2022-11-03 07:27:07
#sevimli
☆ ☆ ☆
Senga kelish nima?
Ketishday oson.
Senga yoʻqotishlar — topishday bir gap.
Sen dunyoni koʻrmay yashaysan mudom,
Yashaysan daraxtday his qilib, ilgʻab.
Qalbingda fojelar zumda uchadi,
Yangi gʻussalarni quchasan shodon.
Bebaxtliging baxtday sendan kechadi —
Alamon,
Oʻzingdan, jonim, alamon!
Seni toʻfonlarning oʻzi asrasin,
Sendan yiroq qochsin qismat dudlari.
Yoʻlingga ayamay qutlar tashlasin,
Qoʻli ochiq kelsin umring hutlarin.
Senga ketish nima?
Xayr-xoʻsh... Tamom...
Men ham omon qolay —
Bir najot bergin.
Nima u boshimga otganing?
Osmon...
Toʻxta! Olib ketma poyimdan yerni...
Usmon Azim
30 viewsedited 04:27