Najot Ta'lim

2021-12-16 13:44:39 ​​Foundation bosqichi kirish imtihoniga qabul boshlandi

Markazimizda bo'lgan o'zgarishlar, yangilangan o'quv dasturlari ichida eng ko'p so'rov va talablarga sabab bo'lgani – bu Foundation bosqichi.

Xabaringiz bor, katta formatda 1500 kishi yozilgan kirish imtihoni salkam 1 oy davomida shanba va yakshanba kunlari bo'lib o'tgan edi. Xuddi shu shaklda keyingi guruhlar ham ochilishi rejalashtirilmoqda. Shu sababdan navbatdagi Foundation bosqichi kirish imtihonlari uchun qabul boshlanishini mamnuniyat ila e'lon qilamiz.

Xo'sh, bu bosqich o'zi qanday, darslar qay tarzda olib boriladi, degan tabiiy savollar tug'ilgan bo'lsa, yangilangan Foundation uchun alohida tasvirga olingan videoni ko'rishni tavsiya qilamiz.

Demak, yangilangan Foundation bosqichi darslarimizning katta sig'imdagi 2-qabuliga bugundan arizalar qabul qilishga start berildi. Imtihon kuni 23-yanvar etib belgilangan, so'rovlar ko'pligini inobatga olib, hozirdan qabulni ochiq deb e'lon qildik.

Foundation haqida allaqachon ma'lumotga egaman, kirish imtihoni uchun qabulni kutib yurgan edim, deysizmi? Juda soz, unda hoziroq ro'yxatdan o'tishingiz mumkin.

Foundation bosqichi kirish imtihoniga yozilish

Adminstratorga yozish

Tel: +998712001123 Ochish/sharhlash

2021-12-14 17:53:11 SMM dizayn battle g'oliblari aniqlandi

Yodingizda bo'lsa markazimizda 11-dekabr kuni grafik dizayn yo'nalishida tahsil olayotgan o'quvchilarimiz uchun ikki muhim musobaqaga start bergan edik.

Ushbu musobaqaning SMM dizayn yo'nalishida qatnashgan, 72 nafar dizaynerlarga 3.5 soat ichida "Bosch" yuqori bosimli yuvish vositasi uchun post dizayn tayyorlash vazifasi topshirilgandi.

Foto-galereyaga marhamat

Musobaqa so'ngida g'oliblarni aniqlash uchun ustozlardan tashkil topgan hay'at a'zolari tomonidan 1 soatlik tanaffus e'lon qilindi.

Yakuniy natijalarga ko'ra:
1-o'rin: Nuriddin Mustafoyevga — "Yaksa" hamda "Griffin" kompaniyalari tomonidan ishlab chiqarilgan klaviatura va sichqoncha;
2-o'rin: Daler Abdujalilovga — "Defender" kompaniyasi tomonidan ishlab chiqarilgan kompyuter quloqchin;
3-o'rin: Jamil Jumayevga esa, Airpods kabi qimmatbaho sovg'alar topshirildi.

Ushbu musobaqani o'tkazishda o'z yordamlarini ayamagan markazimizning barcha grafik dizayn kursi ustozlariga o'zimizning samimiy minnatdorchiligimizni bildirib qolamiz.

Jamoamiz esa, shu kabi bilim va tajribalar o'lchanadigan bellashuvlarni o'tkazishda davom etadi.

Agarda sizda ham dizayn olamining sirli dunyosiga qadam qo'yish istagi mavjud bo'lsa, kurslarimizga yoziling.

Grafik dizayn bootcamp kursiga ro'yxatdan o'tish

Adminstratorga yozish

Tel: +998712001123

YouTube sahifa Ochish/sharhlash

2021-12-13 16:25:59 "Ilm olish sirlari"dan iqtiboslar

Ma'lum bir kasbning etagini tutganimiz, ma'lum bir darajada bo'lganimiz holatlarning bariga ustozlar orqaligina erishamiz.

Ustozlar haqida uzundan-uzoq so'ylashga hojat yo'q. Zero, ustozlarga qancha ta'rif bersak, shuncha oz.

Eslatma: yuqoridagi tavsiyalar Imom Zarnujiyning "Ilm olish sirlari" kitobidan olindi.

