Prezident matbuot kotibi | Sherzod Asadov

2024-04-16 15:23:14 Сўнгги ойларда тўқимачилик маҳсулотларимиз 3 та янги бозорга чиқди, экспорт географияси 83 та давлатга кенгайди.

Бироқ ҳанузгача экспортнинг қарийб 80 фоизи Россия, Хитой ва Туркия бозорларига тўғри келаётгани таъкидланди. Шунингдек, Европага экспортни кўпайтириш долзарб аҳамиятга эга.

Европа, Америка ва бошқа ривожланган давлатлар бозорига ёки брендларга экспорт ҳажмини ошириш учун корхонадан халқаро стандарт ва сертификат талаб этилади. Лекин, экспортчиларимизнинг 12 фоизигина бундай талабларга жавоб беради.

Вилоят ҳокимлари инвестиция бўйича ўринбосарларининг бу борадаги фаолияти сустлиги, экспортчиларга кўмаклашишга эътиборсизлиги танқид қилинди.

Facebook|Instagram|X Ochish/sharhlash

2024-04-16 15:13:41 Тармоқдаги долзарб масалалар муҳокама қилинар экан, ўтган йили тайёр маҳсулот экспорти 1,3 миллиард долларни ташкил этгани билан юқори қўшилган қийматли маҳсулотлар улуши етарли даражада эмаслиги қайд этилди.

Яъни, экспортдаги тайёр маҳсулотнинг асосий қисми нархи паст бўлган трикотаж ҳисобланади.

Мамлакатимизда 1 килограмм ип-калаванинг таннархи жаҳондаги нархлардан ўртача 28 фоиз арзон. Бу ўзимизда тайёр маҳсулотни кўпайтириш учун жуда катта имконият. Шунга қарамай, жами ишлаб чиқаришда тайёр маҳсулотлар улуши кутилганидек бўлмаётгани кўрсатиб ўтилди.

Биздаги хомашё билан камида 15 миллиард долларлик маҳсулот ишлаб чиқариш, яна 500 мингта янги иш ўрни яратиш учун мавжуд имкониятларни ишга солиш муҳимлиги таъкидланди.

Facebook|Instagram|X Ochish/sharhlash

2024-04-15 18:00:13 Ochish/sharhlash

2024-04-09 22:11:32 Facebook|Instagram|X Ochish/sharhlash

2024-04-09 11:40:39 Сентябрдан бошлаб Шароф Рашидов, Пахтакор, Дўстлик ва Мирзачўл туманларини Жиззах шаҳри билан боғловчи “Иржар – Дўстлик – Жиззах” йўналишида тепловоз қатнови йўлга қўйилади. Натижада ушбу туманлардаги 450 минг аҳолини шаҳарга қатнашида енгиллик яратилади.

Вилоятдаги маҳаллалар инфратузилмасини яхшилаш, жойларда боғча ва мактаблар қуриш, Жиззах шаҳридаги тиббиёт муассасалари ва кўприкларни таъмирлаш чора-тадбирлари юзасидан мутасаддиларга аниқ топшириқлар берилди.

Умуман, Жиззахда маҳалла инфратузилмасини яхшилаш, бизнесни қўллаб-қувватлаш, грантлар ажратиш учун қўшимча 300 миллиард сўм ажратилиши белгиланди.

Йиғилишда муҳокама қилинган масалалар юзасидан ҳудуд ва тармоқлар раҳбарларининг ҳисоботи тингланди, вилоят фаоллари билан мулоқот бўлди

Facebook|Instagram|X Ochish/sharhlash

2024-04-09 11:30:25 Уй-жой ва маҳалла инфратузилмасини яхшилаш – доимо диққат марказида. Бу йил вилоятда 4,5 минг хонадонли 118 та уй-жой қуриш режа қилинган.

