2022-10-12 07:46:41
Mixail Bulgakov
"Xosiyatsiz tuxumlar" asariHamma zamonlarda ko'p buyuk olimlar olamshumul, dunyoni o'zgartirib yuboruvchi kashfiyotlar qilishni va shu orqali butun dunyoni boshqarishni o'z qo'llariga olishni niyat qilishadi. Herbert Uellsning "Ko'rinmas odam"i, Aleksandr Belyayevning "Professor Doulning boshi", "Odam amfibiya" asarlari qahramonlarida ham dastlab ezgu niyatda boshlangan kashfiyotlar boshqa odamlar ishtiroki sababli teskari tarafga o'zgarib ketishiga sabab bo'ladi. Dastlab, insoniyat manfaati uchun xizmat qiluvchi kashfiyot vaqt o'tib esa uning zarariga ishlaydi. Oxirida esa odamzod o'sha kashfiyotdan voz kechib qo'ya qoladi.
Aslida tabiat qonunlariga qarshi, uni o'zgartirishga sabab bo'luvchi kashfiyotlar har doim ham yaxshi oqibatlarga olib bormaydi.
"Xosiyatsiz tuxumlar" dagi professor Persikov ham tasodifan topilgan kashfiyotining oqibatini o'ylamay butun bir shaharning oyoqqa turishiga sabab bo'ladi. U o'zi hali mohiyatiga tushunmasdan kashf qilgan "hayot nuri" ajoyib xususiyatga ega bo'lib, uning ta'sirida paydo bo'lgan jonzodlar tez ko'payar, keyingi avlod oldingisidan, ham hajman katta, ham hayotga kurashuvchan edi. Persikov tomonidan topilgan kashfiyot shoshqoloq odamlarning tinchini buzib qo'yadi va bu esa kasallikdan yo'q bo'lib ketayotgan tovuqlarni ko'paytirishga bo'lgan harakatni paydo bo'lishiga sabab bo'ladi.
Aslida odamzoddan sabrsizi, shoshqalog'i dunyoda yo'q, hali mohiyati to'liq oxirigacha o'rganilmagan kashfiyot orqali o'z muommolarini hal qilmoqchi bo'ladi va bu bilan nafaqat o'zining balkim atrofdagilarning ham hayotiga xavf solib qo'yadi.
Yozuvchi asar orqali nima demoqchi? Yangi kashfiyotlar albatta kerak va ular insonlar manfaatlari uchun ishlashi kerak faqat mohiyati to'liq ochilgandan so'ng. Bo'lmasam bir inson tugul butun boshli shaharlarning barbod bo'lishiga sabab bo'ladi.
Ilmiy fantastika ishqibozlaribop asar. Hajman kichik, lekin o'ziga katta ma'noni qamrab olgan asar.
https://t.me/QUVASOY_A_K_M
17 viewsedited 04:46