Ilm olish sirlari mavzusida ham master-klass tashkil qilgan edik. Spikerimiz Doniyor Nasriddinov bilan bo'lib o'tgan suhbat ko'pchilikka manfaatli bo'ldi, degan umiddamiz.

Doniyor Nasriddinov bilan bo'lib o'tgan suhbat

Administratorga yozish

Tel: +998712001123 Ochish/sharhlash

2021-12-11 14:15:53 Ba'zi bir ilmlar kitoblarda emas, ustozlarda yashiringan bo'ladi

Bilasiz, qadimda olis safarga otlangan kemalar tunda o'z manzillariga omonlikda yetib olishlari uchun quruqlikda o'rnatilgan mayoqlar tomon harakatlanishgan.

Bu yerda kemani shogirdga, ustozlarimizni esa, to'g'ri manzillarni ko'rsatuvchi mayoqlarga qiyoslasak adashmagan bo'lamiz.

Ushbu qisqa video orqali bundan bir hafta oldin ilm olish yo'lidagi o'quvchilarimiz uchun shunday ustozlardan biri, Registon TV loyihasida bir nechta ko'rsatuvlar muallifi va "Sakinat" oila maktabi asoschisi Ikrom Sharif bilan "Najot ta'limdadir" mavzusida suhbatdan parchani ko'rishingiz mumkin.

Tez orada ushbu suhbatning to'liq shaklini YouTube sahifamiz orqali ko'rishingiz mumkin bo'ladi.

Tel: +998712001123

YouTube sahifa Ochish/sharhlash

2021-12-10 12:19:32 Ta'lim bu rivojlanish, rivojlanish bu ta'lim

Turli soha vakillarini kashf etishga bel bog'lagan "Osmondagi bolalar" loyihasining bu galgi mehmoni iqtisodchi professor Valijon Turakulov bo'ldilar.

Suhbat yurt rivoji uchun qilinishi lozim bo'lgan ishlar, muammolar va ularning yechimlari, ta'lim va shaxsiy rivojlanishga oid mavzular borasida bo'lib o'tdi. Ushbu suhbat orqali foydali va kerakli bilimlarni olishingizga ishonamiz.

Premyera bugun, soat 20:00 da "Osmondagi bolalar" YouTube sahifasida bo'lib o'tadi. Uni quyidagi havola orqali tomosha qilishingiz mumkin.

Havola:

Ochish/sharhlash

2021-12-09 17:16:26 ​​Ilm olish sirlari — barcha ilm talabida bo'lganlar ko'rishi kerak bo'lgan suhbat

Bir necha kun avval joylangan treyler orqali oʻquvchilar qalbiga kirib borgan suhbatdoshimiz — Doniyor Nasriddinov bilan boʻlib oʻtgan master-klassdan boxabarsiz.
⠀
Kutilgan suhbatni koʻrish vaqti keldi. Yaqin soatlar ichida premyerani tomosha qilish imkoniyatiga egasiz.
⠀
Suhbatni ilm talabida boʻlgan barcha yoshlarga koʻrishni tavsiya qilamiz. Suhbat davomida talabaning ilm olish jarayonidan tortib, ota-ona bilan munosabatlari, ustozga qanday hurmat koʻrsatilishi kerakligi va zehnga taʼsir qiluvchi omillarga alohida toʻxtalib oʻtildi.
⠀
Demak, bugun, 9-dekabr kuni, soat 20:00 da Doniyor Nasriddinovdan ilm olish sirlarini oʻrganamiz.

Premyerani koʻrish:

Ochish/sharhlash

2021-12-09 13:25:47 Najot Ta'lim tavsiya etadi!

Xabaringiz bor, Najot Ta'lim markazi zamonaviy kasblarni o'rganishda qo'l keladigan foydali maslahatlar berishni yo'lga qo'ygan. Shu vaqtgacha sahifalarimizda marketing, grafik dizayn va dasturlashda o'quvchilar uchun manfaatli bo'ladigan bir nechta postlar joylangandi.

Bugun shu an'anamizga sodiq qolgan holda, biz sizlarga dasturchilar kuzatib borishi kerak bo'lgan kanallar ro'yxatini taqdim qilmoqchimiz.

Sir emaski, biror sohada yaxshi mutaxassis bo'lish uchun ushbu soha yangiliklarini, hamda bu sohada tajribasi bo'lgan insonlar tavsiyalarini kuzatib, ulardan xabardor bo'lib borish kerak bo'ladi.

