Расмий хабарлар I Официальные новости

2023-04-17 16:30:58 Март ойидаги Ўзбекистон ишбилармонлик муҳити феврал ойига қараганда яхшироқ баҳоланди

2023 йилдан бошлаб Ўзбекистондаги ишбилармонлик муҳити кўрсаткичлари тўғрисидаги маълумотлар вақти-вақти билан Trading Economics ахборот порталида эълон қилинади.

Март ойида ишбилармонлик муҳитининг умумий кўрсаткичи барча тармоқларда ўсди, энг катта ўсиш кетма-кет иккинчи ой қишлоқ хўжалигида кузатилди.

Февраль ойида ишбилармонлик муҳитининг жамланган кўрсаткичи 58 пунктни ташкил этган бўлса, март ойида 6 пунктга кўтарилиб, 64 пунктни ташкил этди.

42% респондент бизнеснинг ҳозирги ҳолатини "яхши" деб баҳолаган,
Корхоналарнинг 22%и ўз ходимлари сонини кўпайтирди, 45%и эса ўз товарлари/хизматларига талабнинг ўсишини қайд этди.
Кейинги 3 ойда бизнеснинг умумий аҳволи яхшиланишини кутаётган тадбиркорлар улуши 81%ни ташкил этди.

Умуман олганда, жорий ҳолат кўрсаткичлари ва кутилаётган кутилмалар ўртасидаги боғлиқлик келгуси 3 ойда ҳам иқтисодиёт ривожланишидаги ижобий тенденция давом этишини билдиради.

Батафсил

Telegram | Facebook | Instagram | Youtube | Медиабанк Ochish/sharhlash

2023-04-17 16:11:34 Ўзбекча Википедия Марказий Осиёда биринчиликка чиқди

Жорий йилнинг 14–20 апрель кунлари Ёшлар ишлари агентлиги томонидан ўзбек тилининг жаҳон интернет тармоғидаги нуфузини оширишга қаратилган «ВикиОромгоҳ» лойиҳаси старт берилди.

Агентликка кўра лойиҳа давомида иштирокчиларга мутахассислар томонидан ўзбекча Википедияга мақола киритиш кўникмалари ўргатилмоқда. Оромгоҳга қадар Википедияда ўзбек тилидаги мақолалар сони 224 317 тани ташкил этган бўлса, айни дамда 233 мингга етган.

Дастлабки уч кунда ўсишлар сони қарийб 10 минг мақолага етиб, жаҳон Википедиялар тизмасида 45-ўринга кўтарилди ҳамда Марказий Осиёда биринчиликка чиқди.

Ўзбек тилидаги мақолалар сони 233 мингдан ошиб, бутунжаҳон Википедиялар тизмасида 45-ўринга кўтарилди.

Telegram | Facebook | Instagram | Youtube | Медиабанк Ochish/sharhlash

2023-04-17 15:39:14 “Очиқ бюджет” ахборот порталида “Менинг йўлим” лойиҳасининг жорий йилги мавсумига старт берилди.

Туман (шаҳар) буджетларида ҳудудий ички йўлларни таъмирлаш учун режалаштирилган маблағларнинг камида 50% қисмини фуқаролар фикри асосида йўналтиришини таъминлаш мақсадида ташкил этилган “Менинг йўлим” лойиҳасининг жорий йилги мавсуми учун 312 млрд. сўмдан ортиқ маблағлар йўналтирилиши режалаштирилган.

Лойиҳа доирасида таклиф киритиш жараёни жорий йилнинг 27 апрель санасига қадар давом этади. Киритилган таклифлар учун овоз бериш жараёнлари 28 апрелдан 7 май кунига қадар ўтказилади.

Менинг йўлим" лойиҳасига таклиф киритишга оид видео қўлланма.

Telegram | Facebook | Instagram | Youtube | Медиабанк Ochish/sharhlash

2023-04-17 10:54:17 МИБ томонидан жорий йил 1-чоракда ноқонуний ишдан бўшатилган 255 нафар шахс ишга тикланиб, 29,5 млрд сўм тўланмаган иш ҳақи ундириб берилди

Бу ҳақда АОКАда ўтказилган брифингда Мажбурий ижро бюроси ахборот хизмати раҳбари Фаррух Тошпўлатов маълум қилди:

Жорий йилнинг 1-чорагида ижро этиш соҳасида 6,5 трлн. сўмлик ундирув амалга оширилган. Шундан давлат фойдасига 1,9 трлн сўм, тадбиркорлик субъектлари фойдасига 1,7 трлн. сўм ва банкларга
2,5 трлн сўм маблағлар ундирилган.

