Ravza.uz | Rasmiy kanal

2021-02-01 15:00:13 Менинг суюкли онам.

Ҳазрат Мавлоно Зулфиқор Аҳмад Нақшбандий ҳафизаҳуллоҳ айтадилар:
Менинг мўҳтарама онам вафот этдилар. Ёшлари тахминан тўқсонга тўлиб бўлган эди. Онам ўзларининг уйларида яшар эдилар. Камина ожизнинг уйи уларга жудаям яқин эди. Мен мўҳтарама онамни ўйимга олиб кетсам деб хоҳлар эдим. Бунинг учун доим улардан: Сиз мен билан туринг. Мен сизнинг энг кичик ўғлингизман. Мен билан бирга яшаб, менга эҳсон қилинг деб ёлвораверар эдим. Биз эр-хотин бизнинг уйимизда яшасинлар деб, соатлаб оёқларини уқалаверар эдик. Магар онам биздан шунчалар хурсанд, шунчалар рози эдиларки, ҳаққимизга дуолар қилаверар эдилар. Бироқ, бизнинг уйда яшашга рози бўлмас эдилар. Биз бутун умр айни шу хоҳиш ва орзуда яшаб ўтдик. Вафотларидан бир неча муддат олдин, мен онамни танхоликда кайфиятлари яхшилигини кўрдим. Шунда, оёқларидан тутиб: Менинг қалбим орзуси шуки, сиз мен билан менинг уйимда яшасангиз, бу саодат менга насиб қилса дедим. Шунда, мўҳтарама онам менга қалбларидаги гапни айтдилар ва мени хайрон қолдирдилар. Шундай дея бошладилар: "Ўғлим! Сенинг отанг мени ушбу уйга олиб келган эдилар. Ҳозир у киши вафот этганлар. Менинг қалбим, жанозам айни шу уйдан чиқишини хоҳлайди".
Мен хайрон бўлдимки, онам тўқсон ёшда ҳам “эрим мени бу уйга олиб келган эди. Энди, жанозам айни шу уйдан ташқарига чиқсин” деб ўйлар эдилар.
Агар эр аёлига меҳр берса, у ҳолда аёл ҳаётини эрига фидо қилиб юборади.......
(“Сукунэ дил” китобидан. 139-бет. Абдулқаййум Комил таржимаси)

•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 13:48:00 #Аср_азони

ЎМИ Наманган вилояти вакиллигининг расмий канали.

┠ Аср азони
┠ 544.8 КB
┠ 04 : 07

▬▬▬▬▬▬▬▬▬▬▬▬▬
Ravza.uz | @ravza_uz
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 13:00:13 ҚЎШНИНИНГ ҲАҚИ

Тақий Усмоний ҳикоя қиладилар:
“Маккаи мукаррамада бо­зор­га кириб, бир матони сўра­дим. Дўкондор ўша матони топгунга қадар олдимга 20 тача ўрамдаги газламаларни тўкиб солди. Уларнинг ичидан биттаси менга маъқул тушиб, шуни сотиб олмоқчи бўлдим. Нархиям маъқул келди. Сотув­чи:
— Сизга шу маъқул келди-а?
— Албатта маъқул келди.
— Унда йўлнинг уёғига ўтсангиз, ҳув анау дўконда ҳам шу газламадан бор. Ўша ердан сотиб олинг.
— Иэ, нега энди? Ҳамма нарсани шу ерда савдо қилдим, сизнинг ҳам қанча вақтингизни олдим. Нега энди ундан сотиб оларканман. Бу­нинг сири нимада?
— Тўғридаги сотувчи менинг қўшним, кўр­япманки, эр­та­лаб­дан бери ҳеч нарса сотмади. Мен эса анча нарса сотиб қўйдим…”

