика тармоғини ривожлантириш агентлиги раҳбарини ишдан олди

Айни дақиқаларда ўтаётган йиғилишда давлатимиз раҳбари соғлиқни сақлаш соҳасига тўхталиб, "Док-1 Макс" препаратини қабул қилиш оқибатида болалар ҳаётдан кўз юмгани билан боғлиқ вазиятни қаттиқ танқид қилди.

"Самарқанд ва Қашқадарёдаги болалар ўлими соҳада ишлар аҳволини, назорат йўқлигини кўрсатди. Бугун Фармацевтика агентлиги раҳбари Кариевни ишдан олдим. Бунга йўл қўйган мутасаддиларнинг ҳаммаси қонун олдида жавоб беради!", - деди Президент.

Каналга уланиш:
@uzauz Ochish/sharhlash