Фуқароларимиз манфаатлари учун 400 млрд. сўмдан ортиқ ундирувлар амалга оширилди.

“Алимент тўловлари” жамғармаси ҳисобидан вояга етмаган фарзандини моддий таъминлашдан бўйин товлаганлик учун жиноий жавобгарликка тортилган қарздорларнинг 487 нафар ундирувчи-
ларига 6,2 млрд. сўм зарар пуллари тўлаб берилди.

Ишсиз алимент тўловчиларнинг 6.159 нафари ишга жойлаштирилди, 11.200 дан ортиқ оилалар яраштирилди.

Батафсил


Telegram | Facebook | Instagram | Youtube | Медиабанк Ochish/sharhlash

2023-04-17 10:00:45 Мажбурий ижро бюро органлари фаолиятида амалга оширилаётган ишлар

АОКАда МИБ ахборот хизмати раҳбари Фаррух Тошпўлатов иштирокида шу мавзуда брифинг бошланди.

Қуйидаги ҳавола орқали тўғридан-тўғри томоша қилишингиз мумкин:

Жонли эфир


Telegram | Facebook | Instagram | Youtube | Медиабанк Ochish/sharhlash

2023-04-17 09:31:38 Рамазон ҳайити муносабати билан барча ходимлар кетма-кет 3 кун дам олиши мумкин

5 кунлик иш ҳафтасида ишлайдиган ходимлар дам олиш кунлари:

22-апрел —шанба;
23-апрел — якшанба;
24-апрел — душанба (кўчирилган дам олиш).

Яъни, 5 кун ишловчилар учун душанба куни дам, 29 апрел — шанба эса иш куни бўлади.

Агар 22 апрел — шанба Ўзбекистон мусулмонлари идораси уламолари хулосаси асосида Ўзбекистонда Рамазон ҳайитининг 1-куни сифатида белгиланса, 21 апрел — жума куни кундалик иш (смена) муддати барча ходимлар учун камида 1 соатга қисқартирилади.

Telegram | Facebook | Instagram | Youtube | Медиабанк Ochish/sharhlash

2023-04-17 08:16:09 Муддатидан олдин овоз бериш тартиби

Референдум куни ўз яшаш жойида бўлиш имкониятига эга бўлмаган овоз берувчи муддатидан олдин овоз бериш ҳуқуқига эга.

Референдумда муддатидан олдин овоз бериш 19-26-апрел кунлари амалга оширилади.

Telegram | Facebook | Instagram | Youtube | Медиабанк Ochish/sharhlash

2023-04-17 07:44:52 Ochish/sharhlash

2023-04-16 17:32:13 Ochish/sharhlash

2023-04-16 12:37:01 Қон саратонининг олдини олиш усули топилди

АҚШнинг Вандербильт университети олимлари TCL1A генини блоклаш кекса ёшли кишиларда қон саратони ривожланишига тўсқинлик қилишини аниқлади.

Бунинг учун 5000 дан ортиқ кишининг тиббий маълумотлари таҳлил қилинди. Натижада тадқиқотчилар хавфли қон ҳужайралари бўлинишини қўзғатувчи генни топишга муваффақ бўлди.

Мутахассислар хулосасига кўра, энди TCL1A генига йўналтириладиган дорилар орқали саратон ҳужайралари ўсишини тўхтатиш мумкин.

Муаллифлар фикрича, ёш ўтиши билан инсон организмдаги бўлинувчи ҳужайралар турли мутацияларга учрайди. Уларнинг аксарияти зарарсиз.

Аммо кекса ёшли кишиларнинг 10 фоиздан ортиғида қон саратони ва юрак касалликларини келтириб чиқарувчи мутациялар ривожланади.

https://t.me/Rasmiy_xabarlar_Official Ochish/sharhlash