Давлатимиз раҳбари бу етарли эмаслигини қайд этиб, уй-жой қурилишини кўпайтириш зарурлигини таъкидлади. Дўстлик туманидаги “барак” уйлар ўрнида янги уй-жой қуриш тажрибаси асосида қолган туманлардаги 2 мингга яқин эски уйлар ўрнида 50 минг хонадонли замонавий уйлар қуриш дастурини тасдиқлаш топширилди.

Зомин, Бахмал ва Форишда ҳам уй-жой қуриш дастурлари бошланади.

Facebook|Instagram|X Ochish/sharhlash

2024-04-09 11:20:09 Жиззах вилоятида туризм ва ижтимоий соҳани ривожлантириш масалалари кўриб чиқилди.

10 та маданий мерос объектида “Туризм ҳалқаси” яратилиши, уларга туризм маҳалласи мақоми берилиши белгиланди. “Туризм ҳалқаси” объектларига борадиган йўлларни таъмирлаш топширилди.

Халқаро “М-39” йўлининг вилоят ҳудудидан ўтган 98 километр қисмидан кунига 40 минг автомобиль қатнайди. Бу йўлни четида бўш турган 4 гектар ерлар тадбиркорларга таклиф қилинса, 20 минг аҳолини доимий банд қилиш мумкин

Айдар-Арнасой кўллари тизимида туризм учун етарли салоҳият бор. Уни рўёбга чиқариш мақсадида Ҳукумат комиссияси тузилади.

Facebook|Instagram|X Ochish/sharhlash

2024-04-09 11:10:06 Йиғилишда таъкидланганидек, автомобилсозликда йирик узелли йиғиш усулидан тўлиқ технологик циклга ўтилгани яхши натижа бўлди.

Эндиликда тармоқ раҳбарияти олдида келгуси уч йилда соҳага 1 миллиард доллар инвестиция жалб қилиб, автомобиль ишлаб чиқариш қувватини 100 мингтага ошириш, 10 мингта юқори даромадли иш ўрни яратиш вазифаси турибди.

Кооперация асосида 365 турдаги бутловчи қисмларни ўзимизда чиқаришни йўлга қўйиб, маҳаллийлаштириш даражасини 50 фоизга етказиш муҳимлиги қайд этилди.

Facebook|Instagram|X Ochish/sharhlash

2024-04-09 10:55:08 Йиғилишда иқтисодиёт тармоқларида ўзимизда ишлаб чиқарилган қурилиш материалларидан фойдаланишни кенгайтириш муҳим экани қайд этилди.

Масалан, ўзимизда чиқадиган базальт маҳсулотлари ҳам ички эҳтиёжни, ҳам ташқи талабни тўлиқ қоплашга етарли.

Маҳаллий базальт маҳсулотларини халқаро сертификациядан ўтказишга кўмаклашиш, қурилиш, ирригация ва коммунал хўжалигидаги қурилиш нормаларида базальт маҳсулотидан фойдаланишни кўпайтириш лозимлиги таъкидланди.

Европа ва бошқа ривожланган давлатлардан олим ва мутахассисларни олиб келиб, бу соҳада илмий-тадқиқот ишларини ривожлантиришга кўрсатма берилди.

Facebook|Instagram|X Ochish/sharhlash

2024-04-09 10:50:06 Ирригация тизимларини яхшилаш мақсадида Жанубий Мирзачўл ва Туятортар каналларини бетонлаш бўйича уч йиллик дастур амалга оширилиши белгиланди.

Вилоятга инвестиция жалб қилиш масаласига алоҳида эътибор қаратилди.

Хитойлик инвесторлар Жиззахда қурилиш материаллари, кимё, энергетика, электротехника, машинасозлик, тўқимачилик ва фармацевтикада 4 миллиард долларлик 22 та лойиҳани бошлашга тайёр.

Бунинг учун Зомин туманида саноат технопарки, Зарбдордаги Шодлик маҳалласида Жиззах саноат зонаси филиали, Зафарободдаги Чимқурғон маҳалласида ва Шароф Рашидов туманидаги Тоқчилик маҳалласида саноат зоналари ташкил қилинади.

Facebook|Instagram|X Ochish/sharhlash