•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 11:00:20 ҲАРОМГА ҚЎЛ УРИШДАН ҚЎРҚИБ, ШУБҲАЛИ НАРСАЛАРДАН САҚЛАНИШ

Аллоҳ таоло бандаларига раҳм қилиб, ҳалолни ҳам, ҳаромни ҳам очиқ-ойдин ва батафсил баён қилиб қўйган.
У Зот Анъом сурасида марҳамат қилади:
"Ҳолбуки, У сизларга ҳаром қилган нарсаларини батафсил баён қилиб қўйган-ку!" (119-оят).
Мусулмон киши очиқ-ойдин ҳалолга ҳеч қандай тангликсиз, бемалол қўл ураверади, ундан манфаатланаверади, ҳузурланаверади. Аммо очиқ-ойдин ҳаромга зинҳор яқинлашмайди.
Биз ўрганаётган ҳадиси шарифда зикр қилинганидек, ҳалол ва ҳаромдан кейинги учинчи нарса ҳалол ёки ҳаромлиги шубҳали бўлган нарсалардир. Кўпчилик одамлар мазкур нарсаларни аниқлай олмайдилар. Шунинг учун ҳам улардан ниҳоятда эҳтиёт бўлиш зарур.
Шак-шубҳали нарсани қилиш ҳаромга зарийъа - васила бўлиб қолиши бор. Шунинг учун ҳам шакка солган нарсани тарк этиш ила саддуз зароиъни (яъни зарарга олиб бориши мумкин бўлган василани тўсишни) ишга солиш керак бўлади.
Бунга энг асосий далил Расулуллоҳ соллаллоҳу алайҳи васалламнинг ушбу рисолага асос бўлган "Албатта, ҳалол очиқ-ойдиндир. Албатта, ҳаром очиқ-ойдиндир", деган ҳадисларидир.
Уламоларимиз бу борада яна қуйидаги ҳадиси шарифни ҳам далил қилиб келтирадилар:
Ҳасан ибн Али розияллоҳу анҳумодан ривоят қилинади:
"Расулуллоҳнинг "Сени шакка солган нарсани қўйиб, шакка солмаган нарсага ўт", деганларини эшитдим".
Термизий, Аҳмад ва Ибн Ҳиббон ривоят қилишган.

"Ҳалол очиқ-ойдиндир, ҳаром очиқ-ойдиндир" китобидан. Ochish/sharhlash

2021-02-01 10:40:00 #Пешин_азони

ЎМИ Наманган вилояти вакиллигининг расмий канали.

┠ Пешин азони
┠ 3.6 МB
┠ 03 : 53

▬▬▬▬▬▬▬▬▬▬▬▬▬
Ravza.uz | @ravza_uz
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 09:00:16 #Фиқҳ_сабоқлари