Yuqoridagi rasmlarda biz sizlarga dasturlashda bir necha yillik tajriba ega mutaxassislar kanallarining ro'yxatini keltirib o'tdik.

Agar sizda dasturlash kurslarini chuqurlashtirilgan tarzda o'rganish istagi bo'lsa, albatta, avval Foundation bosqichida o'qishni tavsiya qilamiz.

Foundation bosqichi imtihoniga ro'yxatdan o'tish

Tel: +998712001123

YouTube sahifa Ochish/sharhlash

2021-12-08 06:39:48 Konstitutsiyamiz qabul qilingan kun muborak bo'lsin!

Najot Ta'lim markazi jamoasi barcha O'zbekiston Respublikasi fuqarolarini Konstitutsiyamiz qabul qilingan kun bilan muborakbod etadi!

8-dekabr faqatgina kalendarda alohida belgilanganligi uchun emas, huquqlarimiz, burchlarimiz va vakolatlarimiz jamlangan qomus qabul qilinganligi uchun ham biz uchun alohida ahamiyat va qadrga ega.

Tinchligimiz va farovonligimiz abadiy bo'lsin! Ochish/sharhlash

2021-12-07 16:15:17 Shanba kuni bizda yana o'zgacha kun

Najot Ta'lim markazi grafik dizayn kursida ta'lim olayotgan o'quvchilar uchun navbatdagi musobaqalar ketma-ketligini e'lon qiladi.

SMM battle'da markazimizda grafik dizayn kurslarining nafaqat bootcamp tarzda, balki standart kurslarida dars boshlaganiga 3 oydan oshgan o'quvchilar ishtirok etishlari mumkin. Ushbu SMM dizayn tayyorlash bo'yicha musobaqada har bir o'quvchi individual dizayn qilishi kerak bo'ladi.

Bu hali hammasi emas. Shu kunning o'zida, musobaqa yakunlangach, grafik dizayn kursida brending darslarini tamomlagan o'quvchilar o'z guruhlarini tashkil qilgan holda yangi logo marafonga qatnashishlari mumkin.

Bu galgi logo marafon shartlari ham o'sha kunning o'zida e'lon qilinadi. O'z guruhingizga 6 kishidan ko'p bo'lmagan jamoangizni to'plang va musobaqada qatnashib, o'z bilimingizni sinab ko'ring!

Shanba, 11-dekabr kuni, soat 11:00 da Najot Ta'lim markazining Chilonzor filialida bo'lib o'tadi.

Rejalashtirilayotgan event'larga doir barcha ma'lumotlar bo'yicha grafik dizayn kursi ustozlari va tanlovni baholashda qatnashishi kutilayotgan hay'at a'zolari batafsil ma'lumot berishadi. Yuragida o'ti bor dizaynerlarni kutib qolamiz!

Administratorga yozish

Tel: +998712001123

YouTube sahifa Ochish/sharhlash

2021-12-07 12:47:05 "Google'dan zo'rini qilaman deyish..." — Ilm olish sirlaridan bebahra qolmang!

Tezlash, umring kam qoldi, qil, qil deb turadigan narsa bu — himmat, deya auditoriyani bir daqiqadayoq hayajonga solib qo'ygan spikerimiz Doniyor Nasriddinov bilan yangi rakursda, yangicha talqinda, butunlay o'zgacha atmosferada bo'lib o'tgan master-klassimizdan xabaringiz bor.

Suhbatga kela olmagan edingizmi yoki siz Najot Ta'lim o'quvchisi emasmisiz? Bular muammo emas, siz — aziz obunachilarimiz uchun yozib olingan video YouTube platformamizda premyera qilinishini mamnuniyat ila e'lon qilamiz!

Uzundan uzoq ta'riflarga hojat yo'q. Chunki ming marta eshitgandan, videosini bo'lsa ham bir marta ko'rgan yaxshi deganlaridek...

Demak, premyera vaqti: payshanba, 9-dekabr kuni, soat 20:00 da. Master-klassdan olgan insaytlaringizni izohlarda kutib qolamiz!

Administratorga yozish

Tel: +998712001123

YouTube sahifa Ochish/sharhlash