НАМОЗ ВАҚТЛАРИ

Намозни ўз вақтида ўқиш фарз ва лозимдир. Вақти кирмасдан ўқилган намозлар ҳисобга ўтмайди. Вақтида ўқишга улгурилмаган намозларнинг қазоси ўқилади.
Али розияллоҳу анҳудан ривоят қилинади:
"Набий соллаллоҳу алайҳи васаллам у кишига:
"Эй Али, уч нарсани ортга сурмагин. Намозни вақти кирганда, жанозани ҳозир бўлганда ва эрсиз аёл тенгини топганда", дедилар".
Имом Термизий ривоят қилган.
Ибн Умар розияллоҳу анҳудан ривоят қилинади:
"Набий соллаллоҳу алайҳи васаллам: "Намознинг аввалги вақти Аллоҳнинг розилигидир. Охирги вақти Аллоҳнинг афвидир", дедилар".
Имом Термизий ривоят қилган.
Аллоҳ таоло фарз қилган намозларнинг ўқиш вақти қуйидаги пайтларда бўлади:
1. Бомдод намозининг вақти - субҳи содиқдан (чин тонг отгандан) кун чиққунчадир.
2. Пешин намозининг вақти - қуёш заволга (оғишга) келганидан сўнг то нарсаларнинг сояси қуёш тиккага келган пайтдаги соясидан ташқари, ўз узунлигига нисбатан икки баравар ортгунига қадар.
3. Аср намозининг вақти - ҳар бир нарсанинг сояси қуёш тиккага келган пайтдаги соясидан ташқари, ўзига нисбатан икки баравар ортганидан бошлаб, қуёш ботгунчадир.
4. Шом намозининг вақти - кун ботган пайтдан бошлаб, кунботар томонда шафақ (қизғиш нурлар) ғойиб бўлгунчадир.
5. Хуфтон намозининг вақти - шафақ батамом йўқолгандан кейин киради.
Витр намози вақти эса хуфтон ўқилгандан кейингина киради. Хуфтон ва витр намозларини субҳи содиққача ўқиса бўлади.
Бамдод намозини тонг ёришганда ўқиш мустаҳаб, аълороқдир. Соат бўйича ҳисобланса, бомдодни кун чиқишидан 40 дақиқача илгари ўқиш мустаҳаб вақтига мувофиқ бўлади.
Пешин намозини ёз фаслида бироз кечиктириб, қиш фаслида эса вақти кириши билан ўқиш мустаҳабдир.
Аср намозини қуёш тиғини ўзгартирмай, нурсиз ҳолатга киришидан олдинроқ ўқиш мустаҳабдир.
Шом намозини доимо қуёш ботиши билан ўқиш мустаҳабдир.
Хуфтон намозини кечанинг учдан бирининг охирида ўқиш афзал ва ниҳоятда аъло бўлади.
Витр намозини эса тун охирида уйғонишга қодир бўлган кишилар субҳ олдидан ўқисалар, мустаҳаб амал қилган бўлишади.

"Мўминнинг меърожи" китобидан.

•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 07:00:13 ХОТИРЖАМЛИК СИРИ

Севги туфайли аччиқ нарсалар ширин бўлади, мис олтинга айланади. Севги сабаб лойқа сувлар тиниқ тортади, дардларга дармон топилади. Севгидан ўлик тирилади.
Жалолиддин Румий

Абдуллоҳ ибн Саржас розияллоҳу анҳу жаноби Пайғамбаримиз соллаллоҳу алайҳи васалламга:
- Мен Абу Заррни яхши кўраман, - деди.
- Буни ўзига айтдингми?
- Йўқ.
- Бориб айтгин.
Шундан сўнг Абу Заррни топиб, уни яхши кўришини айтди. У шундай жавоб қилди: "Аллоҳ ҳам сени яхши кўрсин". Кейин бу ҳақда Расули акрамга айтган эди, шундай марҳамат қилдилар:
- Яхши кўрган кишингга: "Сизни яхши кўраман", дейишинг савобдир. Ростдан ҳам шундай. Чунки ҳар бир киши ёнида меҳрибонлари борлигини билса, ўзини хотиржам ҳис қилади. Меҳр кўрсатган - меҳр топади, дейишади. Қалбимиздаги меҳрни яқинимизга изҳор қилсак, ҳам савоб, ҳам меҳр топамиз. Болаларимиз пок фитрат билан туғилади. Жоҳилликни эса уларга ўзимиз ўргатамиз. Оқибатда, ҳаловатимизни йўқотамиз. Ўзингдан чиққан балога - қайга борай давога, деб бежиз айтишмайди.
Фарзандни шундай тарбия қилиш лозимки, йўқчиликда ҳам, тўкин-сочинликда ҳам у сизни иззат қилсин. Ота-онаси кўп даромад топган пайтда уларга келганида яхши гапириб, кексариб ёки касалликка чалиниб, тўшакка михланиб қолганида уларни кўчага чиқариб ташлаётган гумроҳ бандалар ҳам учраб туради. Бундай кимсаларга йўлиқишдан Аллоҳнинг ўзи асрасин. Меҳр беринг. Шу билан бирга, фарзандларингизга меҳрни қадрлашни ҳам ўргатинг. Фарзандингиз Аллоҳ қаҳридан қўрқишни ўргансин. Шунда ўзини шайтон макридан ҳимоя қилишни, нафси ҳукмига юрмасликни, дунё ҳавасига берилмасликни ўрганади. Сиз ҳам фарзандингизнинг ахлоқидан хотиржам, бахтидан қувониб яшайсиз. Киши учун фарзандининг бахтини кўришдан ортиқ қувонч йўқ. Аллоҳ ҳаммамизни эл ичида азиз қилсин. Бунга фарзандларингиз бажараётган савоб амаллар-у, яхшилар қилаётган дуо орқали эришасиз.

"Ғам-қайғусиз яшай десангиз** (ўксинма)" китобидан.

•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash

2021-02-01 06:24:10 #Мақола

ТИНЧЛИКНИНГ ҚАДРИГА ЕТИШ БИЛАН БИРГА, НОШУКРЧИЛИК ҚИЛИШДАН САҚЛАНИШИМИЗ КЕРАК.

Маълумки, тинчлик Аллоҳ таоло томонидан бутун инсониятга инъом этилган улуғ неъматдир. Ислом дини тинчлик тушунчасини ўзининг бош ғояси ва муҳим шиорига айлантиргани ҳам бежиз эмас, албатта.

Ўқиш учун
http://ravza.uz/maolalar/zhamiyat_azolariga_munosabat/tinchlikning_adriga_etish_bilan_birga_noshukrchilik_ilishdan_salanishimiz_kerak_.html


www.Ravza.uz | Telegram
Instagram | Facebook | Youtube Ochish/sharhlash

2021-02-01 06:24:10 #Мақола

ИЛМНИНГ ЗИЁДА БЎЛИШИ КИТОБ БИЛАН...

Аллоҳ таоло Ўзининг иродаси, илми ва раҳмати билан инсон зотини ақл-идрокли қилиб яратди ва унинг ер юзида ҳаёт кечириши учун лозим бўлган барча шароитларни ҳам муҳайё қилди. Инсон мана шу ақл-идрок, илму-одоби билан ўзи яшаб турган жамиятдаги бошқа инсонларга манфаат етказиши керак, чунки илм ўз эгасини икки дунё саодатига эриштиради.

Ўқиш учун
http://ravza.uz/maolalar/talim_tarbiya/ilmning_ziyoda_bulishi_kitob_bilan_.html

www.Ravza.uz | Telegram
Instagram | Facebook | Youtube Ochish/sharhlash

2021-02-01 05:00:06 ИНСОНИЙ АЛОҚАЛАР ОДОБИ

Ҳар бир банда учун унинг ҳаётидаги инсоний алоқалар муҳим ўрин тутади. Шунинг учун ҳам Исломда бу алоқаларга алоҳида эътибор берилиб, барча алоқаларни гўзал тарзда олиб бориш ҳақида кўрсатмалар берилган.
Мусулмон инсон доимо камолотга интилувчи шахсдир. Ислом камолотдир. У доимо барча соҳада, жумладан, инсоний алоқалар бобида ҳам камолотга ундайди.
Исломдаги инсоний алоқаларнинг асосини яхшилик ташкил этади. Бу, барча инсоний алоқалар фақат яхшиликдан иборат бўлиши учун ҳаракат қилиш, деганидир.
Аллоҳ таоло шундай деб марҳамат қилади:
"...одамларга яхши гаплар айтинг" (Бақара сураси, 83-оят).
Албатта, Исломдаги инсоний алоқаларнинг ҳар бирига атаб алоҳида китоблар ёзилган. Ўтган уламоларимиз ёзганларидан фойдаланган ҳолда, ўша алоқалардан баъзиларига жуда қисқача тўхталиб ўтамиз ва сиз азизларга бу борадаги китобларни яхшилаб ўқиб, ўрганиб боришни тавсия қиламиз.

"Руҳий тарбия" китобидан.

•••••┄┄┄┄༻❅༺┄┄┄┄•••••
Ravza.uz | @Ravza_uz ✓
Яқинларингизга ҳам улашинг!
https://t.me/joinchat/AAAAAEK1i9U4tQNraGg1wA Ochish/sharhlash